بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>وقۋ-اعارتۋ

تىلەك كەستەسىن تولتىرۋ وزگەلەردىڭ قورجىنىن توعايتۋ ءۇشىن بولماسىن

2017.07.12 16:07     كەلۋ قاينارى : حالىق تورابى

  ءار جىلدىڭ وسى مەزگىلىندە ءارقايسى ولكەدەگى جوعارى مەكتەپ ەمتيحانىنا قاتىناسقان وقۋشىلار جونىنەن العاندا، ارمانداعان جاقسى مەكتەبى مەن كوكەيىندەگى تاماشا كاسىبىن تاڭداۋدان ارتىق قۋانىش بولماسا كەرەك. الايدا، اقپارات مەديالارىنىڭ حابارىنا قاراعاندا، كەيبىر جەرلەردە جوعارى ءنومىر العان وقۋشىلاردى تىلەك كەستەسىن وزگەرتىپ تولتىرۋعا شىرعالاۋ، ءتىپتى تىلەك كەستەسىن وزگەرتىپ تولتىرۋعا ماجبۇرلەۋ سياقتى قيتۇرقى جايتتەر بەلەڭ بەرۋدە ەكەن، بۇل وقۋشىلاردىڭ كوڭىل كۇيىنە سوققى بولىپ ءتيىپ، ولاردى سارى ۋايىمعا تۇسىرگەن.

  مەكتەپتەردىڭ بۇنداي ىستەۋىنىڭ سەبەپ – سالدارى وتە قاراپايىم بولىپ، ءتىپتى دەپ كوپ ۇزدىك وقۋشىنى بەيجيڭ ۋنيۆەرسيتەتى، چيڭحۋا ۋنيۆەرسيتەتى سياقتى ەل ىشىندەگى ايگىلى مەكتەپتەرگە قابىلداتۋ عانا. بۇل وقىتۋشىلاردىڭ سيلىق سوماسى، دارەجەسىنىڭ ورلەۋى، ونان دا ماڭىزدىسى، مەكتەپتەردىڭ اتاق – داڭقىنىڭ جايىلۋى مەن بولاشاق دامۋىنا ساياتىن كەلەلى ماسەلە بولۋدا. اۋەلى ءىشىنارا جەرلەردەگى وقۋ – اعارتۋ تاراۋلارى ءبىر مەكتەپتىڭ وقۋ – وقىتۋىنىڭ ناشار نە ۇزدىك ەكەنىن باعالاۋدا سول مەكتەپتەن جىلىنا قانشا وقۋشى بەيجيڭ ۋنيۆەرسيتەتىنە، چيڭحۋا ۋنيۆەرسيتەتىنە قابىلداندى دەيتىن ولشەمدى ولارعا باعا بەرۋدەگى بۇلجىماس قاعيداعا اينالدىرعان. «بەيجيڭ ۋنيۆەرسيتەتىنە نەمەسە چيڭحۋا ۋنيۆەرسيتەتىنە ءبىر وقۋشى قابىلدانسا، 500 مىڭ يۋان سيلىق اقشا بەرىلەدى» دەگەن ءسوز اۋداندىق ۇكىمەتتەردىڭ قىزمەت بايانداماسىنا ەنگىزىلىپ، ايگىلى مەكتەپ نىسانا، كاسىپ ويىنشىققا اينالىپ، از سانداعى ادامداردىڭ قورجىنى توعايعان.

  وقۋشى ايگىلى مەكتەپكە قابىلدانسا، مەكتەپتىڭ ءجۇزى جارىق بولادى، ارينە. ميلليونداعان وقۋشى ەمتيحان بەرسە دە، مەكتەپتەر از ساندى وقۋشىعا عانا امالداپ «كوڭىل بولەدى». بۇل ءبىر مەكتەپ باسشىسىنىڭ ايتقانىنداي وقۋشى مەكتەپتىڭ جاقسىلىعىنا راقىمەت ايتۋى كەرەك دەگەنىندەي شارۋا. بۇنداي سالتاناتتى سىلتاۋلار كىسىنى بەيمازا كۇيگە ءتۇسىرىپ قۇتىن قاشىرادى.

  وقۋشى تاربيە قابىلداۋشى بولىپ قالماستان، ەڭ ماڭىزدىسى دامۋدىڭ نەگىزگى تۇلعاسى. مەكتەپ جونىنەن العاندا، وقۋشىنىڭ ەمتيحان ءنومىرى مەن قۇپيا ءنومىرى الباتى تيىسۋگە بولمايتىن سيفر بولىپ، ولاردىڭ مەكتەپ تاڭداۋىن قۇرمەتتەۋ جانە قورعاۋ كەرەك. كاسىپكە بولعان تارىداي قىزعىندىلىقتان بولاشاقتا تاۋداي ءونىم الۋعا بولسا، ال جەتەكتەۋ، جەتەلەۋدەن پالەندەي ناتيجە شىعا قويارى ناعايبىل. مەكتەپتەردىڭ اقشا نەمەسە اتاق - ابىرويدىڭ ارتىنا ءتۇسىپ، وقۋشىعا، اتا – اناعا توقتاماي يدەيالىق قىزمەت ىستەپ، اۋىرتپالىق تۇسىرگەندە، بۇنىڭ ءسىرا كىمنىڭ مايلى وكشەسىنە جاعارىن ويلاستىرىپ كورسە بولادى. ءبارىن ايت تا، ءبىرىن ايت، وقۋشىلاردىڭ مەكتەپ تاڭداۋ ۇقىعىنا قول سۇعۋدى «بۇل سەندەر ءۇشىن پايدالى» دەيتىن الدامشى سوزبەن بۇركەمەلەۋ وقۋشىنىڭ دۇرىس قۇن كوزقاراسىن ورناتۋىنا كەسىرىن تيگىزبەسە، سەپتىگىن تيگىزبەيدى ءارى بۇل وقۋ – اعارتۋ باعىتىنىڭ قاتە جولعا تۇسكەندىگىنىڭ دە بەينەسى بولماق.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار