بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>ەل ءىشى حابارلارى

2020 – جىلدىڭ سوڭىنا دەيىن، كەدەي جان سانى تۇگەل تىزىمدىكتەن شەگىنىپ شىعادى

2020.12.03 15:56   كەلۋ قاينارى : حالىق تورابى



  سۋرەتتە: 12 – ايدىڭ 2 – كۇنى، مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنىڭ ورىنباسار مەڭگەرۋشىسى وۋ چيڭپيڭ، حىبەي ولكەلىك كەدەيلەردى سۇيەمەلدەۋ كەڭسەسىنىڭ مەڭگەرۋشىسى لي جىگاڭ، جياڭشي ولكەسى شينيۇي قالالىق پارتكومنىڭ ورىنباسار شۋجيى زىڭ پيڭ، گۇيجوۋ ولكەسى جياڭكوۋ اۋداندىق پارتكومنىڭ شۋجيى ياڭ حۋاشياڭ قايتا كەدەيلەسۋدىڭ الدىن الۋدى تەكسەرۋ جانە كەدەيلەردى سۇيەمەلدەۋ قىزمەتىنىڭ جاعدايىن تانىستىردى ءارى تىلشىلەردىڭ سۇراۋلارىنا جاۋاپ بەردى. شينحۋا اگەنتتىگىنىڭ ءتىلشىسى ساي ياڭ فوتوسى

  شينحۋا اگەنتتىگىنىڭ ءتىلشىسى حوۋ شۋەجيڭ 12 – ايدىڭ 2 – كۇنى بەيجيڭنەن حابارلايدى. مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنىڭ ورىنباسار مەڭگەرۋشىسى وۋ چيڭپيڭ 12 – ايدىڭ 2 – كۇنى مەملەكەتتىك كەڭەس اقپارات كەڭسەسى وتكىزگەن اقپار جاريالاۋ ماجىلىسىندە مىنانى ءبىلدىردى: قالعان كەدەي جان سانى قازىر تىزىمدىكتەن شەگىنىپ شىعۋ رەسميەتىن وتەۋدە، قازىرگى جاعدايدان الىپ قاراعاندا، جىل سوڭىنا دەيىن، كەدەي جان سانى تۇگەل تىزىمدىكتەن شەگىنىپ شىعادى.

  «كەدەيلىكتەن ارىلتۋدان قامال الۋدىڭ ساپاسى مەن ونىمدىلىگىنە كەپىلدىك ەتۋ ءۇشىن، ورتالىق كوميتەتتىڭ شەشىمدەرى مەن ورنالاستىرۋلارى بويىنشا، بيىل جىل باسىندا ءبىز قايتا كەدەيلەسۋدەن ساقتانۋ جانە كەدەيلەردى سۇيەمەلدەۋدى باقىلاۋ – تەكسەرۋ مەحانيزمىن قۇرىپ، كەدەيلىكتەن ارىلتۋ جاعىنداعى قالعان مىندەتتەردى ورىنداۋدا قامال الۋمەن بىرگە، ءونىمدى شارالاردى قولدانىپ، قايتا كەدەيلەسۋدىڭ الدىن الدىق»، — دەدى وۋ چيڭپيڭ.

  قازىرگى تاڭدا، بۇكىل قوعام نازار اۋدارىپ وتىرعان «كەدەيلىكتەن ارىلعان سوڭ، ساياسات وزگەرە مە، جوق پا؟» دەگەن ماسەلە جونىندە، وۋ چيڭپيڭ بىلاي دەدى: ساياساتتىڭ جالپى جاقتاعى ورنىقتىلىعى ساقتالادى، كەدەيلىكتەن ارىلتۋ مەزگىلى اياقتاعان سوڭ، وتپەلى كەزەڭ ورنالاستىرىلادى، وتپەلى كەزەڭدە «ءتورتتى توقتاتپاۋ» جالعاستى اتقارىلادى، اتاپ ايتقاندا، قالپاعى الىنعانىمەن، جاۋاپكەرشىلىكتى توقتاتپاۋ، قالپاعى العانىمەن، ساياساتتى توقتاتپاۋ، قالپاعى الىنعانىمەن، سۇيەمەلدەۋدى توقتاتپاۋ، قالپاعى الىنعانىمەن، باقىلاۋ – باسقارۋدى توقتاتپاۋ اتقارىلىپ، كەدەيلىكتەن ارىلتۋدان قامال الۋ ناتيجەلەرى شىنايى بەكەمدەلەدى.

  وۋ چيڭپيڭ مىنانى ءبىلدىردى: ورتالىق كوميتەتتىڭ تالابىنا ساي، قازىر ورتالىق كوميتەتتىڭ اۋىل – قىستاق قىزمەتىنە باسشىلىق ەتۋ گرۋپپاسى مەن مەملەكەتتىك كەڭەستىڭ كەدەيلەردى سۇيەمەلدەۋ – كوركەيتۋ قىزمەتىنە باسشىلىق ەتۋ گرۋپپاسى كەدەيلىكتەن ارىلتۋدان قامال الۋ جەتىستىكتەرىن اۋىل – قىستاقتى گۇلدەندىرۋمەن ءونىمدى ۇشتاستىرۋ جاعىنداعى جەتەكشى پىكىردى زەرتتەپ بەكىتۋدە، قاتىستى تاراۋلارمەن بىرگە كەدەيلىكتەن ارىلتۋدان قامال الۋ مەزگىلىندەگى اتقارىلعان قولداۋ كورسەتۋ ساياساتتارىن كەمەلدەندىرىپ، رەتكە سالۋدا، قاتىستى قىزمەتتەر جونىندە زەرتتەۋ جۇرگىزىپ، ورنالاستىرۋ جاساۋدا.

  وۋ چيڭپيڭ مىنانى ءبىلدىردى: كەلەسى قادامدا اۋىل – قىستاقتارداعى كىرىسى تومەن جان سانى مەن دامۋى كەنجە وڭىرلەردەگى كەدەيلەرگە باعىتتالعان سۇيەمەلدەۋ مەحانيزمىن قۇرۋ كەرەك. العاشقى قادامدا باتىس بولىكتەگى كەدەيلىكتەن ارىلىپ، قالپاعىن الىپ تاستاعان اۋدانداردان قيىنشىلىعى بار ءبىر ءبولىم اۋدانداردى سارالاپ، وسى ءتۇيىندى سۇيەمەلدەنەتىن اۋدانداردىڭ ىشكى دامۋ قوزعاۋشى كۇشىن ارتتىرۋدى جانە كەدەيلىكتەن ارىلتۋدان قامال الۋ جەتىسىكتەرىن بەكەمدەۋدى ويلاستىرىپ وتىرمىز.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت