وقۋ – اعارتۋ مينيسترلىگى مىندەتتى وقۋ – اعارتۋ ساتىسىندا پايدالانىلىپ وتىرعان شەتەل وقۋلىقتارىن اداقتاپ تەكسەرەدى
مەكتەپتەردىڭ شەتەل وقۋلىقتارىن مەملەكەتتىڭ وقۋلىق ماتەريالدارى رەتىندە پايدالانۋىنا تيىم سالادى
2018.09.20 14:18 كەلۋ قاينارى : حالىق تورابى
«حالىق گازەتى» (ءتىلشى: لەي جيا). وقۋ – اعارتۋ مينيسترلىگى تاياۋدا ۇقتىرۋ تاراتىپ، مىندەتتى وقۋ – اعارتۋ ساتىسىنداعى مەملەكەتتىڭ وقۋلىق ماتەريالدارىنا قاراتا ءبىر رەتكى جاپپاي اداقتاپ تەكسەرۋ جۇرگىزىلەتىنىن ۇقتىردى، اداقتاپ تەكسەرۋ وبيەكتىسى وقۋلىق قۇراستىرۋ، باسپا ورىندارىنىڭ وقۋلىق مازمۇنىن ءوز بەتىمەن وزگەرتۋى، مەكتەپتەردىڭ ءوز مەكتەپتەرىن نەگىز ەتكەن وقۋلىقتارى، شەتەل وقۋلىقتارىن مەملەكەتتىڭ وقۋلىق ماتەريالدارى رەتىندە پايدالانۋ سياقتى جايتتەردى قامتيدى.
«باستاۋىش، ورتا مەكتەپ وقۋلىقتارىن تاڭداپ پايدالانۋدى باسقارۋداعى ۋاقىتتىق شاراعا» ساي، باستاۋىش، ورتا مەكتەپتەر مەملەكەتتىڭ وقۋلىق ماتەريالدارىن تاڭداۋدا وقۋ – اعارتۋ مينيسترلىگىنىڭ بەكىتۋىنەن وتكەن وقۋلىق ماتەريالداردى پايدالانۋى كەرەك، رۇقساتسىز ءوز بەتىمەن وزگەرتۋىنە بولمايدى. الايدا وقۋ – اعارتۋ مينيسترلىگى تاياۋدا كەيبىر وقۋلىق قۇراستىرۋ، باسپا ورىندارىنىڭ ءىشىنارا وقۋلىقتاردىڭ مازمۇنىن ءوز بەتىمەن وزگەرتۋ، ءىشىنارا مەكتەپتەردىڭ ءوز مەكتەبىنىڭ وقۋلىقتارىن مەملەكەتتىڭ وقۋلىق ماتەريالدارى ورنىنا پايدالانۋ جايتتەرىن بايقاعان. وسىعان وراي وقۋلىق ماتەريالدارىنىڭ بەدەلى مەن قاتاڭدىعىن قورعاۋ ءۇشىن، وقۋ – اعارتۋ مينيسترلىگى مىندەتتى وقۋ – اعارتۋ ساتىسىنداعى مەكتەپتەردىڭ مەملەكەتتىڭ وقۋلىق ماتەريالدارىنا قاراتا جاپپاي اداقتاپ تەكسەرۋ جۇرگىزۋدى بەلگىلەدى.
ۇقتىرۋدا جەر – جەردەگى وقۋ – اعارتۋ اكىمشىلىك تاراۋلارىنان ءوز وڭىرىندەگى باستاۋىش، ورتا مەكتەپتەردە پايدالانىپ وتىرعان وقۋلىق ماتەريالدارىنا قاراتا جەدەل اداقتاپ تەكسەرۋ جۇرگىزۋدى، مەكتەپتەردىڭ ءوز وقۋلىق ماتەريالدارىن پايدالانۋ، شەتەل وقۋلىقتارىن مەملەكەتتىڭ وقۋلىق ماتەريالدارى ورنىنا پايدالانۋ نەمەسە بەكىتۋدەن وتپەگەن وقۋلىقتاردى پايدالانۋ سىندى زاڭ – ەرەجەگە قايشى نىسايلارعا تەكسەرۋ جۇرگىزىپ، قاتاڭ تۇزەتۋ جانە اداقتاۋدى؛ وقۋلىق قۇراستىرۋ، باسپا ورىندارىنىڭ وزدەرى قۇراستىرىپ، باسپادان شىعارعان وقۋلىق ماتەريالدارىنا قاراتا 2011 – جىلى باسپادان شىققان مىندەتتى وقۋ – اعارتۋ ساتىسىنداعى وقۋلىق ماتەريالدارىنا ساي وزگەرىس ەنگىزۋدى، وقۋ – اعارتۋ مينيسترلىگىنىڭ بەكىتۋىنەن وتكەن مەملەكەتتىڭ وقۋلىق ماتەريالدارىنا ءوزى تەكسەرۋ جۇرگىزۋدى، ءوزى تەكسەرۋ مالىمەتى وقۋلىقتىڭ باسىلىم نۇسقاسى، ءوز بەتىمەن وزگەرتۋ نىسايى بار ما، جوق پا، وزگەرتىلگەن مازمۇن جانە تۇزەتۋ شاراسى سىندىلاردى قامتۋدى، شىندىقتى جاسىرعان نەمەسە ادەيى جالعان مالىمەت بەرگەندەردى قاتاڭ ءبىر جاقتى ەتۋدى تالاپ ەتتى. وقۋ – اعارتۋ مينيسترلىگىنىڭ وقۋلىق ماتەريالدارى مەكەمەسى مامانداردى ۇيىمداستىرىپ، مازمۇنى وزگەرتىلگەن وقۋلىقتارعا قاراتا شەشىم جاساپ، ءبىر جاقتى ەتۋ پىكىرىن شىعارتادى. قاتىستى وقۋلىق قۇراستىرۋ، باسپا ورىندارى وقۋ – اعارتۋ مينيسترلىگىنىڭ ءبىر جاقتى ەتۋ پىكىرىنە ساي مۇقيات وزگەرتۋ جۇرگىزەدى، بەكىتۋ سالىپ ماقۇلداعاننان كەيىن باسپادان شىعارىپ پايدالانۋعا رۇقسات ەتەدى. وقۋ – اعارتۋ مينيسترلىگىنىڭ وقۋلىق ماتەريالدارى مەكەمەسى وقۋلىق ماتەريالدارىن پايدالانۋعا قاراتا ءىز قۋالاپ تەكسەرۋدى كۇشەيتىپ، كەز كەلگەن ۋاقىتتا اداقتاپ تەكسەرۋگە ۇيىمداستىرادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved