بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

توتەپ بەرۋ مەحانيزمىن اقاۋسىزداندىرىپ، اتتانىسقا كەلىپ ءبىر جاقتى ەتۋ ءتارتىبىن ارناعا ءتۇسىرۋ

مەملەكەتتىك ورمان – جايىلىمداعى ٶرت اپاتى شۇعىل جاعدايىنا توتەپ بەرۋ دايىندىق جوباسىن باسىپ تاراتتى

2020.12.25 14:16     كەلۋ قاينارى : حالىق تورابى

  حالىق گازەتىنىڭ 12 – ايدىڭ 24 – بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 12 – ايدىڭ 24 – كۇنى وتكىزگەن اقپار جاريالاۋ ماجىلىسىندە، مەملەكەتتىك ورمان – جايىلىمداعى ورتتەن ساقتانۋ، ٶرت ٶشىرۋ قولباسشىلىق كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى، قوعام حاۋىپسىزدىك مينيسترلىگى، مەملەكەتتىك ورمان – جايىلىم مەكەمەسىنىڭ قاتىستى ادامدارى جۋىردا باسىپ تاراتىلعان «مەملەكەتتىك ورمان – جايىلىمداعى ٶرت اپاتى شۇعىل جاعدايىنا توتەپ بەرۋ دايىندىق جوباسىن» ءتۇسىندىردى، ٵرى ەلىمىزدىڭ قىس ماۋسىمىنداعى ورمان – جايىلىم ٶرت اپاتىنان ساقتانۋ قىزمەت ورنالاستىرۋىن تانىستىردى.

  مەملەكەتتىك ورمان – جايىلىمداعى ٶرت اپاتىنان ساقتانۋ، ٶرت ٶشىرۋ قولباسشىلىق كەڭسەسىنىڭ مەڭگەرۋشىسى، شۇعىل جاعدايعا توتەپ بەرۋدى باسقارۋ مينيسترلىگى پارتكومىنىڭ مۇشەسى ٵرى مەملەكەتتىك ورمان – جايىلىم مەكەمەسىنىڭ ورىنباسار باستىعى جاڭ يۇڭلي بىلاي دەدى: جاڭا شىعارىلعان دايىندىق جوباسى «مەملەكەتتىك ورمان ٶرت اپاتى شۇعىل جاعدايىنا توتەپ بەرۋ دايىندىق جوباسى» مەن «مەملەكەتتىك جايىلىم ٶرت اپاتى شۇعىل جاعدايىنا توتەپ بەرۋ دايىندىق جوباسىن» بىرىكتىرىپ، ماڭىزدى مىندەت، ءبىر جاقتى ەتۋ كۇش – قۋاتى، ٶرت اپاتى، ٶرت دەلوسىن تەكسەرىپ ءبىر جاقتى ەتۋ، كەڭەسۋ ارقىلى وزگەرتۋ، جاۋپكەرشىلىگىن قۋزاستىرۋ قاتارلى تاراۋلار مەن تاراۋشالاردى قوسىپ، ۇيىمدىق قولباسشىلىق ەتۋ جۇيەسىن كەمەلدەندىردى، دارەجەگە ءبولىپ اتتانىسقا كەلتىرۋ شارت – جاعدايىن ساپالاندىردى، ينفورماتسيانى مالىمدەپ جولداۋ، اتتانىسقا كەلتىرۋ شاراسى، ءورت كەتكەن جەردەگى شۇعىل قاتەردەن ساقتانۋ، ورنالاستىرىلعان ادامداردى جوتكەۋ قاتارلى مازمۇنداردى تولىقتىردى، حاۋىپسىز ٶرت وشىرۋگە قاتىستى تالاپتاردى كۇشەيتتى.

  جاڭ يۇڭلي بىلاي دەپ تانىستىردى: بيىل كۇز ماۋسىمىنداعى ورتتەن ساقتانۋدان بەرى، ەلىمىزدىڭ ورمان – جايىلىمداعى ورتتەن ساقتانۋ، ٶرت ٶشىرۋ جاعدايى جالپى جاقتان ورنىقتى بولدى، قازىرگە دەيىن جيىنى 93 رەت ورمان – جايىلىم ٶرت اپاتى تۋىلىپ، وتكەن جىلعى ۇقساس مەزگىلدەگىدەن %84 ازايدى، بۇل جۋىرداعى 5 جىلدان بەرگى ەڭ تومەنگى شەك.

  ۇعىسۋعا قاراعاندا، مەملەكەتتىك ورمان ورتىنەن ساقتانۋ اترەتىندە قازىر 9 باس اترەت، 2 اۋەدەن قۇتقارۋ بولىمشە اترەتى مەن ءبىر جىلجىمالى بولىمشە اترەت بار، قازىر ٵرقايسى ەكى كورشى ولكەدە از دەگەندە ءبىر مەملەكەتتىك ورمان ورتىنەن ساقتانۋ اترەتى بار بولىپ، ٵرقانداي ولكەدە ٶرت اپاتى تۋىلعاندا 24 ساعات ىشىندە 1000نان استام ادامدى توپتاۋعا بولادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار