- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءبىلىم بەرۋدىڭ باستاماسى − سەنىمدىلىك
جاڭ گۇييۇڭ
2016.09.23 14:16 كەلۋ قاينارى : شينجياڭ گازەتى
اقپارات قۇرالدارىنىڭ حابارلاۋىنشا، نەمەرەسىنىڭ «جاقسى سىنىپقا» كىرۋى، «جاقسى ورىنعا» وتىرۋى ءۇشىن، جىڭجوۋ قالاسىنىڭ تۇرعىنى ۋاڭ حانىم وتباسىنىڭ بارلىق تامىر - تانىس بايلانىستارىن ىسكە سالىپ، توڭىرەككە شاپقىلاپ ىلىك - شاتىس ادام ىزدەپ، باستاعان ىسىنە ارەڭ نۇكتە قويىپتى. شاڭحايداعى ءبىر باستاۋىش مەكتەپ وقۋشىسىنىڭ اتا - اناسى دا كوشتەن قالعىسى كەلمەي، بالاسى بالا باقشاعا بارعان كۇننەن - اق وقىتۋشىلارى مەن تاربيەشىلەرىنە تارتۋ - تارالعى ۇسىنا باستاعان ەكەن. سونداعى تارتۋ - تارالعى العان وقىتۋشىنىڭ «كومەگى» بالانى تۇسكى ۇيقى كەزىندە جەل قاقپايتىن جەرگە جاتقىزۋ، ويىن كەزىندە بالاعا ماڭىزدى رول بەرۋ سياقتىلار بولسا، تاربيەشىنىڭ «كومەگى» بالانىڭ تاماعىن تاۋىسىپ جەۋىنە قارايلاۋ بولسا كەرەك.
تامىر - تانىستىق بايلانىس ىزدەپ، ورىن تاڭداۋدىڭ، وقىتۋشىعا تارتۋ - تارالعى ۇسىنۋدىڭ كولەڭكەسىندە اتا - انالاردىڭ ءبىلىم بەرۋ ىسىنە دەگەن سەنىمسىزدىگى جاتىر: ولار جەرگىلىكتى ۇكىمەتتىڭ ءبىلىم بەرۋ جۇمىستارىن اركىمگە بىركەلكى ۇيىمداستىراتىنىنا سەنبەيدى، مەكتەپتىڭ وقۋشىلاردى سىنىپقا ءادىل بولەرىنە سەنبەيدى، وقىتۋشىنىڭ ءار وقۋشىعا تەپە - تەڭ مامىلە جاسايتىنىنا سەنبەيدى. تامىر - تانىستىق بايلانىس ىزدەۋ جانە تارتۋ - تارالعى ۇسىنۋ سياقتى «كولەڭكەدەگى قاعيدالارعا» سەنەتىن اتا - انالاردىڭ كوڭىلى وسى قىلىقتارىنان كەيىن مۇمكىن مەزەتتىك بولسا دا جاي تاباتىن شىعار، ءبىراق بۇنىڭ مەكتەپ پەن وتباسى قارىم - قاتىناسىنىڭ دۇرىس ارنادان اۋىتقۋىنا مۇرىندىق بولىپ، ءبىلىم بەرۋ ءىسىنىڭ بەتىنە كۇيە جاعاتىنى شىندىق. ەندى مىناعان وي جۇگىرتىپ كورىڭىز: ءتۇرلى مۇددەلەرمەن ميشا بىلىققان ورتاداعى ءبىلىم بەرۋ ىسىندە كىم - كىمدى دە رازى ەتەتىن تاربيەنىڭ بولۋى مۇمكىن بە؟ مۇندايدا بالا اقاۋسىز وسە الا ما؟
سەنىمدىلىك − ءبىلىم بەرۋ ءىسىنىڭ باستاماسى، سەنىمدىلىك بولماعان جەردە ادام تاربيەلەۋدەن اۋىز اشۋ قيىن، «ءبىر رۋحتىڭ ەندى ءبىر رۋحتى وياتۋى» تۋرالى ءسوز ايتۋ تىپتەن قيىن. شىنتۋايتىندا، كوپشىلىك مەكتەپتەر ءبىلىم بەرۋ، وقۋ - وقىتۋ زاڭدىلىقتارى بويىنشا جۇمىس جۇرگىزەدى، باسىم كوپشىلىك وقىتۋشىلار دا جالپىنىڭ قامىن ويلايتىن نيەت جانە سۇيىسپەنشىلىكپەن ادام تاربيەلەيدى. اتا - انالار ەرەجەلەردىڭ «كولەڭكەدەگى قاعيدالاردى»، ءسوز جوق، جەڭەتىنىنە، مەكتەپ پەن وقىتۋشىعا، سونداي - اق بالاسىنىڭ ءوز كۇشىمەن ەرجەتەتىنىنە سەنۋى كەرەك. ءبىر قىزىعى، كەي اتا - انالاردىڭ ويىندا، ءوز بالاسى ەس ءبىلىپ، ەتەگىن جيا المايتىنداي، ۇلكەندەردەن اجىراپ قالسا دالادا قالاتىنداي سەزىلەدى. نانجيڭ شەتەل ءتىلى ۋنيۆەرسيتەتىنىڭ شيانليندەگى بولىمشەسىنە قاراستى باستاۋىش مەكتەپكە ەندى وقۋعا تۇسكەن ءبىر وقۋشىنىڭ اتا - اناسى بالاسىن وتە الپەشتەگەنى سول، بالاسى بالا باقشاعا بارعان كۇننىڭ ەرتەسى ءوز ءۇيىنىڭ كۇتۋشىسىن ەرتەمەن بالا باقشاعا، بالاسىنا جۇمىرتقا ارشىپ بەرۋگە جىبەرىپتى.
وتباسى مەن مەكتەپ اراسىنداعى سەنىمدىلىكتىڭ تۇعىرىن بەكەمدەۋ ەجەلدەن ماشاقاتتى بارىس بولىپ كەلەدى، بۇل اتا - انالار مەن مەكتەپتىڭ ءاۋ باستا - اق قارىم - قاتىناستارىن دۇرىستاۋىن، ءبىر - ءبىرىن قادىرلەۋىن، ىركىلىسسىز پىكىرلەسۋ ارناسىن اشۋىن قاجەت ەتەدى. مەكتەپ پەن وتباسى عانا ەمەس، وقىتۋشى مەن وقۋشىنىڭ اراسى دا وسىنداي بولعانى ءجون. جاڭا وقۋ ماۋسىمى باستالىپ، وقىتۋشى مەن وقۋشى تاعدىردىڭ جازۋىمەن ءبىر جەرگە باس قوسقان ەكەن، ءبىر - بىرىنە قۇشاق جاياتىن اشىق پەيىلدە بولۋى، بۇكپەسىز، ادال قاعيدا ۇستانىپ، ءبىر - ءبىرىنىڭ جۇرەك ءۇنىن جانە پىكىرىن تىڭداۋى، سول ارقىلى ويداعىداي ءتالىم - تاربيە جۇرگىزۋگە تالپىنۋى كەرەك. بۇل ءبىلىم بەرۋ ءىسىنىڭ وقۋ باستالعاننان كەيىنگى جاقسى ۇيىمداستىرۋعا ءتيىستى تۇڭعىش ساباعى، سونداي - اق جالپى قوعام ءۇشىن دە جاقسى ۇيىمداستىرۋعا مىندەتتى تۇڭعىش ساباق بولۋى ءتيىس.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
