كەلەر جىلى 1 - ايدىڭ 1 - كۇنىنەن باستاپ ەلىمىز قاتتى قوقسىقتى يمپورت ەتۋگە جاپپاي تيىم سالادى
2020.12.01 08:28 كەلۋ قاينارى : حالىق تورابى
«حالىق گازەتى»، 11 - ايدىڭ 29 – كۇنى، بەيجيڭ (ءتىلشى كوۋ جياڭزى). ەكولوگيالىق ورتا مينيسترلىگى، ساۋدا مينيسترلىگى، مەملەكەتتىك دامۋ جانە رەفورما كوميتەتى، كەدەن باس مەكەمەسى جۋىردا بىرلەسىپ حابارلاندىرۋ شىعاردى، وندا بىلاي دەلىندى: 2021 – جىلى 1 - ايدىڭ 1 – كۇنىنەن باستاپ ەلىمىز جاراقسىز قاتتى زاتتاردى يمپورت ەتۋگە جاپپاي تيىم سالادى، جاراقسىز قاتتى زاتتاردى ءارقانداي تاسىلمەن يمپورت ەتۋگە، ەلىمىزدىڭ شەكارا سىرتىنداعى جاراقسىز قاتتى زاتتاردى شەكارادان كىرگىزىپ توگۋگە، جيناپ قويۋعا، ءبىر جاقتى ەتۋگە تيىم سالىنادى.
حابارلاندىرۋدا مىنالار ايقىن بەلگىلەندى: ەلىمىز جاراقسىز قاتتى زاتتاردى يمپورت ەتۋگە جاپپاي تيىم سالادى، ەكولوگيالىق ورتا مينيسترلىگى يمپورت ەتۋگە شەك قوياتىن جاراقسىز قاتتى زاتتاردى يمپورت ەتۋ رۇقسات كۋالىگىن ەندىگارى تەكسەرىپ بەكىتپەيدى، تاراتپايدى. كەدەننىڭ ەرەكشە باقىلاۋ - باسقارۋ ءوڭىرى مەن قورعامالى باجى باقىلاۋ - باسقارۋ ورنى ىشىندە پايدا بولعان، شەكارادان قايتا شىعارىلماعان جاراقسىز قاتتى زاتتار، كەدەننىڭ ەرەكشە باقىلاۋ - باسقارۋ ءوڭىرى جانە قورعامالى باجى باقىلاۋ - باسقارۋ ورنى سىرتىندا ورىستەتىلگەن قورعامالى باجى بويىنشا جوندەۋ جانە قايتالاي جاساۋ كاسىپتىك ورىندارىنىڭ ءوندىرىس جۇمىسى بارىسىندا جارىققا شىققان، شەكارادان قايتا شىعارىلماعان جاراقسىز قاتتى زاتتار ەل ىشىندەگى جاراقسىز قاتتى زاتتارعا قولدانىلاتىن قاتىستى بەلگىلەمەلەر بويىنشا باسقارىلادى. 2020 - جىلى ەكولوگيالىق ورتا مينيسترلىگى تەكسەرىپ بەكىتىپ تاراتقان يمپورت تۇرىندەگى شيكىزات رەتىندە پايدالانۋعا بولاتىن قاتتى جاراقسىز زاتتاردى يمپورت ەتۋ رۇقسات كۋالىگى كۋالىكتە انىق جازىلعان 2020 - جىلى كۇشكە يە بولۋ مەرزىمى ىشىندە ىستەتىلۋى كەرەك، مەرزىمى وتكەننەن دەيىن وزدىگىنەن كۇشىن جويادى.
ەكولوگيالىق ورتا مينيسترلىگى قاتتى جاراقسىز زاتتار جانە حيميالىق زاتتار تارماق مەكەمەسىنىڭ قاتىستى جاۋاپتىسى مىنانى ءبىلدىردى: قاتىستى بەلگىلەمەلەرگە قايشىلىق جاساپ، شەكارا سىرتىنداعى جاراقسىز قاتتى زاتتاردى شەكارادان كىرگىزسە، قاتتى كۇيدەگى جاراقسىز زاتتار زاڭى سياقتى زاڭدار مەن زاڭ - ەرەجەلەرگە ساي، كەدەن قايتارىپ اكەتۋدى بۇيىرادى، وعان قوسا اقشالاي ايىپ سالادى؛ ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرلىگى قۋزالادى. سونىمەن بىرگە، تاسۋشىلار جاراقسىز قاتتى زاتتاردى كەرى تاسۋ، ءبىر جاقتى ەتۋ بارىسىندا يمپورت ەتۋشىلەرمەن بىرگە ىلىكتەس جاۋاپكەرلىك ارقالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
