«ادام مەن زاتتان بىردەي ساقتانۋعا» تاباندى بولىپ، ءجۇرىس – تۇرىس بارىسىندا ادامدار شوعىرلاناتىن ۋاقىتتان مۇمكىندىگىنشە اۋاشالانۋ كەرەك (مەملەكەتتىك كەڭەستىك بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىنەن)
2020.12.04 15:14 كەلۋ قاينارى : حالىق تورابى
حالىق گازەتىنىڭ ءتىلشىسى شىن شاۋتيە 12 – ايدىڭ 3 – كۇنى بەيجيڭنەن حابارلايدى. 12 – ايدىڭ 3 – كۇنى، مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى اقپار جاريالاۋ ءماجىلىسىن اشىپ، قىس مەزگىلىندە ىندەتتەن ساقتانۋ – تىزگىندەۋ جانە قىزۋدى تەكسەرۋ امبۋلاتورياسىن ورنالاستىرۋ – باسقارۋ جاقتارىنا قاتىستى جاعدايلاردى تانىستىردى.
قازىر، شەتەلدە ىندەت ۇزدىكسىز تارالۋدا، ىندەتتىڭ سىرتتان ەنۋ حاۋىپ – قاتەرى ۇزدىكسىز جوعارىلاۋدا، ونىڭ ۇستىنە، قىس مەزگىلىندەگى تىنىس جولى جۇقپالى اۋرۋلارى كوپ تۋىلاتىن مەزگىل، ەلىمىزدە ىندەتتەن ساقتانۋ – تىزگىندەۋ قىسىمى ارتۋدا. جۋىردا مەملەكەتتىك دەنساۋلىق ساقتاۋ – سالاماتتىق كوميتەتى مەملەكەتتىك ساقتانۋ – تىزگىندەۋ ماماندار گرۋپپاسىن قۇرىپ، ىندەتتەن ساقتانۋ – تىزگىندەۋ جاعىندا ينتەرنەتتىك كۋرس جانە ناقتى جاتتىعۋ ۇيىمداستىردى، بۇكىل ەلىمىز بويىنشا جيىنى 2 ميلليون 950 مىڭ ادام كۋرسقا قاتىناستى؛ ءىشىنارا وڭىرلەردە شوعىرلى سيپاتتى ىندەت جاعدايىنىڭ تۋىلۋىنا باعىتتاي وتىرىپ، مەملەكەت دارەجەلى ماماندار گرۋپپاسىن دەر كەزىندە جىبەرىپ، ىندەتتەن ساقتانۋ جانە ونى ءبىرجاقتىلى ەتۋ قىزمەتتەرىن ويداعىداي ىستەۋىنە جەتەكشىلىك ەتتى.
«قىس مەزگىلىندە ىندەتتىڭ تارالۋ حاۋىپ – قاتەرى جوعارىلايدى، جۇرتشىلىقتىڭ قىس مەزگىلىندە جەكەلىك ساقتانۋ – قورعانۋ شارالارىن ۇزدىكسىز ويداعىداي ىستەۋى جونىندە كەڭەس بەرەمىز»، — دەدى مەملەكەتتىك دەنساۋلىق ساقتاۋ – سالاماتتىق كوميتەتىنىڭ ورىنباسار مەڭگەرۋشىسى ۋ لياڭ، — «ماسكى تاعۋ، قولدى ۇنەمى جۋۋ، اۋا الماستىرىپ تۇرۋ قاتارلى تاماشا تازالىق ادەتتەرىن ساقتاۋ كەرەك. مەرەكە، دەمالىس مەزگىلىندە، قاتىناس، ساياحات قاتارلى ينفورماتسيالارعا نازار اۋدارىپ وتىرۋ، ادامدار شوعىرلانعان ۋاقىتتان اۋاشالانىپ جولعا شىعۋعا كوڭىل ءبولۋ، وتە – موتە، بۇكىل ساپار بارىسىندا جەكەلىك ساقتىقتى ويداعىداي ىستەۋ، ادامدار ءجيى شوعىرلاناتىن جەرلەرگە بارۋدان بارىنشا ساقتانۋ كەرەك. كۇماندى جاعداي بايقالسا، ءسوزسىز، ماسكى تاعۋ ءارى دەر كەزىندە سول ماڭداعى ەمحانالارعا بارىپ تەكسەرىلۋ كەرەك.
جاڭا تيپتى ايدارشا ۆيرۋستىڭ توڭازىتىلعان زاتتاردى تاسىمالداۋ جولدارى ارقىلى تارالۋىنان ساقتانۋ ءۇشىن، قاتىناس – تاسىمال تاراۋلارى يمپورت ەتىلگەن توڭازىتىلعان ازىق – تۇلىكتەردى تيەۋ – ءتۇسىرۋ جانە تاسىمالداۋ بارىسىندا «ادام مەن زاتتان بىردەي ساقتانۋعا» تاباندى بولادى. قاتىناس – تاسىمال مينيسترلىگى تاسىمالدىق قىزمەت وتەۋ مەڭگەرمەسىنىڭ ورىنباسار باستىعى لي حۋاچياڭ بىلاي دەپ تانىستىردى: قاتىناس – تاسىمال تاراۋلارى وسى كاسىپپەن شۇعىلدانۋشىلاردان ساقتانۋ - قورعانۋدى كۇشەيتۋدى، توڭازىتىلعان زاتتاردى تاسىمالداۋ ءبىرىنشى شەبىندەگى قىزمەتكەرلەردىڭ حاۋىپسىزدىگىنە كەپىلدىك ەتۋدى تالاپ ەتتى؛ يمپورت ەتىلگەن توڭازىتىلعان ازىق – تۇلىكتەردى تاسىمالدايتىن اۆتوموبيل، كەمە قاتارلى تاسىمال قۇرالدارىنا جانە جۇك قوراپتارىنا قاتاڭ زارارسىزداندىرۋ جۇرگىزۋدى كۇشەيتتى؛ توڭازىتىلعان زاتتاردى تاسىمالدايتىن كاسىپورىنداردىڭ ينفورماتسيالارىن تىزىمگە الۋ جانە باسقارۋدى كۇشەيتىپ، بۇكىل بارىس بويىنشا دەرەكتەردى ىزدەپ تابۋعا بولاتىن مۇمكىندىك جاراتۋعا دەم بەردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
