بۇكىل ەلىمىزدەگى اۋىل – قىستاقتارداعى الەۋمەتتىك قىزمەت وتەۋ جاعىنداعى ەكىنشى توپتاعى تيپتىك ونەگەلەر بەيجيڭدە جاريالاندى
2020.12.18 14:42 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى يۇي ۋىنجيڭ 12 – ايدىڭ 16 – كۇنى بەيجيڭنەن حابارلايدى. بۇكىل ەلىمىزدەگى اۋىل – قىستاقتارداعى الەۋمەتتىك قىزمەت وتەۋ جاعىنداعى ەكىنشى توپتاعى تيپتىك ونەگەلەر بەيجيڭدە جاريالاندى. بۇل رەت جاريالانعان 23 تيپتىك ونەگە 20 ولكە، اۆتونوميالى رايون، توتە قاراستى قالادان جيناقتالعان، مۇنداعى مازمۇندار اۋىل – قىستاقتاعى ەمدەۋ، قارتتاردى كۇتىمدەۋ، وقۋ – اعارتۋ، قونىستانۋ ورتاسى، اكىمشىلىك ىستەردەگى قىزمەت وتەۋ، اتا – اناسى جۇمىس ىستەپ كەتكەن بالالارعا قامقورلىق جاساۋ، الەۋمەتتىك مادەنيەت جانە دەنە تاربيە قاتارلى كوپتەگەن سالالارعا سايادى.
بۇل حاباردى ءتىلشى 12 – ايدىڭ 16 – كۇنى اۋىل شارۋاشىلىعى جانە اۋىل – قىستاق مينيسترلىگىنەن ۇعىسقان.
اۋىل شارۋاشىلىعى جانە اۋىل – قىستاق مينيسترلىگىنىڭ ورىنباسار مينيسترى ليۋ حۋانشين بىلاي دەدى: جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدە شەشۋشى ناتيجەلەرگە قول جەتكىزىلىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا اتتانۋ الدىندا تۇرعان جاڭا كەزەڭدە، اۋىل – قىستاقتارداعى الەۋمەتتىك قىزمەت وتەۋ قۇرىلىسىن ۇزدىكسىز كۇشەيتۋ — اۋىل – قىستاقتى كوركەيتۋدى جاپپاي ىلگەرىلەتۋدەگى كەلەلى مىندەت، رەفورما جاساۋ، دامىتۋ ناتيجەلەرىنەن ديقانداردى تەڭ يگىلىكتەندىرۋدىڭ قاجەتتى تالابى، قالا مەن اۋىلدى سايكەستىرە دامىتۋداعى كەلەلى شارا.
ۇعىسۋعا قاراعاندا، بۇل رەت جاريالانعان تيپتىك ونەگەلەر بەيجيڭ، تيانجين، حىبەي، سانشي، ىشكى موڭعۇل، لياۋنيڭ، شاڭحاي، جياڭسۋ، جىجياڭ، فۋجيان، جياڭشي، شاندۇڭ، حىنان، حۋبەي، حۋنان، گۋاڭدۇڭ، سىچۋان، چۇڭچيڭ، نيڭشيا، شينجياڭ قاتارلى ولكە، اۆتونوميالى رايون، توتە قاراستى قالالاردان جيناقتالعان.
جاريالانعان تيپتىك ونەگەلەر ىشىندە، فۋجيان ولكەسى سانميڭ قالاسى ۇكىمەتتىڭ ساتىپ الۋ جاعىندا قىزمەت وتەۋ تاسىلىندە ىزدەنىس جاساپ، ادام كۇشى، قازىنا، زاتتىق بايلىقتارىن كوپ جاقتان توعىستىرىپ، ارناۋلىلانعان قىزمەت وتەۋدى ەنگىزىپ، اۋىل – قىستاقتا اتا – اناسى جۇمىس ىستەپ كەتكەن بالالاردى جۇباتۋ، سۇيىسپەنشىلىكپەن قامقورلىق جاساۋ، وتباسىلىق ءتالىم – تاربيە بەرۋ قاتارلى قىزمەت وتەۋ تۇرلەرىن باستى ءتۇيىن ەتە وتىرىپ، اۋىل – قىستاقتارداعى اتا – اناسى جۇمىس ىستەپ كەتكەن بالالارعا قامقورلىق جاساۋ مەن ولاردى قورعاۋ جاعىندا قىزمەت وتەۋدىڭ جاڭا فورماسىن قالىپتاستىرعان.
شاندۇڭ ولكەسى رۇڭچىڭ قالاسى سەنىمدىلىگىنە قاراي شابىتتاندىرۋ ساياساتىندا جاڭالىق اشۋ ارقىلى ەرىكتى قىزمەت وتەۋشىلەردى اتتانىسقا كەلتىرىپ، قوعامدىق كۇشتەردى ۇيىستىرىپ، «مەيىرلى اسحانانى» قالىپتاستىرىپ، اۋىل – قىستاقتارداعى ۇيدە كۇتىمدەلىپ جاتقان قارتتاردىڭ تاماقتانۋ ماسەلەسىن شەشىم ەتكەن.
لياۋنيڭ ولكەسى جۋاڭحى قالاسى جەرگىلىكتى ورىندا اۋىل – قىستاقتارداعى تۇرمىستىق قوقسىقتاردى جونگە سالۋدىڭ ۇزاق مەرزىمدىك ءونىمدى ءتاسىلىن تابۋ جاعىندا ىزدەنىس جاساپ، قارجىلىق جاقتان كەپىلدىك ەتۋ مەن ۇزاق مەرزىمدى ءونىمدى جۇمىس اتقارۋ مەحانيزمىن قالىپتاستىرىپ، قوقسىقتاردى قاينارىنان باستاپ ازايتۋ مەن ءبىرجاقتىلى ەتۋ تەرمينالى، مەرزىم بويىنشا تازالاۋ مەن كۇندەلىكتى تازالىق ىستەرىن تىعىز ۇشتاستىرىپ، اۋىل – قىستاقتارداعى قوقسىقتاردى جونگە سالۋ جاعىنداعى قيىن ماسەلەنى ءونىمدى شەشكەن.
«بۇل جولى اۋىل – قىستاقتارداعى الەۋمەتتىك قىزمەت وتەۋ جاعىندا كوزگە تۇسكەن، ۇيرەنۋگە تاتيتىن تيپتىك ونەگەلەردى جاريالاۋداعى ماقسات — تيپتەردىڭ جەتەكشىلىك ەتۋ رولىن، ۇلگى كورسەتۋ رولىن ساۋلەلەندىرىپ، جەر – جەردى جاعدايعا قاراي ءىس كورىپ، اۋىل – قىستاقتارداعى الەۋمەتتىك قىزمەت وتەۋ جاعىنداعى ولقىلىقتاردى جەدەل تولىقتاۋعا جەتەلەۋ»، — دەدى ليۋ حۋانشين.
ۇعىسۋعا قاراعاندا، بۇدان بىلاي اۋىل شارۋاشىلىعى جانە اۋىل – قىستاق مينيسترلىگى قاتىستى تاراۋلارمەن تىزە قوسا وتىرىپ، تيپتىك ونەگەلەردى ۇگىتتەۋ تەبىنىن كۇشەيتىپ جانە رەفورما جاساۋ، ىزدەنۋ ءورىسىن ۇزدىكسىز كەڭەيتىپ، ءتۇزىم قۇرىلىسىن كۇشەيتىپ، اۋىل – قىستاقتارداعى الەۋمەتتىك قىزمەت وتەۋ ورەسىن ۇزدىكسىز جوعارىلاتۋدى ىلگەرىلەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
