تالاپتى جاستار جوعارى مەكتەپ وقۋعا جاعداي كەلمەي قالۋدان الاڭدامايتىن بولدى
وقۋ – اعارتۋ مينيسترلىگى وتباسىندا ەكونوميكالىق قيىنشىلىعى بار وقۋشىلاردىڭ كەڭەس سۇراۋى مەن كومەك تالاپ ەتۋىن قابىلدايدى
2018.07.24 14:03 كەلۋ قاينارى : حالىق تورابى
حالىق تورابى، 23 – شىلدە، بەيجيڭ (لين لۋ) ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى 2018 – جىلى جوعارى مەكتەپكە ەمتيحان بەرگەن وقۋشىلارعا قارجىلاي كومەك بەرۋگە قاتىستى ىركىلىسسىز جەلىنى ىسكە قوستى، تەلەفون ءنومىرى: 010 – 66097980، 010 – 66096590، بۇگىننەن باستاپ، 12 – قىركۇيەككە دەيىن، ءار كۇنى ساعات 8:00 – 20:00 ارالىعىندا تەلەفون اشىق بولادى، وقۋ – اعارتۋ مينيسترلىگىنىڭ جوعارى مەكتەپكە ەمتيحان بەرگەن وقۋشىلارعا قارجىلاي كومەك بەرۋگە قاتىستى ىركىلىسسىز جەلىنى ىسكە قوسقانىنا وسىمەن 14 جىل بولادى.
پارتيا مەن ۇكىمەت « وتباسىندا ەكونوميكالىق جاقتا قيىنشىلىعى بار وقۋشىلاردىڭ بىردە – بىرەۋىنىڭ وقۋدان قول ۇزبەۋىنە مۇمكىندىك جاراتامىز» دەگەن ايبىندى ۋادە بەردى. وسى ۋادەنى ىسكە اسىرۋ ءۇشىن، مەملەكەت وقۋ – اعارتۋدىڭ ءتۇرلى كەزەڭىن، ءار دارەجەلى ءتۇرلى مەكتەپتەردى، وتباسىندا قيىنشىلىعى بار بارلىق وقۋشىلاردى قامتيتىن قارجىلاي كومەك بەرۋ ساياساتتىق جۇيەسىن قۇردى.
مەملەكەتتىك وقۋشىلارعا قارجىلاي كومەك بەرۋدى باسقارۋ ورتالىعى مەڭگەرۋشىسىنىڭ ورىنباسارى ما جيانبيننىڭ ايتۋىنشا، جوعارى مەكتەپ وقۋ – اعارتۋى كەزەڭىندە مەملەكەتتىك وقۋ سيلىعى قاراجاتى، مەملەكەتتىك شابىتتاندىرۋ سيلىق قاراجاتى، مەملەكەتتىك وقۋشىلارعا جاردەم بەرۋ قاراجاتى، مەملەكەتتىك وقۋشىلارعا جاردەم بەرۋ نەسيە قاراجاتى، جاڭا قابىلدانعان وقۋشىلاردىڭ وقۋعا تۇسۋىنە قارجىلاي كومەك بەرۋ، ەڭبەك ىستەي ءجۇرىپ وقۋ قاراجاتىن تابۋ، وقۋ قاراجاتىن كەمەيتۋ نەمەسە كەشىرىم ەتۋ، تولىقتاپ بەرۋ نەمەسە تولەپ بەرۋ، «جاسىل ءدالىز» سىندى ءتۇرلى فورماداعى قارجىلاي كومەكتەسۋ تاسىلدەرىن بىردەي قولدانىپ، جوعارى مەكتەپكە قابىلدانعان، وتباسىندا ەكونوميكالىق قيىنشىلىعى بار وقۋشىلاردىڭ وقۋعا تۇسكەن كەزدە «ۇشتەن الاڭداماۋىنا» كەپىلدىك ەتەدى، ۇشتەن الاڭداماۋ دەگەنىمىز: وقۋعا ءتۇسۋ الدىندا الاڭداماۋ، وقۋعا تۇسكەن كەزدە الاڭداماۋ، وقۋعا تۇسكەننەن كەيىن الاڭداماۋ.
وقۋشىلار مەن ولاردىڭ اتا – انالارىنىڭ مەملەكەتتىڭ قارجىلاي كومەك بەرۋ ساياساتتارىن دەر كەزىندە، انىق ۇعىسىپ، سايكەستى قارجىلاي كومەك نىسانىنا ءوتىنىش بەرۋىنە جانە وعان قول جەتكىزۋىنە كومەكتەسۋ ءۇشىن، وقۋ – اعارتۋ مينيسترلىگى 2005 – جىلدان باستاپ، ءار جىلى جازعى دەمالىس كەزىندە ىركىلىسسىز جەلى تەلەفونىن ىسكە قوسىپ، وتباسىندا قيىنشىلىعى بار وقۋشىلارىڭ سۇراۋلارىنا ءبىر – بىرلەپ جاۋاپ بەرىپ، ولاردى ۋايىمنان ارىلتىپ كەلەدى.
وقۋ – اعارتۋ مينيسترلىگى ىركىلىسسىز جەلى تەلەفونىن اشقان مەزگىلدە، ءارقايسى ولكە (اۆتونوميالى رايون، توتە قاراستى قالا، جوسپار بويىنشا ايىرىم قوسىلعان قالالار)، شينجياڭ ءوندىرىس – قۇرىلىس بيڭتۋانى، ورتالىقتاعى مينيسترلىككە قاراستى جوعارى مەكتەپتەر مەن ءىشىنارا جەرگىلىكتى جوعارى مەكتەپتەر دە ىركىلىسسىز جەلى تەلەفونىن ىسكە قوسىپ، وقۋشىلاردىڭ كەڭەس سۇراۋى مەن كومەك سۇراۋ تالاپتارىن قابىلداپ، ولاردىڭ قيىنشىلىقتارىن شىنايى شەشىم ەتەدى. ەگەر ماسەلە بولسا، الدىمەن مەكتەپتىڭ ىركىلىسسىز جەلى تەلەفونىنا تەلەفون جالعاڭىز؛ ەگەر جۇمىسىڭىز ويداعىداي شەشىلمەسە، وندا قاتىستى ولكە (اۆتونوميالى رايون، توتە قاراستى قالا) نەمەسە وقۋ – اعارتۋ مينيسترلىگىنىڭ ىركىلىسسىز جەلى تەلەفونىنا تەلەفون جالعاساڭىز بولادى. مەملەكەتتىك كوركەيتۋ بانكەسىنىڭ وقۋشىلاردىڭ تۋعان جەرى ارقىلى بەرەتىن وقۋعا كومەكتەسۋ نەسيە قاراجاتىن ءبىتىرۋ جاعىندا تۇسىنبەگەن جەرلەرىڭىز بولسا، مەملەكەتتىك كوركەيتۋ بانكەسىنىڭ ىركىلىسسىز جەلىسى 95593 ارقىلى كەڭەس سۇراۋىڭىزعا بولادى.
وقۋ – اعارتۋ مينيسترلىگىنىڭ جوعارى مەكتەپ وقۋشىلارىنا قارجىلاي كومەك بەرۋگە قاتىستى ىركىلىسسىز تەلەفونى جابىلعاننان كەيىن، وقۋشىلار مەكتەپتەردىڭ قارجىلاي كومەك بەرۋ بولىمدەرى ارقىلى قاتىستى ساياسات جونىندە كەڭەس سۇراي الادى جانە ماسەلەلەردى اڭىس ەتە الادى، مۇنان سىرت، وقۋ – اعارتۋ مينيسترلىگىنىڭ جىل بويى تۇراقتى اشاتىن ءبىرتۇتاس باقىلاۋ – مالىمدەۋ تەلەفونىنا 010 – 66092315، 010 – 66093315 حابارلاسسا بولادى. جوعارى مەكتەپكە جاڭادان قابىلدانعان وقۋشىلار مەن ولاردىڭ اتا – انالارى مەملەكەتتىك وقۋشىلارعا قارجىلاي كومەك بەرۋدى باسقارۋ ورتالىعى تورابىنان (http://www.xszz.cee.edu.cn/) جانە جۇڭگو وقۋشىلارعا قارجىلاي كومەك بەرۋ ۋيچات تەكشەسىنەن (ۋيچات ءنومىرى: jybzzzx) مەملەكەتتىڭ وقۋشىلارعا قارجىلاي كومەك بەرۋ ساياساتتارىن جانە قاتىستى بەلگىلەمەلەرىن ۇعىسىپ، قاتىستى ماسەلەلەردى اڭىس ەتە الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
