بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

اۋىل شارۋاشىلىعى جانە اۋىل – قىستاق مينيسترلىگى «13 – بەسجىلدىق» جوسپار مەزگىلىندەگى اۋىل شارۋاشىلىعى عىلىم – تەحنيكاسى جاعىنداعى نىشاندىق جەتىستىكتەردى جاريالادى

2020.11.24 15:27     كەلۋ قاينارى : حالىق تورابى

  شينحۋا اگەنتتىگىنىڭ تىلشىلەرى حۋاڭ ياۋ، دۇڭ جۇندەردىڭ 11 – ايدىڭ 21 – كۇنى نانجيڭنەن بەرگەن حابارى. اۋىل شارۋاشىلىعى جانە اۋىل – قىستاق مينيسترلىگى جۋىردا «ەرەكشە كۇرىشتىڭ ءونىم مولشەرى مۋىنا 1000 كيلوگرامنان اسقانى» قاتارلى «13 – بەسجىلدىق» جوسپار مەزگىلىندەگى ەلىمىزدىڭ اۋىل شارۋاشىلىعى جانە اۋىل – قىستاق ەكونوميكاسى مەن قوعامىنىڭ دامۋىنا كورنەكتى ۇلەس قوسقان اۋىل شارۋاشىلىعى جاعىنداعى 10 ءتۇرلى نىشاندىق جەتىستىكتى جاريالادى.

  11 – ايدىڭ 20 – كۇنى، جياڭسۋ ولكەسى نانجيڭ قالاسىندا وتكىزىلگەن 2020 – جىلعى جۇڭگو اۋىل شارۋاشىلىعى جانە اۋىل – قىستاق عىلىم – تەحنيكاسىن دامىتۋ جوعارى دارەجەلى تالقى مىنبەرىندە، اۋىل شارۋاشىلىعى جانە اۋىل – قىستاق مينيسترلىگى بۇل 10 ءتۇرلى جەتىستىكتى جاريالادى: كۇرىشتىڭ گەندەر جيىنتىعىن زەرتتەۋ جانە ونى قولدانۋدا حالىقارالىق وزىق ورەگە جەتتىك، ەرەكشە كۇرىشتىڭ ءونىم مولشەرى مۋىنا 1000 كيلوگرامنان استى، H7N9 قۇس تۇماۋى ۆاكسيناسىن زەرتتەۋ ءساتتى بولدى ءارى كەڭ كولەمدە قولدانىلدى، گەنى وزگەرتىلگەن بورمي مەن سويا بۇرشاقتىڭ جاڭا سورتى ءساتتى جەتىلدىرىلدى، شوشقانىڭ ۆيرۋس سيپاتىندىق ءىشى ءوتۋى ءۇشتى بىرلەستىرگەن ءتىرى ۆاكسيناسىن زەرتتەۋ ءساتتى بولدى ءارى قولدانىلدى، قىسقى ءبيدايدىڭ سۋدى ۇنەمدەيتىن جاڭا سورتى مەن وعان سايكەستى تەحنيكالار شوعىرلى قولدانىلدى، بورميدىڭ ماشينامەن ورىلاتىن جاڭا ءتۇرى جانە سايكەستى تەحنيكالار جۇيەسى شوعىرلى قولدانىلدى، قيار، پاميدور، شىتىرشىق قاتارلى كوكونىستەردىڭ گەندەر جيىنتىعىن زەرتتەۋ جانە ونى قولدانۋدا حالىقارالىق وزىق ورەگە جەتتىك، قىشىنى ءوندىرۋدىڭ بۇكىل بارىسىن ماشينالاستىرۋدا كەلەلى ىلگەرىلەۋشىلىكتەرگە قول جەتكىزدىك، ايازدى جەردەگى ەرتە پىساتىن جاتاعان كۇرىشتىڭ ساپالى، جوعارى ءونىمدى، قارسىلىق قۋاتى جوعارى لۇڭجيڭ جەلىلەس سورتىن جەتىلدىرۋدە حالىقارالىق وزىق ورەگە جەتتىك.

  اۋىل شارۋاشىلىعى جانە اۋىل – قىستاق مينيسترلىگىنىڭ ورىنباسار مينيسترى جاڭ تاۋلين تالقى مىنبەرىندە بىلاي دەدى: «13 – بەسجىلدىق» جوسپار مەزگىلىندە، ەلىمىز اۋىل شارۋاشىلىعى عىلىم – تەحنيكاسى جاعىندا جاڭالىق اشۋ جانە جەتىسىكتەردى جالپىلاستىرۋ، قولدانۋ ىستەرىن كۇش سالا ىلگەرىلەتىپ، ءبىر توپ نىشاندىق كەلەلى عىلىم – تەحنيكالىق جەتىسىكتەرگە قول جەتكىزدى، اۋىل شارۋاشىلىعى عىلىم – تەحنيكاسى جاعىنداعى ۇلەس قوسۋ مولشەرى %60 تەن استى، باستى اۋىل شارۋاشىلىعى داقىلدارىن جيناۋدى ماشينالاستىرۋ ورەسى %70 تەن اسىپ، استىق ءوندىرىسىن 5 جىل بويى ءبىر تريلليون 500 ميلليارد جىڭنان جوعارى ورەدە ساقتاۋعا تىرەك بولىپ، اۋىل شارۋاشىلىعى جانە اۋىل – قىستاق ەكونوميكاسى مەن قوعامىنىڭ دامۋىندا تاريحي سيپاتتى جەڭىسكە قول جەتكىزۋگە زور ۇلەس قوستى.

  جاڭ تاۋلين مىنانى اتاپ كورسەتتى: «14 – بەسجىلدىق» جوسپار مەزگىلىندە، اۋىل شارۋاشىلىعى جانە اۋىل – قىستاق عىلىم تەحنيكاسى جاعىندا ءتۇپنۇسقالىق جاڭالىق اشۋ جانە شەشۋشى وزەكتى تەحنيكالاردان قامال الۋ كۇشەيتىلەدى، اۋىل شارۋاشىلىعىنىڭ نەگىزدىك زەرتتەۋ باعدارى جانە بولجامدىق ورنالاستىرىلۋى كۇشەيتىلەدى، اۋىل شارۋاشىلىعى جاعىندا «قىسپاققا الاتىن» تەحنيكالارعا نازاردى شوعىرلاندىرىلىپ، جۇيەلى تۇردە جاڭالىق اشۋ ۇزدىكسىز كۇشەيتىلىپ، شەشۋشى، وزەكتى تەحنيكالاردى دەربەس، مەڭگەرىمدى ورنالاستىرۋ ورىندالادى؛ قولدانىسقا ءتۇسىرۋ جەدەلدەتىلىپ، ءبىر توپ عىلىم – تەحنيكا كاسىپورىندارىنىڭ توعىسپالى تۇردە جاڭالىق اشۋ بىرلەسپە تۇلعاسى جانە كاسىپ سالاسىندىق تەحنيكادا جاڭالىق اشۋ قولدانىلمالى ۇلگى كورسەتۋ ۇلگىلەرى جاساقتالىپ، وسىزاماندانعان اۋىل شارۋاشىلىعى كاسىپ سالاسىنداعى عىلىم – تەحنيكالىق جاڭالىق اشۋ ورتالىعى ويداعىداي قۇرىلادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار