بەتتى ساقتاۋ |باس بەت قىلۋ |حات ساندىعى |حابارلاسىڭىز|ءبىز تۋرالى
شينجياڭ ۇيعۇر اۆتونوميالى رايوندىق ساياسي كەڭەستىڭ ءتوراعاسى اسحات كەرىمباي ۇلىمەن سۇحبات
2009.10.12 17:25    
{ ءارىپتىڭ ۇلكەن-كىشىلىگى كىشى ورتا ۇلكەن} باسىپ شىعارۋ  
      
  


  [رەداكتور ەسكەرتپەسى] 2009-جىلى قىركۇيەكتىڭ 28-جۇلدىزىندا شينجياڭ ۇيعۇر اۆتونوميالى رايوندىق ساياسي كەڭەستىڭ ءتوراعاسى اسحات كەرىمباي ۇلى تورابىمىزدىڭ تىلشىلىگىن قابىلدادى.

  قىسقاشا مازمۇنى:

  1.جاڭا جۇڭگو قۇرىلعانىنا بيىل 60 جىل تولدى، بۇل ءار ۇلت حالقىنىڭ ساياسي ومىرىندەگى وتە قۋانىشتى ءبىر ءىس، مەملەكەتىمىز 60 جىلدان بەرى وتە زور دامۋشىلىقتارعا قول جەتكىزدى.

  2.ەلىمىزدەگى قازاق ۇلتىنىڭ جان سانى 1 ميلليون 500 مىڭنان استى، قازاق ۇلتىنىڭ جان سانىنىڭ ارتۋ قارقىنى 56 ۇلتتىڭ ىشىندە ءبىرشاما تەز دەپ ايتۋعا كەلەدى، قازاق ۇلتى دا باسقا ۇلتتار سياقتى ۇلكەن دامۋ ورايىنا ءدوپ كەلىپ وتىر، ەڭ نەگىزگىسى، قازاق حالقىنىڭ وندىرىسىندەگى وزگەرىس وتە ۇلكەن.

  [ءتىلشى] توراپتاستار، سالەمەتسىزدەر مە، بۇگىن ءبىز شينجياڭ ۇيعۇر اۆتونوميالى رايوندىق ساياسي كەڭەستىڭ ءتوراعاسى اسحات كەرىمباي ۇلىمەن سۇحباتتاسۋ ورايىنا يە بولىپ وتىرمىز، اسسالاۋماعالايكۇم اسحات اعا، سىزبەن سۇحباتتاسۋ ورايىنا يە بولعانىمىزعا ايىرىقشا قۋانىشتامىز، الدىمەن توراپتاستارىمىزعا سالەمدەسىپ قويساڭىز.

  [ءتوراعا] قۇرمەتتى توراپتاستار سالەمەتسىزدەر مە؟!

  [ءتىلشى] جۇڭحۋا حالىق رەسپۋبليكاسى قۇرىلعاننان بەرى، شينجياڭ ۇيعۇر اۆتونوميالى رايونى قوعامدىق، ەكونوميكالىق دامۋ جاقتارىندا، جۇرتتى جالت قاراتارلىقتاي قانداي كەلەلى تابىستارعا قول جەتكىزە الدى؟

  [ءتوراعا] جاڭا جۇڭگو قۇرىلعانىنا بيىل 60 جىل تولدى، بۇل ءار ۇلت حالقىنىڭ ساياسي ومىرىندەگى وتە قۋانىشتى ءبىر ءىس، مەملەكەتىمىز 60 جىلدان بەرى وتە زور دامۋشىلىقتارعا قول جەتكىزدى، حالىقارادا ەلىمىز ەكونوميكاسىنىڭ دامۋ دەڭگەيى ءتورتىنشى ورىندا تۇرادى. حالىقتىڭ تۇرمىس ءورەسى دە جوعارى كوتەرىلدى، حالىقارادا ەلىمىزدىڭ ابرويى كۇن سايىن ارتىپ كەلەدى.مەملەكەتىمىزدىڭ دامۋىنا ىلەسىپ، شينجياڭ ۇيعۇر اۆتونوميالى رايونىنىڭ دامۋى دا وتە تەز بولدى، اسىرەسە ەكونوميكانىڭ دامۋى. رەفورما جاساپ ەسىك اشقاننان بەرى، اسىرەسە باتىس ءوڭىردى جاپپاي اشۋ جولعا قويىلعاننان بەرى، شينجياڭنىڭ دامۋى تەز، ءارى جاقسى بولدى. اۆتونوميالى رايونىمىز 1955-جىلى قۇرىلعان، سول كەزدە، اۆتونوميالى رايونىمىز ءوندىرىسىنىڭ جالپى ءونىم قۇنى 700 ميلليون يۋان بولاتىن، 2008-جىلعا كەلگەندە، اۆتونوميالى رايونىمىزدىڭ ءوندىرىسىنىڭ جالپى ءونىم قۇنى 420 ميلليارد يۋانعا جەتىپ، اۆتونوميالى رايونىمىز قۇرىلعان كەزدەگىدەن ءجۇز نەشە ەسە ارتتى. اۆتونوميالى رايون قۇرىلعان كەزدەگى قازىنا كىرىسى 10 ميلليون يۋانعا جەتپەيتىن، 2008-جىلعا كەلگەندە، اۆتونوميالى رايونىمىزدىڭ جالپى قازىنا كىرىسى 82 ميلليارد يۋانعا جەتتى. اۆتونوميالى رايونىمىز قۇرىلعان كەزدە، ەگىنشى-مالشىلاردىڭ جان باسىنا شاققانداعى ورتاشا كىرىسى 100 يۋانعا جەتپەيتىن، 2008-جىلى ەگىنشى-مالشىلاردىڭ جان باسىنا شاققانداعى ورتاشا كىرىسى 3500 يۋانعا جەتتى. بۇل سان شينجياڭنىڭ كەيبىر جەرلەرىندە 8000 يۋانعا دەيىن، ءتىپتى 10000 يۋانعا دەيىن جەتكەن جەرلەر دە بار. حالىق تۇرمىسىندا وتە زور وزگەرىستەر بولدى.

  اۆتونوميالى رايونىمىزدىڭ وقۋ-اعارتۋ سالاسىنىڭ دامۋى دا وتە تەز، اۆتونوميالى رايونىمىز قۇرىلعاندا، شينجياڭدا تەك ءبىر عانا جوعارى وقۋ ورنى بار بولاتىن، قازىر 31 جوعارى وقۋ ورنى بار. ءار قايسى ۇلتتار ءوز تىلىندە وقيدى، قازىر اۆتونوميالى رايونىمىزدا قوس ءتىل وقۋ-اعارتۋى جولعا قويىلۋدا، قوس ءتىل وقۋ-اعارتۋى وقۋشىلاردىڭ انا ءتىلىن مەڭگەرۋمەن قاتار، حانزۋ ءتىلىن دە مەڭگەرۋىن كورسەتەدى.

  قازىر، ءبىز ءار ۇلت مادەنيەتىنىڭ جاقسى دامىعان كەزەڭىندە تۇرمىز، مەملەكەتىمىز بەيزاتتىق مادەني مۇرالاردى قورعاۋ ينجەنەرياسىن جولعا قويىپ، از ۇلتتاردىڭ كوپتەگەن بەيزاتتىق مادەني مۇرالارىن مەملەكەتىمىزدىڭ ينجەنەرياسىنا ەنگىزدى. مىسالى: ۇيعۇر ۇلتىنىڭ مۇقامى بىرلەسكەن مەملەكەتتەر ۇيىمىنىڭ وقۋ-اعارتۋ، عىلىم-تەحنيكا، دەنساۋلىق ساقتاۋ، مادەنيەت ۇيىمىنىڭ ينجەنەرياسىنا كىردى.مەملەكەتىمىز باتىس ءوڭىردى جاپپاي اشۋدى جولعا قويعاننان بەرى، شينجياڭنىڭ ءار جىلعى ءوندىرىس جالپى ءونىم قۇنى %11 تىك قارقىنمەن وسۋدە. قازىرگە دەيىن شينجياڭ دۇنيەدەگى ءجۇز نەشە مەملەكەت پەن رايونمەن ەكونوميكالىق، سىرتقى ساۋدا بايلانىسىن ورناتتى. 2008ـ جىلى شينجياڭنىڭ سىرتقى ساۋدا جالپى ءونىم قۇنى 22 ميلليارد امەريكا دوللارىنا جەتتى. اسىرەسە، ورتا ازيا مەن روسسيامەن بولعان سىرتقى ساۋدا وتە جاقسى دامىپ، ەكى جاققا دا پايداسىن تىگىزۋدە.
1】  【2】  【3】 
جاۋاپتى رەداكتورى : نۇرعيسا قۇرمانجان ۇلى(پراكتيكانت)
حابارلار
كوپ مەديا
ۇلتتىق مانەر
تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved