بەتتى ساقتاۋ |باس بەت قىلۋ |ءبىز تۋرالى|حابارلاسىڭىز|حات ساندىعى
ۇكىمەت قىزمەتىنەن بايانداما
− مەملەكەتتىك 11 - كەزەكتى حالىق قۇرىلتايىنىڭ 3 - ماجىلىسىندە 2010 - جىلى 5 - ناۋرىزدا جاسالدى
مەملەكەتتىك كەڭەستىڭ زۇڭليى ۋىن جياباۋ
2010.03.24 15:43    
{ ءارىپتىڭ ۇلكەن-كىشىلىگى كىشى ورتا ۇلكەن} باسىپ شىعارۋ  
      
  ۋاكىلدەر:

  قازىر مەن مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسايمىن، قاراپ شىعۋلارىڭىزدى جانە مەملەكەتتىك ساياسي كەڭەس مۇشەلەرىنىڭ پىكىر ايتۋىن وتىنەمىن.

  1. 2009 − جىلعى قىزمەتتەرگە شولۋ

  2009 − جىل جاڭا عاسىردان بەرگى ەلىمىزدىڭ ەكونوميكالىق دامۋىنداعى ەڭ مۇشكىل جىل بولدى. بىلتىر وسى مەزگىلدە، حالىقارالىق فينانس داعدارىسى ءالى دە ءورشىپ، الەم ەكونوميكاسى جالعاستى قۇلدىرادى، بۇل ەلىمىزدىڭ ەكونوميكاسىنا زىلدەي ءتيىپ، ەكسپورت بارىنشا تومەندەدى، ءبىرتالاي كاسىپورىنداردىڭ شارۋاشىلىعى قۇلدىراپ، كەيبىرەۋى، ءتىپتى، وندىرىستەن توقتادى، جابىلىپ قالدى، جۇمىسسىزدار بارىنشا كوبەيدى، ديقان جۇمىسكەرلەر توپ − توبىمەن اۋىلىنا قايتتى، ەكونوميكانىڭ ارتۋى كۇرت قۇلدىرادى. وسىنداي ەرەكشە قيىن جاعدايدا، ەلىمىزدەگى ءار ۇلت حالقى جۇڭگو كوممۋنيستىك پارتياسىنىڭ بەكەم باسشىلىعىندا، سەنىمدى بەكەمدەپ، قيىندىقتاردان تايسالماي العا ۇمتىلىپ، ەرلىكپەن شايقاس جۇرگىزىپ، حالىقارالىق فينانس داعدارىسىنىڭ سوققىسىنا بايىپتىلىقپەن توتەپ بەرىپ، دۇنيە ءجۇزى بويىنشا ەكونوميكانىڭ وڭالۋىن، ەڭ الدىمەن، جۇزەگە اسىرىپ، رەفورما، ەسىك اشۋ جانە سوتسياليستىك وسىزامانداندىرۋ قۇرىلىسىندا تىڭ دا كەلەلى تابىستارعا قول جەتكىزدى. ىشكى ءوندىرىستىڭ جالپى قۇنى 33 تريلليون 500 ميلليارد يۋان بولىپ، الدىڭعى جىلعىدان %8.7 ارتتى؛ قازىنا كىرىسى 6 تريلليون 850 ميلليارد يۋان بولىپ، %11.7 ارتتى؛ استىق ءونىم مولشەرى 530 ميلليون 820 مىڭ توننا بولىپ، تاريحتاعى ەڭ جوعارى ورەگە جەتىپ، ۇدايى 6 جىل ارتتى؛ قالا − قالاشىقتاردا 11 ميلليون 20 مىڭ ادام تىڭنان جۇمىستاندى، قالا − قالاشىق تۇرعىندارىنىڭ ءوز مەڭگەرۋىندەگى ورتاشا كىرىسى 17 مىڭ 175 يۋانعا، اۋىل − قىستاق تۇرعىندارىنىڭ ورتاشا ناق كىرىسى 5153 يۋانعا جەتىپ، ناق %9.8جانە %8.5 ارتتى. ەلىمىز جاپپاي دوڭگەلەك داۋلەتتى قوعام قۇرۋ جولىندا تاعى دا نىق قادام تاستادى. اماليات ءارقانداي قيىنشىلىقتار مەن كەدەرگىلەردىڭ جۇڭحۋا ۇلتىنىڭ ۇلى گۇلدەنۋىنىڭ تاريحي اياق الىسىن توسا المايتىندىعىن تاعى ءبىر رەت دالەلدەدى.

  وتكەن ءبىر جىل ادامدى شابىتتاندىرعان ەرەكشە ءبىر جىل بولدى. ءبىز جاڭا جۇڭگو قۇرىلعاندىعىنىڭ 60 جىلدىعىن سالتاناتپەن تويلادىق. بۇگىنگىگە كوز سالىپ، وتكەنگىنى ەسكە العاندا، ۇلى وتانىمىزدىڭ شۇعىلالى تابىستارى ەلىمىزدەگى ءار ۇلت حالقىنىڭ سەنىمىن بەرىكتەپ، ماقتانىش سەزىمىن بارىنشا اسىردى، جۇڭحۋا ۇلتىنىڭ باۋراعىشتىعى مەن ۇيىسقىشتىعىن بارىنشا كۇشەيتتى، ەلىمىزدىڭ حالىقارالىق ورنى مەن ىقپالىن بارىنشا جوعارىلاتتى. ول ءبىزدى جۇڭگوشا سوتسياليزم جولىندا ۇزدىكسىز ارشىنداي العا باسۋعا ىنتالاندىراتىندىعى ءسوزسىز.


【1】  【2】  【3】  【4】  【5】  【6】  【7】  【8】  【9】  【10】  【11】  【12】  【13】  【14】  【15】 
جاۋاپتى رەداكتورى : نۇرعيسا قۇرمانجان ۇلى
حابارلار
كوپ مەديا
ۇلتتىق مانەر
تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ ىستەتۋگە بولمايدى
Copyright © 1997-2010 by www.people.com.cn. all rights reserved