وقۋ – اعارتۋ مينيسترلىگى: ەلىمىزدىڭ جوعارى وقۋ ساتىسىنداعى وقىپ جاتقان وقۋشى جالپى سانى دۇنيە ءجۇزى بويىنشا 1 – ورىندا تۇرادى
2017.09.29 16:24 كەلۋ قاينارى : حالىق تورابى
«حالىق گازەتى»، 28 – قىركۇيەك، بەيجيڭ (ءتىلشى جاڭ شو). 2012 – جىلدان 2016 – جىلعا دەيىن ەلىمىزدىڭ مەملەكەت قازىناسىنان بەرىلەتىن وقۋ – اعارتۋ قاراجاتىنىڭ GDP دەگى سالىستىرماسى ءۇرتىس 5 جىل %4 تەن اسقان، 5 جىلدا جالپى ءبىر تريلليون 350 ميلليارد يۋان بولىپ، 1952 – جىلدان 2011 – جىلعا دەيىنگى 60 جىلداعى جيىنتىق شامادان اسىپ كەتكەن. مۇنى 28 – قىركۇيەكتە وقۋ – اعارتۋ مينيسترلىگى وتكىزگەن اقپار جاريالاۋ ماجىلىسىنەن ۇعىستىق.
2016 – جىلى ەلىمىزدە ءار دارەجەلى، ءار تۇردەگى مەكتەپتەردەن جالپى 512 مىڭ مەكتەپ بولعان، ءار دارەجەلى، ءار تۇردەگى مەكتەپتەردە ماعلۇمات الۋ نەگىزىندە وقىپ جاتقان وقۋشى سانى 265 ميلليون بولعان، ماعلۇمات الۋ نەگىزىنەن تىس وقىپ جاتقانداردىڭ سانى 53 ميلليون 255 مىڭ بولعان.
3 جىلدىق ءتىلاشار بويىنشا بالا باقشاعا كىرۋ جالپى شاماسى %77.4 كە جەتكەن، 5 جىلدا 12.0 پايىز جوعارىلاعان، «مەملەكەتتىڭ ورتا، ۇزاق مەزگىلدىك وقۋ – اعارتۋ رەفورماسى جانە دامۋى جوبا باعدارلاماسىندا (2010 – جىلدان 2020 – جىلعا دەيىن)» ورتاعا قويىلعان %70 كە جەتكىزۋ نىساناسى كۇنى بۇرىن ورىندالعان، ورتاشا جوعارى كىرىستى ەلدەردىڭ %73.7 تىك ورتاشا دەڭگەيىنەن دە اسقان. 2016 – جىلى ەلىمىزدىڭ باستاۋىش مەكتەپ وقۋ جاسىنداعى بالالاردىڭ وقۋعا ءتۇسۋ شاماسى %99.92 كە جەتكەن، ورتالاۋ مەكتەپ ساتىسىنداعى وقۋشىلاردىڭ وقۋعا ءتۇسۋ شاماسى %104.0 بولىپ، جوعارى كىرىستى ەلدەردىڭ ورتاشا دەڭگەيىنەن اسقان نەمەسە سوعان تەڭ بولعان. 9 جىلدىق مىندەتتى اعارتۋدى بەكەمدەۋ شاماسى %93.4 بولعان، 9 جىلدىق مىندەتتى اعارتۋدى جالپىلاستىرۋ دەڭگەيى دۇنيە جۇزىندەگى جوعارى كىرىستى ەلدەردىڭ ورتاشا دەڭگەيىنەن اسقان.
جوعارى مەكتەپتەردە وقىپ جاتقانداردىڭ جالپى سانى 36 ميلليون 990 مىڭ بولىپ، 2012 – جىلداعىدان 3 ميلليون 738 مىڭ ادام، ياعني %11.2 ارتىپ، دۇنيە جۇزىندەگى سالىستىرماسى %20 كە جەتىپ، جوعارى وقۋ – اعارتۋ بويىنشا ەلىمىز دۇنيە جۇزىندەگى ءبىرىنشى ءىرى ەلگە اينالعان. جوعارى مەكتەپتەرگە ءتۇسىپ وقۋ شاماسى %42.7 كە جەتىپ، 2012 – جىلداعىدان 12.7 پايىز جوعارىلاپ، «مەملەكەتتىڭ ورتا، ۇزاق مەزگىلدىك وقۋ – اعارتۋ رەفورماسى جانە دامۋى جوبا باعدارلاماسىندا (2010 – جىلدان 2020 – جىلعا دەيىن)» بەلگىلەنگەن %40 تىك نىسانا كۇنى بۇرىن ورىندالعان.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
