بەتتى ساقتاۋ |باس بەت قىلۋ |حات ساندىعى |حابارلاسىڭىز|ءبىز تۋرالى

مۇحتار ءابىلقاق ۇلى قامزاين، قازاق، 1956 - جىلى ناۋرىزدىڭ ءۇشىنشى جاڭاسى شينجياڭنىڭ تارباعاتاي ايماعىنىڭ شىعىس سولتۇستىگىنە ورنالاسقان ساۋىر تاۋىنىڭ ەتەگىندە دۇنيەگە كەلگەن. 1963-جىلدان 1973 - جىلعا دەيىن قوبىقسارى اۋداندىق باستاۋىش، ورتالاۋ، جوعارى ورتا مەكتەپتەردە وقىعان. 1973 - جىلدان 1975 - جىلعا دەيىن قوبىقسارى اۋدانى قىزىلتۋ كوممۋناسىندا قايتالاي تاربيەدە بولعان. 1975 – جىلدان 1979 – جىلعا دەيىن ورتالىق ۇلتتار ينيستيتۋتى از ساندى ۇلتتار فاكۋلتەتىنىڭ قازاق ءتىل-ادەبيەتى كاسىبىندە وقىعان. قازىر ورتالىق ۇلتتار ۋنيۆەرسيتەتى از ساندى ۇلتتار ينيستيتۋتىنىڭ قازاق ءتىل – ادەبيەتى فاكۋلتەتىندە ۇستازدىق قىزمەتپەن شۇعىلدانىپ كەلەدى. ول 1993 - جىلدان بەرى ۇيعىر، قازاق، قىرعىز ءتىل – ادەبيەتتەرى فاكۋلتەتى پارتيا باس ياچەيكاسىنىڭ ورىنباسار سەكراتارى (1993 – 1998)، تۇركى ءتىل – ادەبيەتتەرى فاكۋلتەتى پارتيا باس ياچەيكاسىنىڭ باس سەكراتارى (1998 – 2004 )، ۇيعۇ، قازاق، قىرعىز تىل - ادەبيەت فاكۋلتەتى پارتيا باس ياچەيكاسىنىڭ سەكراتارى، 2008- جىلدان باستاپ قازاق ءتىل ادەبيەتى فاكۋلتەتى پارتيا باس ياچەيكاسىنىڭ باس سەكراتارى قىزمەتتەرىن اتقارىپ كەلەدى. ول قازاق فيلولوگيا عىلىمىنىڭ پروفەسسورى. مۇحتار ءابىلقاق ۇلى ۇزاق جىلداردان بەرى وقىتۋ قىزمەتىنىڭ الدىڭعى شەبىندە جۇمىس جۇرگىزىپ كەلدى، ءوز كاسىبى سالاسىندا جان اياماي ەڭبەك ەتكەن ول وقىتۋ جانە عىلمي زەرتتەۋ جاعىندا تاماشا تابىستارعا قول جەتكىزدى. جوعارى مەكتەپتىڭ مىنبەرىنە كوتەرىلگەن كۇننەن باستاپ ول «قازاقشا ءتىل اشار»، «قازاق ادەبيەتىنىڭ حرەستومەدياسى»، «ادەبيەت نازارياسى» ، «ءسوز ونەرى»، «قازاق ادەبيەتىنىڭ تاريحى »  قاتارلى ساباقتاردان لەكسيا سويلەدى.

  سۋرەتتەر:

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved