- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بالاسىن 17 كۋرسقا تىزىمدەتكەن اتا-انا نەگە سونشا اسىقتى؟
2013.08.20 13:34 كەلۋ قاينارى : حالىق تورابى
ۋحاندىق ءبىر انا بالاسى جارىم جاسقا تولعاننان باستاپ، بەس جىل ىشىندە بالاسىن اعىلشىنشا، ماتەماتيكا، ءارىپ تانۋ، ءان ساباعى، سۋرەت، ورىنداۋ شەبەرلىگى، قولونەر قاتارلىلاردى قامتىعان ۇزدىكتەردى تاربيەلەۋ كۋرسىنان 17 كۋرسقا تىزىمدەتىپ، جينى 120 مىڭ يۋانعا جۋىق قاراجات جۇمساعان، كوپشىلىك ونى «ەڭ سابىرسىز» انا دەپ اتاپ كەتكەن. (16-شىلدەدەگى شينحۋا تورابىنىڭ حابارى)
5 جىلدا 17 كۋرس، 120 مىڭ يۋان قاراجات، راسىندا قوماقتى سان. بۇل انانىڭ ىستەگەن ءىسى شەكتەن اسىڭقىراپ كەتكەن-اق بولسىن، الايدا ونىڭ كوڭىل-كۇيىندەگى ابىرجۋ قازىر جالپىلىق جاعدايعا اينالدى، ونىڭ بالا تاربيەلەۋ ءتاسىلى دە وسى كۇندە كەڭ ءورىس العان، كوپ ساندى اتا-انالاردىڭ بارلىعى وسىلاي ىستەۋدە.
پالەنىڭ باسى «بالامىز جۇگىرمەي جاتىپ ەلدىڭ سوڭىندا قالماسىن» دەگەن يدەيا. وسى يدەيا نەشە ون جىل بويى تارالىپ، سانسىزداعان اتا-انالار مەن بالالاردىڭ تۇرمىسىنا اسەر ەتتى. ءتىپتى قازىرگى مەكتەپكە ءتۇسۋ الدىنداعى وقىتۋعا دەيىن بەينەلەندى، بالامىز قانداي ماركاداعى ءسۇت پاراشوگىن ىشەدى، قانداي ماركاداعى كيىم كيەدى، اتىن قالاي قويامىز... دەگەندەي سانسىزداعان سۇراقتار بالالاردىڭ جۇگىرمەي جاتىپ جەڭۋ ياكي جەڭىلۋىنە ساياتىن ماڭىزدى ءىس بولىپ قارالدى. اتا-انالار كورسىزدىكپەن دۇرمەككە ىلەسۋدىڭ شىرقاۋ شىڭىنا شىقتى.
ادام ءومىرىن جارىسقا بالاساق، بالالىق شاق راسىندا بايگەنىڭ باستالار تۇسى سياقتى. الايدا ادام ءومىرى ءجۇز مەترگە جۇگىرۋ جارىسى ەمەس، قايتا مارافون جارىسى، جۇگىرۋ سىزىعىنداعى مينۋت-سەكۋندتار مارافون جارىسىنىڭ ناتيجەسىنە قانشالىق ىقپال ەتەدى؟ مۇنان سىرت ۇزاققا جۇگىرۋدە باستابىندا دەنە قۋاتىن ساقتاۋ كەرەك ەمەس پە، جارىس باستالا سالىپ بار قايراتىن جۇمساسا، سوڭىنان جۇگىرۋگە شاماسى كەلمەي قالماي ما؟
اتا-انالار قاشاندا مىناداي شىندىقتىڭ جەتەگىندە بولادى: بالانى جاقسى بالالار باقشاسىنا بەرۋ ونىڭ جاقسى باستاۋىش مەكتەپكە، ونان سوڭ جاقسى تولىق ورتا مەكتەپكە، ەڭ سوڭىندا جاقسى ۋنيۆەرسيتەتكە ءتۇسۋى، وقۋ تاۋىسقان سوڭ جاقسى قىزمەت تابۋى ءۇشىن. الايدا ءىس جۇزىندىك جاعدايدىڭ شىنىندا وسىنداي بولا قويمايتىنىن ەلەۋسىز قالدىرادى، ءبارى ويداعىداي بولدى دەگەن كۇننىڭ وزىندە، بالاڭىز تابىسقا جەتكەن، باقىتتى بولعان ەسەپتەلە مە؟ جاقسى قىزمەتتىڭ ءوزى دە تاعى ءبىر جارىستىڭ باستالعانىنان دەرەك بەرمەي مە؟ قىزمەت ورنىنا ءبىر ۋاقىتتا كەلگەن قىزمەتكەرلەردىڭ ءۇش-ءتورت جىلدان كەيىنگى جاعدايى دا تۇرلىشە بولادى، ون جىلدان كەيىن ءتىپتى اسپان مەن جەردەي پارىق تۋىلادى. ال وسى بارىستا شەشۋشى رول اتقاراتىن ءىس-قيمىل داعدىسى، مىنەز-قۇلىق سىندى ماڭىزدى نارسەلەردى بالالار سوناۋ جۇگىرۋ سىزىعىنان اتتانعان ءساتتىڭ وزىندە، سەكۋنت-مينۋتتاردان ۇتامىن دەپ ۇمىتادى.
ارينە، ءسوزدىڭ جۇيەسىن ءبارىمىز بىلەمىز، الايدا ءىس جۇزىندە اتقارۋ ونشالىق وڭايعا سوقپايدى. قوعامداعى تابىسقا جەتۋگە دەگەن كوزقاراس وزگەرمەسە، وقۋ-اعارتۋ ۇلگىسىندە جاقسارۋ بولماسا، وندا اتا-انالارعا «ابدىراماڭىزدار» دەپ ايتا بەرگەنمەن ،ءىس بىتەر مە ەكەن؟ (ان چۋانشياڭ) «جياڭشي گازەتى»
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
