دۇنيە جۇزىلىك ينتەرنەت جينالىسىنىڭ كوك تىستى كىتاپتارى جاريالاندى
2020.11.24 15:55 كەلۋ قاينارى : حالىق تورابى
«حالىق گازەتى»، 11 - ايدىڭ 23 – كۇنى، حاڭجوۋ (ءتىلشى جاڭ سۇڭ). «دۇنيە ءجۇزىنىڭ ينتەرنەتتى دامىتۋ بايانداماسى 2020»، «جۇڭگونىڭ ينتەرنەتتى دامىتۋ بايانداماسى 2020» اتىنداعى كوك تىستى كىتاپتارعا بايلانىستى اقپار جاريالاۋ ءماجىلىسى 11 - ايدىڭ 23 – كۇنى جىجياڭ ولكەسىنىڭ ۋجىن قالاشىعىندا وتكىزىلدى. 2017 - جىلدان باستاپ كوك تىستى كىتاپ ءۇرتىس 4 جىل دۇنيە جۇزىنە جاريالاندى، بۇل − دۇنيە جۇزىلىك ينتەرنەت جينالىسىنىڭ ماڭىزدى نازاريالىق جانە امالياتتىق زەرتتەۋ تابىسى، سونداي - اق حالىقارانىڭ ينتەرنەتتى زەرتتەۋ سالاسىنداعى ەرەكشەلىككە يە ايگىلى ماركالاردىڭ ءبىرى سانالىپ، ەل ءىشى - سىرتىنىڭ نازارىن جاپپاي اۋدارىپ وتىر.
تانىستىرۋعا قاراعاندا، كوك تىستى كىتاپتا وتكەن ءبىر جىلدان بەرگى دۇنيە ءجۇزى مەن جۇڭگونىڭ ينتەرنەتتى دامىتۋ جاعدايى جۇيەلى، جان - جاقتى، شىنايى بەينەلەنگەن، مازمۇنى ينفورماتسيا نەگىزدىك قۇرىلعىلارى، ينتەرنەت ينفورماتسيا تەحنيكاسى، سيفرلى ەكونوميكا، سيفرلى ۇكىمەت جانە ەلەكتروندىق اكىمشىلىك ىستەر، ينتەرنەت مەديالارى قۇرىلىسى، ينتەرنەت حاۋىپسىزدىگى، ينتەرنەت كەڭىستىگىن زاڭمەن جونگە سالۋ قۇرىلىسى، ينتەرنەت كەڭىستىگىن حالىقارالىق تۇرعىدان جونگە سالۋ سياقتى ءتۇيىندى سالالاردى قامتىعان.
«دۇنيە ءجۇزىنىڭ ينتەرنەتتى دامىتۋ بايانداماسى 2020» اتتى كوك تىستى كىتاپتا دۇنيە ءجۇزىنىڭ ينتەرنەتتى دامىتۋ امالياتىنداعى جاڭا تەحنيكا، جاڭا قولدانىس، جاڭا دامۋ، جاڭا ماسەلەلەرگە نازار اۋدارىلعان. باياندامادا نەگىزدىك قۇرىلعى، جاڭالىق جاراتۋ قابىلەتى، كاسىپتى دامىتۋ سياقتى ولشەمدەر بويىنشا، دۇنيە جۇزىندەگى 48 مەملەكەت پەن رايون تاڭداپ الىنىپ، باعالانىپ، قاتارعا تۇرعىزىلعان، بۇلار 5 قۇرلىقتاعى نەگىزگى ەكونوميكالىق تۇلعالار مەن ينتەرنەتتى دامىتۋدا ۋاكىلدىك سيپاتقا يە ەلدەردى قامتىعان. ناتيجەدە كورسەتىلۋىنشە، ا ق ش پەن جۇڭگونىڭ ينتەرنەتتى دامىتۋى تاعى دا الدىڭعى قاتاردا تۇرعان، ەۆروپاداعى ءارقايسى ەلدىڭ ينتەرنەت قۋاتى كۇشتى ءارى ءبىرشاما قارايلاس بولعان، لاتىن امەريكاسى قۇرلىعى مەن ساحارانىڭ وڭتۇستىگىندەگى افريكا ءوڭىرىنىڭ ينتەرنەتتى دامىتۋدا العا باسۋى كورنەكتى بولعان. مۇنىڭ ىشىندە ا ق ش، جۇڭگو، گەرمانيا، ۇلى بريتانيا، سينگاپور جالپىلىق باعالاۋدا الدىڭعى 5 ورىندا تۇرعان.
«جۇڭگونىڭ ينتەرنەتتى دامىتۋ بايانداماسى 2020» اتتى كوك تىستى كىتاپتا ينتەرنەتتىڭ جاڭا تيپتى ايدارشا ۆيروس وكپە قابىنۋ ىندەتىنىڭ سوققىسىنا توتەپ بەرۋ، حالىقتىڭ قىزمەت، تۇرمىسىن قامتاماسىز ەتۋ، ەكونوميكانىڭ قالپىنا كەلۋىن، ارتۋىن جەدەلدەتۋ جاقتارىندا اتقارعان ماڭىزدى رولى كورنەكتىلەندىرىلگەن. باياندامادا ينفورماتسيا نەگىزدىك قۇرىلعى قۇرىلىسى، جاڭالىق جاراتۋ قابىلەتى، سيفرلى ەكونوميكانى دامىتۋ، ينتەرنەت قولدانىسى، ينتەرنەت حاۋىپسىزدىگى جانە ينتەرنەتتى جونگە سالۋ سياقتى ولشەمدەر بويىنشا، 31 ولكە، اۆتونوميالى رايون، توتە قاراستى قالانىڭ ينتەرنەتتى دامىتۋ جاعدايىنا باعالاۋ جۇرگىزىلگەن. ناتيجەدە كورسەتىلۋىنشە، بەيجيڭ، گۋاڭدۇڭ، شاڭحاي، جياڭسۋ، جىجياڭ، شاندۇڭ، سىچۋان، فۋجيان، تيانجين، چۇڭچيڭ جالپىلىق باعالاۋدا الدىڭعى 10 ورىندا تۇرعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
