بۇكىل ەلىمىز بويىنشا يمپورت ەتىلگەن توڭازىتىلعان ازىق – تۇلىكتەر تىزبەگىنىڭ دەرەگىن ىزدەۋدى باسقارۋ تەكشەسى ينتەرنەتتە ىسكە قوسىلدى
2020.12.03 15:33 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاۋ ۋىنجۇننىڭ 12 – ايدىڭ 2 – كۇنى بەيجيڭنەن بەرگەن حابارى. ءتىلشىنىڭ 12 – ايدىڭ 2 – كۇنى بازاردى باقىلاۋ – باسقارۋ باس مەكەمەسىنەن ۇعىسۋىنشا، بۇكىل ەلىمىز بويىنشا يمپورت ەتىلگەن توڭازىتىلعان ازىق – تۇلىكتەر تىزبەگىنىڭ دەرەگىن ىزدەۋدى باسقارۋ تەكشەسى قۇرىلعان ءارى ينتەرنەتتە ىسكە قوسىلعان، قازىر تەكشەگە قوسىلىپ، جۇمىس اتقارا باستاعان 9 ولكەنىڭ (توتە قاراستى قالانىڭ) توڭازىتىلعان ازىق – تۇلىك العاشقى بەكەتتىك يمپورت مولشەرى بۇكىل ەلىمىزدەگى مولشەردىڭ %90 ىنەن استامىن ۇستايدى.
ۇعىسۋعا قاراعاندا، اتالعان تەكشە كەدەننەن تارتىپ، ءوندىرىس جانە مانەرلەۋ، تولايىم ساتۋ جانە پارشا ساتۋ، اس – سۋ سالاسىندا قىزمەت وتەۋ سىندى بۇكىل تىزبەكتەگى دەرەكتەردى ىزدەۋ مۇمكىندىگىن نەگىزىنەن ىسكە اسىرعان، بۇل جەلىدە تەكسەرۋ، دالمە – ءدال باسقارۋ – مەڭگەرۋ، ناق مايداندا ءبىرجاقتىلى ەتۋ قاتارلى جاقتاردا ماڭىزدى رول اتقارادى.
بازاردى باقىلاۋ – باسقارۋ باس مەكەمەسى 12 – ايدىڭ 1 – كۇنى يمپورت ەتىلگەن توڭازىتىلعان ازىق – تۇلىكتەر تىزبەگىنىڭ دەرەگىن ىزدەۋدى باسقارۋ قىزمەتىن كۇشەيتۋ جونىندەگى بەينە ەكران ءماجىلىسىن اشىپ، ءارقايسى ولكە (اۆتونوميالى رايون، توتە قاراستى قالالارداعى) بازاردى باقىلاۋ – باسقارۋ تاراۋلارىنان ولكە دارەجەلى تەكشەنى جاقسارتۋ جانە كەمەلدەندىرۋدى، مەملەكەتتىك تەكشەمەن ساندى دەرەكتەردى ۇشتاستىرۋدى جەدەلدەتۋدى، ءوندىرىس جانە تيجاراتپەن شۇعىلداناتىنداردىڭ زاتتاردىڭ كەلۋ قاينارى، باراتىن باعدارى، سانى، ورنى قاتارلى ماڭىزدى ساندى دەرەكتەردى دەر كەزىندە، دۇرىس شىعارۋىنا جەتەكشىلىك ەتۋى جانە ولارعا قۋزاۋ سالۋى، وسى ارقىلى «كەلۋ قاينارىن تەكسەرۋگە بولاتىن، باراتىن باعدارىن تەكسەرۋگە بولاتىن» جاعدايعا كەپىلدىك ەتىپ، قالىپسىز جاعداي تۋىلعان كەزدە، «ءبىر تەتىكپەن تەكسەرۋ، دەرەۋ ورنىن تۇراقتاندىرۋعا» مۇمكىندىك جاساپ، ىندەتتەن ساقتانۋ – تىزگىندەۋگە قىمباتتى ۋاقىتتى ۇنەمدەۋى كەرەك.
ماجىلىستە مىنالار تالاپ ەتىلدى: ءار دارەجەلى بازاردى باقىلاۋ – باسقارۋ تاراۋلارى ازىق – تۇلىكتەردى يمپورت ەتەتىن ساۋدەگەرلەر، وندىرەتىن جانە تيجارات ەتەتىن كاسىپورىندار، ازىققا ىستەتىلەتىن اۋىل شارۋاشىلىعى ونىمدەرىن تولايىم ساتۋ بازارلارى، ساۋدا سارايلارىنداعى ەرەنبازارلار، شيكى ونىمدەردى ساۋدالايتىن ەلەكتروندىق ساۋدا تەكشەلەرى، اس – سۋ كاسىپورىندارى قاتارلىلارعا جالپى بەتتىك اداقتاۋ جۇرگىزۋى كەرەك، كاسىپورىندار وزدەرى جاساعان توڭازىتۋ قويمالارىن، ءۇشىنشى جاقتىڭ توڭازىتۋ قويمالارىن جىل سوڭىنان بۇرىن بۇكىلدەي ەستەلىككە الىپ بولۋ كەرەك. يمپورت ەتىلگەن توڭازىتىلعان ازىق – تۇلىكتەردى كەدەننەن ەنگىزۋدەن تارتىپ، شەكارا ىشىندە ءوندىرۋ، اينالىمعا ءتۇسىرۋ، ساتۋ جالپى بارىسىندا ساقتانۋ – تىزگىندەۋدى قاتاڭداستىرۋ، تەكسەرۋ – كارانتيندەۋ كۋالىگى بولماسا، نۋكلەين قىشقىلىن تەكسەرۋ مالىمەتى بولماسا، ديزەنفەكسيالاۋ ىسپاتى بولماسا، دەرەگىن تابۋعا بولماسا، بازارعا شىعارىپ ساتۋعا بولمايدى. كەلۋ قاينارى ايقىن بولماعان، قاتىستى قۇجاتتارى تولىق بولماعان، يمپورت ەتىلگەن توڭازىتىلعان ازىق – تۇلىكتەردى تەكسەرۋ جانە وعان سوققى بەرۋ تەبىنىن كۇشەيتۋ، وندىرۋشىلەر مەن تيجارات ەتۋشىلەردىڭ توڭازىتىلعان ازىق – تۇلىكتەردى يمپورت ەتۋدە ارناۋلى جولمەن زات ەنگىزۋىنە، ارناۋلى رايوندا ساقتاۋىنا، ارناۋلى رايوندا ساتۋىنا جەتەكشىلىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
