بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>وقۋ-اعارتۋ

كەلەر جىلى 8 ميلليونداي وقۋ بىتىرگەن ستۋدەنت جۇمىس ىزدەيدى، ۇساق كاسىپورىندار وقۋ بىتىرگەن ستۋدەنتتەردى جۇمىسقا قابىلداسا قوعامدىق قامسىزداندىرۋ قوسىمشا قاراجاتىنان يگىلىكتەنەدى

2016.12.12 15:53     كەلۋ قاينارى : حالىق تورابى

  ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ەڭ جاڭا حابارىنا قاراعاندا، بيىل قاراشادا قالاشىقتاردا تىڭنان 810 مىڭ ادام كاسىپتەندىرىلگەن. بيىل قاڭتاردان قاراشاعا دەيىن قالاشىقتاردا تىڭنان كاسىپتەنگەندەر 12 ميلليون 490 مىڭ ادام بولىپ، تۇتاس جىلعى نىسانالى مىندەت %24.9 ارتىق ورىندالعان.

  بۇدان تىس بيىل 11 – قازاندا لي كىچياڭ جۇڭگو - پورتۋگال ءتىلدى مەملەكەتتەر ساۋدا - ەكونوميكا سەلبەستىك تالقى مىنبەسىنىڭ 5 - كەزەكتى مينيسترلەر ءماجىلىسىنىڭ اشىلۋ سالتىندا نەگىزگى تاقىرىپتىق لەكيسا جاساعاندا بىلاي دەگەن بولاتىن: جالپى العاندا، وسى جىلدىڭ باسىنان بەرى جۇڭگو ەكونوميكاسىنىڭ اينالىسى مەجەدەگىدەن جاقسى بولدى. قىركۇيەكتە 31 قالا، قالاشىقتا كاسىپسىزدىك شاماسى %5 تەن تومەن بولعان، بۇل ــ جۋىق جىلداردان بەرى جارىققا شىققان ەڭ جاقسى كورسەتكىش.

  «كاسىپتەنۋ ــ حالىق تۇرمىسىنىڭ نەگىزى» دەيتىن ايتىلىمعا وسى ساندى مالىمەتتەر ارقىلى ەڭ جاقسى تۇسىنىك بەرىلدى.

  دەسە دە، ءاربىر جەكە تۇلعانىڭ سيفردا كورسەتىلگەندەي قۋانىشقا بولەنە قويۋى ەكىتالاي. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ جاۋاپتىسى الداعى 5 جىلداعى كاسىپتەندىرۋ جاعدايىن تىلگە تيەك ەتكەندە بىلاي دەدى: ەكونوميكانىڭ قۇلدىراۋ قىسىمى ارتقان جاعدايدا ادام مەن جۇمىس ورنىنىڭ سايكەسپەۋى «جۇمىس تابۋ قيىن بولۋ» جانە «كاسىپتەنۋ قيىن بولۋ» ماسەلەسىن تۋدىرادى. جوعارى مەكتەپتەردەن وقۋ بىتىرگەن وقۋشىلار جالپى سانىنىڭ ءۇرتىس ارتۋى، قالىپتان تىس اسىپ قالعان ءوندىرىس قۋاتىن ازايتۋدان تۋىنداعان كومىر، بولات – تەمىر كاسىپورىندارىنداعى جۇمىسشى – قىزمەتشىلەردىڭ بىتىراتىلۋى ەلىمىزدىڭ كاسىپتەندىرۋى ءدۇپ كەلگەن ەڭ زور قىسىم سانالادى.

  وقۋ – اعارتۋ مينيسترلىگى وسى ايدىڭ باسىندا جاريالاعان ساندى مالىمەتكە قاراعاندا، 2017 – جىلى مەملەكەت بويىنشا ادەتتەگى جوعارى مەكتەپتەردەن وقۋ بىتىرەتىن وقۋشىلار مەجەمەن 7 ميلليون 950 مىڭعا جەتىپ، 2016 – جىلداعىدان 300 مىڭى ارتادى ەكەن. قازىرگى وقۋ بىتىرەتىن وقۋشىلاردىڭ 2006 – جىلعى 4 ميلليون 130 مىڭنان جىل سايىن ارتىپ وتىرۋى ــ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ جاۋاپتىسى ايتىپ وتىرعان «كاسىپتەندىرۋدەگى ءتۇيىندى توپ» سانالادى ەكەن.

  ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى قىزمەتكەرى بىلاي دەدى: سول جىلى جوعارى مەكتەپ بىتىرگەن ستۋدەنتتى جۇمىسقا قابىلداپ، ونىمەن ءبىر جىلدان جوعارى ەڭبەك توقتامىن جاساسقان ءارى ول ءۇشىن قوعامدىق قامسىزداندىرۋ اقىسىن تولەگەن ۇساق كاسىپورىندارعا ەڭ جوعارى بولعاندا ءبىر جىلدىق قوعامدىق قامسىزداندىرۋ قوسىمشا قاراجاتىن بەرەدى. مەكتەپتەن كەتكەن سوڭ ءبىر جىل ىشىندە كاسىپتەنە الماعان ستۋدەنت يكەمدى كاسىپتەنگەن سوڭ قوعامدىق قامسىزداندىرۋ اقىسىن تولەسە، بەلگىلى مولشەردەگى قوعامدىق قامسىزداندىرۋ قوسىمشا قاراجاتى بەرىلەدى، قوسىمشا قاراجات ولشەمى پرينسيپتىك جاقتان ونىڭ ناقتى تاپسىرعان اقىسىنىڭ ۇشتەن ەكى بولەگىنەن اسىپ كەتپەيدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.