- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيا 18 - قۇرىلتايىنىڭ بايانداماسىنان رەفورمانىڭ جاڭا بەتالىسىنا كوز جىبەرگەندە
2012.11.14 16:40 كەلۋ قاينارى : ءتاڭىرتاۋ تورابى
18 - قۇرىلتايدىڭ بايانداماسىندا «رەفورما جاساۋ، جاڭالىق اشۋ رۋحىن قاي - قاشان دا مەملەكەت باسقارىپ، اكىمشىلىك جۇرگىزۋدىڭ ءارقايسى بۋىنىندا دايەكتىلەندىرۋ» كەرەكتىگى اتاپ كورسەتىلدى ءارى ءتۇيىندى سالالار مەن شەشۋشى بۋىندارداعى رەفورما تۋرالى ورنالاستىرۋ جاسالدى. رەفورما مەن جاڭالىقتىڭ تىڭ لەبى ەسكەن باياندامانىڭ ءار جولى، ءاربىر سويلەمى رەفورمانىڭ سونى ورىسىنە باعىت سىلتەدى.
اكىمشىلىك ءتۇزىلىس رەفورماسى: باسشىلاردىڭ سانى ازايتىلىپ، اكىمشىلىكتىڭ وزىندىك قۇنى تومەندەتىلەدى
«73 مىڭ 188 حالقى بار شاعىن اۋداندا ءبىر اكىمنىڭ 16 ورىنباسارى بار ەكەن». كەزىندە عالامتوردا اجەپتاۋىر دابىرا تۋدىرعان وسى جولداما ءار جاقتىڭ نازارىن قاتتى اۋدارعان ەدى. كەيىن وسى اۋداننىڭ حالىق ۇكىمەتىندە ءبىر اكىم، 9 ورىنباسار اكىم بار ەكەنى انىقتالىپ، بۇنىڭ باسشى سانى جونىندەگى ساياساتتىق ولشەمگە لايىق كەلەتىنى ايتىلعانمەن، ءبىراق جولدامادان تۋعان تالقى - تارتىستىڭ قىزۋى قازىرگە دەيىن باسىلماي كەلەدى.
18 - قۇرىلتايدىڭ بايانداماسىندا «اكىمشىلىك ءتۇزىلىس رەفورماسىن تەرەڭدەتۋ» تۋرالى «قۇرىلىمدار شتاتىن قاتاڭ تىزگىندەپ، باسشىلاردىڭ سانىن ازايتىپ، اكىمشىلىكتىڭ وزىندىك قۇنىن تومەندەتۋ كەرەك» دەگەن انىق تالاپ ورتاعا قويىلدى. گۋاڭدۇڭ ولكەسى فوشان قالاسى شۇندى رايوندىق پارتكومنىڭ شۋجيى لياڭ ۋيدۇڭ: باسشىلاردىڭ سانىن ازايتۋ ارقىلى اكىمشىلىكتىڭ وزىندىك قۇنىن تومەندەتۋمەن قاتار، جۇمىس ونىمدىلىگىن جوعارىلاتۋعا دا بولادى، بۇل ۇكىمەتتىڭ قىزمەت وتەۋ سيپاتىنا قاراي بۇرىلىس جاساۋىن ىسكە اسىرۋداعى ناقتى تالاپتاردىڭ ءبىرى، - دەدى.
نوپوس رەفورماسى: اۋىل شارۋاشىلىعىنان باسقا كاسىپ سالالارىنا ويىستىرىلعانداردىڭ قالا تۇرعىنىنا اينالۋى ءتارتىپتى تۇردە ىلگەرىلەتىلەدى
مەملەكەتتىك حالىق سانى جانە جوسپارلى تۋىت كوميتەتىنىڭ ساناعىنا نەگىزدەلگەندە، بىلتىر ەلىمىزدەگى جىلجىمالى حالىق سانى 230 ميلليونعا تاياعان. جىلجىمالى حالىق سانىنىڭ ورتاشا جاسى نە ءبارى 28دە، 80 - جىلدارى ومىرگە كەلگەن شارۋا جۇمىسكەرلەر ەڭبەك جاسىنداعى جىلجىمالى حالىقتىڭ تەڭ جارتىسىنا جۋىعىن ۇستايدى. ال شارۋا جۇمىسكەرلەردى شىن مانىندەگى قالا تۇرعىنىنا اينالدىرۋ ەلىمىزدىڭ قالا - قالاشىقتاندىرۋ جانە وسىزامانداندىرۋ قۇرىلىسىنىڭ بولاشاعىنا سايادى، سونداي - اق بۇل تەپە - تەڭدىك پەن ادىلەتتى ىسكە اسىرىپ، قوعام ورنىقتىلىعىن قورعاۋدىڭ قاجەتى.
«سىرتتان كەلگەن جۇمىسكەرلەردىڭ جەرگىلىكتى تۇرعىندارمەن شىن مانىندە توعىسۋىنا مۇمكىندىك جاساۋدىڭ كىلتى − ولاردىڭ وقۋ - اعارتۋ، كاسىپتەنۋ، ەمدەۋ سياقتى جاقتارداعى ۇقىق - مۇددەسىن وزگەلەرمەن تەڭگەرۋ، بۇنىڭ ءبارى نوپوس رەفورماسىمەن تىعىز بايلانىستى، وسى تۋراسىندا باياندامادا ورتاعا قويىلعان تالاپتار قالىڭ شارۋا جۇمىسكەرلەرگە، وتە - موتە، جاڭا بۋىن جاس جۇمىسكەرلەرگە ءۇمىت ۇشقىنىن كورسەتتى»، - دەدى 18 - قۇرىلتايدىڭ ۋاكىلى، شارۋا جۇمىسكەر حۇڭ گاڭ.
اۋىل - قىستاق جەر ءتۇزىمى رەفورماسى: ديقانداردىڭ جەر قۇنىنىڭ ارتۋىنان تۇسكەن تابىستان الاتىن ۇلەسىنىڭ سالىستىرماسى ارتتىرىلادى
18 - قۇرىلتايدىڭ بايانداماسىندا «جەر الۋ تۇزىمىنە رەفورما جاساپ، ديقانداردىڭ جەر قۇنىنىڭ ارتۋىنان تۇسكەن تابىستان الاتىن ۇلەسىنىڭ سالىستىرماسىن ارتتىرۋ كەرەك» دەپ اتاپ كورسەتىلدى.
سوڭعى جىلدارى ونەركاسىپتەنۋ مەن قالا - قالاشىقتانۋدىڭ ىلگەرىلەۋىنە بايلانىستى، جەر الۋ سەبەبىنەن ديقانداردىڭ مۇددەسىنە سۇعاناقتىق جاساۋ ماسەلەسى تۋدىرعان قوعامدىق قايشىلىق اۋىق - اۋىق بەلەڭ بەردى.
18 - قۇرىلتايدىڭ ۋاكىلى، جىجياڭ ولكەسى انجي اۋدانىنىڭ ەگىنشىسى سۇڭ چاڭمەي: جەر − ديقاننىڭ تىرشىلىك تىنىسى، سونداي - اق كىرىسى مەن بايلىعىنىڭ ماڭىزدى قاينارى، بايانداماداعى وسى شارالار جەرى الىنعان ديقانداردىڭ مۇددەسىن، ءتىپتى، ويداعىداي قورعاپ، بەتالدى جەر الۋ ماسەلەسىن باتىل اۋىزدىقتايتىن بولادى، - دەدى.
حالىق تۇرمىسى سالاسىنداعى رەفورما: الەۋمەتتىك قىزمەت وتەۋ «ءتىپتى كوبىرەك، ءتىپتى ءادىل» بولۋعا بەت الادى
18 - قۇرىلتايدىڭ بايانداماسىندا «ادىلدىك» دەگەن ءسوز قايتا - قايتا اۋىزعا الىندى، اسىرەسە، باياندامانىڭ حالىق تۇرمىسىن جاقسارتۋ جونىندەگى بولىگىندە وسى ءسوز، ءتىپتى، ءجيى قولدانىلدى، ايتالىق، وقۋ - اعارتۋدا ادىلدىكتى بار كۇشپەن جەبەۋ؛ العاشقى ءبولىس پەن قايتالاي ءبولىستىڭ بارىندە ونىمدىلىك پەن ادىلدىككە تەڭ ءمان بەرىپ، قايتا بولىستە ادىلدىككە اناعۇرلىم ءمان بەرۋ؛ ادىلدىكتى ارتتىرۋدى، جىلجىمالىلىققا ۇيلەسۋدى، باياندىلىقتى قامتاماسىزداندىرۋدى ءتۇيىن ەتىپ، قالا - اۋىل تۇرعىندارىن قامتىعان قوعامدىق قامتاماسىزداندىرۋ جۇيەسىن جاپپاي قۇرۋ كەرەك...
18 - قۇرىلتايدىڭ ۋاكىلى، شاڭحاي قالاسى سۇڭجياڭ رايوندىق پارتكومنىڭ شۋجيى شىڭ يافەي: حالىق تۇرمىسى قۇرىلىسىندا ادىلدىككە باسا نازار اۋدارۋ ءۇشىن، بيلىك جۇرگىزۋ تانىمىنا بۇرىلىس جاساۋمەن بىرگە، ءتۇزىم ارقىلى كەپىلدىك ەتۋدى، ءتىپتى، قاجەت ەتەدى. باياندامادا ورتاعا قويىلعان حالىق تۇرمىسى جونىندەگى ساياساتتار بارلىق حالىقتى ءتىپتى كوپ، ءتىپتى ءادىل يگىلىككە بولەيدى، - دەدى.
ەكولوگيالىق سالا رەفورماسى: بايلىقتى اقىلى پايدالانۋ جانە ەكولوگيالىق تولەم بەرۋ ءتۇزىمى ورناتىلادى
ەكولوگيالىق ورتانىڭ ناشارلاۋى، بايلىق قىسپاعىنىڭ ەكونوميكالىق دامۋدى تەجەۋى جالپى قوعامنىڭ نازارىن اۋدارىپ وتىر. 18 - قۇرىلتايدىڭ بايانداماسىندا «ەكولوگيالىق وركەنيەت قۇرىلىسى ارناۋلى مازمۇن بويىنشا بايىمدالىپ، بايلىق قاينارىندىق ونىمدەردىڭ باعاسى مەن باجى - اقى رەفورماسىن تەرەڭدەتىپ، بازار ۇسىنىلىمى مەن سۇرانىمىن جانە بايلىقتىڭ تاپشىلىق دارەجەسىن، ەكولوگيالىق قۇن مەن ۇرپاق ارالىق تولەم بەرۋدى ايگىلەيتىن بايلىقتى اقىلى پايدالانۋ ءتۇزىمىن جانە ەكولوگيالىق تولەم بەرۋ ءتۇزىمىن ورناتۋ كەرەك» دەپ ەرەكشە اتاپ كورسەتىلدى.
«باعا − ءتيىمدى ەكونوميكالىق سۇيمەندەردىڭ ءبىرى، ەكولوگيالىق ونىمدەردى ارزان، ءتىپتى، اقىسىز پايدالانۋ جاعدايىنا وزگەرىس ەنگىزىپ، بىلعانىشتىڭ زاردابىن بىلعاۋشىعا كوتەرتكەندە عانا، ەكولوگيالىق ورتانىڭ ناشارلاۋ جاعدايىنا بۇرىلىس جاساۋعا بولادى»، - دەيدى 18 - قۇرىلتايدىڭ ۋاكىلى، جۇڭگو مۇناي - حيميا توبى ءتوراعاسىنىڭ ورىنباسارى، داچيڭ مۇناي الابى سەرىكتەستىگىنىڭ باس ديرەكتورى ران شينچۋان.
كادرلار ءتۇزىمى رەفورماسى: مومىن جاندار زيان شەكپەيدى، ورايشىلداردىڭ پايدا تابۋىنا جول بەرىلمەيدى
18 - قۇرىلتايدىڭ بايانداماسىندا «كادرلاردى باسەكەمەن مىندەتكە قويۋ ءتاسىلىن كەمەلدەندىرىپ، ادام تاڭداۋ، ادام ىستەتۋدىڭ الەۋمەتتىك سەنىمدىلىگىن جوعارىلاتۋ، مومىن جاندارعا زيان شەكتىرمەۋ، ورايشىلداردىڭ پايدا تابۋىنا جول بەرمەۋ كەرەك» دەپ اتاپ كورسەتىلدى.
ىستەرىمىزدىڭ ءساتتى العا باسۋىنىڭ تەتىگى كادرلاردا. «مومىن جاندارعا زيان شەكتىرمەي، ورايشىلداردىڭ پايدا تابۋىنا جول بەرمەگەندە عانا دۇرىس ستيل، تۋرا سالتتى اسقاقتاتۋعا بولادى، بۇل پارتيا مۇشەلەرى قوسىنىن كىرشىكسىزدەندىرۋدىڭ ماڭىزدى ولشەمى. ادام تاڭداۋ، ادام ىستەتۋدىڭ الەۋمەتتىك سەنىمدىلىگىن جوعارىلاتۋ بارىنەن ماڭىزدى، تەك دەموكراتيالى، اشىق، باسەكەلى جۇرگىزىلگەندە عانا، ۇزدىكتەردى تاڭداۋ نىساناسىن ىسكە اسىرۋعا بولادى» ، - دەيدى شاڭحاي قالاسى پۋدۇڭ جاڭا رايوندىق پارتكومنىڭ شۋجيى شۇي لين. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved