اۋىل شارۋاشىلىق عىلىم - تەحنيكا العاباسارلىعىنىڭ ۇلەس شاماسى %60 تەن استى
اۋىل شارۋاشىلىعىن، اۋىل – قىستاقتى وسىزامانداندىرۋ تىڭ ساتىعا كوتەرىلدى («13 – بەسجىلدىق» جوسپار مەزگىلىندە ءبىز وسىلاي باسىپ وتتىك)
«حالىق گازەتىنىڭ» تىلشىلەرى گاۋ يۇنساي، چاڭ چين، يۇي جيڭشيان
2021.01.07 15:40 كەلۋ قاينارى : حالىق تورابى
حىنان ولكەسى لوشان اۋدانى زىلۋ قالاشىعى جۋۋان قىستاعىنىڭ ولشەمدەنگەن قۇنارلى اتىزىندا ەگىنشىلەر سوقامەن جەر جىرتۋدا، شيڭجين ەگىس ماشينالارى كاسىپتىك سەلبەستىك كووپەراتيۆىنىڭ القا باستىعى چىن گۇيچۋان: «كۇزدىك ءبيدايدان مول ءونىم الۋعا سەنىمىمىز كامىل!» دەدى.
باس شۋجي شي جينپيڭ بىلاي دەپ دارىپتەگەن بولاتىن: اۋىل شارۋاشىلىعى، اۋىل - قىستاق وسىزاماندانباسا، تۇتاس مەملەكەت وسىزاماندانبايدى. «13 - بەسجىلدىقتان» بەرى ەلىمىزدىڭ اۋىل شارۋاشىلىعىن، اۋىل - قىستاقتى وسىزامانداندىرۋ اياق الىسى جەدەلدەپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى ىشكەرىلەي ىلگەرىلەتىلىپ، وسى زامانعى اۋىل شارۋاشىلىعىنىڭ كاسىپ جۇيەسى، ءوندىرىس جۇيەسى، تيجارات جۇيەسى جەدەل قۇرىلىپ، تەحنيكالىق جابدىقتاردىڭ تىرەكتىك قۋاتى كورنەكتى كۇشەيىپ، ساپا ونىمدىلىگى مەن باسەكەلىك قۋات ۇزدىكسىز جوعارىلادى، ەگىنشىلەر جوعارى ءتۇسىمدى، ءونىمى حاۋىپسىز، بايلىعى ۇنەمدى، ورتاسى جاراسىمدى اۋىل شارۋاشىلىعىن وسىزامانداندىرۋ جولىمەن ءجۇردى.
− اۋىل شارۋاشىلىق عىلىم - تەحنيكاسىنىڭ ورەسى ءتىپتى دە جوعارىلادى، ەگىنشىلەردىڭ تابىسى مولايدى، مول ءونىم نەگىزى نىعايدى.
وسى زامانعى اۋىل شارۋاشىلىق قۇرىلعى - جابدىقتارى كىرىستى ارتتىرۋدىڭ «وتكىر قارۋىنا» اينالدى. حىنان ولكەسىنىڭ شاڭشۇي اۋدانىندا 50 مىڭ مۋلىق جوعارى ولشەمدى ەگىس اتىزىنا «بۇلت» عىلىم - تەحنيكاسى پايدالانىلدى: اۋا رايىن باقىلاۋ - ولشەۋ، ساقتاندىرۋ، ساقتانۋ - تىزگىندەۋدىڭ زەردەلى جۇيەسى مايسا جاعدايىن، دىمقىلدىقتى، دەر - دەربەز جاعدايىن دەر كەزىندە باقىلاپ - تەكسەرىپ وتىراتىن بولدى، داعدىلى ەگىنشىلىك تاسىلىنەن «پاراساتتىق» ەگىنشىلىك تاسىلىنە بۇرىلىس جاسالدى. شاندۇڭ ولكەسى دۇڭيىڭ قالاسى كىنلي رايونىندا جاڭاشا ەگىس ماشينالارى قاز - قاتار ءتىزىلىپ، ورۋ، سۇرلەم باسۋ، تەرەڭ قوپسىتۋ، تۇقىم سەبۋ جۇمىستارىن جۇرگىزىپ، ءوندىرىستىڭ جالپى بارىسى ماشينالاندى.
سورتتى تۇقىم جەتىلدىرۋدە كەلەلى عىلىم - تەحنيكادان قامال الىنىپ، جۇڭگولىقتاردىڭ استىقپەن ءوزى - ءوزى قامداۋىنا دەم بەرىلدى. «جاي پىساتىن كۇرىشتى سىناق رەتىندە ەكتىك، ورتاشا ءتۇسىمى 911.7 كيلوگرام بولدى!» 2020 - جىلى 11 - ايدىڭ 2 - كۇنى حۋنان ولكەسى حىڭنان اۋدانىنىڭ شۋاڭجي جاي پىساتىن كۇرىشتى سىناق ەتۋدەن ۇلگى كورسەتۋ بازاسىنان مىناداي شات حابار تارالدى: يۋان لۇڭپيڭ اكادەميكتىڭ توبى جەتىلدىرگەن 3 - ۇرپاق بۋدانداستىرىلعان كۇرىشتىڭ «سانيوۋ 1 - ءنومىرلى» سورتىنىڭ سىناق رەتىندە ەگۋدەگى مۋ باسىندىق ورتاشا ءتۇسىمى 911.7 كيلوگرامعا جەتكەن. ونىڭ ۇستىنە وسىدان بۇرىن، ياعني 7 - ايدا ولشەنگەن ەرتە پىساتىن كۇرىشتىڭ مۋ باسىندىق ورتاشا ءتۇسىمى 619.06 كيلوگرام بولعان، بۇل ءۇشىنشى ۇرپاق بۋدانداستىرىلعان قوس ءتۇسىمدى كۇرىشتىڭ مۋ باسىندىق ورتاشا ءتۇسىمى 1530.76 كيلوگرامعا جەتىپ، ورتاشا ءتۇسىمى 1500 كيلوگرامدىق ءىرى وتكەلدەن وتكەنىن اڭعارتتى، وسىلايشا بۋدانداستىرىلعان قوس ءتۇسىمدى كۇرىشتىڭ مۋ باسىندىق تۇسىمىندە جاڭا رەكورد جاراتىلدى.
ارت - ارتىنان جاڭالانعان تەحنيكالاردىڭ قولدانىسى اۋىل شارۋاشىلىق ءوندىرىس ونىمدىلىگىنىڭ ۇزدىكسىز جوعارىلاۋىن ىلگەرىلەتتى. قازىر ەلىمىزدىڭ اۋىل شارۋاشىلىق عىلىم - تەحنيكا العاباسارلىعىنىڭ ۇلەس شاماسى %60 تەن استى، ەگىس داقىلدارىن ەگۋ، ورۋ جۇمىستارىنىڭ جالپىلىق ماشينالانۋ شاماسى %70 تەن استى، نەگىزگى ەگىس داقىلدارىندا ساپالى تۇقىممەن تولىق قامتۋ ىسكە اسىرىلدى؛ 800 ميلليون مۋ جەردەگى قۋاڭشىلىق پەن سەل اپاتىنا توتەپ بەرىلەتىن، جوعارى ءونىمدى، ورنىقتى ءونىم الىناتىن جوعارى ولشەمدى ەگىس اتىزى قۇرىلىسى مىندەتى ورىندالىپ، استىق وندىرىسىندە جاۋىن - شاشىنعا يەك سۇيەۋگە قوش ايتىلدى. استىق ەگۋدە جەرگە، تەحنيكاعا سۇيەنەتىن بولدىق، 2020 - جىلى استىق ءتۇسىمى ءبىر تريلليون 340 ميلليارد جىڭعا جەتىپ، ءۇرتىس 6 جىل ءبىر تريلليون 300 ميلليارد جىڭنان جوعارى بولۋ ورەسى تۇراقتى ساقتالىپ، شارۋالاردىڭ مول ءونىم الۋ قۋاتى اناعۇرلىم ارتتى.
− ۇيىمداستىرۋ دەڭگەيى اناعۇرلىم كۇشەيىپ، جاڭاشا تيجارات تۇلعالارى مەن قوعامدانعان قىزمەت وتەۋ ۇيىمدارى اتىزداردى جانداندىرىپ، دامۋدىڭ قوزعاۋشى كۇشى تاسقىندادى. «ەگىن ەكسەڭ اقشا تاپپايسىڭ دەپ كىم ايتادى؟ ساپالى ءبيدايدىڭ پايداسى بار!» حىنان ولكەسى شيا - ي اۋدانى حۇيتيڭ قالاشىعى گولۋجۋاڭ قىستاعىنىڭ تۇرعىنى جۋ چۋانحاي باستاماشى بولىپ سەلبەستىك كوپەراتيۆىن قۇردى، سەرىكتەستىكتىڭ ساپالى تۇقىم جەتىلدىرۋىمەن ۇشتاستىرىپ، ءبىر مۋ جەردىڭ ناق پايداسىن 400 يۋاننان اسىردى، ەگىنشىلەردىڭ 10 مىڭ مۋدان استام جەرگە ساپالى ءبيداي ەگۋىنە باستاماشى بولدى.
«اتىز كۇتۋشىلەرى» اتىزدا قىزمەت وتەپ، ەگىس ءوندىرىسىنىڭ قوعامدانۋىن، ارنايىلانۋىن جەدەل ىلگەرىلەتتى. انحۇي ولكەسى حۋاييۋان اۋدانى شۇيۋەي اۋىلىندا شىڭشىشيڭ ەگىس ماشينالارى كاسىپتىك سەلبەستىك كووپەراتيۆىنىڭ باس القاسى شاڭ يۋە 14 مىڭ مۋدان استام جەردى باسقارۋعا العان بولاتىن. ول بىلاي دەدى: جەرىن وتكىزىپ بەرگەن ەگىنشىلەردىڭ قانداي داقىل ەگۋ جونىندە ۇسىنىس قويۋىنا دا، ءبىزدىڭ ەركىمىزگە سالۋىنا دا بولادى، ءبىز جەردى ۋاكىلدىك ەگىپ، ەگىنشىلەرگە تابىس ۇلەسىن بەرەمىز، ەگىنشىلەر ءبىر جاعىنان اقشا تابادى، ءبىر جاعىنان باسقا جۇمىسپەن الاڭسىز شۇعىلدانا الادى.
«13 - بەسجىلدىقتان» بەرى وسى زامانعى اۋىل شارۋاشىلىعىنىڭ كاسىپ جۇيەسى، ءوندىرىس جۇيەسى، تيجارات جۇيەسى جەدەل قۇرىلىپ، اۋىل شارۋاشىلىعىنىڭ باسەكەلىك قۋاتى ۇزدىكسىز كۇشەيدى. قازىرگە دەيىن بۇكىل ەلدەگى اۋىل شارۋاشىلىعى، اۋىل – قىستاق تاراۋلارىنىڭ تىزىمدىگىنە ەنگىزىلگەن وتباسىلىق ەگىس الاڭدارى ءبىر ميلليوننان اسىپ، شارۋالار سەلبەستىك كوپەراتيۆتەرى 2 ميلليون 225 مىڭعا جەتىپ، بۇكىل ەلدەگى ەگىنشىلەردىڭ جارتىسىنا جۋىعىن شارپىدى. بۇكىل ەل بويىنشا اۋىل شارۋاشىلىعىنا قوعامدانعان قىزمەت وتەۋ ۇيىمدارىنىڭ جالپى مولشەرى 893 مىڭعا جەتىپ، اماناتتاۋ نەگىزىندە وندىرىسكە قىزمەت وتەۋ مولشەرى ءبىر ميلليارد 500 ميلليون مۋدان اسىپ، اۋىل شارۋاشىلىعىنىڭ جاڭالىق جاراتۋ قۋاتى، باسەكەلىك قۋاتى جانە جالپى فاكتورلىق ءوندىرىس ونىمدىلىگى جوعارىلادى.
− ءونىم ساپاسى اناعۇرلىم جاقساردى، «تويا تاماقتانۋدان» «جاقسى تاماقتانۋعا» بۇرىلىس جاسالدى، جاسىل ءوندىرىس ءتاسىلى جەدەل قالىپتاستى.
حيلۇڭجياڭ ولكەسى بەيداحۋاڭ تىڭ يگەرۋ توبى نۇڭجياڭ ەگىس الاڭى شەكتى سەرىكتەستىگىنىڭ 1 - باسقارۋ رايونىنداعى ەگىنشى ياڭ ماۋلۇڭ قىرماندا كەپتىرىلىپ جاتقان كۇرىشكە نازار سالا وتىرىپ ءوزىنىڭ جاسىل ءتۇستى ەكپەشىلىكپەن شۇعىلدانۋ جاعدايىن تىلگە تيەك ەتتى: ءبىر قىرىنان تەرەڭ اۋدارىپ تىڭايتقىش بەرۋ، سۋ ۇنەمدەپ سۋارۋ سياقتى جاڭا تەحنيكالارعا سۇيەنىپ، 510 مۋ كۇرىش اتىزىنان 6 مىڭ يۋاننان استام تىڭايتقىش اقشاسىن ۇنەمدەدىم، ءبىر مىڭ 500 يۋاننان استام سۋ، ەلەكتر اقىسىن ۇنەمدەدىم.
ساپا اۋىل شارۋاشىلىعىنىڭ دامۋىنا دەم بەردى، اۋىل شارۋاشىلىق ونىمدەرىن وندىرۋدە ءونىمدى ارتتىرۋ بەتالىسىنان ساپانى جوعارىلاتۋ بەتالىسىنا بۇرىلىس جاسالدى. جيلين ولكەسى يۇيشۋ قالاسى باۋشوۋ قالاشىعى مينيۋە ەگىس ماشينالارى جانە ەكپەشىلىك كاسىپتىك سەلبەستىك كوپەراتيۆىنىڭ جاۋاپتىسى شۇي يۇيچيڭ بىلاي دەدى: «ساپا دەگەنىمىز ماڭدايشالىق، ساپا دەگەنىمىز بازار. مەن كۇرىش اتىزىندا ۇيرەك باعىپ، ەكى بىردەي ونىمدىلىككە قول جەتكىزىپ وتىرمىن. 2020 - جىلى 100 مۋ جەردەگى كۇرىش اتىزىندە سىناق رەتىندە قىسقىش ءوسىردىم، كۇرىش تاۋار ماركاسىن تىركەتكەننەن كەيىن، ءبىر جىڭى 10 نەشە يۋاننان ساتىلدى، ءبىر گەكتار جەردەگى ورگانيكالىق كۇرىش اتىزىنىڭ كىرىسى ادەتتەگى كۇرىش اتىزىنىڭ كىرىسىنەن 40 مىڭ يۋاننان استام جوعارى بولادى ەكەن.
اۋىل شارۋاشىلىعىن جاسىلداندىرۋ، ساپالىلاندىرۋ، ماركالاندىرۋ ناتيجەسىندە اۋىل شارۋاشىلىق ونىمدەرىنىڭ ساپاسى جوعارىلاپ، ءتۇسىمى مولايدى. «13 - بەسجىلدىقتان» بەرى جەر - جەر ۇسىنىلىم بۇيىمدارىنىڭ مولشەرىن ازايتۋ، ءوندىرىستى تازارتۋ، جاراقسىز زاتتاردى بايلىققا اينالدىرۋ سياقتىلاردى ىلگەرىلەتىپ، اۋىل شارۋاشىلىعىنىڭ دامۋىنداعى ولقىلىقتاردى جەدەل تولىقتادى. 2019 - جىلدىڭ سوڭىنا دەيىن بۇكىل ەل بويىنشا حيميالىق تىڭايتقىشتىڭ، ەگىس دارىلەرىنىڭ ىستەتىلۋ مولشەرى ءۇرتىس ءبىرقانشا جىل ازايتىلىپ، مال قيىنىڭ، قۇس ساڭعىرىعىنىڭ جالپى بەتتىك پايدالانىلۋ شاماسى %75 كە، داقىل ساباعىنىڭ جان - جاقتى پايدالانىلۋ شاماسى %86 كە جەتىپ، جاسىل، ورگانيكالىق جانە جاعراپيالىق بەلگىسى بار اۋىل شارۋاشىلىق ونىمدەرى 49 مىڭ 200 دەن استى. «13 – بەسجىلدىقتان» بەرى ەلىمىزدىڭ اۋىل شارۋاشىلىق ونىمدەرىنىڭ ساپا حاۋىپسىزدىگىن باقىلاۋ تولىمدىلىق شاماسى %97 تەن جوعارى بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
