بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كەسكىن

جىبەك جولى ەكونوميكالىق بەلدەۋى شينجياڭدى دامىتۋداعى تاماشا وراي

2014.03.28 10:58   كەلۋ قاينارى : حالىق تورابى

  شينجياڭ گازەتىنىڭ حابارى. شينجياڭ گازەتىنىڭ «جىبەك جولى ەكونوميكالىق بەلدەۋى» ارناۋلى تاقىرىپتىق حابار گرۋپپاسى 12 – ناۋرىزدا قازاقستانعا بارىپ تىلشىلىك ىستەۋ بارىسىندا شينجياڭنىڭ جىبەك جولى ەكونوميكالىق بەلدەۋىندەگى ورنى مەن رولىنا ۇشتاستىرا وتىرىپ جۇڭگونىڭ قازاقستاندا تۇراتىن باس ەلشىسمەن سۇحبات وتكىزگەن بولاتىن.

  لى يۇيچيڭ بىلاي دەدى: 2013 – جىلى قىركۇيەك ايىندا ءتوراعا شي جينپيڭ قازاقستانعا ساپارى بارىسىندا نازاربايەۆ ۋنيۆەرسيتەتىندە ءسوز سويلەپ، جۇڭگونىڭ ورتا ازياعا ۇستانعان ساياساتىن، سونداي – اق جۇڭگو – قازاقستان قارىم – قاتىناسىن بايانداعان، سول بارىستا جىبەك جولىنىڭ بويىنداعى ەلدەردى تىزە قوسا وتىرىپ جىبەك جولى ەكونوميكالىق بەلدەۋىن قۇرىپ شىعۋعا ۇندەگەن. ءتوراعا شي جينپيڭنىڭ بۇل ۇندەۋىن قازاقستان رەسپۋبليكاسىنىڭ پرەزيدەنتى بىردەن قولدادى ءارى ۇندەۋگە ءۇن قوستى. بۇل ۇلى جوسپار جۇڭگونىڭ باتىس بولەگىنە تاياۋ جاتقان ونداعان مەملەكەت پەن نەشە ءجۇز ميلليون جان سانىنا سايادى. مۇندە ورتا ازيا ەلدەرى بۇل جوسپاردىڭ قايناعان ورتاسىندا، ەڭ ماڭىزدى ورىندا تۇرادى. قازاقستان ورتا ازيا ەلدەرىنىڭ ىشىندە جەر اۋماعى ەڭ ۇلكەن، ەكونوميكاسى ەڭ قۋاتتى مەملەكەت، جىبەك جولى ەكونوميكالىق بەلدەۋىن قۇرۋ جۇڭگو مەن قازاقستان ەكى ەلدىڭ سەلبەستىگىن ىلگەرىلەتىپ، ەكى ەل ەكونوميكاسىن دامىتۋدا توتەنشە زور ماڭىزعا يە.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت