وقۋ – اعارتۋ مينيسترلىگى: ۇستازدىق ءمورالدى باسقارۋدا «كەڭ قولدىلىق، جۇمساقتىق، ەركىنە جىبەرۋ» نىسايى تۇرلىشە دارەجەدە ساقتالۋدا
2018.11.07 17:06 كەلۋ قاينارى : حالىق تورابى
حالىق تورابى، 6 – قاراشا، بەيجيڭ. جۇڭحۋا حالىق رەسپۋبليكاسى وقۋ – اعارتۋ مينيسترلىگى تورابىنىڭ حابارىنا قاراعاندا، پارتيا ورتالىق كوميتەتىنىڭ ۇستازدىق ءمورال، ۇستازدىق ستيل قۇرىلىسى قىزمەتىن جاپپاي كۇشەيتۋ جونىندەگى شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، «ج ك پ ورتالىق كوميتەتى، مەملەكەتتىك كەڭەستىڭ جاڭا داۋىردەگى وقىتۋشىلار قوسىن قۇرىلىسى رەفورماسىن جاپپاي تەرەڭدەتۋ جونىندەگى پىكىرىن» ىشكەرىلەي اتقارۋ ءۇشىن، وقۋ – اعارتۋ مينيسترلىگى ءساۋىردىڭ سوڭىنان بەرى، ۇستازدىق ءمورال قۇرىلىسىنىڭ ۇزاق مەزگىلدىك ءونىمدى مەحانيزمىن دايەكتى تياناقتاندىرۋعا ارناۋلى باقىلاۋ جۇرگىزۋدى ورىستەتۋگە ورنالاستىرۋ جاساپ، جەر – جەردەگى وقۋ – اعارتۋ تاراۋلارىن جانە جوعارى، ورتا، باستاۋىش مەكتەپتەردى ءوزىن – ءوزى جاپپاي تەكسەرۋ جۇرگىزۋگە ۇيىمداستىردى، باقىلاۋ گرۋپپالارىن ناق مايداندا ۇلگى الىپ تەكسەرۋگە اتتاندىرىپ، جەر – جەر، ءارقايسى مەكتەپتەردىڭ ۇستازدىق ءمورال قۇرىلىسىنىڭ ۇزاق مەزگىلدىك ءونىمدى مەحانيزمىن زور كۇشپەن ىلگەرىلەتتى. سونىمەن بىرگە، وقۋ – اعارتۋ مينيسترلىگى، حالىق ىستەرى مينيسترلىگى، ەڭبەككۇش بايلىعى جانە قوعامدىق قامتاماسىزداندىرۋ مينيسترلىگى جانە مەملەكەتتىك ونەركاسىپ – ساۋدانى اكىمشىلىك جاقتان باسقارۋ باس مەكەمەسى بىرلىكتە ورىستەتەتىن مەكتەپتەن سىرت تاربيەلەۋ قۇرىلىمدارىن ارناۋلى جونگە سالۋ ارەكەتىنە بىرلەستىرىپ، وقىتۋشىلاردىڭ وقۋ – وقىتۋ قىزمەتىمەن شۇعىلدانۋىن قاتاڭ ارناعا ءتۇسىرىپ، ۇستازدىق ءمورال قۇرىلىسىن جاپپاي كۇشەيتىپ، وقىتۋشىلاردىڭ جوعارى ساپالى قوسىنىن قۇرىپ شىعادى.
باقىلاۋ – تەكسەرۋ ارقىلى بايقالعان نەگىزگى ماسەلەلەر مىنالار: ءبىرىنشى، ۇستازدىق ءمورال قۇرىلىسى جونىندەگى نەگىزگى تۇلعالىق جاۋاپكەرشىلىك تانىمى بەرىك ەمەس. كەيبىر جەرلەر مەن مەكتەپتەردە ۇستازدىق ءمورالدى باسقارۋدا «كەڭ قولدىلىق، جۇمساقتىق، ەركىنە جىبەرۋ» نىسايى تۇرلىشە دارەجەدە ساقتالۋدا، ءىشىنارا مەكتەپتەردىڭ تۇلعالىق جاۋاپكەرشىلىك تانىمىندا پارىق بار، قىسىمدى سەزىنۋى جەتەرسىز بولىپ، ۇستازدىق ءمورال، ۇستازدىق ستيل قۇرىلىس جاۋاپكەرشىلىگى تياناقتانباعان. ەكىنشى، ۇستازدىق ءمورال قۇرىلىسىنىڭ ۇزاق مەزگىلدىك ءونىمدى مەحانيزمى دەرلىكتەي تولىق تياناقتانباعان. ءىشىنارا مەكتەپتەردىڭ ۇستازدىق ءمورال قۇرىلىسى ءتۇزىمى مەن مەحانيزمى قۇرعاق سوزگە اينالىپ قالعان، جاڭا جاعداي استىنداعى جاڭا تالاپپەن اسپان مەن جەردەي پارىقتى، باعىتتامالىعى ماردىمسىز. ۇستازدىق ءمورالدى باعالاۋدا فورماعا ءمان بەرىپ، مازمۇنعا ات ءۇستى قاراۋ، ناتيجەنى قولدانۋعا نەمقۇرايدى قاراۋ سىندى ماسەلەلەر ءومىر سۇرۋدە. ءۇشىنشى، ۇستازدىق ءمورال قۇرىلىسى قىزمەتىنىڭ اياق الىسى بىردەي ەمەس. كەيبىر مەكتەپتەر ۇستازدىق ءمورال قۇرىلىسىن ءىس جۇزىندىكپەن بىرلەستىرىپ ۇزاق ۋاقىت مىقتى ۇستاسا، ال كەيبىر مەكتەپتەردىڭ ۇستازدىق ءمورالدى ورىستەتۋى سايكەستى شابان بولۋدا. ءتورتىنشى، ءتۇيىندى ماسەلەلەردى جونگە سالۋ اناعۇرلىم كۇشەيتۋدى قاجەت ەتەدى. كەيبىر جەرلەردىڭ حالىق باسقارۋىنداعى وقۋ – وقىتۋ، تاربيەلەۋ قۇرىلىمدارى بوشالاڭ بولسا، كەيبىر ۇكىمەت باسقارۋىنداعى ورتا، باستاۋىش مەكتەپتەردىڭ وقىتۋشىلارى مەكتەپتەن سىرت تاربيەلەۋ قۇرىلىمدارىنىڭ اقىلى ساباق تولىقتاۋىنا قاتىناسۋعا شىرعالانىپ، وقۋ – اعارتۋدىڭ قۇرمەتى مەن وقىتۋشىلار قوسىن قۇرىلىسىنىڭ وبرازىنا سالقىنىن تيگىزۋدە. بايقالعان ماسەلەلەرگە باعىتتاي، وقۋ – اعارتۋ مينيسترلىگىنىڭ باقىلاۋ – تەكسەرۋ گرۋپپاسى قاتىستى جەرگىلىكتى ورىنداعى وقۋ – اعارتۋ تاراۋلارى جانە مەكتەپتەردەن تۇزەتىپ - وزگەرتۋدى دەركەزىندە تياناقتاندىرۋدى تالاپ ەتۋمەن بىرگە، باسقا ولكە جانە مەكتەپتەردەن ماسەلەلەردى سالىستىرۋدى، باسىن ايتسا اياعىن ءوزى ءبىلۋدى، ۇستازدىق ءمورال قۇرىلىسىن باسقارۋدى جاپپاي كۇشەيتۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
