بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

7 تاراۋ جەتەكشى پىكىر باسىپ تاراتتى

حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجاتىن «ءبىر كارتوچكا» بويىنشا باسقارۋ كۇشەيتىلمەك

ءبىر تىزىمدىك بويىنشا باسقارۋ ءتۇزىمى اتقارىلىپ، قوسىمشا قاراجات ءبىر تەكشە ارقىلى تاراتىلادى

«حالىق گازەتىنىڭ» ءتىلشىسى ۋاڭ ۋىنجىڭ

2020.12.09 16:57     كەلۋ قاينارى : حالىق تورابى

  كەيبىر جەرلەردە قوسىمشا قاراجات تاراتۋ جۇيەگە تۇسپەگەندىكتەن، باسقاعا جۇمساۋ سياقتى ماسەلەلەر ورىن تەۋىپ وتىر؛ ۋاكىلدىك رەتىندە تاراتاتىن فينانس قۇرىلىمدارى كوپ، «كوپ بانكەدەن كارتوچكا تاراتىلۋ»، «ءبىر ادامدا كوپ كارتوچكا بولۋ»، «ادام مەن كارتوچكا ءبولىنىپ قالۋ» ماسەلەسى ءومىر ءسۇرىپ وتىر؛ تاراتۋ جولىنىڭ تۇتاستىعى جەتكىلىكتى بولماۋدا، «ءبىر شارا شىقسا، ءبىر كارتوچكا تاراتۋ»، «كارتوچكانىڭ سىرتىنان كارتوچكا تاراتۋ»، «ساتىلار بويىنشا وتكەرمەلەپ تولەۋ» سياقتىلار ءومىر ءسۇرىپ وتىر... حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجاتىن تاراتۋ بارىسىندا ورىن تەۋىپ وتىرعان وسى ماسەلەلەر الداعى جەردە شەشىلۋى مۇمكىن.

  بىرنەشە كۇننىڭ الدىندا قازىنا مينيسترلىگى، اۋىل شارۋاشىلىعى، اۋىل - قىستاق مينيسترلىگى، حالىق ىستەرى مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنالىق باقىلاۋ مەكەمەسى، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى، بانكە - قامسىزداندىرۋ باقىلاۋ - باسقارۋ كوميتەتى «حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجاتىن ‹ءبىر كارتوچكا› بويىنشا باسقارۋدى اناعۇرلىم كۇشەيتۋ جونىندەگى جەتەكشى پىكىردى» (تومەندە «جەتەكشى پىكىر» دەلىنەدى) بىرلەسىپ باسىپ تاراتتى، قاتىستى جاۋاپتى ادام بۇل جونىندە تۇسىنىك جاسادى.

  قاتىستى جاۋاپتىنىڭ تانىستىرۋىنا قاراعاندا، حالىققا تيىمدىلىك جاساۋ، شارۋالارعا تيىمدىلىك جاساۋ قوسىمشا قاراجاتى حالىق تۇرمىسىن قامتاماسىز ەتۋدەگى جانە جاقسارتۋداعى ماڭىزدى شارا سانالىپ، قاتىستى ساياساتتاردا كورنەكتى ونىمدىلىككە قول جەتكىزىلگەن. بۇدان بۇرىنعى قوسىمشا قاراجات تاراتۋ بۋىندارى كوپ بولۋى، جاريالىلىعى تومەن بولۋ جايتتەرىنە قاراتا كەيبىر جەرلەر «ءبىر كارتوچكا بويىنشا باسقارۋ» سىندى تاراتۋ ءتاسىلىن تۇرلىشە دارەجەدە اتقارىپ، بۇقاراعا قىزمەت وتەۋگە قولايلىلىق جاراتقان، الايدا، ءىشىنارا نەگىزگى ساتى كادرلارىندا بەلگىلەمەگە قايشى كەلىپ بۇقارانىڭ «ءبىر كارتوچكاسىن» ۇستاپ تۇرۋ، باسىپ قويۋ، كەشەۋىلدەتىپ بەرۋ سياقتى ماسەلەلەر ورىن تەۋىپ، شارۋالاردىڭ ءتول مۇددەسىنە زيان جەتكىزىلىپ، بۇقارانىڭ تابىس سەزىمىنە، باقىت سەزىمىنە جانە حالىققا تيىمدىلىك جاساۋ، شارۋالارعا تيىمدىلىك جاساۋ ساياساتىنىڭ اتقارىلۋ ونىمدىلىگىنە ىقپال جاسالعان.

  باسقارۋ بارىسىنداعى ماسەلەلەردى شەشۋ ءۇشىن، 2019 – جىلى قازىنا مينيسترلىگى اۋىل شارۋاشىلىعى، اۋىل – قىستاق مينيسترلىگى قاتارلى 7 مينيسترلىك، كوميتەتپەن بىرگە بۇكىل ەل كولەمىندە حالىققا تيىمدىلىك جاساۋ، اۋىل شارۋاشىلىعىنا تيىمدىلىك جاساۋ قازىنالىق كومەك قاراجاتىن «ءبىر كارتوچكا ارقىلى تاراتۋ» ءىسىن ارناۋلى جونگە سالىپ، بۇقارانىڭ جانىنداعى ۇساق ارەكەتىن قاتاڭ تەكسەرىپ ءبىر جاقتى ەتۋ جانە جازالاۋ قيمىلىن ورىستەتىپ، جەرگىلىكتى ورىنداردىڭ ساياسات، قارجى جانە ماسەلە سىندى «ءۇش ەسەپ داپتەرىن» ورناتۋىن ىلگەرىلەتىپ، كوشىرىپ قولدانۋعا، جالپىلاستىرۋعا بولاتىن ءبىر توپ جونگە سالۋ شاراسىن قورىتىندىلاپ قالىپتاستىردى.

  وسى رەتكى «جەتەكشى پىكىردە» بۇقارانىڭ جانىنداعى ماسەلەلەردى كۇش سالا جونگە سالۋ نەگىز ەتىلىپ، حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجاتىن بەرۋ ساياسات جۇيەسى رەتتەلىپ جانە ساپالىلاندىرىلىپ، باقىلاۋ - باسقارۋدىڭ باياندى مەحانيزمى ورناتىلىپ، كەمەلدەندىرىلىپ، حالىققا تيىمدىلىك جاساۋ، شارۋالارعا تيىمدىلىك جاساۋ قازىنا قوسىمشا قاراجاتىنىڭ «قارا قولى» باتىل كەسىلىپ، حالىققا تيىمدىلىك جاساۋ، شارۋالارعا تيىمدىلىك جاساۋ ساياساتتارىنىڭ تياناقتانۋىنا كەپىلدىك ەتىلىپ، حالىق بۇقاراسىنىڭ تابىس، باقىت سەزىمىن ۇزدىكسىز كۇشەيتۋگە مۇمكىندىك جاراتىلدى.

  تانىستىرۋعا قاراعاندا، «جەتەكشى پىكىردە» باستىسى مىناداي 5 جاقتاعى جاڭالىق جاراتۋ شاراسى بار ەكەن:

  ءبىرىنشى، قوسىمشا قاراجات ساياساتى تىزىمدىگى قوعامعا جاريالانىپ، اشىق ۇستاۋ ارقىلى رەفورما جەبەلىپ، قوسىمشا قاراجات بەرۋ ساياساتى مەن نىسان قارجىسىن اداقتاۋ، بىرىكتىرۋ اياق الىسى تەزدەتىلەدى. ەكىنشى، فينانس قۇرىلىمدارى ارناعا ءتۇسىرىلىپ، «كوپ بانكەدەن كارتوچكا تاراتىلۋ»، «ءبىر ادامدا كوپ كارتوچكا بولۋ»، «ادام مەن كارتوچكا ءبولىنىپ قالۋ» سياقتى ماسەلەلەر تۋ باستان شەشىلەدى. بۇكىل ولكە كولەمىندە قوعامدىق قامتاماسىزداندىرۋ كارتوچكاسىن دانەكەر ەتىپ قوسىمشا قاراجات تاراتۋعا دەم بەرىلەدى. ءۇشىنشى، قوسىمشا قاراجات بەرۋ ءتارتىبى ارناعا ءتۇسىرىلىپ، ساڭلاۋلاۋ بىتەلىپ، باسقارۋدى ەرەجە - تۇزىمدەندىرۋ، جۇمىس اينالىسىن ارناعا ءتۇسىرۋ، مەڭگەرۋ ۇقىق شەگىن ايقىنداۋ جۇزەگە اسىرىلادى. ءتورتىنشى، شوعىرلى، ءبىر تۇتاس باسقارۋ تەكشەسى قۇرىلىپ، قاتىستى ساندى مالىمەتتەردى شوعىرلى جيناۋ جانە باسقارۋ جۇزەگە اسىرىلىپ، ينفورماتسيانى جاريا ۇستاۋ جانە باقىلاۋ - باسقارۋدى كۇشەيتۋ قامتاماسىزداندىرىلادى. بەسىنشى، قوسىمشا قاراجات ينفورماتسياسى زاڭ بويىنشا جاريا ۇستالىپ، جۇرتشىلىقتىڭ باقىلاۋى، جاماعات پىكىرىنىڭ باقىلاۋى ىرىقتىلىقپەن قابىلدانادى.

  سونىمەن بىرگە، «جەتەكشى پىكىردە» قازىنا تاراۋلارىنىڭ، كاسىپتىك باسقارۋشى تاراۋلاردىڭ، ينفورماتسيانى جاريا ۇستاۋدى باسقارۋشى تاراۋلاردىڭ، فينانس قۇرىلىمدارىنىڭ باقىلاۋ - باسقارۋ تاراۋلارىنىڭ حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجاتىن باسقارۋدى كۇشەيتۋدەگى قىزمەت جاۋاپكەرلىگى مەن مىندەتى جەكە - جەكە ايقىندالدى ءارى ۇيىمدىق باسشىلىقتى كۇشەيتۋ، ينفورماتسيادان ورتاق يگىلىكتەنۋدى كۇشەيتۋ، ونىمدىلىكتى باسقارۋدى تەرەڭدەتۋ، باقىلاۋ - باسقارۋدى ۇزدىكسىز كۇشەيتۋ سياقتى قامتاماسىزداندىرۋ شارالارى العا قويىلدى.

  «جەتەكشى پىكىردىڭ» قىزمەت نىساناسىندا مىنالار تالاپ ەتىلدى: 2023 – جىلعا بارعاندا، جەكە ادامدارعا، وتباسىلارعا تىكەلەي تولەنەتىن حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجاتىن (تومەندە قىسقاشا قوسىمشا قاراجات دەلىنەدى) پرينسيپتىك جاقتان تۇگەلدەي «ءبىر كارتوچكا» ارقىلى تاراتۋ كەرەك، قوسىمشا قاراجات ساياساتى مەن قارجىنى اداقتاپ بىرىكتىرىپ، ۋاكىلدىك تاراتۋ فينانس قۇرىلىمدارىن ارناعا ءتۇسىرىپ، شوعىرلى، ءبىر تۇتاس تاراتۋ تەكشەسىن ورناتىپ، جاريا ۇستاۋ، جاريالاۋ سياقتى قىزمەتتەردىڭ نەگىزىنەن ورىندالۋىن كۇشەيتىپ، ورتالىق ءبىر تۇتاس جوسپارلايتىن، ولكە جالپى جاۋاپتى بولاتىن، قالا، اۋدان تياناقتاندىرۋدى يگەرەتىن باقىلاۋ - باسقارۋ جۇيەسىن نەگىزىنەن قالىپتاستىرىپ، ءبىر تىزىمدىك بويىنشا باسقارۋ ءتۇزىمىن اتقارىپ، قوسىمشا قاراجاتتى ءبىر تەكشە ارقىلى تاراتىپ، قوسىمشا قاراجات ساياساتىن اناعۇرلىم عىلميلاندىرىپ، قارجى ونىمدىلىگىن كورنەكتى جوعارىلاتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار