بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>وقۋ-اعارتۋ

دەربەس وقۋشى قابىلداۋدىڭ وزگەرىسى جانە وزگەرمەۋى

2018.03.28 15:25     كەلۋ قاينارى : حالىق تورابى


  بەيجيڭ ۋنيۆەرسيتەتى، چيڭحۋا ۋنيۆەرسيتەتى، ۋحان ۋنيۆەرسيتەتى سىندى جوعارى مەكتەپتەر تاياۋدا 2018 – جىلعى دەربەس وقۋشى قابىلداۋ قاعيداسى مەن وقۋشى قابىلداۋ جوسپارىن ىركەس – تىركەس جاريالاپ، بۇكىل مەملەكەتتەن عىلىم سالاسىندا ەرەكشەلىگى جانە جاڭالىق جاراتۋ كومەسكى كۇشى بار ۇزدىك وقۋشىلاردى دەربەس تاڭداپ قابىلدايتىندىعىن ءبىلدىردى.

  2018 – جىلعى جوعارى مەكتەپتەرگە وقۋشى قابىلداۋ بىرتىندەپ ورىستەتىلە باستادى. بيىل جوعارى مەكتەپ ەمتيحانى رەفورماسى جاپپاي ىلگەرىلەتىلىپ، وتكەن جىلعى شاڭحاي، جىجياڭ سىندى ەكى ورىنداعى جوعارى مەكتەپ ەمتيحانى ارقىلى وقۋشى قابىلداۋ ءتۇزىمى رەفورماسى ورنىقتى تياناقتاندىرىلعاننان كەيىن، 17 ولكە جاڭا جوعارى مەكتەپ ەمتيحانى رەفورماسىن جۇرگىزدى؛ بيىل «قوس ۇزدىك» قۇرىلىسى قاۋىرت قۇرىلىس جۇرگىزۋ كەزەڭىنە ەنىپ، جاڭا داۋىرگە اياق باسىپ، جاڭا نىساناعا بەتالدى، جاڭا مىندەت ارقالاپ، تاڭداپ العان دارىندىلاردى تاربيەلەۋگە تىڭ قادام تاستالادى.

  دەربەس وقۋشى قابىلداۋ - جوعارى مەكتەپ ەمتيحانى رەفورماسىن ىلگەرىلەتۋدە قانداي ورىندا تۇرادى، «قوس ۇزدىك» قۇرىلىسىنىڭ جۇڭگو جوعارى مەكتەپتەرى جونىنەن تاعى نەندەي رولى بار؟ بيىل ءارقايسى جوعارى مەكتەپتەردىڭ دەربەس وقۋشى قابىلداۋ ساياساتىندا قانداي ەرەكشەلىكتەرى بار، قانداي شارتتاردى ورتاعا قويدى، قانشالىقتى سيمۆولدىق ءمانى جانە جەتەكشىلىك رولىن ازىرلەدى؟ ءتىلشى ەگجەي – تەگجەيلى رەتتەپ، قاتىستى جوعارى مەكتەپ وقۋشى قابىلداۋ كەڭسەلەرىنىڭ مەڭگەرۋشىلەرى جانە قاتىستى ماماندارمەن سۇحپاتتاسۋ ارقىلى، دەربەس وقۋشى قابىلداۋدىڭ استارىنداعى لوگيكالىق تىزبەككە تەرەڭ اناليز جاسادى.

  ساياسات نەگىزىنەن ورنىقتى، تەكسەرىپ – سىناۋ ۋاقىتى ءالى دە جوعارى مەكتەپ ەمتيحانىنان كەيىن جۇرگىزىلەدى

  27 – ناۋرىزعا دەيىن وقۋ – اعارتۋ مينيسترلىگى «شۇعىلا جوعارى مەكتەپ ەمتيحانى» تورابىندا 2018 – جىلى دەربەس وقۋشى قابىلداۋ شارتىن ازىرلەگەن 90 جوعارى مەكتەپتىڭ تىزىمدىگىن جاريالادى، بۇنىڭ ىشىندە 77 مەكتەپ بۇكىل ەلدەن وقۋشى قابىلداسا، 13 مەكتەپ ءوز ولكە، قالاسىنا باعىتتاپ وقۋشى قابىلدايدى ەكەن.

  ءتىلشىنىڭ بايقاۋىنشا، بيىل بەيجيڭ ۋنيۆەرسيتەتى دەربەس وقۋشى قابىلداۋ ساياساتىندا وتكەن جىلعىمەن سالىستىرعاندا نەگىزىنەن تۇراقتىلىقتى ساقتاپ، وقۋشى قابىلدايتىن كاسىپتەردى – ادەتتەگى كاسىپتەر جانە مەديتسينا كاسىپتەرى دەپ ەكىگە بولگەن. ادەتتەگى ءتۇر بويىنشا وقۋشى قابىلدايتىن كاسىپتەردەن جاراتىلىستىق ساباق تاجىريبە كۋرسى تۇرلەرى / قوعامدىق ساباق تاجىريبە كۋرسى تۇرلەرى، ماتەماتيكا، فيزيكا، استرونوميا سياقتىلار بار؛ مەديتسينا ءتۇرى بويىنشا وقۋشى قابىلدايتىن كاسىپتەردەن كلينيكالىق شيپاگەرلىك (8 جىلدىق دوكتورلىق وقۋىنا جالعاستىرىلادى)، كلينيكالىق شيپاگەرلىك (5 جىلدىق)، نەگىزدىك مەديتسينا (8 جىلدىق دوكتورلىق وقۋىنا جالعاستىرىلادى) سياقتىلار بار.

  2017 – جىلدان باستاپ ۇلكەن تۇرلەر بويىنشا وقۋشى قابىلداۋدى باستاعان چيڭحۋا ۋنيۆەرسيتەتىنىڭ وقۋشى قابىلدايتىن كاسىپتەرى جاراتىلىستىق ءپان، قوعامدىق ءپان دەپ ەكى ۇلكەن تۇرگە بولىنگەن، بۇعان قۇرىلىس ءتۇرى، توپىراق – سۋ ءتۇرى، ەلەكترون ينفورماتسياسى ءتۇرى، جاراتىلىس – قوعامدىق جالپى ءپان ءتۇرى، فيلولوگيا جانە قوعامدىق ءپان سىندى كاسىپتەر قامتىلادى ەكەن. بۇنىڭ ىشىندە، فيلولوگيا مەن قوعامدىق ءپان تۇرىندەگى (تاعىلىمناما زەرتتەۋ باعىتى) كاسىپتەرگە وقۋدى ءوتىنىش ەتكەندەر ءبىرشاما جۇيەلى باستاۋىشتىق تاربيە العان بولۋى، «ۇشتىك ءتاپسىر» مەن «ءجۇز وتباسىلىق فاميليا» سىندى كلاسسيكالىق شىعارمالاردى جاتتاي الاتىن بولۋى؛ ءبىرشاما جاقسى تاعىلىمناما ءىلىمى نەگىزى بولۋى، «ءتورت كىتاپ» پەن «بالناما»، «جىر كىتابىنىڭ» ءبىر ءتۇرىن جاتتاي الۋى؛ العاشقى جازۋشىلىق نەگىزى بولۋى، «ءسوز جانە ارىپتەر تۇسىندىرمەسىن» ۇيرەنگەن بولۋى، كونە جازۋ ۇلگىسىمەن 540 شۋماقتى جاتقا جازا الۋى، «التى قاعيدانى» قاراپايىم تىلمەن تۇسىندىرە الۋى كەرەك (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار