30 ميلليوننان استام ستۋدەنت بار، ولاردى باسقارۋدا جاڭا بەلگىلەمە شىعارىلدى (ساياساتتىق تۇسىنىك)
وقۋدى كەزەڭگە ءبولىپ اياقتاتۋعا جول بەرىلەدى، وقۋشىلاردىڭ ارىز – ارمان ايتۋ ءتۇزىمى كەمەلدەندىرىلەدى
«حالىق گازەتىنىڭ» ءتىلشىسى جاڭ شو
2017.02.17 16:15 كەلۋ قاينارى : حالىق تورابى
بىرنەشە كۇننىڭ الدىندا وقۋ – اعارتۋ مينيسترلىگى جاڭادان وزگەرىس ەنگىزىلگەن «ادەتتەگى جوعارى مەكتەپتەردىڭ وقۋشىلارىن باسقارۋ بەلگىلەمەسىن» جاريالادى، بەلگىلەمە بيىل 1 – قىركۇيەكتەن باستاپ اتقارىلادى.
وقۋ – اعارتۋ مينيسترلىگىنىڭ قاتىستى تاراۋىنداعى جاۋاپتى جولداس بىلاي دەدى: جاڭادان وزگەرىس ەنگىزىلگەن «بەلگىلەمەدە» وقۋشىلاردىڭ جاڭالىق، يگىلىك جاراتۋىنا قولداۋ كورسەتىلگەن. «بەلگىلەمەگە» ساي وقۋدان قول ءۇزىپ يگىلىك جاراتۋ سىندى يكەمدى وقۋ ءتۇزىمى كەمەلدەندىرىلىپ، وقۋشىلاردىڭ وقۋدى تامامداۋ جىل شەگى ۇزارتىلادى، وقۋشىلاردىڭ وقۋدى كەزەڭگە ءبولىپ اياقتاتۋىنا جول بەرىلەدى. وقۋعا تۇسكەن جاڭا وقۋشىنىڭ وقۋعا ءتۇسۋ تولىمدىلىعىن ساقتاپ قالىپ يگىلىك، جاڭالىق جاراتۋدى ءوتىنىش ەتۋىنە بولادى، وقۋعا تۇسكەننەن كەيىن دە وقۋدى توقتاتا تۇرىپ يگىلىك جاراتۋدى ءوتىنىش ەتۋىنە بولادى؛ وقۋدان قول ءۇزىپ يگىلىك جاراتاتىن وقۋشىلارعا قاراتا ەڭ جوعارى وقۋ جىل شەگىن بولەك بەلگىلەپ، قاتىستى رەسمياتتاردى بەكىتۋ ءتارتىبىن ىقشامداۋعا بولادى.
وسىمەن بىرگە، جاڭالىق جاراتۋ امالياتىنا قاتىناسقان، وقۋدان قول ءۇزىپ يگىلىك جاراتقان وقۋشىلار وزدەرى ءوتىنىش بەرگەن سوڭ مەكتەپ بەكىتسە قاتىستى كاسىپتىك ۇيرەنۋلەرگە الماسۋىنا بولادى، وسىلايشا وقۋشىلاردىڭ يگىلىك جاراتۋداعى وزىندىك قۇنى تومەندەيدى؛ جاڭالىق، يگىلىك جاراتۋ سياقتى قيمىلدارعا قاتىناسۋ، سونداي – اق ماقالا جاريالاۋ، تاپقىرلىق پاتەنتىن الۋ سياقتى كاسىپتىك ۇيرەنۋمەن قاتىستى، ۇيرەنۋ تالابىنا سايكەسەتىن بارىس، ناتيجەگە وقۋ ءنومىرى بەرىلەدى؛ وقۋشىلار مەكتەپتە ۇيرەنۋ مەزگىلىندە ۇيرەنگەن ساباعى جانە العان وقۋ ءنومىرى وقۋدان قول ۇزگەن جاعدايدا ساقتاپ قالىنادى، قايتالاي وقىعان كەزدە ەسەپكە الىنادى.
«جوسپاردا» وقۋشىلاردىڭ وزدەرىن دەربەس باسقارۋىنا، وزدەرىنە قىزمەت وتەۋىنە، وزدەرىن تاربيەلەپ، وزدەرىن باقىلاۋىنا شابىت بەرىلىپ، قولداۋ كورسەتىلگەن. وسى جاۋاپتى بىلاي دەدى: «بەلگىلەمەگە» نەگىزدەلگەندە، مەكتەپتەر وقۋشىلار قۇرىلتايى ءتۇزىمىن ورناتۋى جانە كەمەلدەندىرۋى، وقۋشىلار ۇيىمىنىڭ، اسپيرانتتار ۇيىمىنىڭ قيمىل ورىستەتۋىنە قاجەتتى شارت – جاعداي جاراتىپ بەرۋى كەرەك؛ وقۋشىلار يگىلىكتەنەتىن ۇقىق – مۇددە تارماقتارىندا مىناۋ تالاپ ەتىلگەن: وقۋشىلاردى لايىقتى تاسىلمەن مەكتەپ باسقارۋعا قاتىناستىرۋ، ولاردى جاعدايدى ءبىلۋ، قاتىناسۋ، پىكىر ءبىلدىرۋ جانە باقىلاۋ ۇقىقتارىنان يگىلىكتەندىرۋ كەرەك.
سونىمەن بىرگە، وقۋشىلاردىڭ ۇقىق – مۇددەسىن اناعۇرلىم قورعاۋ كەرەك: مەكتەپ وقۋشىلاردى ماداقتايدى جانە سيلىق بەرەدى، اسپيرانتتىققا ەمتيحانسىز قابىلداناتىن، مەملەكەتتىڭ سيلىق سوماسى بەرىلەتىن، شەتەلگە ۇكىمەت قاراجاتىمەن وقۋعا شىعارىلاتىن وقۋشىلاردى كورسەتەدى، وسى بارىستا اشىق، ءادىل، بارابار ءتارتىپ جانە بەلگىلەمە ورناتادى؛ جازالاۋ ۋاقىت شەگى ءتۇزىمى بەلگىلەنگەن بولسا، مەكتەپ جازا بەرۋ الدىندا وقۋشىعا ءىستىڭ ءمان – جايىن، سەبەبىن ءتۇسىندىرۋى، وقۋشىلاردىڭ كوزقاراسىن ايتۋ، اراشالانۋ ۇقىعىن قامتاماسىزداندىرۋى كەرەك، مەكتەپ شىعاراتىن اۋىر جازانى ۇيعارۋدا مەكتەپ باستىعىنىڭ كەڭەس جيىنىندا ۇيعارىم جاساۋعا تاپسىرۋ كەرەك.
«بەلگىلەمەدە» «وقۋشىلاردىڭ ارىز – ارمان ايتۋى» دەگەن ءبىر تاراۋ ارنايى قوسىلىپ، ارىز – ارمان ايتۋ ءتۇزىمى مەن ءتارتىبى كەمەلدەندىرىلدى، وندا مەكتەپتەردىڭ وقۋشىلاردىڭ ارىز – ارمانىن ءبىر جاقتى ەتۋ كوميسسياسى ءتۇزىمىن كەمەلدەندىرۋى تالاپ ەتىلىپ، وقۋشىلاردىڭ ارىز – ارمانىن ءبىر جاقتى ەتۋ كوميسسياسىنىڭ جاۋاپكەرلىگى كۇشەيتىلىپ، وقۋ – اعارتۋ مينيسترلىگىنىڭ مەكتەپتەردىڭ ارەكەتىن باقىلاپ – باسقارۋداعى قىزمەت جاۋاپكەرلىگى كۇشەيتىلدى، ولكە دارەجەلى وقۋ – اعارتۋ تاراۋىنىڭ وقۋشىلاردىڭ ارىز – ارمانىن قابىلداپ ءبىر جاقتى ەتۋى بەلگىلەندى (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
