ەلىمىزدىڭ مەملەكەت تەرريتورياسى مەن كەڭىستىگىن جوسپارلاۋداعى كوپ ءتۇرلى جوسپار توعىستىرىلعان جۇيەسى نەگىزىنەن قالىپتاستى
2020.12.18 14:47 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ ليبين 12 – ايدىڭ 17 – كۇنى بەيجيڭنەن حابارلايدى. تاۋ، سۋ، ورمان، اتىز، كول، جايىلىم قاتارلىلاردى ءبىر تۇلعالاندىرىپ باسقارۋ، قورعاۋ، قالپىنا كەلتىرۋ ماقساتىندا، ەلىمىزدىڭ مەملەكەت تەرريتورياسى مەن كەڭىستىگىن جوسپارلاۋداعى كوپ ءتۇرلى جوسپار توعىستىرىلعان جۇيەسى نەگىزىنەن قالىپتاستى.
تابيعي بايلىق مينيسترلىگىنىڭ ورىنباسار مينيسترى، مەملەكەتتىك تەڭىز – مۇحيت مەكەمەسىنىڭ باستىعى ۋاڭ حۇڭ 12 – ايدىڭ 17 – كۇنى مەملەكەتتىك كەڭەستىڭ اقپار جاريالاۋ ماجىلىسىندە بىلاي دەدى: 13 – بەسجىلدىق مەزگىلىندە، ەلىمىزدىڭ ەكولوگيالىق ورتانى قورعاۋ، قالپىنا كەلتىرۋ جاعىنداعى زاڭ – تۇزىمدەرى جەدەل كەمەلدەندىرىلىپ، ورمان زاڭى، تەڭىز – مۇحيت ورتاسىن قورعاۋ زاڭى، قۇمنان ساقتانۋ جانە قۇمدى جونگە سالۋ زاڭى، جەر باسقارۋ زاڭى قاتارلىلارعا وزگەرىس ەنگىزۋ ورىندالدى؛ كەن، جايىلىم، تابيعي قورىق، جابايى حايۋاناتتاردى قورعاۋ، مەملەكەت تەرريتورياسى مەن كەڭىستىگىن اشۋ – قورعاۋ، كەڭىستىك جوسپارى جانە چاڭجياڭدى، حۋاڭحىنى قورعاۋ قاتارلى جاقتاردا زاڭدارعا وزگەرىس ەنگىزىلدى نەمەسە زاڭدار جاسالدى؛ مەملەكەت تەرريتورياسى جانە كەڭىستىگىن جوسپارلاۋ جۇيەسىن قۇرۋ، تابيعي بايلىق مال – مۇلىك ۇقىعى تۇزىمىنە رەفورما جاساۋ، تابيعي قورىق جۇيەسى، ءۇش ءتۇرلى مەڭگەرۋ سىزىعىن ءبىرتۇتاس جوسپارلاۋ – تياناقتاندىرۋ، تەڭىزدى قورشاۋ – تولتىرۋدى قاتاڭ مەڭگەرۋ جانە تابيعي ورمان، سازدىقتاردى قورعاۋ، قالپىنا كەلتىرۋ، سونداي – اق، ورمانباسى ءتۇزىمىن ورناتۋ قاتارلى قۇجاتتار ورتاعا قويىلدى.
ول بىلاي دەدى: ەلىمىزدىڭ مەملەكەت تەرريتورياسى مەن كەڭىستىگىن جوسپارلاۋداعى كوپ ءتۇرلى جوسپار توعىستىرىلعان جۇيەسى نەگىزىنەن قالىپتاستىرىلدى، ءار دارەجەلى مەملەكەت تەرريتورياسى مەن كەڭىستىگى جوسپارىن جانە اۋىل – قىستاق جوسپارىن جاساۋ مىقتى يگەرىلدى؛ ەكولوگيالىق ورتانى قورعاۋ قىزىل سىزىعىن بەلگىلەۋ جانە باسقارۋ – مەڭگەرۋ ءتۇزىمى ايقىندالدى ءارى وعان باعالاۋ – رەتتەۋ جۇرگىزىلدى، قۇرلىق پەن تەڭىز ەرەكشە ماڭىزدى ەكولوگيالىق فۋنكتسياعا يە، ءماجبۇرلى تۇردە قاتاڭ قورعاۋ قاجەت بولاتىن وڭىرلەردى قىزىل سىزىققا ەنگىزۋ كەرەك، قامتۋ قاجەت بولسا، مۇمكىندىگىنشە قامتۋ، قورعاۋ قاجەت بولسا، مۇمكىندىگىنشە قورعاۋ كەرەك؛ مەملەكەتتىك ءتۇيىندى نىسانداردان سىرت، تەڭىزدى قورشاۋ – تولتىرۋعا جاپپاي تيىم سالىندى، ەلىمىزدىڭ تابيعي ەكولوگيالىق كەڭىستىكتى پايدالانۋدى باسقارۋ بەلگىلەمەلەرى، تۇزىمدەرى، مەحانيزمدەرى العاشقى قادامدا ورناتىلدى.
تانىستىرۋعا قاراعاندا، قازىر ەلىمىزدىڭ مەملەكەت تەرريتورياسىن جاسىلداندىرۋ ارەكەتى ىشكەرىلەي ورىستەتىلىپ، ەكولوگيالىق ورتانى قورعاۋ، قالپىنا كەلتىرۋ جاعىنداعى ءتۇيىندى ارناۋلى ارەكەتتەر مەن ينجەنەريالاردىڭ ونىمدىلىگى كورنەكتى بولعان، ەكولوگيالىق ورتانى قالپىنا كەلتىرۋدى بازارلاندىرۋعا قاتىستى قوسىلىم مەحانيزمى جونىندە ىزدەنىس جاسالىپ، ورگانيزمدەردىڭ الۋان تۇرلىلىگىن قورعاۋ جاپپاي كۇشەيتىلدى. مەملەكەتتىك ورمان – جايىلىم مەكەمەسىنىڭ ورىنباسار باستىعى ليۋ دۇڭشىڭنىڭ تۇڭعىش رەت جاريالاعان ساندى مالىمەتتەرىنە قاراعاندا، قازىر ەلىمىزدە ورمانداعى كومىرتەگىنىڭ ساقتالۋ مولشەرى 9 ميلليارد 200 ميلليون توننا بولىپ، كومىرتەگىنىڭ ساقتالۋ مولشەرىنىڭ جىلدىق ارتۋ مولشەرى ورتا ەسەپپەن 200 ميلليون توننادان اسادى. ورمان مەن جايىلىم، سازدى جەر كومىرتەگى جيناقتالا كەلە، كليمات وزگەرىسىنە توتەپ بەرۋدە كۇن سايىن ماڭىزدى رول اتقارۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
