بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>وقۋ-اعارتۋ

بەيجيڭ، شاڭحاي، فۋجيان سىندى جەرلەر جاڭا داۋىردەگى وقىتۋشىلار قوسىن قۇرىلىسى رەفورماسىن جاپپاي تەرەڭدەتۋ جونىندەگى اتقارۋ پىكىرىن ارت - ارتىنان ورتاعا شىعاردى

كوپ ساندى جەر وقىتۋشىلار ورتاشا كىرىسىنىڭ مەملەكەت قىزمەتكەرلەرىنىكىنەن تومەن بولماۋىن ايقىن بەلگىلەدى

2018.09.26 16:15     كەلۋ قاينارى : حالىق تورابى

  25 – قىركۇيەكتە فۋجيان ولكەسى «جاڭا داۋىردەگى وقىتۋشىلار قوسىن قۇرىلىسى رەفورماسىن جاپپاي تەرەڭدەتۋ جونىندەگى اتقارۋ پىكىرىن» باسىپ تاراتىپ، وقىتۋشىلاردىڭ ورىن مامىلەسىن كۇش سالا جوعارىلاتاتىنىن، باستاۋىش، ورتا مەكتەپ وقىتۋشىلارى ورتاشا كىرىس ورەسىنىڭ جەرگىلىكتى ورىندارداعى مەملەكەت قىزمەتكەرلەرىنىڭ ورتاشا ەڭبەكاقىسىنان تومەن بولماۋىنا نەمەسە جوعارى بولۋىنا كەپىلدىك ەتەتىلەتىنىن ورتاعا قويدى.


  باستاۋىش، ورتا مەكتەپ وقىتۋشىلارىنىڭ مامىلە ماسەلەسى ۇزاقتان بەرى نازار اۋدارىپ وتىر.


  بيىل 31 – قاڭتاردا ج ك پ ورتالىق كوميتەتى، مەملەكەتتىك كەڭەس «جاڭا داۋىردەگى وقىتۋشىلار قوسىن قۇرىلىسى رەفورماسىن جاپپاي تەرەڭدەتۋ جونىندەگى پىكىرىن» باسىپ تاراتىپ، باستاۋىش، ورتا مەكتەپ وقىتۋشىلارى ەڭبەكاقىسىنىڭ باياندى بىرلەسپە ارەكەت مەحانيزمىن كەمەلدەندىرۋدى ايقىن بەلگىلەدى. ورتا كۇز مەرەكەسىنىڭ الدى – ارتىندا بەيجيڭ، شاڭحاي، حەيلۇڭجياڭ، چۇڭچيڭ سياقتى جەرلەر «جاڭا داۋىردەگى وقىتۋشىلار قوسىن قۇرىلىسى رەفورماسىن جاپپاي تەرەڭدەتۋ جونىندەگى اتقارۋ پىكىرىن» ارت – ارتىنان بەلگىلەپ، باستاۋىش، ورتا مەكتەپ وقىتۋشىلارىنىڭ ورتاشا ەڭبەكاقى كىرىسىنىڭ جەرگىلىكتى ورىندارداعى مەملەكەت قىزمەتكەرلەرىنىڭ ەڭبەكاقى ورەسىنەن تومەن بولمايتىنىن ورتاعا قويعان ءارى ناقتى اتقارۋ شارالارىن بەلگىلەگەن.


  10 – قىركۇيەكتە اشىلعان مەملەكەتتىك وقۋ – اعارتۋ قىزمەت ماجىلىسىندە باس شۋجي شي جينپيڭ مىنالاردى دارىپتەدى: مەكتەپ قۇرۋ شارت – جاعدايىنىڭ ۇزدىكسىز جاقسارۋىنا وراي وقۋ – اعارتۋعا قارجى قوسۋ كوپ جاعدايدا وقىتۋشىلارعا بەيىمدەلدى، وقىتۋشىلاردىڭ مامىلەسى ءۇرتىس جوعارىلاپ، وقىتۋشىلاردىڭ وقۋ – اعارتۋمەن الاڭسىز، قىزۋ بەينەمەن اينالىسۋىنا مۇمكىندىك جاراتىلدى.


  1994 – جىلى 1 – قاڭتاردان باستاپ اتقارىلعان «وقۋ – اعارتۋ زاڭىنىڭ» 25 – تاراۋىندا بىلاي دەپ بەلگىلەنگەن: وقىتۋشىلاردىڭ ورتاشا ەڭبەكاقى ورەسى مەملەكەت قىزمەتكەرلەرىنىڭ ورتاشا ەڭبەكاقى ورەسىنەن تومەن بولمايدى نەمەسە جوعارى بولادى. 2006 – جىلى 1 – قىركۇيەكتە اتقارىلعان «مىندەتتى وقۋ – اعارتۋ زاڭىندا» دا بۇل ولشەم ايقىن ورتاعا قويىلعان. بيىل تامىزدىڭ سوڭىندا مەملەكەتتىك كەڭەس كەڭسەسى «وقۋ – اعارتۋ قاراجاتىنىڭ پايدالانۋ ونىمدىلىگىن اناعۇرلىم رەتكە سالىپ جانە ساپالىلاندىرىپ، قۇرىلىمىن جوعارىلاتۋ جونىندەگى پىكىرىن» تاراتىپ، باستاۋىش، ورتا مەكتەپ وقىتۋشىلارىنىڭ ەڭبەكاقى ورەسىن جەرگىلىكتى ورىنداعى مەملەكەت قىزمەتكەرلەرىنىكىمەن بىردەي ەتۋدى تاعى ءبىر رەت ورتاعا قويدى.


  شىعىس سولتۇستىك پەداگوگيكا ۋنيۆەرسيتەتى جۇڭگو اۋىل – قىستاق وقۋ – اعارتۋىن دامىتۋ – زەرتتەۋ ورنىنداعى ليۋ شانحۋايدىڭ قاراۋىنشا، وقىتۋشىلار ەڭبەكاقى كىرىسىنىڭ مەملەكەت قىزمەتكەرلەرىنىڭ ەڭبەكاقى كىرىسىنەن تومەن بولماۋىن بەلگىلەۋ وقىتۋشىلار جونىنەن جاقسى باستاما سانالىپ، ولشەمدى تۇراقتاندىرۋ، پايدالانۋ جۇيەسىن ورناتۋ ارقىلى جەر – جەردەگى ۇكىمەتتى باقىلاپ – قۋزاپ وتىرۋعا بولادى ەكەن.


  بيىل 31 – قاڭتاردا ورتاعا قويىلعان «ج ك پ ورتالىق كوميتەتىنىڭ، مەملەكەتتىك كەڭەستىڭ جاڭا داۋىردەگى وقىتۋشىلار قوسىن قۇرىلىسى رەفورماسىن جاپپاي تەرەڭدەتۋ جونىندەگى پىكىرىندە» ونىمدىلىك ەڭبەكاقىسىنىڭ جالپى مولشەرىن تەكسەرىپ بەكىتكەن كەزدە، جەرگىلىكتى ورىنداعى مەملەكەت قىزمەتكەرلەرىنىڭ ءىس جۇزىندىك كىرىس ورەسىن ءبىر تۇتاس ويلاستىرىپ، باستاۋىش، ورتا مەكتەپ وقىتۋشىلارىنىڭ ورتاشا ەڭبەكاقى كىرىس ورەسىنىڭ جەرگىلىكتى ورىنداعى مەملەكەت قىزمەتكەرلەرىنىڭ ورتاشا ەڭبەكاقى كىرىس ورەسىنەن تومەن بولماۋىنا نەمەسە جوعارى بولۋىنا كەپىلدىك ەتۋ تالاپ ەتىلدى.


  پىكىردە بۇدان بۇرىنعى «ەڭبەكاقى ورەسى» دەگەن ايتىلىم «ەڭبەكاقى كىرىس ورەسى» دەپ وزگەرتىلدى.


  تامىزدىڭ سوڭىندا وقۋ – اعارتۋ مينيسترلىگى وقىتۋشىلار قىزمەتى تارماق مەكەمەسىنىڭ باقىلاۋشىسى ليۋ جيانتۇڭ مىنانى جاريالادى: وقۋ – اعارتۋ مينيسترلىگى الدا قاتىستى تاراۋلارمەن بىرگە جەر – جەردىڭ ورتالىقتىڭ رۋحىن تياناقتاندىرۋ، باستاۋىش، ورتا مەكتەپ وقىتۋشىلارىنىڭ ەڭبەكاقى كىرىسىن تياناقتاندىرۋ ماسەلەسىنە قۋزاپ تەكسەرۋ جۇرگىزەدى، قاتىستى جاعدايلاردى حابارلاندىرادى، سونىمەن بىرگە، كەيبىر تيپتىك مىسالداردى ۇگىتتەپ، جەر – جەردىڭ باستاۋىش، ورتا مەكتەپ وقىتۋشىلارىنىڭ ەڭبەكاقى، مامىلە ورەسىن اناعۇرلىم جوعارىلاتۋىنا قۋزاۋشىلىق ەتىپ، باستاۋىش، ورتا مەكتەپ وقىتۋشىلارىنىڭ ورتاشا ەڭبەكاقى كىرىسىنىڭ سول جەردەگى مەملەكەت قىزمەتكەرلەرىنىڭ ورتاشا ەڭبەكاقىسىنان تومەن بولماۋىنا نەمەسە جوعارى بولۋىنا كەپىلدىك ەتۋ كەرەك دەيتىن بەلگىلەمەنىڭ شىنايى تياناقتانۋىن قامتاماسىزداندىرادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار