بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>وقۋ-اعارتۋ

بازاردى باقىلاۋ – باسقارۋ باس مەكەمەسى: مەكتەپتەردىڭ سىرتتان ءبىرتۇتاس قوراپتالماعان سۋىق تاعامداردى، بالكۇلشەلەردى وقۋشىلاردىڭ ازىق - تۇلىگى رەتىندە ساتىپ الۋىنا بولمايدى

2018.08.28 15:43     كەلۋ قاينارى : حالىق تورابى

  حالىق تورابى، 27 – تامىز، بەيجيڭ (شيڭ جىڭ) ءتىلشىنىڭ مەملەكەتتىك بازاردى باقىلاۋ – باسقارۋ باس مەكەمەسىنەن ۇعىسۋىنشا، مەكتەپتەر مەن بالالار باقشالارى وقۋ باستاۋ نەمەسە بالالار باقشاسىنىڭ جۇمىسن باستاۋ الدىندا تۇر. مەكتەپتەردەگى ازىق - تۇلىكپەن قامدالاتىن وبيەكتىلەر وزگەشە، ازىق - تۇلىكپەن قامدالاتىن ادام سانى كوپ بولاتىندىقتان، مەكتەپتەردەگى ازىق – تۇلىك حاۋىپسىزدىگى وقۋشىلاردىڭ دەنساۋلىعىنا تىعىز قاتىستى بولادى، ونىڭ ۇستىنە، جاز بەن كۇز مەزگىلدەرى مەكتەپتەردە ازىق – تۇلىكتەن ۋلانۋ وقيعاسى وڭاي تۋىلاتىن مەزگىل ەسەپتەلەدى. وسىعان بايلانىستى، بازاردى باقىلاۋ – باسقارۋ باس مەكەمەسى جۋىردا «كۇز ماۋسىمىنداعى وقۋ باستاۋ كەزىندەگى مەكتەپتەر مەن بالالار باقشالارىنداعى ازىق – تۇلىك حاۋىپسىزدىگىن باقىلاۋ – باسقارۋ قىزمەتى جونىندەگى ۇقتىرۋدى» تاراتتى. «ۇقتىرۋدا» مىنالار باسا دارىپتەلگەن: مەكتەپتەردىڭ سىرتتان ءبىرتۇتاس قوراپتالماعان سۋىق تاعام، پىسىرىلمايتىن تاعام، بالكۇلشە سىندى حاۋىپسىزدىك جاعىندا جوعارى تالاپ قويىلاتىن تاعامداردى ساتىپ الىپ، وقۋشىلاردىڭ تۇتىنۋىنا تىكەلەي بەرۋىنە بولمايدى، ءبىرتۇتاس قوراپتالماعان پىسقان ەت ونىمدەرىن ساتىپ الۋدا اباي بولۋ كەرەك.


  «ۇقتىرۋدا» مىنالار تالاپ ەتىلگەن: جەر – جەردەگى باقىلاۋ – باسقارۋ تاراۋلارى ادام كۇشىن شوعىرلاندىرىپ، ءبىر اي اينالاسىندا ءوز قاراماعىنداعى اكىمشىلىك وڭىردەگى بارلىق مەكتەپتەر مەن بالالار باقشالارىنىڭ اسحاناسىنا (جەرگىلىكتى ورىننىڭ باسقارۋىنا جوتكەپ بەرىلگەن ارمياعا قاراستى بالالار باقشالارىنىڭ اسحانالارى قامتىلادى)، مەكتەپتەردى ازىق - تۇلىكپەن قامداۋ قىزمەتىمەن اينالىساتىن كوللەكتيۆ ازىق - تۇلىكپەن قامداۋ ورىندارىنا، مەكتەپ اۋلاسىنداعى جانە ماڭىنداعى بەلگىلى كولەمدەگى ازىق – تۇلىك تيجاراتىمەن شۇعىلداناتىن ورىندارعا ءبىر رەت جان – جاقتىلى باقىلاۋ – تەكسەرۋ جۇرگىزۋى كەرەك.


  سونىمەن بىرگە، جەر – جەردەگى ازىق – تۇلىك جانە ءدارى – دارمەكتەردى باقىلاۋ – باسقارۋ تاراۋلارى مەكتەپتەردى، مەكتەپتەردى ازىق – تۇلىكپەن قامداۋ قىزمەتىمەن اينالىساتىن كوللەكتيۆ ازىق – تۇلىكپەن قامداۋ ورىندارىن ازىق – تۇلىك حاۋىپسىزدىگىنە ەڭ باستى جاۋاپتى ادامنىڭ جاۋاپكەرشىلىگىن تياناقتاندىرۋعا قۋزاۋى كەرەك. مەكتەپتەر توتە تۇتىنۋعا بولاتىن ءبىرتۇتاس قوراپتالماعان ازىق – تۇلىكتەردى سىرتتان ساتىپ الۋدى قاتاڭ شەكتەۋى، توتە تۇتىنۋعا بولاتىن ءبىرتۇتاس قوراپتالماعان ازىق – تۇلىكتەردى سىرتتان ساتىپ الۋدى باسقارۋ جاعىندا تالاپتاردى ايقىنداۋى، توتە تۇتىنۋعا بولاتىن ءبىرتۇتاس قوراپتالماعان ازىق – تۇلىكتەردى مەكتەپ سىرتىنان قامداپ بەرۋشىلەردى قاتاڭ سارالاۋى كەرەك. مەكتەپتىڭ سىرتتان ساتىپ العان ءبىرتۇتاس قوراپتالماعان سۋىق تاعام، پىسىرىلمايتىن تاعام، بالكۇلشە سىندى حاۋىپسىزدىك جاعىندا جوعارى تالاپ قويىلاتىن ازىق – تۇلىكتەردى، استە، وقۋشىلاردىڭ تىكەلەي تۇتىنۋىنا بەرمەۋى، ءبىرتۇتاس قوراپتالماعان پىسقان ەت ونىمدەرىن ساتىپ العاندا اسا اباي بولۋى كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار