ورتالاۋ مەكتەپ 2 – جىلدىق وقۋشىلارىنىڭ %60 تەن استامى الىستان كورمەيدى، 4 – جىلدىق وقۋشىلارىنىڭ %70 ىنىڭ ۇيقىسى قانبايدى
2018.07.26 15:47 كەلۋ قاينارى : حالىق تورابى
وقۋ – اعارتۋ مينيسترلىگىنىڭ نەگىزدىك وقۋ – اعارتۋدىڭ ساپاسىن باقىلاۋ ورتالىعى 2015 – جىلدان 2017 – جىلعا دەيىن مەملەكەتتىڭ مىندەتتى وقۋ – اعارتۋ ساپاسىنا ءبىرىنشى مەرزىمدە باقىلاۋ جۇرگىزىپ، 4 – جىلدىقتىڭ، 8 – جىلدىقتىڭ وقۋشىلارىن باقىلاپ – تەكسەرۋ وبيەكتىسى ەتتى. باقىلاپ – تەكسەرۋگە بۇكىل ەلدەگى 31 ولكە، توتە قاراستى قالا، اۆتونوميالى رايونداعى جانە شينجياڭ ءوندىرىس – قۇرىلىس بيڭتۋانىنداعى 973 اۋدان، قالا، رايوننىڭ 572 مىڭ 314 وقۋشىسى قاتىناستىرىلدى.
باقىلاپ – تەكسەرۋدە مىناۋ بايقالدى: وقۋشىلاردىڭ جۇرەك، وكپە قىزمەتىنىڭ، قارقىن ساپاسىنىڭ ولشەمگە جەتۋ شاماسى ءبىرشاما جوعارى بولعان، الايدا سەمىزدىك، الىستان كورە الماۋ جانە ۇيقى جەتكىلىكسىز بولۋ ماسەلەلەرى ءبىرشاما كورنەكتى بولعان. «وقۋشىلاردىڭ دەنە ساپاسى، سالاماتتىعى جونىندەگى مەملەكەتتىك ولشەمگە (2014 – جىلى وزگەرىس ەنگىزىلگەن)» نەگىزدەلگەندە، 4 – جىلدىق وقۋشىلارىنىڭ تىنىس سيىمدىلىعى تولىمدىلىق ولشەمىنە جەتۋ شاماسى %98.1 ، ساپالى ولشەمىنە جەتۋ شاماسى %33.4 بولعان؛ 8 – جىلدىق وقۋشىلارىنىڭ تىنىس سيىمدىلىعى تولىمدىلىق ولشەمىنە جەتۋ شاماسى %95.9 ، ساپالى ولشەمىنە جەتۋ شاماسى %31 بولعان. 4 – جىلدىق وقۋشىلارىنىڭ 50 مەترگە جۇگىرۋدەگى تولىمدىلىق ولشەمىنە جەتۋ شاماسى %96.3 ، ساپالى ولشەمىنە جەتۋ شاماسى %18.3 بولعان؛ 8 - جىلدىق وقۋشىلارىنىڭ 50 مەترگە جۇگىرۋدەگى تولىمدىلىق ولشەمىنە جەتۋ شاماسى %94.7 ، ساپالى ولشەمىنە جەتۋ شاماسى %21.4 بولعان.
باقىلاپ – تەكسەرۋدە تاعى مىناۋ بايقالعان: وقۋشىلاردىڭ سەمىزدىك سالىستىرماسى ءبىرشاما جوعارى بولعان. 4 – جىلدىق ۇل وقۋشىلارىنىڭ سەمىزدىك سالىستىرماسى %8.5، قىز وقۋشىلاردىكى %5.1 بولعان، 8 – جىلدىق ۇل وقۋشىلارىنىڭ سەمىزدىك سالىستىرماسى %8.5، قىز وقۋشىلاردىكى %6.2 بولعان.
سونداي – اق وقۋشىلاردىڭ كورۋ قۋاتى ناشار بولۋ ماسەلەسى كورنەكتىلەنگەن. 4 – جىلدىق، 8 – جىلدىق وقۋشىلارىنىڭ كورۋ قۋاتىنىڭ ناشار بولۋ شاماسى جەكە – جەكە %36.5، %65.3 بولعان، مۇنىڭ ىشىندە 4 – جىلدىق قىز وقۋشىلارىنىڭ كورۋ قۋاتى ورتاشا ناشار جانە اۋىر دارەجەدە ناشار بولۋ سالىستىرماسى جەكە – جەكە %18.6، %10.4 بولعان، ۇل وقۋشىلاردىكى جەكە – جەكە %16.4، %9 بولعان. 8 – جىلدىق قىز وقۋشىلارىنىڭ كورۋ قۋاتى ورتاشا ناشار جانە اۋىر دارەجەدە ناشار بولۋ سالىستىرماسى جەكە – جەكە %24.1، %39.5 بولعان، ۇل وقۋشىلاردىكى جەكە – جەكە %22.1، %31.7 بولعان.
بۇدان تىس وقۋشىلاردىڭ ۇيىقتاۋ ۋاقىتى جالپى جاقتان جەتكىلىكسىز بولعان. وقۋ – اعارتۋ مينيسترلىگىنىڭ «مىندەتتى وقۋ – اعارتۋ ساتىسىنداعى مەكتەپتەردى باسقارۋ ولشەمىندە» (2017 – جىلى): باستاۋىش مەكتەپ وقۋشىلارىنىڭ ءار كۇنگى ۇيىقتاۋ ۋاقىتىنىڭ 10 ساعات بولۋىنا، ورتالاۋ مەكتەپ وقۋشىلارىنىكىنىڭ 9 ساعات بولۋىنا كەپىلدىك ەتۋ كەرەك، ـــ دەپ بەلگىلەنگەن.
باقىلاپ – تەكسەرۋ ناتيجەسىندە كورسەتىلۋىنشە، 4 – جىلدىق وقۋشىلارىنىڭ ۇيىقتاۋ ۋاقىتى 10 ساعات جانە ودان ۇزاق بولۋ سالىستىرماسى %30.7، 8 – جىلدىق وقۋشىلارىنىڭ ۇيىقتاۋ ۋاقىتى 9 ساعات جانە ودان ۇزاق بولۋ سالىستىرماسى %16.6 ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
