- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۋىرشاق فيلىمگە قۇمارتقان ءسابي اتا-اناسىن شوشىتتى
2013.11.04 13:16 كەلۋ قاينارى : حالىق تورابى
ۋحان تاڭعى گازەتىنىڭ حابارلاۋىنشا، جۋىردا ورتالىق تەلەۆيزيانىڭ «مەملەكەتتىك، حالىقارالىق حابارلار» ايدارى، شينحۋا تورابى قاتارلى ورتالىقتاعى مەديالار «قوشاقان»، «ايۋ كەلدى» قاتارلى قۋىرشاق فيلىمدەردە زورلىقتى كۇشكە قاتىستى مازمۇننىڭ، ادەپسىز سوزدەردىڭ كوپ بولۋى قاتارلى ماسەلەلەر ساقتالىپ وتىرعانىن، بۇل بالالاردى اتالعان قۋىرشاق فيلىمدەردى كورۋ بارىسىندا ناشار ادەت قالىپتاستىرۋعا جەتەلەيتىنىن حابارلاعان.
مىسالدار مەن ساندى مالىمەتتەر
بالالاردىڭ 30 پايىزى «زورلىقتى كۇش مازمۇنىنداعى قۋىرشاق فيلىمدەردىڭ» ىقپالىنا ۇشىرايدى
ۋحانداعى جۇڭجياسۇن قىستاعىنىڭ تۇرعىنى ليۋ حانىم تىلشىگە تەلەفون جالعاپ: «بالام ‹گۋاڭتوۋچياڭ› بولامىن دەپ الەك سالۋدا، وتكەندە ويىنشىق مىلتىقپەن ەس - اقىلىمىزدى الۋشى ەدى، كەيىن ويىنشىق ارا الىپ بەرمەپ ەدىك، ەندى شىن ارا الىپ بەرىڭدەر دەپ قويماي جاتىر، ‹ايۋ كەلدى› اتتى قۋىرشاق فيلىمدى كورگەننەن كەيىن وسىلاي قيعىلىق سالۋدا»، - دەيدى. نەشە كۇننىڭ الدىندا اكەسى ويىنشىق ارا الىپ بەرمەگەندىكتەن، قازىر بالاسى شىن ارا الىپ بەرىپ «قۇمارىمنان شىعارىڭدار» دەپ جاتىر ەكەن، ليۋ حانىم «ەسى - دەرتى وسىعان اۋىپ الدى، ەندى قايتتىك»، - دەپ شاراسىزدىق تانىتقان.
رۇنرۇن اتتى 4 جاسار بالا «ايۋ كەلدى» اتتى قۋىرشاقتى ءۇش قايتارا كورىپ شىققاننان كەيىن، فيلىمدەگى «گۋاڭتوۋچياڭعا» قاتتى سۇيىنگەن، ۇيتكەنى ول مىلتىعىن كوتەرىپ، ايۋلاردى تىرقىراتا قۋالايدى. «مەن دە گۋاڭتوۋچياڭدىكى سياقتى مىلتىق الامىن!» دەيدى رۇنرۇن، ونىڭ بولمەسىندە گۋاڭتوۋچياڭنىڭ سۋ مىلتىعى، تاق-تۇق دوپ مىلتىق، مۋزيكالى مىلتىق قاتارلى 6 ءتۇرلى ويىنشىق مىلتىق بار ەكەن.
قازىر بالالار قانداي قۋىرشاق فيلىمدەردى كورەدى؟ ءتىلشى ۋحان قالاسىنداعى 4 ~ 6 جاس شاماسىنداعى 97 بالاعا تەكسەرۋ جۇرگىزگەن، بۇندا ۇل بالالاردىڭ سانى 58، قىز بالالاردىڭ سانى 39. «قوشاقان مەن قاسقىر»، «ايۋ كەلدى»، «بالالا سيقىر الەمى» قاتارلى قۋىرشاقتاردى كورەتىن بالالار كوپ ەكەن.
مۇعالىمداردىڭ كۇندەلىكتى باقىلاۋىنا نەگىزدەلگەندە، 27 بالانىڭ سويلەگەن سوزدەرىندە بەلگىلى دەڭگەيدە «زورلىقتى كۇش پيعىلى» بار ەكەن، بۇل تەكسەرۋدى قابىلداعان بالالاردىڭ 30 پايىزىن ۇستايدى، مۇندا ۇل بالالاردىڭ سانى قىز بالالاردان الدە قايدا كوپ، 20 ۇل، 7 قىز بالا.
«قوشاقان» فيلىمىن الىپ ايتساق، قىز بالالار ۇنەمى جامان ۇيرەنىپ الاتىن «زورلىقتى كۇش ارەكەتى» قىزىل قاسقىردىڭ سۇر قاسقىردىڭ قۇلاعىن بۇراپ، قازانمەن باسىنا سالىپ كەپ جىبەرەتىن جەرلەرى. «قوشاقان» فيلىمىنىڭ ادال كورەرمەنى حانحان ۇيىندە قۋىرشاق فيلىم كورگەن سايىن تەلەۆيزورمەن جاتتا كەپ «بالاعاتتاسادى». «قوشاقان» فيلىمىن ەڭ العاش كورگەندە حانحان ەكى جارىم جاستا عانا بولاتىن، سۇر قاسقىردىڭ قوشاقاندى ۇستاپ اكەتكەنىن كورگەندە، حانحاندى اشۋ كەرنەپ، سافاداعى ويىنشىقتاردى نەمەسە تاتتىلەردى تەلەۆيزورعا قاراي لاقتىرادى ەكەن.
ۇل بالالاردىڭ زورلىقتى كۇش ارەكەتتەرى قىز بالالارعا قاراعاندا حاۋىپتىرەك. «ولگىر»، «گۋاڭتوۋچياڭدى اشۋلاندىرساڭ، تاياق جەيسىڭ»، «گۋاڭتوۋچياڭ اعاڭنىڭ الدىن توسقانعا باتىلىڭ بارعان ەكەن - ءا، ارامەن سازايىڭدى بەرەمىن دەسەم سەنەسىڭ بە؟»... دەگەن سياقتى گۋاڭتوۋچياڭعا ەلىكتەگەن سوزدەر ارقىلى ۇل بالالار باسقا بالالاردى قورقىتاتىن بولعان.
ءتورت جاستاعى حاۋحاۋ «اۋتىمان» فيلىمىن كورگەننەن كەيىن ەسى - دەرتى سوعان اۋىپ، ۇيىندە ۇنەمى اۋتىمان بولىپ ويناپ، شەشەسىنە جۇدىرىق جۇمساپ، اياق سەرمەيدى.
سەبەبىنە تالداۋ جاساۋ
بالالاردىڭ 80 پايىزى قۋىرشاق فيلىمدى جالعىز كورەدى
كەزدەيسوق تەكسەرگەن 97 بالانىڭ ىشىندە، 80 پايىزى ۇيىندە جالعىز ءوزى ءار كۇنى 1 ~ 2 ساعات قۋىرشاق فيلىم كورەدى، ەڭ ۇزاق بولعاندا 4 ساعاتقا دەيىن بارادى.
شەشۋ جولدارى
ماماندار: اتا - انالار قۋىرشاق فيلىمدەردى دارەجەگە ءبولىپ، تاڭداپ كورسەتۋى كەرەك
بالالار باقشاسىنىڭ مۇعالىمى دا چاۋيۋان: «ەرەسەكتەرگە ارنالعان فيلىمدەردەگى زورلىقتى كۇش پەن اتىس – شابىس مازمۇندارى قازىر قۋىرشاق فيلىمدەرگە ەندەپ كەلەدى، كەيبىر مازمۇنداردى راسىندا قابىلداۋ قيىن، بۇل جان-جاقتىلى جەتىلۋ كەزەڭىندە تۇرعان سابيلەر ءۇشىن وتە ۇيلەسىمسىز»، - دەيدى. اتا – انالار بالالاردىڭ ەرەكشەلىگىنە قاراي ولارعا ۇيلەسەتىن قۋىرشاق فيلىمدەردى تاڭداپ كورسەتۋى، قۋىرشاق فيلىمدەردىڭ جەتەكشىلىك رولىن ايقىنداپ الۋى، ءارى بالالاردىڭ قۋىرشاق كورەتىن ۋاقىتتارىن بەلگىلى مولشەردە شەكتەۋى، وسى ارقىلى ولاردىڭ ەسى – دەرتىنىڭ قۋىرشاق فيلىمگە اۋىپ كەتۋىنىڭ الدىن الۋى كەرەك.
حۋاجۇڭ پەداگوگيكالىق ۋنيۆەرسيتەتىنىڭ قوعامدىق عىلىمدار مامانى مەي جىزو پروفەسسوردىڭ ايتۋىنشا، قۋىرشاق فيلىمدەردىڭ بالالارعا ىقپالى زور، بالالار قۋىرشاق فيلىمدەگى يدەيالار مەن سوزدەردىڭ، ارەكەتتەردىڭ ىقپالىنا بارعان سايىن ۇشىراۋدا. بالالار قۋىرشاق فيلىم كورگەندە اتا – انالارى قاسىندا وتىرىپ، ولارعا فيلىمدەگى كەيىپكەرلەر مەن وقيعا جەلىسى تۋرالى دۇرىس تۇسىنىك بەرۋى كەرەك. زورلىقتى كۇش پەن ادەپسىز مازمۇندار بار قۋىرشاق فيلىمدەردىڭ مازمۇنى مەن فورماسىنا وزگەرىس ەنگىزۋ تەك تەحنيكالىق جاقتان عانا رەفورمالاۋ بولىپ، ەڭ ماڭىزدىسى بالالاردىڭ قۋىرشاق فيلىم كورۋ ورتاسى مەن اتا – انالاردىڭ دۇرىس جەتەكشىلىك ەتۋى. فيلىم كورۋ بارىسىنداعى ءوزارا پىكىرلەسۋ ارقىلى بالالاردىڭ كوكەيىنە دۇرىس تا بەلسەندى تانىم مەن قۇن كوزقاراسىن ۇيالاتۋعا بولادى.
زورلىقتى كۇش قۋىرشاق فيلىمدەرىنىڭ بالالارعا ىقپال جاساۋى تەك ۋحان قالاسىندا عانا تۋىلىپ وتىرعان جوق، قازىر بۇكىل ەلىمىزدەگى بارلىق قالالاردان اتا – انالار مەن مامانداردىڭ شاعىمدارى تولاستاماۋدا، جۋىردا ورتالىق تەلەۆيزيانىڭ «مەملەكەتتىك، حالىقارالىق حابارلار» ايدارى مەن شينحۋا تورابى قاتارلى ورتالىقتاعى مەديالاردا «قوشاقان»، «ايۋ كەلدى» قاتارلى قۋىرشاق فيلىمدەردە زورلىقتى كۇشكە تاربيەلەيتىن مازمۇندار مەن ادەپسىز سوزدەردىڭ بار ەكەنى تۋرالى حابار بەرىلدى، ءارى كوپتەگەن ماماندار وزگەرىس ەنگىزۋ تۋرالى پىكىر بەردى.
شاڭحاي قوعامدىق عىلىمدار اكادەمياسى جاستار مەن وسپىرىمدەردى زەرتتەۋ ءبولىمىنىڭ باستىعى ياڭ شيۇڭ دوكتور سابيلەرگە ارنالعان تەلەفيلىمدەر مەن قۋىرشاق فيلىمدەردى دارەجەگە ءبولۋ ءتۇزىمىن ورناتۋعا ۇندەدى. «قۋىرشاق فيلىمدەردى دارەجەگە ءبولۋ ءتۇزىمى ەۆروپا مەن امەريكاداعى دامىعان ەلدەردە الدەقاشان ورناتىلعان»، ءىشىنارا ماماندار بالالار وقۋ - اعارتۋىمەن، پسيحولوگيامەن شۇعىلداناتىن مامانداردى دارەجەگە ءبولۋ ولشەمىن تالقىلاۋعا قاتىناسۋعا ۇندەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
