بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>وقۋ-اعارتۋ

ەلىمىزدە جوعارى مەكتەپتەرگە وقۋشى قابىلداۋ جالپى مولشەرى 4 جىلدا ٪12.7 ارتتى

2017.07.11 14:39     كەلۋ قاينارى : حالىق تورابى

  «حالىق گازەتى»، 10 – شىلدە، بەيجيڭ (ءتىلشى جاڭ شو). 10 – شىلدەدە ءتىلشىنىڭ وقۋ – اعارتۋ مينيسترلىگىنىڭ توراپ بەكەتىندە جاريالانعان «2016 – جىلعى مەملەكەتتىك وقۋ – اعارتۋ ىستەرىنىڭ دامۋى جونىندەگى ساناق مازمۇنداماسىنان» ۇعىسۋىنشا، 2016 – جىلى ەلىمىزدە جوعارى مەكتەپتەرگە وقۋشى قابىلداۋ جالپى مولشەرى ٪42.7 كە جەتىپ، 2012 – جىلداعىدان ٪12.7 ارتقان.

  تاياۋ جىلداردان بەرى ەلىمىزدە جوعارى مەكتەپتەرگە وقۋشى قابىلداۋ جالپى مولشەرى بىرتىندەپ ارتىپ، 2012 – جىلى ٪30 كە، 2013 – جىلى ٪34.5 كە، 2014 – جىلى ٪37.5 كە، 2015 – جىلى ٪40.0 كە جەتكەن. وقۋ – اعارتۋ مينيسترلىگى 2016 – جىلى ساۋىردە تۇڭعىش رەت جاريالاعان «جۇڭگونىڭ جوعارى دارەجەلى وقۋ –اعارتۋىنىڭ ساپا دوكلادىنا» نەگىزدەلگەندە، 2019 – جىلعا بارعاندا، جوعارى دارەجەلى مەكتەپتەرگە وقۋشى قابىلداۋ جالپى مولشەرىنىڭ ٪50 تەن اساتىندىعى مەجەلەنىپ، جۇڭگو جوعارى دارەجەلى وقۋ – اعارتۋدى جاپپاي جالپىلاستىرۋ كەزەڭىنە قادام قويادى ەكەن.

  «2016 – جىلعى مەملەكەتتىك وقۋ – اعارتۋ ىستەرىنىڭ دامۋى جونىندەگى ساناق مازمۇنداماسىنان» ءمالىم بولۋىنشا، ەل بويىنشا ءار تۇردەگى جوعارى دارەجەلى وقۋ – اعارتۋ بويىنشا وقىپ جاتقاندار 36 ميلليون 990 مىڭ ادامعا، جوعارى وقۋ – اعارتۋ بويىنشا وقۋعا ءتۇسۋ شاماسى ٪42.7 كە جەتكەن. ەل بويىنشا ادەتتەگى جوعارى مەكتەپتەر مەن ەرەسەكتەردى وقىتۋ مەكتەپتەرى جالپى 2880 بولىپ، الدىنداعى جىلداعىدان 28 مەكتەپ كوبەيگەن. قابىلدانعان اسپيرانتتار 667 مىڭ 100 ادام بولىپ، الدىنداعى جىلداعىدان 22 مىڭ ادام كوبەيگەن. مۇنىڭ ىشىندە دوكتورلىققا 77 مىڭ 300 ادام، ماگيسترلىققا 589 مىڭ 800 ادام قابىلدانعان. ادەتتەگى جوعارى مەكتەپتەردىڭ تولىق كۋرسى مەن ارناۋلى كۋرسىنە جالپى 7 ميلليون 486 مىڭ 100 ادام قابىلدانىپ، الدىنداعى جىلداعىدان 107 مىڭ 600 ادام كوبەيگەن؛ مەكتەپتە وقىپ جاتقاندار 26 ميلليون 958 مىڭ 400 ادام بولىپ، الدىنداعى جىلداعىدان 705 مىڭ 500 ادام كوبەيگەن؛ مەكتەپ بىتىرگەندەر 7 ميلليون 41 مىڭ 800 ادام بولىپ، الدىنداعى جىلداعىدان 232 مىڭ 900 ادام كوبەيگەن.

  تاعى دا «2016 – جىلعى مەملەكەتتىك وقۋ – اعارتۋ ىستەرىنىڭ دامۋى جونىندەگى ساناق مازمۇنداماسىنان» ءمالىم بولۋىنشا، ەل بويىنشا مىندەتتى اعارتۋ ساتىسىنداعى مەكتەپتەر جالپى 229 مىڭ 800 بولىپ، الدىنداعى جىلداعىدان 13 مىڭ 200 مەكتەپ ازايعان؛ 32 ميلليون 396 مىڭ 300 وقۋشى قابىلدانعان؛ مەكتەپتە وقىپ جاتقاندار 142 ميلليون ادام بولعان؛ ارناۋلى وقىتۋشى 9 ميلليون 276 مىڭ 900 ادام بولعان؛ توعىزجىلدىق مىندەتتى اعارتۋدىڭ بەكەمدەلۋ شاماسى ٪93.4 بولعان. وقۋ جاسىنداعى بالالاردىڭ باستاۋىش مەكتەپكە ءتۇسىپ وقۋ شاماسى ٪99.2 كە جەتكەن، وقۋشىلاردىڭ ورتالاۋ مەكتەپ ءبىتىرۋ شاماسى ٪93.7 كە جەتكەن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار