وقۋ – اعارتۋ مينيسترلىگى: مەكتەپ سىرتىنداعى وقىتۋ قۇرىلىمدارىن ارناۋلى تۇردە جونگە سالۋ جانە ولارعا رەتتەۋ جۇرگىزۋ قىزمەتى نەگىزىنەن ورىندالدى
2019.01.10 15:15 كەلۋ قاينارى : حالىق تورابى
حالىق تورابى، 1 – ايدىڭ 9 – كۇنى، بەيجيڭ. وقۋ – اعارتۋ مينيسترلىگى تورابىنىڭ حابارلاۋىنشا، ءارقايسى جەرلەردىڭ قۇلشىنۋىنىڭ ارقاسىندا، مەكتەپ سىرتىنداعى وقىتۋ قۇرىلىمدارىن ارناۋلى تۇردە جونگە سالۋ جانە ولارعا رەتتەۋ جۇرگىزۋ قىزمەتى قازىر نەگىزىنەن ورىندالىپ بولعان.
ۇعىسۋعا قاراعاندا، قىزمەت جونىندەگى ساندى دەرەكتەردىڭ شىنايى، دۇرىس بولۋىنا كەپىلدىك ەتۋ ءۇشىن، وقۋ – اعارتۋ مينيسترلىگى جۋىردا بۇكىل ەلىمىزدەگى 26 ولكەنىڭ رەتتەۋ جۇرگىزۋ قىزمەتىنىڭ جاعدايىنا ايقاسپالى تۇردە سالىستىرىپ تەكسەرۋ جۇرگىزۋ قىزمەتى جونىندە ورنالاستىرۋ جاسادى، سونىمەن بىرگە، قىزمەت گرۋپپالارىن حىبەي، سانشي، جياڭشي، شاندۇڭ، سىچۋان، گۇيجوۋ قاتارلى 6 ولكەگە جىبەرىپ، اڭگىمە ءماجىلىسىن اشىپ، وقىتۋ قۇرىلىمدارىنا ناق مايدانعا بارىپ تەكسەرۋ جۇرگىزىپ، جونگە سالۋ قىزمەتىن ورىستەتۋ احۋالىن ەگجەي – تەگجەيلى ۇعىستى ءارى «قوس ىقتيمالدىق» (تىزىمدىكتەن ىقتيمالدىق بويىنشا تاڭداۋ، جاسىرىن ۇعىسۋ ارقىلى ىقتيمالدىق بويىنشا تاڭداۋ) ءتاسىلى ارقىلى ءارقايسى ولكەلەردەگى مەكتەپتەن سىرتقى وقىتۋ قۇرىلىمدارىنىڭ رەتتەۋ جۇرگىزۋ ساندى دەرەكتەرىنە سالىستىرىپ تەكسەرۋ جۇرگىزدى.
ءىشىنارا جەرلەردە جونگە سالۋ بارىسىندا ورىن تەۋىپ وتىرعان ساندى دەرەكتەردىڭ ۇزدىكسىز جاڭالانۋىنىڭ دەر كەزىندە بولماۋى، تىزىمگە الۋ جانە جاريالاۋ ءتۇزىمىن اتقارۋدىڭ ورىندى بولماۋى، باقىلاۋ مەن مالىمدەۋ ءتۇزىمىنىڭ كەمەلدى بولماۋى، تەكشەگە ينفورماتسيا ەنگىزۋدىڭ باياۋ بولۋى قاتارلى ماسەلەلەر جونىندە، وقۋ – اعارتۋ مينيسترلىگى مىنانى باسا دارىپتەدى: مەكتەپ سىرتىنداعى وقىتۋ قۇرىلىمدارىن ارناۋلى تۇردە جونگە سالۋ ساندى دەرەكتەرىن انىقتاۋ قىزمەتى وتە ماڭىزدى، جەر – جەر قۋزاۋ سالۋ مەن تەكسەرۋدى كۇشەيتىپ، شىندىقتى ءىس جۇزىنەن ىزدەۋگە كەپىلدىك ەتىپ، الاياقتىق ىستەۋگە قاتاڭ تيىم سالۋى كەرەك. جۇرتشىلىق پەن اقپارات قۇرالدارىنىڭ باقىلاۋ جۇرگىزۋ ارناسىن ىركىلىسسىزدەندىرىپ، ءجىپ ۇشتارى بويىنشا قاتىستى ماسەلەلەردى قاتاڭ تەكسەرىپ، قاتىستى جاۋاپكەرشىلىكتەردى قۋزاستىرىپ، تاجىريبە - ساباق قابىلداپ، ولقىلىقتاردى ۇزدىكسىز تولىقتاپ، قاتىستى قىزمەت تۇزىمدەرىنىڭ جۇيەسىن ۇزدىكسىز كەمەلدەندىرۋ كەرەك.
وقۋ – اعارتۋ مينيسترلىگى مىنانى اتاپ كورسەتتى: قىسقى دەمالىس تاياپ قالدى، جەر – جەر وسكەلەڭ ءمان بەرىپ، سول جەردىڭ ءىس جۇزىندىك جاعدايىمەن ۇشتاستىرا وتىرىپ، قىسقى دەمالىس كەزىندەگى مەكتەپتەن سىرتقى وقىتۋ قۇرىلىمدارىن باقىلاۋ جانە باسقارۋ قىزمەتىن ەرتە باستان جوسپارلاۋى جانە ول جونىندە ورنالاستىرۋ جاساۋى كەرەك. اۋدان دارەجەلى وقۋ – اعارتۋ جانە اكىمشىلىك تاراۋلارى قاراستىلىعىنداعى وڭىرلەردەگى وقىتۋ قۇرىلىمدارىنا تاعى دا جاپپاي تەكسەرۋ جۇرگىزىپ، پاندەر تۇرىندەگى وقىتۋ قۇرىلىمدارىنا باقىلاۋ جۇرگىزۋدى جانە قاداعالاۋدى ءتۇيىندى تۇردە ويداعىداي ىستەۋى كەرەك. مەكتەپتەن سىرتقى وقىتۋ قۇرىلىمدارى شوعىرلانعان ءتۇيىندى وڭىرلەردى ءتۇيىندى تۇردە ارالاپ تەكسەرۋى ءارى اشكەرەلەۋ جانە باقىلاۋ جۇرگىزۋ ارناسىن ىركىلىسسىزدەندىرىپ، جاڭا كەزەكتى «وقىتۋ اۋقىمىنىڭ» جارىققا شىعۋىنىڭ الدىن الۋى كەرەك. (لي يحۋان، لو تيانلين)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
