جاڭا ارتۋ ۇيەگى جەدەل قالىپتاستى، سالىستىرمالى ابزالدىق ءونىمدى ساۋلەلەندىرىلدى، حالىق بۇقاراسى دامۋ تابىسىنان بىرگە يگىلىكتەندى −
وڭىرلىك سايكەستى دامۋدا جاڭا جاعداي جارىققا شىقتى («13 – بەسجىلدىق» جوسپار مەزگىلىن وسىلاي باسىپ وتتىك)
«حالىق گازەتىنىڭ» تىلشىلەرى گى مىڭچاۋ، جاۋ جانحۇي، گۋ يەكاي
2020.12.07 16:04 كەلۋ قاينارى : حالىق تورابى
11 - ايدىڭ باسىندا بەيجيڭ شيانداي اۆتوموبيل شەكتى سەرىكتەستىگىنىڭ ساڭجوۋ زاۆودىنداعى سەح قاربالاس كۇيگە ءتۇستى، دارەجەسى جوعارىلاتىلىپ، وزگەرتىپ جاسالعان يۋەنا تيبىندەگى اۆتوموبيلدەر ءوندىرىس جەلىسىنەن ءبىر – بىرلەپ شىعارىلۋدا.
بىرنەشە جىلدىڭ الدىندا بەيجيڭ شيانداي اۆتوموبيل شەكتى سەرىكتەستىگىنىڭ ساڭجوۋ زاۆود نىسانى ساڭجوۋعا ىرگە تەپتى، بۇل حىبەي ولكەسى ەنگىزگەن ساپاسى ەڭ جوعارى، كولەمى ەڭ ۇلكەن بەيجيڭ - تيانجين - حىبەي كاسىپ سالاسى سەلبەستىك نىسانى سانالادى. وسى نىساننىڭ جەبەۋىندە حوندا ديموس اۆتوموبيل جۇيەسى شەكتى سەرىكتەستىگى، حوندا موبيس سەرىكتەستىگى قاتارلى ەل ءىشى - سىرتىنداعى اۆتوموبيل بولشەكتەرىن وندىرەتىن 42 كاسىپورىن ساڭجوۋعا ىرگە تەپتى. قالا بويىنشا قازىر 200 دەن استام اۆتوموبيل جانە ۇساق بولشەكتەر نىسانى سالىنىپ، 20 مىڭنان استام ادامدى تىكەلەي كاسىپتەندىردى.
2019 - جىلى بەيجيڭ - تيانجين - حىبەيدىڭ وڭىرلىك دامۋ كورسەتكىشى 167.72 بولىپ، الدىنداعى جىلداعىدان 7.59 ءتۇيىن جوعارىلادى. بەيجيڭ - تيانجين - حىبەيدى سايكەستى دامىتۋ ستراتەگياسى اتقارىلعاننان بەرى قول جەتكەن تابىستار «13 - بەسجىلدىق» كەزىندەگى كەلەلى وڭىرلىك دامۋ ستراتەگياسىن ساپالى ىلگەرىلەتۋدىڭ جاندى مىسالىنا اينالدى.
باس شۋجي شي جينپيڭ: «‹13 – بەسجىلدىق› جوسپار كەزىندە بۇكىل ەلدىڭ دامۋىن ءبىر تۇتاس جوسپارلاي وتىرىپ، قادامدى جاقسى باسۋدىڭ تەتىگى سايكەستى دامۋدا» دەپ اتاپ كورسەتكەن بولاتىن. «13 - بەسجىلدىق» كەزىندە وڭىرلىك سايكەستى دامۋ ستراتەگياسى ىشكەرىلەي اتقارىلدى، باتىس بولەكتى قاۋىرت اشۋعا، شىعىس سولتۇستىكتى گۇلدەندىرۋگە، ورتا بولەكتى كوركەيتۋگە، شىعىس بولەكتى الدىمەن دامىتۋعا قولداۋ كورسەتۋ ساياساتتىق جۇيەسى اناعۇرلىم كەمەلدەندىرىلىپ، بايىرعى توڭكەرىستىك رايون، از ۇلتتار رايونى، شەكارا، كەدەي رايون سياقتى ەرەكشە تۇردەگى رايونداردى گۇلدەندىرۋ، دامىتۋ جەدەلدەتىلدى. كەلەلى وڭىرلىك دامۋ ستراتەگياسى ساپالى ىلگەرىلەتىلدى، بەيجيڭ - تيانجين - حىبەيدىڭ سايكەستى دامۋىندا نىق قادام تاستالدى، چاڭجياڭ ەكونوميكالىق بەلدەۋىنىڭ ەكولوگيالىق ورتاسىنداعى كورنەكتى ماسەلەلەردى رەتتەۋ - تۇزەتۋدە جانە ەكولوگيالىق ورتانىڭ لاستانۋىن جونگە سالۋدا كورنەكتى ونىمدىلىك جاراتىلدى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنىڭ جوبا ساياسات جۇيەسى ۇزدىكسىز كەمەلدەندى، چاڭجياڭ اتىراۋى ءوڭىرىنىڭ ءبىر تۇلعالانىپ دامۋ اياق الىسى تەزدەدى، حۋاڭحى وزەنى الابىندا ەكولوگيانى قورعاۋ مەن ساپالى دامۋ ىستەرى تىڭعىلىقتى باستالىپ، وڭىرلىك سايكەستى دامۋدا جاڭا جاعداي جارىققا شىقتى.
− جاڭا ارتۋ ۇيەگى جەدەل قالىپتاسىپ، ساپالى دامۋدىڭ قاينارى ۇزدىكسىز زورايدى.
اۆتوموبيل جۇرىسىمەن ەسەپتەگەندە گۋاڭجوۋدان ءبىر ساعاتتان استام قاشىقتىقتاعى دۇڭۋان قالاسى سۇڭشان كولى جاعاسىندا جۇڭگو (دۇڭگۋان) شاشىراندى نەيترون كوزى ورنالاسقان، بۇل 2018 - جىلى 8 - ايدا رەسمي ىسكە قوسىلعان. ول، بەينە، ءبىر «اسقىن ميكروسكوپ» سياقتى، ماتەريالداردىڭ ميكرو قۇرىلىمىن زەرتتەۋگە ارنالعان تاماشا زوند بولىپ تابىلادى.
وڭتۇستىك جۇڭگو جاراتىلىستىق عىلىمدار داشۋەسىنىڭ پروفەسسورى يىن پانچاۋ بىلاي دەيدى: «جاساندى بۇلشىق ەتكە» قاراتا ميكرو قۇرىلىمدى زەرتتەۋ جۇرگىزۋ كەرەك، بۇل زەرتتەۋ ۇنەمى بىرنەشە نانومەتر ولشەمى بويىنشا جۇرىلەدى. «جاساندى بۇلشىق ەت» − ماتەريال عىلىمىنىڭ الدىڭعى باعىتتارىنىڭ ءبىرى، ول بولاشاقتا بيولوگيالىق مەديتسينا جابدىقتارى مەن بيولوگيالىق ۇقساتپالى قۇلتەمىر سياقتى سالالاردا كەڭىنەن قولدانىلادى.
جاڭالىق جاراتۋ ارقىلى جەتەكشىلىك ەتىپ، تىڭ بەلەس سومدادى. گۋاڭجوۋدان جەكە - جەكە شىنجىن، جۋحايعا دەيىن، ودان شياڭگاڭ، اۋمىنعا دەيىن، جاڭالىق جاراتۋ بايلىعى شوعىرلانعان 2 عىلىم - تەحنيكادا جاڭالىق جاراتۋ ءدالىزى قالىپتاسىپ، ەكونوميكانىڭ ساپالى دامۋىنا تاسقىنداعان قوزعاۋشى كۇش ۇستەدى. بيىل الدىڭعى 3 توقساندا گۋاڭدۇڭنىڭ جاڭا ەكونوميكالىق ارتقان قۇنى 2 تريلليون يۋاننان اسىپ، GDP دەگى سالىستىرماسى %25.6 كە جەتتى.
«13 - بەسجىلدىق» كەزىندە مەملەكەتتىڭ سەنترلى قالالارى، ورتالىق قالا شەڭبەرلەرى، قالا شوعىرى قاتارلىلار وڭىرلىك دامۋدىڭ نەگىزگى كەڭىستىك دانەكەرىنە اينالىپ، دامۋ كومەسكى كۇشى بارعان سايىن كورنەكتىلەنە ءتۇستى، جەبەۋ جانە ىقپال جاساۋ رولى ۇزدىكسىز كۇشەيدى. 2019 - جىلى بەيجيڭ - تيانجين – حىبەي ءوڭىرىنىڭ،، چاڭجياڭ اتىراۋىنىڭ جانە گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ وڭىرلىك ءوندىرىس جالپى ءونىم قۇنى جەكە - جەكە 8 تريلليون 500 ميلليارد يۋانعا، 23 تريلليون 700 ميلليارد يۋانعا جانە 11 تريلليون 400 ميلليارد يۋانعا جەتتى.
جۇڭگو حالىقارالىق ەكونوميكالىق اۋىس - كۇيىس ورتالىعىنىڭ اعا زەرتتەۋشىسى جاڭ يانشىڭ بىلاي دەيدى: «جاڭا ارتۋ ۇيەگى جەدەل قالىپتاسىپ، ەلىمىزدىڭ وسىزاماندانعان ەكونوميكالىق جۇيەسىن جەدەل ورناتۋىنا، ەكونوميكالىق دامۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ۇزدىكسىز ىلگەرىلەتۋىنە پارمەندى قوزعاۋشى كۇش ازىرلەدى».
− ەكولوگيا الدىڭعى ورىنعا قويىلىپ، جاسىل دامۋعا نازار اۋدارىلدى، جەر - جەردىڭ سالىستىرمالى ابزالدىعى ءونىمدى ساۋلەلەندىرىلدى.
چاڭجياڭ وزەنىنىڭ جوعارى اعارىنداعى چۇڭچيڭ قالاسى فۋليڭ رايونىنىڭ سىچۋان قىشىسى الىس - جاقىنعا ايگىلى. بۇرىن تۇرعىندار كوكونىس سۋىن توگە سالاتىن، قازىر وسى كوكونىس سۋىمەن ساپالى جياڭيۋ جاساپ، اينالمالى ەكونوميكانىڭ جاسىل دامۋ جولىمەن ءجۇردى؛
چاڭجياڭ وزەنىنىڭ ورتا اعارىنداعى حۋبەيدىڭ دانجياڭكوۋ سۋ قويماسىنىڭ جانىنا شىزى ورمانى ەگىلىپ، ءارى سۋ، توپىراق قورعالدى، ءارى اۋىل - قىستاق ساياحاتى دامىتىلدى، وسى شىزى ورمانىنىڭ ارقاسىندا توڭىرەكتەگى قىستاقتاقتار كەدەيلىكتەن ارىلدى؛
چاڭجياڭ وزەنىنىڭ تومەنگى اعارىنداعى شاڭحايعا جاقىن ورنالاسقان جىجياڭنىڭ پيڭحۋ قالاسى گۋاڭچىن قالاشىعى شانتاڭ قىستاعىندا پيڭحۋ اۋىل شارۋاشىلىق ەكونوميكالىق اشۋ رايونى ورنالاسقان، ونداعى شاڭحاي ستەرەولى كوكونىس الاڭىنىڭ مۋ باسىندىق ءونىم قۇنى ءداستۇرلى ەگىمشىلىك كاسىبىنىڭ 75 ەسەسىندەي بولىپ وتىر.
توقتاۋسىز جوڭكىلگەن چاڭجياڭ وزەنى سايكەستى دامۋ بەلدەۋىن قالىپتاستىردى. ەكولوگيا كورىكتەندى، 2019 - جىلى 1 - ايدان 11 - ايعا دەيىن چاڭجياڭ ەكونوميكالىق بەلدەۋىندە سۋدىڭ ساپالى بولۋ سالىستىرماسى %82.5 كە جەتىپ، بۇكىل ەلدىڭ ورتاشا دەڭگەيىنەن 6.1 پايىز جوعارى بولدى؛ ەكونوميكا اناعۇرلىم نىعايدى، 2019 - جىلى چاڭجياڭ ەكونوميكالىق بەلدەۋىنىڭ وڭىرلىك ءوندىرىس جالپى قۇنى 45 تريلليون 780 ميلليارد يۋان بولىپ، %6.9 ارتتى. ەكولوگيا الدىڭعى ورىنعا قويىلىپ، جاسىل دامۋعا نازار اۋدارىلدى، چاڭجياڭ ەكونوميكالىق بەلدەۋى چاڭجياڭ اتىراۋى رايونىن، چاڭجياڭ ورتا اعارى رايونىن، چىڭدۋ - چۇڭچيڭ قوس قالا ەكونوميكالىق شەڭبەرىن تۇتاستىردى، ءارقايسى رايون وزدەرىنىڭ سالىستىرمالى ابزالدىعىن ءونىمدى ساۋلەلەندىردى.
«13 - بەسجىلدىق» كەزىندە شىعىس، ورتا، باتىس جانە شىعىس سولتۇستىك سىندى «ءتورت ۇلكەن بولەك» قاتار ىلگەرىلەپ، جارىسا العا باستى. شىعىس بولەك رايوندار سەركەلىك رولىن ءۇرتىس ساۋلەلەندىردى، ورتا بولەكتەگى رايونداردىڭ ەكونوميكالىق قۋاتى كورنەكتى ارتىپ، ونەركاسىپتىڭ جەبەۋ رولى كورنەكتى بولدى، باتىس بولەك رايونداردىڭ نەگىزدىك جابدىق جانە ەكولوگيالىق ورتا قۇرىلىسىندا زور ىلگەرىلەۋشىلىك بولدى، كەدەيلىكتەن ارىلتۋدان قامال الۋدا كورنەكتى ناتيجەلەرگە قول جەتتى، شىعىس سولتۇستىكتە ماڭىزدى تاۋار استىق ءوندىرىس بازاسى سياقتىلاردىڭ فۋنكتسياسى مەن ورنى ۇزدىكسىز جوعارىلادى. 2019 - جىلى ورتا، باتىس بولەكتەگى رايونداردىڭ ءوندىرىس جالپى قۇنى وتكەن جىلداعىدان جەكە - جەكە %7.3 جانە %6.7 ارتىپ، بۇكىل ەلدىڭ ورتاشا ورەسىنەن 1.2 پايىز جانە 0.6 پايىز تەز بولدى.
− نەگىزگى الەۋمەتتىك قىزمەت وتەۋدىڭ بارابارلىعى ورنىقتى جوعارىلاپ، حالىق بۇقاراسىنىڭ دامۋ تابىسىنان بىرگە يگىلىكتەنۋىنە مۇمكىندىك جاسالدى.
%90 كە جۋىق وقۋشى اۋىل - قىستاقتان كەلەدى، جەتىدەن ءبىر ۇلەسكە جۋىق ارناۋلى وقىتۋشىلار بەيجيڭ داشۋەسى، ۋحان داشۋەسى سياقتى وقۋ - اعارتۋ مينيسترلىگىنە توتە قاراستى 20 نەشە جوعارى مەكتەپتىڭ زەينەتكە شىققان وقىتۋشىلارى. قۇرىلعانىنا نە بارى 3 جىل بولعان باتىس يۇننان قولدانىلمالى تەحنيكا داشۋەسى دەمالىسقا شىققان پروفەسسورلاردىڭ وقىتۋعا كومەك بەرۋى ارقىلى باتىس بولەك جوعارى مەكتەپتەرىندەگى وقۋشىلاردىڭ دا وزىق وقۋ - اعارتۋ بايلىعىنان يگىلىكتەنۋىنە مۇمكىندىك جاسادى.
«باتىس بولەك جوعارى مەكتەپتەرىندەگى وقىتۋشى - وقۋشىلارمەن ءبىلىم، تاجىريبە بولىسە العانىمىزدى باقىت سەزىنەمىز. باتىس يۇننان قولدانىلمالى تەحنيكا داشۋەسى قوس ونىمدىلىككە قول جەتكىزدى». بيىل 5 - ايدا ۋحان داشۋەسىنەن زەينەتكە شىققان پروفەسسور ليۋ ۋي حانىمى، ورتا وڭتۇستىك جۇڭگو قازىنا ـ ەكونوميكا ـ ساياسي ـ زاڭ داشۋەسىنەن زەينەتكە شىققان پروفەسسور جوۋ يۋەمەيمەن بىرگە دالي وبلىسىنا اتتاندى.
وڭىرلەردى سايكەستى دامىتۋدە حالىق تۇرمىسىنا ءمان بەرىپ، حالىق تۇرمىسىن قامتاماسىزداندىرىپ، جاقسارتىپ، قالىڭ حالىق بۇقاراسىن رەفورما، دامۋ تابىسىنان اناعۇرلىم كوپ، اناعۇرلىم ءادىل يگىلىكتەندىرۋ كەرەك. «13 - بەسجىلدىق» مەزگىلىندە ەلىمىز تۇرعىندارىنىڭ تۇرمىس ساپاسى كورنەكتى جوعارىلادى، نەگىزدىك الەۋمەتتىك قىزمەت وتەۋدىڭ بىركەلكىلەنۋ ورەسى ورنىقتى جوعارىلاپ، نەگىزدىك قۇرىلعىلاردىڭ جەتكىزىلۋ دەڭگەيى اناعۇرلىم بىركەلكىلەندى، كوپ ساتىلى قوعامدىق قامتاماسىزداندىرۋ جۇيەسى جەدەل قۇرىلىپ، وقۋ - اعارتۋ، مادەنيەت، الەۋمەتتىك قىزمەت وتەۋ جۇيەسى ۇزدىكسىز كەمەلدەندى... وڭىرلىك سايكەستى دامۋ اناعۇرلىم كوپ دامۋ ورايى مەن تابىستان ورتاق يگىلىكتەنۋگە مۇمكىندىك جاراتتى. وڭىرلەردىڭ سايكەستى دامۋىنا ىلەسە حالىق بۇقاراسىنىڭ تابىس، باقىت، حاۋىپسىزدىك سەزىمى اناعۇرلىم بەكەمدەلىپ، اناعۇرلىم قامتاماسىز ەتىلدى، اناعۇرلىم باياندى بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
