- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيا ۋستاۆىن مۇقيات ۇيرەنەيىك
پارتيا ۋستاۆىنا قاتاڭ بويسۇنايىق
2012.11.27 16:13 كەلۋ قاينارى : ءتاڭىرتاۋ تورابى
(2012 - جىلى 16 - قاراشا)
شي جينپيڭ
جاقىندا عانا جابىلعان جۇڭگو كوممۋنيستىك پارتياسىنىڭ مەملەكەتتىك 18 - قۇرىلتايى پارتيانىڭ نازاريالىق جاڭالىعىن ۇزدىكسىز ىلگەرىلەتۋدى، پارتيا مەن مەملەكەت ىستەرىنىڭ دامۋىن ىلگەرىلەتۋدى، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدى ارقاۋ ەتىپ، جۇڭگو كوممۋنيستىك پارتياسىنىڭ ۋستاۆىنا وزگەرىس ەنگىزىپ، پارتيامىزدىڭ جۇڭگوشا سوتسياليزم ۇلى ءىسىن جانە پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدە قول جەتكىزگەن كەلەلى امالياتتىق جەتىستىكتەرىن، نازاريالىق جەتىستىكتەرىن، تۇزىمدىك جەتىستىكتەرىن پارتيا ۋستاۆىندا ايگىلەپ، پارتيا ۋستاۆىن تاعى دا داۋىرمەن بىرگە العا باستىردى.
پارتيا ۋستاۆى − پارتيانىڭ جالپى ەرەجەسى، ول پارتيانىڭ سيپاتى مەن جالپى ماقساتىن، پارتيانىڭ نازارياسىن جانە لۋشيان، باعىت - ساياساتتارىن، پارتيانىڭ ماڭىزدى دارىپتەمەلەرىن شوعىرلى تۇردە ايگىلەپ، پارتيانىڭ ماڭىزدى ءتۇزىمى مەن ءتۇزىلىس - مەحانيزمىن بەلگىلەدى. ول − بۇكىل پارتيا، ءسوز جوق، بويسۇنۋعا ءتيىستى ءتۇبىرلى ارەكەت ولشەمى. ەرەجە بولماسا، ءىس ءساتتى بولمايدى. پارتيا ۋستاۆى − پارتيانىڭ ءتۇبىرلى زاڭى، بۇكىل پارتيا، ءسوز جوق، بويسۇنۋعا ءتيىستى جالپى ەرەجە. ءار دارەجەلى پارتيا ۇيىمدارىنىڭ بارلىق قيمىلىندا قالىڭ پارتيا مۇشەلەرىن، كادرلاردى، اسىرەسە، باسشى كادرلاردى پارتيا ۋستاۆىن سانالى تۇردە ۇيرەنۋگە، پارتيا ۋستاۆىنا بويسۇنۋعا، پارتيا ۋستاۆىن دايەكتىلەندىرۋگە، قورعاۋعا، پارتيالىلىق شىنىعۋدى سانالى تۇردە كۇشەيتىپ، پارتيالىق تانىمدى، جالپى ماقسات تانىمىن، بيلىك جۇرگىزۋ تانىمىن، جالپى جاعداي تانىمىن، جاۋاپكەرلىك تانىمىن ارتتىرىپ، شىن مانىندە پارتيانىڭ قامىن ويلاۋعا، ەل ءۇشىن بورىش ارقالاۋعا، حالىق ءۇشىن ۇلەس قوسۋعا جەتەكتەۋگە تاباندى بولۋ كەرەك.
پارتيامىز پارتيا ۋستاۆىن جاساۋعا جانە كەمەلدەندىرۋگە ەجەلدەن باسا ءمان بەرىپ كەلەدى. پارتيانىڭ 1 - قۇرىلتايىندا پارتيا پروگرامماسى بەلگىلەندى، 2 - قۇرىلتايىندا پارتيامىزدىڭ ءبىرىنشى ۋستاۆى جاسالدى. 20 نەشە جىلدىق كۇرەس بارىسىندا، پارتيامىز قاشاندا توڭكەرىستىڭ، قۇرىلىستىڭ، رەفورمانىڭ تابىستى تاجىريبەلەرىن مۇقيات قورىتىندىلاپ، پارتيانىڭ امالياتتىق، نازاريالىق، تۇزىمدىك جاسامپازدىعىنداعى ماڭىزدى جەتىستىكتەردى پارتيا ۋستاۆىندا ايگىلەپ، سول ارقىلى پارتيا ۋستاۆىنىڭ پارتيا ءىسىن ىلگەرىلەتۋدە، پارتيا قۇرىلىسىن كۇشەيتۋدە ماڭىزدى جەتەكشى رول ساۋلەلەندىرۋىنە مۇمكىندىك جاساپ وتىردى.
پارتيانىڭ 18 - قۇرىلتايىندا ماقۇلدانعان پارتيا ۋستاۆىنىڭ وزگەرىس ەنگىزىلگەن نۇسقاسىندا عىلمي دامۋ كوزقاراسى ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن بىرگە پارتيانىڭ ارەكەت قىبىلاناماسى بولىپ تۇراقتاندىرىلدى؛ پارتيا ۋستاۆىندا جۇڭگوشا سوتسياليزم جولى، جۇڭگوشا سوتسياليستىك نازاريا جۇيەسى، جۇڭگوشا سوتسياليزم ءتۇزىمى تولىق باياندالىپ، جۇڭگوشا سوتسياليزمنىڭ عىلمي ءمانى جان - جاقتى اشىلىپ كورسەتىلدى؛ ەكولوگيالىق وركەنيەت قۇرىلىسى جۇڭگوشا سوتسياليزم ءىسىنىڭ جالپى جۇلگەسىنە ەنگىزىلدى؛ پارتيانىڭ بيلىك جۇرگىزۋ قابىلەتى قۇرىلىسىن، العاباسارلىق جانە پاكتىك قۇرىلىسىن كۇشەيتۋ، پارتيانىڭ يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءىرىپ - شىرۋگە قارسى تۇرۋ، پاكتىكتى دارىپتەۋ قۇرىلىسىن، ءتۇزىم قۇرىلىسىن جاپپاي ىلگەرىلەتۋ، پارتيا قۇرىلىسىنىڭ عىلميلانۋ ورەسىن جاپپاي جوعارىلاتۋ، ۇيرەنۋگە، قىزمەت ەتۋگە، جاڭالىق اشۋعا قۇلىقتى ماركستىك بيلىكتى پارتيا قۇرۋ سياقتى مازمۇندار پارتيا ۋستاۆىنا ەنگىزىلدى ءارى پارتيا مۇشەلەرىنىڭ مىندەتى، پارتيانىڭ نەگىزگى ساتى ۇيىمدارى مەن پارتيانىڭ كادرلارىنا قويىلاتىن تالاپتار بايىتىلدى. وسى جولعى وزگەرىس ەنگىزۋ ارقىلى، پارتيا ۋستاۆى سىندى پارتيانىڭ جالپى ەرەجەسى ءتىپتى كەمەلدەنە ءتۇستى. مۇنىڭ پارتيا ءىسىن جانە پارتيا قۇرىلىسىن ىلگەرىلەتۋدە ءتۇبىرلى ولشەمدىك جانە جەتەكشىلىك رولدى ءتىپتى جاقسى ساۋلەلەندىرەتىندىگىندە داۋ جوق.
پارتيا ۋستاۆىن دەن قويا ۇيرەنۋ، پارتيا ۋستاۆىنا قاتاڭ بويسۇنۋ − پارتيا 18 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ ماڭىزدى مازمۇنى. پارتيا ۋستاۆىن ۇيرەنۋدى پارتيا 18 - قۇرىلتايىنىڭ رۋحىن ۇيرەنۋمەن، جۇڭگوشا سوتسياليستىك نازاريا جۇيەسىن ۇيرەنۋمەن تىعىز ۇشتاستىرۋ كەرەك. عىلمي دامۋ كوزقاراسىنىڭ ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن بىرگە پارتيانىڭ جەتەكشى يدەياسى ەتىپ تۇراقتاندىرۋدىڭ كەلەلى ءمانىن جەتە ءتۇسىنۋ، عىلمي دامۋ كوزقاراسىنىڭ رۋحاني ءمانىن تەرەڭ ۇعىنۋ، عىلمي دامۋ كوزقاراسىن دايەكتى تياناقتاندىرۋ سانالىلىعى مەن تاباندىلىعىن كۇشەيتىپ، عىلمي دامۋ جولىمەن بۇلجىماي ءجۇرۋ كەرەك. پارتيا ۋستاۆىندا جۇڭگوشا سوتسياليزم جولىن، جۇڭگوشا سوتسياليستىك نازاريا جۇيەسىن، جۇڭگوشا سوتسياليزم ءتۇزىمىن تولىق بايانداۋدىڭ كەلەلى ءمانىن تەرەڭ ءتۇسىنىپ، جۇڭگوشا سوتسياليزمنىڭ عىلمي ءمانىن تەرەڭ ۇعىنىپ، جول، نازاريا، ءتۇزىم جاقتارىنداعى ءوز - وزىنە سەنىمدى ارتتىرىپ، جۇڭگوشا سوتسياليزم ۇلى ءىسىن تاباندىلىقپەن ىلگەرىلەتۋ كەرەك. ەكولوگيالىق وركەنيەت قۇرىلىسىن جۇڭگوشا سوتسياليزم ءىسىنىڭ جالپى جۇلگەسىنە ەنگىزۋدىڭ كەلەلى ءمانىن تەرەڭ ءتۇسىنىپ، ەكولوگيالىق وركەنيەت قۇرىلىسىنىڭ جەتەكشى پرينسيبى مەن نەگىزگى كۇش ءتۇيىنىن تەرەڭ ۇعىنىپ، ەكولوگيالىق وركەنيەت قۇرىلىسىن ەكونوميكالىق قۇرىلىستىڭ، ساياسي قۇرىلىستىڭ، مادەنيەت قۇرىلىسىنىڭ، قوعامدىق قۇرىلىستىڭ ءار جاعىنا جانە بارلىق بارىسىنا سانالى تۇردە ءسىڭىرۋ كەرەك. پارتيا ۋستاۆىنا پارتيا قۇرىلىسىنىڭ جالپى تالابىنىڭ جاڭا مازمۇنىن جانە پارتيا مۇشەلەرى، پارتيانىڭ نەگىزگى ساتى ۇيىمدارى، پارتيانىڭ كادرلارى جونىندەگى جاڭا تالاپتى قوسۋدىڭ كەلەلى ءمانىن تەرەڭ ءتۇسىنىپ، جاڭا تالاپتاردىڭ، جاڭا مازمۇنداردىڭ عىلمي ءمانىن تەرەڭ ۇعىنىپ، پارتيا قۇرىلىسىنىڭ ءتۇرلى قىزمەتتەرىنە پارتيا ۋستاۆىمەن جەتەكشىلىك ەتۋگە جانە ونى ارناعا تۇسىرۋگە تاباندى بولىپ، پارتيا قۇرىلىسىنىڭ عىلميلانۋ ورەسىن جاپپاي جوعارىلاتۋ كەرەك.
پارتيا ۋستاۆىن مۇقيات ۇيرەنۋ، پارتيا ۋستاۆىنا قاتاڭ بويسۇنۋ − پارتيا قۇرىلىسىن كۇشەيتۋدەگى نەگىزدىك سيپاتتى، ۇنەمىلىك سيپاتتى قىزمەت ءارى بۇكىل پارتياداعى جولداستاردىڭ وتەۋگە ءتيىستى بورىشى، ايبىندى جاۋاپكەرلىگى، بۇكىل پارتيادا پارتيا ۋستاۆى تانىمىن كۇشەيتۋ، پارتيانىڭ جاسامپازدىق قۋاتىن، ۇيىسۋ قۋاتىن، جاۋىنگەرلىك قۋاتىن كۇشەيتۋ جونىنەن توتەنشە ماڭىزدى رول اتقارادى. پارتيا 18 - قۇرىلتايىندا پارتيا ۋستاۆىنا وزگەرىس ەنگىز نۇسقاسىنىڭ جاريالانۋىنا وراي، بۇكىل پارتيادا پارتيا ۋستاۆىن ۇيرەنۋ، پارتيا ۋستاۆىنا بويسۇنۋ ورلەۋىن كوتەرۋ كەرەك.
پارتيا ۋستاۆىنىڭ نەگىزگى مازمۇنىن جان - جاقتى يگەرۋ كەرەك. پارتيا ۋستاۆىندا پارتيانىڭ سيپاتى، باستى ماقساتى، جەتەكشى يدەياسى، كۇرەس پروگرامماسى جانە ماڭىزدى باعىت - ساياسات جونىندە، پارتيا مۇشەلەرىنىڭ ۇقىعى مەن بورىشى جونىندە، پارتيانىڭ ءتۇزىمى مەن ءار دارەجەلى پارتيا ۇيىمدارىنىڭ قيمىلىن جۇيەلىلەندىرۋ جونىندە، ءار دارەجەلى باسشى كادرلاردىڭ نەگىزگى شارت - جاعدايى جونىندە، پارتيا ءتارتىبى جونىندە ايقىن بەلگىلەمە شىعارىلدى. وسى ماڭىزدى مازمۇنداردى بۇكىل پارتياداعى جولداستار جان - جاقتى ءتۇسىنۋى جانە يگەرۋى قاجەت. پارتيا ۋستاۆىن ۇيرەنۋدى ۇنەمىلىك قىزمەت رەتىندە مىقتى يگەرىپ، كۇندەلىكتى ۇيرەنۋ، ارناۋلى كۋرس اشۋ سياقتى تاسىلدەرمەن، پارتيا مۇشەلەرىن پارتيا ۋستاۆىن ۇيرەنۋگە ۇيىمداستىرۋ قاجەت. پارتيا ۋستاۆىن ۇيرەنۋدى ءار دارەجەلى پارتيا مەكتەپتەرىنىڭ، كادرلار مەكتەبىنىڭ پارتيالى كادرلاردى تاربيەلەۋدە، ءسوز جوق، وقيتىن ساباعى ەتۋ كەرەك. پارتيا ۋستاۆىن ۇيرەنۋ، پارتيا ۋستاۆىنا بويسۇنۋ جاعدايىن تەكسەرۋدى ۇيىمدىق تۇرمىس، دەموكراتيالىق تۇرمىس جينالىسىنداعى ماڭىزدى مازمۇن ەتۋ ءتيىس. ۇيرەنۋ، تاربيەلەۋ ارقىلى، بۇكىل پارتياداعى جولداستار پارتيا ۋستاۆىن كوكەيلەرىندە بەرىك ساقتاپ، ءىس - ارەكەت بارىسىندا ايگىلەۋلەرى كەرەك.
پارتيا ۋستاۆىنداعى بەلگىلەمەلەرگە قاتاڭ بويسۇنۋ كەرەك. بۇكىل پارتيا پارتيا ۋستاۆى تانىمىن بەرىك ورناتىپ، پارتيا ۋستاۆىن پارتيالىق شىنىعۋدى كۇشەيتۋدەگى ءتۇبىرلى ولشەم، پارتيا قىزمەتىنە، پارتيا ىشىندەگى قيمىلدارعا، پارتيا قۇرىلىسىنا جەتەكشىلىك ەتەتىن ءتۇبىرلى نەگىز ەتىپ، پارتيا ۋستاۆىنداعى بەلگىلەمەلەردى ءىس - ارەكەت بارىسىندا، سان سالالى ىستەر بارىسىندا تياناقتاندىرۋ قاجەت. پاتيا ىشىندە ءتۇزىم جۇيەسىن ورناتۋدا جانە ونى كەمەلدەندىرۋدە پارتيا ۋستاۆىن ءتۇبىرلى نەگىز ەتۋ؛ ءار دارەجەلى پارتيا ۇيىمدارىنىڭ، پارتيا مۇشەلەرىنىڭ، كادرلاردىڭ بەينەسى جونىندە تۇجىرىم جاساۋدا پارتيا ۋستاۆىن نەگىزگى ولشەم ەتۋ؛ پارتيا ىشىندەگى قايشىلىقتى شەشۋدە پارتيا ۋستاۆىن ءتۇبىرلى ەرەجە ەتۋ كەرەك. پارتيا ۋستاۆىنا بويسۇنۋ، پارتيا ۋستاۆىنىڭ اتقارىلۋ جاعدايىن باقىلاۋدى، تەكسەرۋدى كۇشەيتىپ، پارتيا ۋستاۆى جونىندەگى تانىمى جەتەرسىزدەرگە، جۇمىستى پارتيا ۋستاۆىنداعى بەلگىلەمە بويىنشا ىستەمەيتىندەرگە دەر كەزىندە ەسكەرتىپ، پارتيا ۋستاۆىنداعى بەلگىلەمەگە اۋىر قايشى ارەكەتتەردى باتىل تۇزەتىپ، پارتيا ۋستاۆىنىڭ بەت - بەدەلى مەن قاتاڭدىعىن بىرگە قورعاۋ كەرەك.
پارتيالى باسشى كادرلار پارتيا ۋستاۆىن ۇيرەنۋدىڭ، پارتيا ۋستاۆىنا بويسۇنۋدىڭ ۇلگىسى بولۋى كەرەك. ءار دارەجەلى باسشى كادرلار پارتيا ۋستاۆىن، ءسوز جوق، ۇيرەنەتىن ساباق ەتۋ، جاڭا باسشىلىق ورنىنا شىققان جولداستار پارتيا ۋستاۆىن الدىمەن ۇيرەنەتىن ساباق ەتۋ، پارتيا ۋستاۆىنداعى بەلگىلەمەلەرگە باستاماشىلدىقپەن بويسۇنۋ كەرەك. پارتيا ۋستاۆىندا بەلگىلەنگەن پارتيا مۇشەلەرى، ءسوز جوق، ورىنداۋعا ءتيىستى ىستەردى باسشى كادرلار باستاماشىلدىقپەن ورىنداۋى؛ پارتيا ۋستاۆىندا بەلگىلەنگەن پارتيا مۇشەلەرى اۋلاق بولۋعا ءتيىستى ىستەردەن باسشى كادرلار باستاماشىلدىقپەن اۋلاق بولۋى كەرەك. پارتيا ۋستاۆىندا بەلگىلەنگەن پارتيالى باسشى كادرلاردا، ءسوز جوق، بولۋعا ءتيىستى 6 شارت بويىنشا، ءوز ساپالارى مەن قابىلەتتەرىن جوعارىلاتىپ، بويلارىنداعى ولقىلىقتاردى ۇنەمى تەكسەرىپ، تۇزەتىپ وتىرۋلارى كەرەك. اسىرەسە، مۇرات - سەنىمدى بەكەمدەۋگە، شىندىقتى ءىس جۇزىنەن ىزدەۋگە تاباندى بولۋ، عىلمي دامۋدى ىلگەرىلەتۋ، بۇقارامەن تىعىز بايلانىس جاساۋ، ءمورال جاعىنان شىڭالۋدى كۇشەيتۋ، پارتيا تارتىبىنە بويسۇنۋ سياقتى جاقتاردا پارتيا مۇشەلەرىنە ۇلگى بولۋ قاجەت. پارتيا ۋستاۆىنداعى دەموكراتيالىق ورتالىقتاندىرۋ ءتۇزىمى جونىندەگى بەلگىلەمەلەردى قاتاڭ اتقارۋ، سونداي - اق ونى شەشىم جاساۋ، ادام تاڭداۋ، ادام ىستەتۋ سياقتى باسشىلىق قىزمەت بارىسىندا تياناقتاندىرۋ كەرەك. پارتيانىڭ ساياسي ءتارتىبىن باستاماشىلدىقپەن اتقارىپ، ورتالىقتىڭ بەت - بەدەلىن سانالىلىقپەن قورعاپ، قىزمەت تارتىبىنە بويسۇنىپ، تيىم سالىنعان ارەكەتتەردەن تيىلىپ، ورتالىقتىڭ ساياسي جارلىقتارىنىڭ ىركىلىسسىزدىگىنە كەپىلدىك ەتۋ كەرەك. پارتيا ۋستاۆىنداعى پارتيانىڭ ساياسي تۇرمىسى جونىندەگى بەلگىلەمەلەردى قاتاڭ اتقارىپ، پرينسيپكە باتىل تاباندى بولىپ، سىن جانە ءوز - وزىنە سىن جۇرگىزىپ، دۇرىس سالتتى باستاماشىلدىقپەن ساۋلەلەندىرپ، بۇرىس ستيل، كەرەناۋ ادەتتەردەن ساقتانۋ كەرەك. پارتيانىڭ بۇقارالىق لۋشيانىنا تاباندى بولىپ، بۇقارادان الىپ، بۇقاراعا قايتارىپ، نەگىزگى ساتىلاردا ىشكەرىلەي تەكسەرۋ، زەرتتەۋ جۇرگىزىپ، بۇقارامەن بايلانىس جاساپ، بۇقارا ءۇشىن قىزمەت ەتىپ، جاڭا جاعدايداعى بۇقارالىق قىزمەتتى ويداعىداي ىستەپ، جالىندى جىگەرمەن حالىق بۇقاراسىنا باسشىلىق ەتىپ، جاپپاي دوڭگەلەك داۋلەتتى قوعام قۇرۋ، جۇڭگوشا سوتسياليزمگە تاباندى بولۋ جانە ونى دامىتۋ جولىندا بىرگە كۇرەس جۇرگىزۋ كەرەك. (شينحۋا اگەنتتىگىنىڭ 19 - قاراشادا بىيجيڭنەن بەرگەن حابارى) «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
