2020 – جىلى مەملەكەتتىك «نەگىزگى زاڭدى ۇگىتتەۋ اپتالىعى» قيمىلى باستالدى
2020.12.01 14:39 كەلۋ قاينارى : حالىق تورابى
شينحۋا اگەنتتىگىنىڭ 11 – ايدىڭ 30 – كۇنى بەيجيڭنەن بەرگەن حابارى. 7 - رەتكى مەملەكەتتىك نەگىزگى زاڭ كۇنى كەلۋ قارساڭىندا، ورتالىق ۇگىت ءبولىمى، ٵدىليا مينيسترلىگى، مەملەكەتتىك زاڭدى جالپىلاستىرۋ كەڭسەسى 11 – ايدىڭ 30 – كۇنى بەيجيڭدە 2020 ـ جىلعى مەملەكەتتىك «نەگىزگى زاڭدى ۇگىتتەۋ اپتالىعىن» باستاۋ سالتىن وتكىزدى.
بيىلعى «نەگىزگى زاڭدى ۇگىتتەۋ اپتالىعىنىڭ» نەگىزگى تاقىرىبى «شي جينپيڭ زاڭمەن باسقارۋ يدەياسىن ىشكەرىلەي ۇيرەنۋ، ۇگىتتەۋ، نەگىزگى زاڭ رۋحىن بارىنشا ساۋلەلەندىرۋ ». باستالۋ سالتىنداعى نەگىزگى ءماجىلىس الاڭى ءادىليا مينيسترلىگىنىڭ ورگانىندا قۇرىلادى ءارى بەينە ـ ەكران ءماجىلىسى ءتاسىلى ارقىلى ءارقايسى ولكە (رايون، قالا) ءادىليا مەڭگەرمەلەرىنىڭ (مەكەمە) بولىمشە ءماجىلىس زالىنا جالعانادى.
ءتىلشىنىڭ ۇعىسۋىنشا، 11 – ايدىڭ 30 – كۇنىنەن 12 – ايدىڭ 6 - كۇنىنە دەيىن، جەر - جەر، تاراۋلار جەرگىلىكتى جاعدايعا قاراي ءبىرقىدىرۋ ەرەكشەلىككە يە نەگىزگى زاڭدى ۇگىتتەۋ قيمىلدارىن ورىستەتەدى.
بەيجيڭدە، بەيجيڭ زاڭ جالپىلاستىرۋ وداعىنىڭ ءار سالاداعى زاڭ جالپىلاستىرۋ ۇگىت قىزمەت وتەۋ اترەتى نەگىزگى ساتىعا بارىپ، نەگىزگى زاڭدى جانە حالىق بۇقاراسىنىڭ كۇندەلىكتى تۇرمىسىمەن تىعىز قاتىستى زاڭ، زاڭدىق ەرەجەلەردى زور كۇشپەن ۇگىتتەيدى؛ تيانجيندە، زاڭ عىلىمىنداعى «بىلىكتىلەردىڭ» قول استىنداعى «ءجۇز زاڭگەر زاڭمەن جونگە سالۋ جونىندە ءجۇز مايدان ۇگىت ـ لەكسيا قيمىلىن» وتكىزىپ، ۇگىت ـ لەكسيا اپتالىعىندا بۇقاراعا «زاڭمەن جونگە سالۋ سالتاناتىن» ۇسىنادى؛ جياڭشيدە، جاستاردىڭ زاڭدى جالپىلاستىرۋ ەرىكتىلەرى، سۋديالارى، پروكۋرورلارى، ادۆوكاتتارى ۇگىت اپتالىعى كەزىندە الەۋمەتتىك اۋماقتارعا بارىپ زاڭدى جالپىلاستىرۋ ۇگىتىن جۇرگىزۋمەن بىرگە، ۇلان - بايتاق اۋىل - قىستاقتاردا «زاڭعا جەتىك ادامدار» دا نەگىزگى زاڭ بىلىمدەرى تاربيەسىن ءبىرتۇتاس ورىستەتەدى، نەگىزگى زاڭ رۋحىن اۋىل ـ قىستاقتاردى ، وتباسىلارىن ارالاپ وي ـ ساناعا ۇيالاتادى.
ورتالىق مەملەكەتتى زاڭمەن باسقارۋ كەڭسەسىنىڭ ورىنباسار مەڭگەرۋشىسى، ٵدىليا مينيسترلىگىنىڭ مينيسترى، مەملەكەتتىك زاڭدى جالپىلاستىرۋ كەڭسەسىنىڭ مەڭگەرۋشىسى تاڭ يجۇن باستالۋ سالتىندا بىلاي دەپ باسا دارىپتەدى: تاياۋدا اشىلعان ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسى پارتيامىز بەن مەملەكەتىمىزدىڭ تاريحىندا ءداۋىر بولگىش، بەلەستىك مانگە يە. ءماجىلىستىڭ ەڭ ماڭىزدى ناتيجەسى − شي جينپيڭ زاڭمەن جونگە سالۋ يدەياسىن ايقىن العا قويدى، ءارى ونى جاڭا داۋىردەگى مەملەكەتتى جاپپاي زاڭمەن جونگە سالۋدىڭ جەتەكشى يدەياسى ەتۋ ەلىمىزدىڭ سوتسياليستىك زاڭمەن جونگە سالۋ قۇرىلىسى بارىسىندا كەلەلى ساياسي، نازاريالىق، امالياتتىق مانگە يە. «نەگىزگى زاڭدى ۇگىتتەۋ اپتالىعىن» وراي ەتىپ، شي جينپيڭ زاڭمەن جونگە سالۋ يدەياسىن ۇيرەنۋ، ۇگىتتەۋ مەن زاڭدى جالپىلاستىرۋ ۇگىتىن ۇشتاستىرىپ، ۇيرەنۋ ـ تاربيەنى ورىستەتىپ، ۇگىتتەپ، ءتۇسىندىرۋدى كۇشەيتىپ، دايەكتىلەندىرۋدى، تياناقتاندىرۋدى مىقتى يگەرۋ كەرەك.
ورتالىق ۇگىت ءبولىمىنىڭ ورىنباسار باستىعى جياڭ جيانگو بىلاي دەدى: ءار دارەجەلى ۇگىت تاراۋلارى شي جينپيڭ زاڭمەن جونگە سالۋ يدەياسىن ۇيرەنۋدى، ۇگىتتەۋدى ماڭىزدى ساياسي مىندەت ەتىپ، ءتۇرلى تاراتۋ تاسىلدەرىنەن ءبىرتۇتاس پايدالانىپ، شي جينپيڭ زاڭمەن جونگە سالۋ يدەياسىنىڭ جۇرت جۇرەگىنە تەرەڭ ۇيالاۋىن، تەرەڭ تامىر تارتۋىن ىلگەرىلەتۋ كەرەك. «نەگىزگى زاڭدى ۇگىتتەۋ اپتالىعى» قيمىلىن زور كۇشپەن قانات جايدىرىپ، نەگىزگى زاڭ مەن زاڭداردى كۇندەلىكتى تۇرمىسپەن توعىستىرىپ، حالىق بۇقاراسىنا ءسىڭىرىپ، تۇتاس قوعامدا نەگىزگى زاڭدى ۇيرەنۋ، ۇگىتتەۋ ورلەۋىن قالىپتاستىرۋدى ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
