1 – ايدان 10 – ايعا دەيىن بۇكىل ەلىمىز بويىنشا ينتەرنەت ارقىلى بولشەك ساتۋ سوماسى 9 تريلليون 100 ميلليارد يۋان بولىپ، %10.9 ارتتى —
ىشكى قاجەتسىنۋدىڭ قايتا جاندانۋى تۇتىنۋ بازارىنا بەرىك نەگىز قالادى
حالىق گازەتىنىڭ ءتىلشىسى ۋاڭ جۇنليڭ
2020.11.23 15:31 كەلۋ قاينارى : حالىق تورابى
جۋىردا، «جاڭا تۇتىنۋ . حاڭجوۋعا ىڭكارلىق» 2020 – جىلعى حاڭجوۋ دەمالۋ – زات ساتىپ الۋ مەرەكەسى باستالدى ءارى حاڭجوۋ جۇڭگو جىبەك قالاسى جاياۋلار جولىن اشۋ سالتى جىجياڭ ولكەسى حاڭجوۋ قالاسىندا وتكىزىلدى. سۋرەتتە: تۇتىنۋشىلار حاڭجوۋ قالاسى جىبەك قالاسى جاياۋلار كوشەسىندەگى «جىبەك كەشكى بازارىندا» مايلى قاعاز قول شاتىرىن ساتىپ الۋدا. شينحۋا اگەنتتىگىنىڭ ءتىلشىسى حۋاڭ زۇڭجى فوتوسى.
جۋىردا، ساۋدا مينيسترلىگى تۇتىنۋدى ىلگەرىلەتۋ مەڭگەرمەسىنىڭ جاۋاپتىسى 2020 - جىلعى 10 – ايداعى تۇتىنۋ بازارى جاعدايىن تانىستىردى. 10 – ايدا، مەملەكەت مەرەكەسى التىن اپتالىعىنىڭ جانە ءتۇرلى تۇتىنۋدى ىلگەرىلەتۋ قيمىلدارىنىڭ جەبەۋىندە، تۇرعىنداردىڭ تۇتىنۋ قاجەتسىنۋى تولىق تاسقىنداتىلىپ، قوعامدىق بولشەك ساتۋ جالپى سوماسى جەدەل ارتتى، بۇل جۇڭگو تۇتىنۋ بازارىنىڭ زور كومەسكى كۇشىن، قۋاتتى دا بەرىك، تاسقىنداعان ومىرشەڭدىك كۇشىن ايگىلەدى.
ناقتى تۇيىندەردەن قاراعاندا، 10 – ايداعى تۇتىنۋ بازارى نەگىزىنەن تومەندەگىدەي بەس ءتۇرلى جاقتان ەرەكشەلىگىن ايگىلەدى:
بىرىنشىدەن، تۇتىنۋدىڭ ارتۋى اناعۇرلىم جەدەلدەدى. 10 – ايدا قوعامدىق تۇتىنۋ بۇيىمدارىن بولشەك ساتۋ جالپى سوماسى سايكەستى مەزگىلدەگىدەن %4.3 ارتتى، ارتۋ قارقىنى الدىڭعى ايداعىمەن سالىستىرعاندا 1.0 پايىز جەدەلدەدى، بۇل بيىل جىل باسىنان بەرگى ەڭ تەز بولعان ارتۋ قارقىنى بولىپ، جالعاستى 3 اي بويى ارتۋ ورىندالدى. ساۋدا مينيسترلىگى ءتۇيىندى تۇردە باقىلاعان بولشەك ساتۋشى 8000 كاسىپورننىڭ ساتۋ سوماسى سايكەستى مەزگىلدەگىدەن %2.2 ارتىپ، ارتۋ قارقىنى الدىڭعى ايداعىدان 0.4 پايىز تەزدەگەن، جالعاستى 5 اي بويى ارتۋدى ورىنداعان. «1 – قازان» التىن اپتالىعىندا، بۇكىل ەلىمىزدەگى بولشەك ساتۋ جانە اس – سۋ سالاسىندا ءتۇيىندى باقىلاۋ جۇرگىزىلگەن كاسىپورىنداردىڭ بولشەك ساتۋ سوماسى شامامەن ءبىر تريلليون 600 ميلليارد يۋان بولىپ، سايكەستى مەزگىلدەگىدەن %4.9 ارتقان.
ەكىنشىدەن، اۆتوموبيل قاتارلى تاۋارلاردى تۇتىنۋ جەدەل ارتقان. 10 – ايدا تاۋارلاردى بولشەك ساتۋ سوماسى 3 تريلليون 400 ميلليارد يۋان بولىپ، سايكەستى مەزگىلدەگىدەن %4.8 ارتقان، ارتۋ قارقىنى الدىڭعى ايداعىمەن سالىستىرعاندا 0.7 پايىز جەدەلدەگەن. شەكتى سومادان جوعارى بولعان ورىنداردىڭ 15 ءتۇرلى تاۋارىندا، 12 ءتۇرلىسىنىڭ ارتۋ قارقىنى الدىڭعى ايداعىمەن سالىستىرعاندا تۇرلىشە دەڭگەيدە جوعارىلاعان. مۇندا، اۆتوموبيل بازارىنىڭ قاجەتسىنۋى تاسقىنداپ، ساتىلىمى ۇزدىكسىز جەدەلدەپ، سايكەستى مەزگىلدەگىدەن %12 ارتقان، ارتۋ قارقىنى جالعاستى 4 اي بويى ەكى ورىندى ساننان اسقان، جاڭا ەنەرگيالى اۆتوموبيلدىڭ ساتىلىم مولشەرى سايكەستى مەزگىلدەگىدەن ەسەلەپ ارتقان؛ بەزەنۋ بۇيىمدارى، مادەنيەت – كەڭسە بۇيىمدارىنىڭ ساتىلىم مولشەرى جەكە – جەكە %18.3، %11.7 ارتىپ، جالعاستى 7 اي بويى ارتۋ بەتالىسىن ساقتاعان؛ كيىم – كەشەك جانە اياق كيىم، باس كيىم، كۇندەلىكتى تۇتىنۋ بۇيىمدارى، حابارلاسۋ اسپاپتارى قاتارلىلاردىڭ ساتىلىمى جەدەل جاندانىپ، جەكە – جەكە %12.2، %11.7 جانە %8.1 ارتقان.
ۇشىنشىدەن، اس – سۋ سالاسى قاتارلى قىزمەت وتەۋ سياپتىندىق تۇتىنۋ تۇرلەرى جەدەل جانداندى. 10 – ايدا اس – سۋ جاعىنداعى كىرىس سايكەستى مەزگىلدەگىدەن %0.8 ارتىپ، الدىڭعى ايداعىدان 3.7 پايىز قايتا ورلەگەن، بۇل جىل باسىنان بەرى تۇڭعىش رەت وڭ ارتۋدى ورىنداۋى. قاتىناس – تاسىمال، مادەنيەت، دەنە تاربيە، كوڭىل اشۋ قاتارلى قىزمەت وتەۋ سيپاتىندىق بازارلاردىڭ ومىرشەڭدىك كۇشى تاسقىنداپ، ساۋدا سيپاتىندىق قيمىلداردىڭ كورسەتكىشى %59 تەن جوعارى بولىپ، ءبىرشاما جوعارى ورەدە تۇرعان. بۇكىل ەلىمىز بويىنشا جەدەل جولداما مولشەرى 8 ميلليارد داناعا جەتىپ، سايكەستى مەزگىلدەگىدەن %38.9 ارتىپ، جالعاستى 7 اي بويى ارتۋ مولشەرى %30 تەن اسقان.
تورتىنشىدەن، ينتەرنەت ارقىلى تۇتىنۋ ۇزدىكسىز جوعارى قارقىنمەن ارتقان. 1 – ايدان 10 – ايعا دەيىن، بۇكىل ەلدەگى ينتەرنەتتەگى بولشەك ساتۋ سوماسى 9 تريلليون 100 ميلليارد يۋان بولىپ، سايكەستى مەزگىلدەگىدەن %10.9 ارتقان، 1 – ايدان 9 – ايعا دەيىنگىمەن سالىستىرعاندا 1.2 پايىز جوعارىلاعان. مۇندا ناقتى زاتتىق تاۋارلاردى ينتەرنەتتە بولشەك ساتۋ سوماسى 7 تريلليون 600 ميلليارد يۋان بولىپ، سايكەستى مەزگىلدەگىدەن %16.0 ارتقان، ارتۋ قارقىنى الدىڭعى ايداعىدان 0.7 پايىز جەدەلدەگەن، قوعامدىق بولشەك ساتۋ سوماسىنىڭ سالىستىرماسىندا %24.2 ۇستاعان، بىلتىرعى وسى مەزگىلدەگىدەن 4.8 پايىز جوعارىلاعان.
بەسىنشىدەن، تۇرعىنداردىڭ تۇتىناتىن باعاسى كورنەكتى دەڭگەيدە قايتا تومەندەدى. 10 – ايدا تۇرعىنداردىڭ تۇتىنۋ باعاسى سايكەستى مەزگىلدەگىدەن %0.5 ارتىپ، ارتۋ مولشەرى الدىڭعى ايداعىدان 1.2 پايىز تومەندەدى، بۇل 2017 – جىلى 4 – ايدان بەرى تۇڭعىش رەت %1 تەن تومەن دەڭگەيگە ءتۇسۋى.
«قازىر، ىندەت دۇنيە ءجۇزى بويىنشا ۇزدىكسىز كەڭىنەن تارالۋدا، ‹سىرتتان ەنۋدەن ساقتانۋ مەن ىشكى جاقتا قايتا تارالۋدان ساقتانۋ› قىسىمى ءالى دە ءبىرشاما زور، ەل ءىشى – سىرتىنداعى جاعداي كۇردەلى دە قاتاڭ، تۇتىنۋ بازارىنىڭ دامۋى ءالى دە كوپتەگەن فاكتورلاردىڭ شەكتەمەسىنە ۇشىراپ وتىر. سونىمەن بىرگە، ەلىمىز ەكونوميكاسى قالپىنا كەلۋ سيپاتىندىق ارتۋدى ءبىرشاما جەدەل ورىنداپ، كاسىپورىنداردىڭ قيىنشىلىقتان قۇتىلۋىنا دەم بەرۋ، ءونىمدى قارجىلاندىرۋ، حالىققا تيىمدىلىك جاساۋ ساياساتتارى اتقارىلىپ، ونىمدىلىگى كورىلىپ، ىشكى قاجەتسىنۋدىڭ قايتا جاندانۋى كورنەكتى بولدى، بۇل تۇتىنۋشىلار بازارىنىڭ اناعۇرلىم تەز، جوعارى ساپالى دامۋىنا بەرىك نەگىز قالادى»، اتالعان جاۋاپتى ادامنىڭ ايتۋىنشا، الداعى جەردە، ساۋدا مينيسترلىگى وسىزاماندانعان ساۋدا اينالىمى جۇيەسىن ۇزدىكسىز كەمەلدەندىرىپ، بيىل جىل سوڭى مەن كەلەر جىلى جىل باسىنداعى تۇتىنۋدى ىلگەرىلەتۋ قيمىلدارىن وتكىزۋدى ۇيىمداستىرىپ، بازار قامداۋىنىڭ ورنىقتىلىعىنا كەپىلدىك ەتىپ، تۇتىنۋ بازارىنىڭ ورنىقتى تۇردە قايتا جاندانۋىن، تاماشا بەتالىستىڭ ۇزدىكسىز قالپىنا كەلۋىن اناعۇرلىم بەكەمدەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved