تاۋ، سۋ، ورمان، اتىز، كول، جايىلىم ءبىر تۇلعالاندىرىپ قورعالدى، قالپىنا كەلتىرىلدى
«13 – بەسجىلدىق» جوسپار كەزىندە تابيعي قورعالاتىن 700 دەن استام جەر قوسىلدى
2020.12.18 16:14 كەلۋ قاينارى : حالىق تورابى
«حالىق گازەتى»، 12 - ايدىڭ 17 - كۇنى، بەيجيڭ (ءتىلشى جۋ جۇن). مەملەكەتتىك كەڭەستىڭ اقپارات كەڭسەسى 12 - ايدىڭ 17 - كۇنى وتكىزگەن اقپار جاريالاۋ ماجىلىسىندە جاراتىلىستىق بايلىق مينيسترلىگى مينيسترىنىڭ ورىنباسارى، مەملەكەتتىك تەڭىز - مۇحيت مەكەمەسىنىڭ باستىعى ۋاڭ حۇڭ مىنانى ءبىلدىردى: ەكولوگيالىق وركەنيەت قۇرىلىسىنىڭ ماڭىزدى قۇرامداس بولىگى رەتىندە، «13 – بەسجىلدىق» كەزىندە ەلىمىز تاۋ، سۋ، ورمان، اتىز، كول، جايىلىمدى ءبىر تۇلعالاندىرىپ قورعاۋدا، قالپىنا كەلتىرۋدە تاباندى بولىپ، ەكولوگيانى قورعاۋ، قالپىنا كەلتىرۋ قىزمەتىندە كورنەكتى ونىمدىلىككە قول جەتكىزدى. «13 - بەسجىلدىق» كەزىندە بۇكىل ەل بويىنشا جاراتىلىستىق قورعالاتىن جەرلەردىڭ سانى 700 دەن استام كوبەيىپ، جەر اۋماعى 25 ميلليون گەكتاردان استام كوبەيىپ، جالپى سانى 11 مىڭ 800 گە جەتىپ، ەلىمىزدىڭ قۇرلىق ءوڭىرى جەر اۋماعىنىڭ شامامەن %18 ىن ۇستادى.
«13 - بەسجىلدىق» كەزىندە ەلىمىز تاۋ، سۋ، ورمان، اتىز، كول، جايىلىم ەكولوگياسىن قورعاۋ، قالپىنا كەلتىرۋ بويىنشا 25 ينجەنەريانى تۇيىندە سىناق ەتتى. ۋاڭ حۇڭ تانىستىرىپ بىلاي دەدى: وسى 25 سىناق ءتۇيىنى ينجەنەرياسى بۇكىل ەلدەگى 24 ولكە، اۆتونوميالى رايون، توتە قاراستى قالانى شارپىپ، مەملەكەت دارەجەلى 65 كەدەي اۋداندى يگىلىككە كەنەلتتى. ورتالىق قازىنا 50 ميلليارد يۋان سيلىق، قوسىمشا قاراجات ءتۇسىردى، قازىر ءىس جۇزىندە ورىندالعان قارجى 170 ميلليارد يۋانعا تايادى، سىناق ءتۇيىنى ينجەنەرياسىندا تاۋ، سۋ، ورمان، اتىز، كول، جايىلىم سىندى جاراتىلىستىق ەكولوگيالىق فاكتورلاردى ءبىر تۇتاس جوسپارلاۋ جونىندە ىزدەنىس جاسالىپ، جالپى تۇلعالىق قورعاۋ، جۇيەلى قالپىنا كەلتىرۋ، جان - جاقتى جونگە سالۋ سياقتى جاقتاردا كورنەكتى ونىمدىلىككە قول جەتكىزىلدى.
«13 – بەس جىلدىق» كەزىندە ەلىمىز مەملەكەت جەرىن زور كولەمدە جاسىلداندىرۋ ارەكەتىن ورىستەتتى. تابيعي ورماندى جاپپاي قورعاپ، ەگىستىككە اينالعان ورماندى، جايىلىمدى قالپىنا كەلتىرۋ كولەمىن كەڭەيتىپ، بۇكىل ەلدىڭ ورمانمەن كومكەرىلۋ شاماسىن %23.04 كە جەتكىزدى، ورمان قورىن 17 ميلليارد 500 ميلليون تەكشەمەتردەن اسىردى، جايىلىمنىڭ جالپىلىق وسىمدىك جامىلعىسىنىڭ كومكەرۋ شاماسى %56 كە جەتتى. ورمان ءوسىرىپ جاسىلداندىرۋ مىندەتى مەن قارجىنى ورنالاستىرۋ جاعىندا كەدەي وڭىرلەرگە بەيىمدەلدى. «13 – بەسجىلدىقتان» بەرى بۇكىل ەل بويىنشا ەكولوگيا جاعىنان كەدەيلەردى سۇيەمەلدەۋ بويىنشا 23 مىڭ كاسىپتىك سەلبەستىك كووپەراتيۆى جاڭادان قۇرىلىپ، ءبىر ميلليون 600 مىڭ كەدەي حالىق سانى ەكولوگيالىق قۇرىلىسقا قابىلداندى. ەكولوگيالىق ورمان قورعاۋشىلاردان جيىنى ءبىر ميلليون 100 مىڭ ادام تاڭداپ ۇسىنىس ەتىلدى، باسقا سۇيەمەلدەۋ شارالارىمەن ۇشتاستىرۋ ارقىلى 3 ميلليوننان استام كەدەي حالىق سانىنىڭ كەدەيلىكتەن ارىلىپ، كىرىستى ارتتىرۋىنا دالمە - ءدال جەتەكشىلىك ەتىلدى.
قازىنا مينيسترلىگىنىڭ قاتىستى جاۋاپتىسى تانىستىرىپ بىلاي دەدى: «13 – بەس جىلدىق» جوسپار مەزگىلىندە ورتالىق قازىنا ەكولوگيانى قورعاۋعا، قالپىنا كەلتىرۋگە قاتىستى اۋدارىپ تولەۋگە جيىنى 877 ميلليارد 900 ميلليون يۋان قارجى ورنالاستىردى، باستىسى ەكولوگيالىق رولى ماڭىزدى وڭىرلەردەگى ۇكىمەتتىڭ نەگىزدىك الەۋمەتتىك قىزمەت وتەۋدى قامتاماسىزداندىرۋ قۋاتىن جوعارىلاتۋ، تاۋ، سۋ، ورمان، اتىز، كول، جايىلىم جۇيەسىن جونگە سالۋ، تەڭىز – مۇحيت ەكولوگياسىن قورعاۋ، قالپىنا كەلتىرۋ سياقتىلارعا قولداۋ كورسەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
