بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>وقۋ-اعارتۋ

وقۋشىلار جان – جاقتى تيىمدىلىكتەن يگىلىكتەندى، وقىتۋشىلاردىڭ تابىس سەزىمى كۇشەيدى، جوعارى مەكتەپتەردىڭ ءوزىن – ءوزى باسقارۋ ۇقىعى كەڭەيدى

جۇڭگونىڭ وقۋ – اعارتۋى اناعۇرلىم جاقسى، اناعۇرلىم ءادىل بولۋعا بەت الدى

«حالىق گازەتىنىڭ» ءتىلشىسى جاڭ باۋشۋ

2018.09.10 16:36     كەلۋ قاينارى : حالىق تورابى


  پارتيانىڭ 18 – قۇرىلتايىنان بەرى وقۋ – اعارتۋعا جاپپپاي رەفورما جۇرگىزۋ بارىنشا ىلگەرىلەتىلدى، «وقۋ - اعارتۋ ءتۇزىلىسى، مەحانيزمى رەفورماسىن تەرەڭدەتۋ جونىندەگى پىكىر» قاتارلى ءبىرقىدىرۋ باعدارلامالىق قۇجات جانە شارا شىعارىلدى، جۇڭگونىڭ وقۋ – اعارتۋىندا قيىندىقتان قامال الۋعا اتويلاۋ بۇيرىعى بەرىلىپ، اناعۇرلىم جاقسى، اناعۇرلىم ءادىل بولۋعا بەت بۇرىس جاسالدى.


  ىركىلىسسىز جول ءبىلىم الۋشىلارعا دەم بەردى


  كۇزگى جاڭا وقۋ ماۋسىمى باستالاردا بۇكىل ەلدەگى جوعارى مەكتەپتەر وقۋعا ءتۇسۋدىڭ ىركىلىسسىز جولىن اشىپ، وقۋعا كومەك بەرۋ تەبىنىن اناعۇرلىم ارتتىردى. ساناققا قاراعاندا، 4 – قىركۇيەككە دەيىن بۇكىل ەلدەگى جوعارى مەكتەپتەرگە جاڭادان قابىلدانعان وقۋشىلاردىڭ ىشىندە %14 كە جۋىق وقۋشى ىركىلىسسىز جولمەن وقۋعا تۇسكەن. بيىل الدىڭعى 8 ايدا وقۋ كومەك قارىزىن العان وقۋشىلاردىڭ جالپى سانى 3 ميلليون 840 مىڭعا جەتىپ، سوماسى بىلتىرعىدان اسقان. پارتيانىڭ 18 – قۇرىلتايىنان بەرى كومەككە يە بولعان وقۋشىلاردىڭ جالپى مولشەرى 520 ميلليون ادام – رەتكە، كومەك سوماسى 886 ميلليارد 400 ميلليون يۋانعا جەتكەن. جۇڭگونىڭ وقۋشىلارعا كومەك بەرۋ ساياساتتىق جۇيەسى بارلىق وقۋ ساتىسىن تولىق شارپىعان. مەملەكەتتىڭ كومەگىمەن سالىستىرعاندا، مەملەكەتتىڭ قازىنالىق وقۋ – اعارتۋ قاراجات شىعىسىنىڭ GDP دەگى سالىستىرماسى وقۋشىلارعا زور قامقورلىقتى سەزىندىرگەن. ساناققا قاراعاندا، 2012 – جىلدان باستاپ وسى سالىستىرما قاتارىنان 6 جىل %4 تەن اسقان.


  وقۋ – اعارتۋ رەفورماسى بارىسىندا باسقارۋشى تاراۋلاردىڭ «وزەكتى ساپانى» ورتاعا قويىپ جانە تۇراقتاندىرىپ، «وزەكتى ساپا» جاعىندا ىزدەنىس جاساۋى ميلليونداعان وقۋشىنىڭ ەمتيحانعا توتەپ بەرۋ وقىتۋىنىڭ قىسىمىنان ارىلىپ، اقاۋسىز ءوسىپ – جەتىلۋىنە دەم بەرگەن باستى رەفورما شاراسى بولدى. بۇدان تىس مەملەكەتتىڭ جاي تاربيەلەۋ مەن ارنايى تاربيەلەۋدى توعىستىرۋ، ءوندىرىس پەن وقىتۋدى توعىستىرۋ شاراسى ارنايى تاربيەلەنەتىن وقۋشىلار مەن كاسىپتىك وقۋشىلارعا زور تيىمدىلىك باعىشتادى.


  مامىلەنىڭ جوعارىلاۋى قىزمەت بەلسەندىلىگىن نىعايتتى


  وقىتۋشىلاردىڭ مامىلەسى بارىنشا جوعارىلادى. وقۋ – اعارتۋ مينيسترلىگى تاياۋدا جاريالاعان ساندى مالىمەتتە كورسەتىلۋىنشە، 2012 – جىلداعىمەن سالىستىرعاندا، 2017 – جىلى وقۋ – اعارتۋ سالاسىنىڭ ەڭبەكاقى كىرىسى %74 جوعارىلاعان. 2018 – جىلدىڭ باسىندا جاريالانىپ، اتقارىلعان «جاڭا داۋىردەگى وقىتۋشىلار قوسىن قۇرىلىسى رەفورماسىن جاپپاي تەرەڭدەتۋ جونىندەگى پىكىردە» بىلاي دەپ بەلگىلەندى: ۇكىمەتتىك باستاۋىش، ورتا مەكتەپ وقىتۋشىلارىنىڭ مەملەكەت قىزمەتكەرىندىك ەرەكشە زاڭدىق ورنىن تۇراقتاندىرۋ»، « باستاۋىش، ورتا مەكتەپ وقىتۋشىلارى ەڭبەكاقىسىنىڭ باياندى ىقپالداستىق مەحانيزمىن اقاۋسىزداندىرۋ، قىزمەت ناتيجەسىنە قاراي بەرىلەتىن ەڭبەكاقىنىڭ جالپى مولشەرىن اداقتاعاندا، جەرگىلىكتى ورىنداعى ۇكىمەت قىزمەتكەرلەرىنىڭ ءىس جۇزىندىك كىرىس ورەسىن ءبىر تۇتاس ويلاستىرىپ، باستاۋىش، ورتا مەكتەپ وقىتۋشىلارىنىڭ ورتاشا ەڭبەكاقى ورەسىنىڭ جەرگىلىكتى ورىنداعى ۇكىمەت قىزمەتكەرلەرىنىڭ ورتاشا ەڭبەكاقى ورەسىنەن تومەن بولماۋىنا نەمەسە جوعارى بولۋىنا كەپىلدىك ەتۋ» كەرەك.


  مەملەكەت وقىتۋشىلاردىڭ مامىلەسىن جوعارىلاتۋمەن بىرگە، وقىتۋشىلىق كاسىبىنىڭ دامۋىنا دا شارت – جاعداي ازىرلەدى، اسىرەسە وسىزامانعى ينفورماتسيالانعان وقىتۋ ءادىسىنىڭ قولدانىلۋى جاعىندا وقىتۋشىلاردىڭ وقىتۋ قۋاتى مەن ورەسىن جوعارىلاتۋىنا دەم بەردى. ساناققا قاراعاندا، 2017 – جىلعا دەيىن بۇكىل ەلدەگى 10 ميلليونعا جۋىق باستاۋىش، ورتا مەكتەپ وقىتۋشىسى، 100 مىڭنان استام باستاۋىش، ورتا مەكتەپ مەڭگەرۋشىسى، كاسىپتىك مەكتەپتەردىڭ 200 مىڭنان استام وقىتۋشىسى وقۋ – اعارتۋدى ينفورماتسيالاندىرۋ تەحنيكالىق كۋرسىنە قاتىناسقان، «مەكتەپتەرگە كەڭ ايالى توردى جەتكىزۋ» ينفورماتسيالانعان وقىتۋ جابدىعىنىڭ ونىمدىلىگى تولىق ساۋلەلەندىرىلگەن.


  بىرنەشە كۇننىڭ الدىندا وقۋ – اعارتۋ مينيسترلىگى وقۋ – اعارتۋدى ينفورماتسيالاندىرۋ 2.0 ارەكەت جوسپارىنىڭ جالپىلىق ورنالاستىرۋىنا ساي، جاساندى زەيىنمەن وقىتۋشىلار قوسىن قۇرىلىسىن ىلگەرىلەتۋ ارەكەتىن تۇيىندە سىناق ەتۋدى باستادى، جاساندى زەيىندى وقىتۋعا قىزمەت ەتتىرۋ رەفورماسىندا جانە جاسامپازدىق جاراتۋدىڭ جاڭا جولىندا ىزدەنىس جاسالدى.


  مەكتەپ دارىندىلاردى ءوز الدىنا باعالايتىن بولدى


  وقۋ – اعارتۋدا قۇرىلىمدى ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسى اناعۇرلىم ىلگەرىلەتىلىپ، مەكتەپتەردىڭ ءوزىن – ءوزى باسقارۋى نەگىزىندەگى وقىتۋى تياناقتاندىرىلدى. ءبىر جاعىنان، ورتالىق جەرگىلىكتى ورىندارعا ۇقىق بەرىپ، جەرگىلىكتى ۇكىمەتتەردىڭ، اسىرەسە، ولكە دارەجەلى ۇكىمەتتەردىڭ وقۋ – اعارتۋدى زاڭ بويىنشا جونگە سالۋ ۇقىعىن جوعارىلاتتى، ەندى ءبىر جاعىنان، ۇكىمەت مەكتەپتەرگە ۇقىق بەرىپ، مەكتەپتەردىڭ ءوزىن – ءوزى باسقارۋ نەگىزىندە وقىتۋمەن شۇعىلدانۋىن تياناقتاندىردى.


  وقۋ – اعارتۋ مينيسترلىگىنىڭ رەسمي توراپ بەكەتى جاريالاعان ساندى مالىمەت ناتيجەسىنە قاراعاندا، 2012 – جىلدان 2017 – جىلعا دەيىن، وقۋ – اعارتۋ مينيسترلىگى كۇشىنەن قالدىرعان جانە تومەنگە بەرگەن اكىمشىلىك تەكسەرىپ بەكىتۋ جۇمىس ءتۇرى 14 كە جەتكەن. 2017 – جىلى قازاننىڭ سوڭىندا وقۋ – اعارتۋ مينيسترلىگى مەن ادام كۇشى بايلىعى جانە قوعامدىق قامتاماسىزداندىرۋ مينيسترلىگى «جوعارى مەكتەپتەردە وقىتۋشىلاردىڭ اتاعىن باعالاۋدى باقىلاپ – باسقارۋ جونىندەگى ۋاقىتتىق ءادىستى» باسىپ تاراتىپ، جوعارى مەكتەپتەردە وقىتۋشىلاردىڭ اتاعىن باعالاۋ ۇقىعىن تىكەلەي جوعارى مەكتەپكە ءتۇسىرىپ بەرۋدى ايقىن بەلگىلەدى. بۇل جوعارى مەكتەپتەردىڭ دارىندىلاردى باعالاۋدا ءوزىن – ءوزى باسقاراتىنىن ۇعىندىرادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار