جاڭالىق جاراتۋ قۋاتى كۇشەيدى، ءونىم ساپاسى مەن قىزمەت وتەۋ ساپالىلاندى، سەلبەستىك نىعايدى، ورتا جاراسىمدى بولدى
وسى زامانعى كاسىپتەردىڭ جاڭا جۇيەسىن قۇرۋ تەزدەتىلدى («13 – بەسجىلدىق» جوسپار مەزگىلىن وسىلاي باسىپ وتتىك)
«حالىق گازەتىنىڭ» ءتىلشىسى ۋاڭ جىڭ
2020.12.15 16:55 كەلۋ قاينارى : حالىق تورابى
ىلگەرىلەۋ، شەگىنۋ، بۇرىلۋ، تيەۋ، ءتۇسىرۋ جۇمىستارى ءبىر جولدا بىتەتىن بولدى. دۇنيە ءجۇزى بويىنشا ەڭ ۇلكەن سيرەك جەر كەنى − ىشكى موڭعۇل باۋتوۋ بولات – تەمىر توبى باييۇن ىبو كەن ريونىنداعى وراسان ۇلكەن كەن شۇڭقىرىندا بيىكتىگى 6.8 مەتر، كوتەرۋ قۋاتى 170 توننا كەلەتىن شوفەرسىز كەن ماشيناسى اۆتوماتتى جۇمىس ىستەپ جاتتى. جۇڭگو جىلجىمالى حابارلاسۋى باۋتوۋ بولات – تەمىر توبىمەن بىرگە قۇرعان وسى «5G + زەيىندىك كەن رايونى» ءار جىلى ادام كۇشى، ەنەرگيا، ماتەريال جاقتارىنان 30 ميلليون يۋاننان استام وزىندىك قۇندى ۇنەمدەيدى، ءوندىرىس، تيجارات، جۇمىستى رەتكە سالۋ زەيىندەندىرۋ جولىمەن باسقارىلادى، وسىنىڭ ارقاسىندا كەن رايونىنىڭ جالپىلىق ونىمدىلىگى %10 تەن استام جوعارىلاتىلعان.
باس شۋجي شي جينپيڭ بىلاي دەپ اتاپ كورسەتكەن بولاتىن: وسى زامانعى شارۋاشىلىق جۇيەسىن قۇرۋدا ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا قويىپ، قامداۋ جۇيەسىنىڭ ساپاسىن جوعارىلاتۋدى قامال الۋ باعىتى ەتىپ، ەلىمىز ەكونوميكاسىنىڭ ساپا ابزالدىعىن كورنەكتى نىعايتۋىمىز كەرەك. «13 – بەسجىلدىق» مەزگىلىندە ەلىمىز قامداۋ جاعىنداعى قۇرىلىمدىق رەفورمانى زور كۇشپەن ىلگەرىلەتىپ، جاڭالىق جاراتۋ قۋاتى كۇشەيگەن، ءونىم ساپاسى مەن قىزمەت وتەۋ ساپالىلانعان، سەلبەستىك نىعايعان، ورتا جاراسىمدى بولعان وسى زامانعى كاسىپتەردىڭ جاڭا جۇيەسىن قۇرۋ تەزدەتتى.
− قامداۋ جاعىنداعى قۇرىلىمدىق رەفورما ىشكەرىلەي ىلگەرىلەتىلدى، كاسىپتەر جاڭا ساتىعا كوتەرىلدى.
شاڭحاي داجۇڭ اۆتوموبيل سەرىكتەستىگى جاڭا ەنەرگيالى اۆتوموبيل زاۆودىنىڭ باس قۇراستىرۋ سەعىنا كىرسەڭىز، اۆتوموبيلدەر اۆتوماتتى جەتكىزۋ جولىمەن لەنيادان قاز – قاتار بولىپ شىعىپ جاتادى، كورسەتكىش تاقتا ورنالاستىرۋ جۇمىس ورنىندا 6 بىلىكتى قۇلتەمىر «بىلەگىن» سەرمەپ كورۋ تۇيسىگىمەن پارىقتاۋ جۇيەسى ارقىلى نەشە ون جىڭ اۋىرلىقتاعى كورسەتكىش تاقتانى اۆتوموبيل ىشىنە لىپ ەتكىزىپ قويۋدا، بۇراندالار اۆتوماتتى تۇردە مىقتاپ بەكىتىلۋدە، جالپى بارىسقا 20 سەكۋندقا جەتپەيتىن ۋاقىت كەتەدى، ءداستۇرلى قولمەن ىستەۋگە قاراعاندا قۇراستىرۋ جۇمىسى اناعۇرلىم ءدال ورىندالادى، ونىڭ ۇستىنە ۋاقىت تا كوپتەپ ۇنەمەلەدى. ءبىر مىڭ 400 دەن استام ونەركاسىپ قۇلتەمىرىنىڭ جانە كوپتەگەن جاساندى زەردە جابدىعىنىڭ قولدانىسقا ەنۋىمەن جاساۋ جالپى بارىسىندا زەيىندەندىرۋ جانە سيفرلاندىرۋ جۇزەگە اسىرىلىپ، ءوندىرىس ونىمدىلىگى زور دارەجەدە جوعارىلاتىلدى، ءونىمنىڭ ساپاسىنا اناعۇرلىم ويداعىداي كەپىلدىك ەتىلدى.
ونەركاسىپ جانە ينفورماتسيالاندىرۋ مينيسترلىگى مينيسترىنىڭ ورىنباسارى شين گوبين بىلاي دەدى: 2016 – جىلدان 2019 – جىلعا دەيىن ەلىمىزدىڭ ونەركاسىبىنىڭ جالپى ارتقان قۇنى 24 تريلليون 540 ميلليارد يۋاننان 31 تريلليون 710 ميلليارد يۋانعا ارتتى، جىلدىق ورتاشا ارتۋ شاماسى %5.9 بولدى، بۇل ۇقساس مەزگىلدەگى دۇنيە ءجۇزى ونەركاسىبىنىڭ %2.9 تىك ورتاشا ارتۋ قارقىنىنان الدەقايدا جوعارى. 2019 – جىلى ەلىمىزدىڭ جاساۋ كاسىبىنىڭ ارتقان قۇنىنىڭ دۇنيە ءجۇزى بويىنشا ۇستاعان سالىستىرماسى %28.1 بولىپ، ەلىمىز قاتارىنان 10 جىل دۇنيە ءجۇزى بويىنشا جاساۋ كاسىبىندەگى 1 – ءىرى ەلدىك ورىندى ساقتادى. «13 – بەسجىلدىق» مەزگىلىندە ەلىمىز دۇنيە ءجۇزى بويىنشا كولەمى ەڭ ۇلكەن وپتيكالىق كابەل تورىن جانە 4G تورىن قۇردى، ەلەكتروندى ساۋدا مەن جىلجىمالى تولەۋ ساۋداسىندا بىردەي دۇنيە ءجۇزى بويىنشا ەڭ الدىڭعى ورىندا تۇردى.
− ءداستۇرلى كاسىپتەردە وزگەرتىپ قۇرۋ، دارەجەسىن جوعارىلاتۋ قادامى تەزدەتىلدى، كاسىپ قۇرىلىمىن ساپالىلاندىرۋدا جاڭا قادام تاستالدى.
«قولى، اياعى، كوزى، ۇلكەن ميى» بار ليانشياڭ چىنشيڭ ونەركاسىپ قۇلتەمىرى وتاندىق ۇلكەن ۇشاققا سىر بۇركۋ قاجەت بولعان بولشەكتىڭ جانىنا وزدىگىنەن ءجۇرىپ بارىپ، تارتىلعان 3D كەسكىنىن 5G تورابى ارقىلى الىس شەتتەگى جابدىققا جەتكىزىپ بەردى. جۇمىسكەر AR كوزىلدىرىگىن تاعىپ، سەزىمدىك ينفورماتسياعا سۇيەنىپ، تۇتقا ارقىلى قۇلتەمىرگە مەڭگەرۋ بۇيرىعىن ءتۇسىردى. قۇلتەمىر سىر بۇركۋ كۇردەلى جۇمىسىن ورىنداۋمەن بىرگە، كومپيۋتەرلىك سەزىنۋ تەحنيكاسى ارقىلى سىر بۇركۋ ساپاسىن قوسىمشا تەكسەرىپ تۇردى...
ليانشياڭ توبى − ەلىمىزدەگى 5 مىڭنان استام زەيىندىك جاساۋ جۇيەسىن شەشۋ جوباسىمەن قامدايتىن سەرىكتەستىكتەردىڭ ءبىرى. ليانشياڭ توبىنىڭ باس جوراسى ياڭ يۋانچيڭ بىلاي دەدى: ءبىز 2016 – جىلدان باستاپ ءوزىمىزدىڭ زەيىندەندىرۋ تيبىندەگى تاجىريبەمىز بەن تەحنيكامىزدى بولىسە باستادىق. قازىرگە دەيىن ليانشياڭ ونەركاسىپتى زەيىندەندىرۋ تەكشەسى بولشەك جاسايتىن 50 دەن استام ورتا، شاعىن سەرىكتەستىكتىڭ زەيىندەندىرۋ نەگىزىندە وزگەرتىپ قۇرۋىنا كومەكتەستى، بۇدان تىس كوپتەگەن سالاداعى 100 دەن استام جاساۋ كاسىپورنىن ساندى مالىمەتتى زەيىندەندىرۋدەگى شەشۋ جوباسىمەن قامدادى.
ونەركاسىپ جانە ينفورماتسيالاندىرۋ مينيسترلىگىنىڭ ساندى مالىمەتىندە كورسەتىلۋىنشە، «13 – بەسجىلدىق» مەزگىلىندە ەلىمىزدىڭ ءداستۇرلى كاسىپتەرىندە وزگەرتىپ جاساۋ، دارەجەسىن جوعارىلاتۋ اياق الىسى تەزدەپ، دۇنيە ءجۇزى بويىنشا ەڭ ۇلكەن زەيىندىك جاساۋ جۇيەسى بويىنشا شەشۋ جوباسى بازارىن جەتىلدىرىپ قالىپتاستىرعان. 2020 – جىلى 9 – ايدىڭ سوڭىنا دەيىن ىقپال قۋاتى بار، 70 تەن اسقان ونەركاسىپ عالامتور تەكشەسى قۇرىلعان، بۇلارمەن تۇتاسقان ونەركاسىپ جابدىقتارىنىڭ مولشەرى 40 ميلليوننان اسقان، ونەركاسىپ APP دەتالى 350 مىڭنان اسقان؛ جاساۋ كاسىبىندەگى ءتۇيىندى سالالارداعى كاسىپورىنداردىڭ شەشۋشى جۇمىس ءتارتىبىن سيفرلاندىرىپ مەڭگەرۋ شاماسى مەن سيفرلانعان زەرتتەپ اشۋ، جوبالاۋ قۇرال – سايمانىنىڭ جالپىلاسۋ شاماسى جەكە – جەكە %51.7 كە جانە %72.6 كە جەتكەن.
شين گوبين بىلاي دەدى: قازىر ەلىمىزدە 670 تەن استام حالىقارانىڭ وزىق ورەسىنە جەتكەن سيفرلانعان سەح جانە زەيىندەنگەن زاۆود سالىندى. جوعارىداعى نىسانداردا زەيىندەندىرۋ نەگىزىندە وزگەرتىپ جاساۋ اياقتالعان سوڭ ءوندىرىس ونىمدىلىگى ورتا ەسەپپەن %44.9 جوعارىلايدى، ەنەرگيادان پايدالانۋ شاماسى %19.8 جوعارىلايدى، تيجارات وزىندىك قۇنى %25.2 تومەندەيدى، ءونىمدى زەرتتەپ اشۋ پەريودى %35 قىسقارادى، ءونىمنىڭ ساپاسىزدىق شاماسى %35.5 تومەندەيدى.
− جاڭا تەحنيكا، جاڭا كاسىپ كۇيى قارىشتاپ دامىدى، كاسىپتەردە جاڭالىق جاراتۋ قۋاتى زور دارەجەدە جوعارىلادى.
بۇلتتىق ەسەپتەۋ تەكشەسىنە شىعىپ، ءوزىڭىز تۇرعان قالانى جانە رايون اتىن كىرگىزسەڭىز، مەملەكەتتىك قورا – جاي تيبى ءىرى ساندى مالىمەتى ارقىلى كنوپكانى ءبىر باسساڭىز بولعانى ءۇي ءپىشىنىنىڭ ءۇش ولشەمدى سۋرەتى شىعا كەلەدى، ءوز قاجەتىڭىزگە قاراي زەيىندەنگەن ءۇي جيھازدارىن تاڭداماق بولساڭىز، ون نەشە سەكۋندتا – اق ونداعان ونىمدىلىك سۋرەتى پايدا بولادى، وسىلاردان قاجەتىڭىزدى تاڭداي الاسىز...
ءىرى ساندى مالىمەتتىڭ، جاساندى زەيىندىك تەحنيكانىڭ ارقاسىندا قاجەتكە قاراي قىزمەت وتەۋ ءۇي جيھازدارىن جوبالاۋدىڭ نەگىزگى اعىمىنا اينالدى. «13 – بەسجىلدىق» مەزگىلىندە توراپتا سايكەسىپ جاساۋ، ءىرى كولەمدە جەكەلەردىڭ اۋەسىنە قاراي جاساپ بەرۋ، الىس ارالىقتان تاسىمالعا، جوندەۋگە قىزمەت وتەۋ، ورتاقتاسىپ جاساۋ، تۇتاس مەزگىلدىك باسقارۋ سياقتى جاڭا كاسىپ كۇيلەرى، جاڭا ۇلگىلەر ۇزدىكسىز كوبەيدى. 5G، جاساندى زەيىن سياقتى جاڭا گۇلدەنگەن تەحنيكالاردىڭ زەيىندەنگەن جاساۋداعى قولدانىسى تەزدەدى، AI + 5G نەگىزىندەگى ساپا ولشەۋ – مەڭگەرۋى، AR/VR + 5G نەگىزىندەگى ادام مەن ماشينانىڭ اۋىس – كۇيىسى جانە ەكراندىق كورسەتۋى، بلوكچەين (چۇيكۋايليان) نەگىزىندەگى جاساۋ بايلىعىن ۇيىمداستىرۋ سياقتى تيپتىك قولدانىس جاعدايلارى ىزدەنىس بارىسىندا قالىپتاستى.
شين گوبين بىلاي دەدى: قازىر توعىسپالى قولدانىس 30 دان استام ءتۇيىندى كاسىپتى شارپىدى، زەيىندەنگەن جاساۋ، توراپتىق كەلىسىم، جەكەلەردىڭ اۋەسىنە قاراي جاساپ بەرۋ، قىزمەت وتەۋ جەلىسىن ۇزارتۋ، سيفرلانعان باسقارۋ سياقتى جاڭا كاسىپ كۇيى، جاڭا ۇلگى جاساۋ كاسىبىنىڭ ساپالى دامۋىن پارمەندى ىلگەرىلەتتى، جاساۋ كاسىبىنىڭ جاسامپازدىق جاراتۋ قۋاتىنىڭ جوعارىلاۋىن دا جەبەدى. «13 – بەسجىلدىق» مەزگىلىندە ەلىمىزدە مەملەكەتتىڭ جاساۋ كاسىبىندەگى 17 جاسامپازدىق جاراتۋ ورتالىعىن ماڭىزدى ءتۇيىن ەتكەن، 100 دەن استام ولكە دارەجەلى جاساۋ كاسىبىندەگى جاسامپازدىق جاراتۋ ورتالىعىن تولىقتىرعىش ەتكەن جاساۋ كاسىبىندە جاڭالىق جاراتۋ تورابى قالىپتاستى. 2020 – جىلى جۇڭگو دۇنيە جۇزىلىك ءبىلىم مەنشىك ۇقىعى ۇيىمىنىڭ «دۇنيە ءجۇزىنىڭ جاڭالىق جاراتۋ كورسەتكىشىن» رەتكە تۇرعىزۋىندا 14 – ورىندا تۇرىپ، 2015 – جىلداعىدان 15 ورىن الدىعا جىلجىدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
