30 – كەزەكتى جۇڭگو حالىق قۇرىلتايى اقپارات سيلىعى جاريالاندى
2020.12.15 17:19 كەلۋ قاينارى : حالىق تورابى
شينحۋا اگەنتتىگىنىڭ 12 – ايدىڭ 14 – كۇنى بەيجيڭنەن بەرگەن حابارى. مەملەكەتتىك حالىق قۇرىلتايى تۇراقتى كوميتەتى كەڭسەسى 12 – ايدىڭ 14 – كۇنى بەيجيڭدە 30 – كەزەكتى جۇڭگو حالىق قۇرىلتايى اقپارات سيلىعىن باعالاۋ ناتيجەسى جونىندەگى اقپار جاريالاۋ ءماجىلىسىن اشتى. گازەت، اگەنتتىك، راديو ستانسياسى، تەلەۆيزيا، اقپارات توراپتارى جانە حالىق قۇرىلتايى گازەت – جۋرنالدارىندا جاريالانعان 271 تۋىندى سيلىققا يە بولدى. مۇندا، ەرەكشە سيلىققا 4 تۋىندى، 1 – دارەجەلى سيلىققا 56 تۋىندى، 2 – دارەجەلى سيلىققا 90 تۋىندى، 3 – دارەجەلى سيلىققا 121 تۋىندى يە بولدى.
حالىق قۇرىلتايى تۇراقتى كوميتەتىنىڭ باس حاتشىسى ياڭ جىن – ۋ اقپار جاريالاۋ ماجىلىسىندە مىنانى ءبىلدىردى: 13 – كەزەكتى مەملەكەتتىك حالىق قۇرىلتايى 3 – ءماجىلىسىنىڭ اقپارات قىزمەتىندە كوپتەگەن جاڭالىقتار جارىققا شىقتى، مىسالى، العاش رەت ينتەرنەتتىك بەينە كەسكىن ءتاسىلى ارقىلى تىلشىلەردى قابىلداۋ ءماجىلىسىن، «ۋاكىلدەر ءدالىزىن»، «مينيسترلەر ءدالىزىن» وتكىزۋ قاتارلى شوعىرلى سۇحبات بەرۋ قيمىلدارى ۇيىمداستىرىلدى؛ تۇڭعىش رەت ۋاكىلدەر ۇيىرمەسىنىڭ اقپارات مالىمدەمەشىسى ورنالاستىرىلدى؛ تۇڭعىش رەت ءارقايسى ۋاكىلدەر ۇيىرمەلەرىنىڭ تۇرعان ورنىندا قۇرىلتاي اقپارات ورتالىعىنىڭ كەسكىندى سۇحبات الۋ بولمەسى اشىلدى؛ قۇرىلتايدا تىلشىلىك ىستەگەن جۇڭگولىق – شەتەلدىك تىلشىلەردى تۇڭعىش رەت ينتەرنەت ارقىلى قۇرىلتايدىڭ ماڭىزدى قۇجاتتارىمەن دەر كەزىندە قامدادى؛ «ۋاكىلدەر ءدالىزى» قيمىلىندا نەگىزگى ساتىلارداعى ءبىرىنشى شەپتەن كەلگەن ۋاكىلدەردى سارالاپ كورنەكتىلەندىرۋ قاتارلىلار، تاماشا قوعامدىق اڭىس قالىپتاستىردى. ۇلى ءداۋىر تارتىمدى حيكايانى قاجەت ەتەدى، حالىق قۇرىلتايىنىڭ زاڭ جاساۋ، باقىلاۋ، ۋاكىلدەر قىزمەتى، شەتەلمەن بارىس – كەلىس جاساۋ جانە جەرگىلىكتى حالىق قۇرىلتايلارىنىڭ قىزمەتى قاتارلى جاقتارداعى اقپاراتتارىن حابارلاۋدى ىشكەرىلەي ويداعىداي ىستەپ، جۇڭگو حيكاياسىن ويداعىداي بايانداپ، جۇڭگو حالىق قۇرىلتايىنىڭ حيكايالارىن ويداعىداي بايانداۋ، حالىق ءوز ىسىنە ءوزى قوجايىن بولعان جالىندى حيكايالاردى ويداعىداي بايانداۋ كەرەك. دۇرىس ساياسي باعدار مەن اڭىس باعدارىن مىعىم مەڭگەرۋگە تاباندى بولىپ، ادىلدىكتەن تايماي، جاڭالىق اشۋ كەرەك؛ حالىق قۇرىلتايىنىڭ زاڭ بويىنشا مىندەت اتقارۋ ەرەكشەلىگىمەن تىعىز ۇشتاستىرا وتىرىپ ۇگىت جۇرگىزۋ، حابارلاۋ كەرەك؛ زور ۇگىت تانىمىندا تاباندى بولىپ، ءداستۇرلى اقپارات قۇرالدارى مەن جاڭا اقپارات قۇرالدارىنىڭ كۇشىن توعىستىرۋدى، ىشكى جاقتاعى ۇگىت پەن شەتەلگە باعىتتالعان ۇگىتتى، ۇگىت تاراۋلارى مەن كاسىپتىك تاراۋلاردىڭ كۇشىن بىرىكتىرۋدى كۇشەيتىپ، جاڭا داۋىردەگى حالىق قۇرىلتايى اقپارات – ۇگىت قىزمەتىنىڭ جاڭا بەلەسكە كوتەرىلۋىن ىلگەرىلەتۋ كەرەك.
جۇڭگو حالىق قۇرىلتايى اقپارات سيلىعى مەملەكەتتىك سيلىق، 1991 – جىلدان بەرى، جىلىنا ءبىر رەت وتكىزىلەدى. بيىل 30 – كەزەكتى باعالاۋدا سيلىققا يە بولعان تۋىندىلاردان، كەيبىر تۋىندىلار 13 – كەزەكتى حالىق قۇرىلتايى 3 – ءماجىلىسىنىڭ جاعدايىن جاندى بەينەلەدى، مىسالى، «2020 – جىلعى حالىق قۇرىلتايى جايلى جەلىلەس وچەرك: ‹بۇل ۋاكىلدىڭ ءسوزى ماعان تەرەڭ اسەر قالدىردى — باس شۋجي شي جينپيڭ ىشكى موڭعۇل ۋاكىلدەر ۇيىرمەسىندە حالىقتى بارىنەن جوعارى قويۋدى ايتتى›، ‹تەلەۆيزوردان سەنى كورگەنمىن — باس شۋجي شي جينپيڭ حۋبەي ۋاكىلدەر ۇيىرمەسىنە باردى›» اتتى حابار؛ كەيبىر تۋىندىلار قۇرىلتايدا ماقۇلدانعان ازاماتتىق زاڭنامانىڭ ماڭىزدى ءمانى مەن باستى مازمۇندارىن ايگىلەدى، مىسالى، «حالىقتىڭ تاماشا تۇرمىسىنىڭ زاڭمەن جونگە سالۋ جاعىنداعى كەپىلى — ‹جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ› جارىققا شىعۋىنا وراي» اتتى حابار؛ كەيبىر تۋىندىلار حالىق قۇرىلتايى تۇراقتى كوميتەتى ءماجىلىسىنىڭ ماڭىزدى تالقى تاقىرىپتارىنا نازار اۋدارعان، مىسالى، «مەملەكەتتىك حالىق قۇرىلتايى تۇراقتى كوميتەتىنىڭ 13 – كەزەكتى مەملەكەتتىك حالىق قۇرىلتايى 3 – ءماجىلىسىن اشۋ ۋاقىتى جونىندەگى قاۋلىسى ماقۇلداندى» دەگەن تەلەۆيزورلىق تىكە تاراتىلىم؛ كەيبىر تۋىندىلار حالىق قۇرىلتايى ۋاكىلدەرىنىڭ ىندەتكە قارسى اتتانۋ كۇرەسىنە جانە جۇمىستى، ءوندىرىستى قالپىنا كەلتىرۋدى ۇيىمداستىرۋعا اتسالىسقانىنا نازاردى شوعىرلاندىرعان، مىسالى، «ىندەتپەن بولعان حالىقتىق شايقاستاعى حالىق قۇرىلتايىنىڭ جاۋاپ قاعازى» قاتارلى جەلىلەس جانە تىزبەكتى حابارلار. باعالاۋ كوميتەتى بىلاي دەپ قارادى: سيلانعان تۋىندىلار ەلىمىزدىڭ حالىق ءوز ىسىنە ءوزى قوجايىن بولعان سوتسياليستىك دەموكراتيالىق ساياسي ءتۇزىمى مەن دامۋ جولىن تولىق ايگىلەدى، پارتيا باسشىلىعىنداعى جاڭا داۋىردەگى جۇڭگوشا سوتسياليزم ىستەرىنىڭ دامۋ جەتىستىكتەرىن ايگىلەدى جانە بەينەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
