ازامات جاسىنا تولماعاندار اراسىندا ينتەرنەتتىڭ جالپىلاسۋى 90 پايىزدان استى
2019.03.28 15:29
بەيجيڭ 3 – ايدىڭ 27 – كۇنى (ءتىلشى ليشاڭۇي) فولفون ۋاكىلدىك ەتكەن جىلجىمالى تورعا شىعۋ جابدىعىنىڭ تەز جالپىلاسۋىنا ىلەسە، ينتەرنەت قازىرگى تاڭداعى ازامات جاسىنا تولماعانداردىڭ ماڭىزدى ۇيرەنۋ قۇرالىنا، بايلانىس دانەكەرىنە جانە كوڭىل اشۋ تەكشەسىنە اينالىپ، ۇيرەنۋ مەن تۇرمىستاعى ىقپالى ۇزدىكسىز كۇشەيدى. كوممۋنيستىك جاستار وداعى ورتالىق كوميتەتى جۇڭگو ينتەرنەت ينفورماتسيا ورتالىعى (CNNIC) بۇكىل مەملەكەتتەن 18 – 6 ارالىعىنداعى ازامات جاسىنا تولماعانداردىڭ ينتەرنەتتەن پايدالانۋ احۋالى، توراپتاعى ۇقىق – مۇددەنى قورعاۋ احۋالى، زاڭدىق ءبىلىمى جانە پسيحيكالىق اقاۋسىزدىعى قاتارلى جاقتارىنا تەكسەرۋ جۇرگىزدى، سونىمەن بىرگە «2018 - جىلعى بۇكىل مەملەكەتتىك ازامات جاسىنا تولماعانداردىڭ ينتەرنەتتەن پايدالانۋ جاعدايىن زەرتتەۋ مالىمەتىن» جاريالادى (تومەندە قىسقارتىپ مالىمەت دەپ الىندى)، مۇندا ەلىمىزدەگى ازامات جاسىنا تولماعان توراپكەرلەردىڭ ينتەرنەتتەن پايدالانۋ ەرەكشەلىگى مەن توراپتاعى تۇرمىس كۇيى كورسەتىلدى، سونداي – اق قاتىستى ۇسىنستاردى ورتاعا قويدى.
مالىمەت مىنانى كورسەتتى: كەزەكتە ەلىمىزدەگى ازامات جاسىنا تولماعان توراپكەرلەردىڭ سانى 169 ميلليون ادام بولىپ، ازامات جاسىنا تولماعاندار اراسىنداعى ينتەرنەتتىڭ جالپىلاسۋ مولشەرى %93.7كە جەتىپ، ۇقساس مەزگىلدەگى بۇكىل ەل جان سانى اراسىنداعى ينتەرنەتتىڭ جالپىلاسۋ مولشەرى %57.7پەن سالىستىرعاندا كورنەكتى جوعارى بولعان. مۇنىڭ ىشىندە، قالا – قالاشىقتاعى ازامات جاسىنا تولماعانداردىڭ توراپقا شىعۋ سالىستىرماسى %95.1، اۋىل – قىستاقتاعى ازامات جاسىنا تولماعانداردىڭ توراپقا شىعۋ سالىستىرماسى %89.7كە جەتكەن. قالا مەن اۋىلدارداعى ازامات جاسىنا تولماعانداردىڭ توراپقا شىعۋداعى پارقى سالىستىرمالى تۇردە تومەن بولعان. ۇقساماعان وقۋ ساتىسىنداعى ازامات جاسىنا تولماعانداردىڭ توراپقا شىعۋ سالىستىرماسىنان قاراعاندا، باستاۋىش مەكتەپتەگى وقۋشىلاردى قوسپاعاندا، ءار قايسى وقۋ تاريحىنداعى ازامات جاسىنا تولماعانداردىڭ توراپقا شىعۋ سالىستىرماسى %96تەن اسقان.
ازامات جاسىنا تولماعاندار اراسىندا ينتەرنەتتىڭ جالپىلاسۋ مولشەرىنىڭ جوعارىلاۋىنا نەگىزىنەن توراپقا كىرۋ شارتىنىڭ تومەن بولۋى، ساياساتتىق جاقتا ىلگەرىلەتۋدىڭ تەبىندى بولۋى قاتارلى جاقتار ىقپال ەتكەن.
توراپتىڭ جالپىلاسۋ قۋاتى جاعىندا، تەك جۇڭگو جىلجىمالى حابارلاسۋ سەرىكتەستىگىنىڭ 2017 – جىلدىڭ سوڭىنداعى G4 نەگىزگى پۋنكتىنىڭ جالپىلاسۋى بۇكىل مەملەكەتتەگى جان سانىنىڭ %99 تىن قامتىعان، بۇل ەلىمىزدىڭ ينتەرنەت نەگىزدىك قۇرىلعىلارىنىڭ جان سانىن قامتۋى جاعىندا الدە قاشان كەمەلدەنە تۇسكەنىن كورسەتەدى؛ ساياساتتىق ىلگەرىلەتۋ جاعىنان قاراعاندا، مەملەكەت ازامات جاسىنا تولماعاندارعا باعىتتالعان وقۋ – اعارتۋدى ينفورماتسيالاندىرۋ ورەسىنە توتەنشە ءمان بەرەدى، مەكتەپتەردىڭ كەڭ جولاقتى ينتەرنەتتى جالپىلاستىرۋ شارت – جاعدايى مەن مەكتەپتىڭ توراپ ارقىلى وقىتۋ ورتاسىن جاقسارتۋ قاتارلى شارالارى ارقىلى، ازامات جاسىنا تولماعاندارعا ينتەرنەتتى جالپىلاستىرۋ مولشەرىن جوعارىلاتۋدى ىلگەرىلەتتى. مالىمەتتە كورسەتىلۋىنشە، 2012 – جىلى، مەملەكەتتىك وقۋ – اعارتۋدى ينفورماتسيالاندىرۋ قىزمەتى جونىندەگى تەلەۆيزور – تەلەفون ماجىلىسىندە «ءۇشتى تۇتاستىرۋ، ەكى تەكشە» وي جەلىسىن ورتاعا قويىپ، كەڭ جولاقتى توراپتى بارلىق مەكتەپكە تۇتاستىرۋدى، ساپالى بايلىق قاينارىن بارلىق كلاستارعا جەتكىزۋدى، توراپتان ۇيرەنۋ كەڭىستىگىن بارلىق ادامعا جەتكىزۋدى ماقسات ەتىپ، وقۋ – اعارتۋ بايلىعى الەۋمەتتىك قىزمەت وتەۋ تەكشەسىن جانە وقۋ – اعارتۋدى باسقارۋ الەۋمەتتىك قىزمەت وتەۋ تەكشەسىن قۇردى. بۇدان سىرت، «وقۋ – اعارتۋدى ينفورماتسيالاندىرۋدىڭ 10 جىلدىق دامۋ جوسپارى (2020 – 2011)» قاتارلى قاتىستى ساياساتتى شىعارىپ، ءار قايسى جەرلەردەگى ورتا – باستاۋىش مەكتەپتەردە وقۋ – اعارتۋدى ينفورماتسيالاندىرۋ قىزمەتىنىڭ ىلگەرىلەتىلۋىنە ساياساتتىق جاقتان دەمەۋ بەردى.
بۇلاردان تىس، ازامات جاسىنا تولماعانداردىڭ اۋەستىك بەيىمدىلىگى، ۇيرەنۋ قابىلەتى، قولدانۋ قاجەتى قاتارلى جاقتار دا ولاردىڭ ينتەرنەتتى ىستەتۋىن جەبەيتىن فاكتورلار سانالادى. باي مازمۇندى ينتەرنەت ازامات جاسىنا تولماعاندارعا دۇنيەنى تانۋدىڭ وزىندىك قۇنى تومەن ارناسىن ازىرلەدى، ينتەرنەتتىڭ ازامات جاسىنا تولماعانداردىڭ كوڭىل اشۋ جانە ۇيرەنۋ جاعىنداعى ماڭىزدىلىعى كۇننەن – كۇنگە كورنەكتىلەندى. مۇلدە كوپ سانداعى ازامات جاسىنا تولماعاندار جونىنەن ايتقاندا، ينتەرنەت كوڭىل اشۋدىڭ ماڭىزدى ءتاسىلى بولىپ قالماستان، ساباق ۇيرەنۋگە پايدالى قۇرال جانە قوعامدىق قارىم – قاتىناس ورناتۋدىڭ قولايلى دانەكەرى بولىپ ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : قاۋلا بەيسەن قىزى (پراكتيكانت)
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
