بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>وقۋ-اعارتۋ

اۋىل بالالارىنىڭ مەرەكە مەرەيى ارتا ءتۇسسىن دەسەك...

ارزىگۇل ابدەش قىزى

2013.06.14 16:17     كەلۋ قاينارى : حالىق تورابى

  ءارجىلى «1-ماۋسىم» حالىقارالىق بالالار مەرەكەسى سالتاناتتى تويلانىپ، جەر-جەر ءوز الىنشە مەرەكەلىك قيمىلدار وتكىزەدى. دەسە دە، كەي جاعدايلاردا اۋىل-قىستاقتاردا بالالار مەرەكەسى ءار جىلى ءبىر سارىندى، ءبىر فورمامەن ءوتىپ جاتقانداي سەزىلە بەرەدى. ايتالىق، ءار جىلى وتكىزىلەتىن توپتىق گيمناستيكا، توپتىق ءبي جارىستارى، كلاستار ارا پاراتتان ءوتۋ سالتى، اشىق الاڭقىدا ەكى كۇنگە سوزىلعان دەنە-تاربيە جارىستارى، مايداندا ىستىققا كۇيىپ قاتاڭ ءتارتىپ ساقتاپ، تىك تۇرعان «مازاسىز» وقۋشىلار...

  كوللەكتيۆ قيمىلدار وقۋشىلاردىڭ ۇيىمشاڭدىق قۋاتىن ارتتىرىپ، ولاردى باسقالارمەن تىزە قوسا وتىرىپ ناتيجە جاراتۋعا جىگەرلەندىرەتىنى ايقىن. دەسە دە، ءبىز ءبىر كلاستاعى بارلىق وقۋشى تۇگەلدەي ساحنادا بيلەۋگە نەمەسە ءان سالىپ، گيمناستيكا جارىسىنا قاتىناسۋعا اۋەس دەي المايمىز. ەندەشە، ءبىر كلاستاعى ءتىپتى ءبىر مەكتەپتەگى بارلىق بالالاردىڭ ءوز مەرەكەسىن ەڭ كوڭىلدى وتكىزۋىنە قايتكەندە قول ءۇشىن بەرە الامىز؟! مەنشە، ول ءۇشىن، اتا-انا، مەكتەپ، قوعام بولىپ جان-جاقتىلى سايكەسكەندە عانا، مەرەكە ساتىندە بالالاردىڭ باقىتتىڭ بالزامىن تاتۋىنا كومەكتەسە الامىز.

  بىرىنشىدەن، اناعۇرلىم مول اۋىل بالالارىن قالا بالالارىمەن بىرلىكتە مەرەكە وتكىزەتىن ورايعا يە ەتۋ. كوركەمونەر، دەنە-تاربيە قيمىلدارى جاقتارىنان ارتىقشىلىعى بار اۋىل بالالارىنا قالا بالالارىمەن بىرلىكتە اسەم بەزەلگەن، ايشىقتى شىراقتار استىنداعى ساحنادا ويىن قويىپ، اناعۇرلىم مول كورەرمەن الدىندا مەرەكەنى قارسى الاتىن وراي جاراتىپ، وسىزاماندانۋ ۇردىسىندەگى ۇزدىك جەتكىنشەك بولۋعا جىگەرلەندىرۋ.

  ەكىنشىدەن. اۋەسىنە قاراي،ءبىر ءبولىم وقۋشىلارعا ورتانى قورعاۋ قيمىلدارىن ۇيىمداستىرۋ. اتا-بابامىز ەجەلدەن ورتانى قورعاۋ سىندى ۇلاعاتتى ۇعىمدى ۇرپاقتار ساناسىنا ۇيالاتىپ كەلگەن حالىق. ەندەشە، وسىنداي، مەرەكەنىڭ مەرەيلى تۇستارىندا، ءبىر ءبولىم وقۋشىلاردى ءوز اۋەسىنە قاراي، اتا-اناسىمەن، ۇستازدارىمەن بىرلىكتە ورتانى قورعاۋ قيمىلدارىنا ۇيىمداستىرىپ، ءوزى بارعان جاسىل ورتانىڭ لاستانۋ جاعدايىن باقىلاۋعا، ونى ايالاۋعا، ءتىپتى ورتانى قورعاۋ ۇگىتشىسى بولۋعا ۇيىمداستىرۋ.

  ۇشىنشىدەن، مەرەكە شاتتىعىنان اتا-اناسىمەن بىرلىكتە يگىلىكتەنۋگە دەمەۋ. كوپتەگەن بالالاردىڭ ارمانى مەرەكە تۇسىندا اتا-اناسىنىڭ وزىمەن بىرگە شاتتانۋى بولماق. ەندەشە، بەيىمى بار اتا-انالار ءوز بالالارىمەن بىرلىكتە ساحنادا ءان سالىپ، ءبي بيلەپ، ونەر كورسەتىپ، ولاردىڭ مەرەكە مەرەيىن ارتتىرا ءتۇسۋ.

  تورتىنشىدەن. ءار جىلى مەرەكە ساتىندە، قيىنشىلىعى بار وقۋشىلارعا قوعام، جەكە بولىپ جىلۋ اتايتىن قيمىلدار ۇزدىكسىز ءۇردىس الىپ كەلەدى. ەندەشە، بۇل ساتتەردە ءبىر ءبولىم وقۋشىلاردى ءوزى تۇرعان ورىنداعى مۇگەدەك وقۋشىلاردان حال سۇراۋعا ۇيىمداستىرۋعا، نەمەسە، مەرەكە ساتىندە مۇگەدەك وقۋشىلارعا كومەكتەسۋگە ۇيىمداستىرىپ، قايىرىمدىلىق سىندى ۇلتىمىزدىڭ تاماشا قاسيەتىن بالا شاقتان بويلارىنا سىڭىرە ءبىلۋ.

  بەسىنشىدەن، بالالاردىڭ ايگىلى ونەرپازدارمەن، كاسىپكەرلەرمەن، ءارسالادان تابىسقا جەتكەن جەكەلەرمەن كەزدەسۋىنا وراي جاراتۋ. بالا شاقتا ءار سابيدىڭ كوڭىلىندە ءوز ارمانى، ءوز تالپىنار بيىگى بولارى حاق، وسىندايدا، ونەر ادامنىڭ وزىنە بەرگەن ءادىل باعاسى، بىرگە سالعان ءانى، وقىعان ولەڭى، شىققان بيىگى جايلى شەرتكەن اڭگىمەسى، ءبار-ءبارى ءسابي سانالارىنا ۇيالاپ، جۇرت قۇرمەت تۇتقان جانداردىڭ جەتكەن بيىگىنە جەتۋدى ارماندايتىنى قاق!

  التىنشىدان، اۋىل اقساقالدارىنان اڭگىمە تىڭداۋ، بالالار، ءتىپتى ءبارىمىز دە تاريحتى بىلمەيىنشە، بۇگىننىڭ قادىرىن بىلمەيتىنىمىز شىن. بۇگىنگى باي-باقىتتى زاماننىڭ قادىرىن ءبىلۋ ءۇشىن، اتا-اجەلەرىمىزدەن ءبىر اۋىق تاريح جايلى سىرلار تىڭداتىپ، بالالاردى كوركەم بولاشاق ءۇشىن تالپىنۋعا شابىتتاندىرا الساق، مەرەكەمىزدىڭ مەرەيى تاسىپ، بەرەرىنىڭ مول بولعانى.

  ءيا، بارىمىز دە مەرەكە تۇسىندا بالالاردىڭ قاجىعانىن، ءوزى قىزىقپاعان قيمىلعا قاتىناسىپ، كوڭىلسىزدەنگەنىن، مۇڭايعانىن كورمەسەك ەكەن. جاز ءديدارلى، جايناعان جۇزدەر مەرەكە ءسانىن اسىرىپ، مارە-سارە بولىپ جاتسا، ءبارىمىزدىڭ دە ءبىر اۋىق شاتتانعانىمىز بولماق!!

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.