وقۋ – اعارتۋ مينيسترلىگى وقىتۋشىلاردىڭ كاسىپتىك ارەكەتىنىڭ 10 ءتۇرلى ولشەمىنە قيعاشتىق جاساۋداعى 4 رەتكى تيپتىك دەلونى اشىق جاريالادى
2019.04.04 16:25 كەلۋ قاينارى : حالىق تورابى
حالىق تورابى، 4 – ايدىڭ 3 - كۇنى، بەيجيڭ. وقۋ – اعارتۋ مينيسترلىگى توراپ بەكەتىنىڭ حابارىنا قاراعاندا، بىرنەشە كۇننىڭ الدىندا وقۋ – اعارتۋ مينيسترلىگى وقىتۋشىلاردىڭ كاسىپتىك ارەكەتىنىڭ 10 ءتۇرلى ولشەمىنە قيعاشتىق جاساۋداعى 4 رەتكى تيپتىك دەلونى اشىق جاريالاعان. عىلىم جالعانشىلىعى، وقۋشىلارمەن قالىپسىز قاتىناستا بولۋ، ساباقتى اقىلى تولىقتاۋ، بەلگىلەمەگە قايشى كەلىپ اتا – انالاردىڭ ساۋعاسىن، سيلىق اقشاسىن قابىلداۋ جايتتەرىنە سايعان بۇل دەلولار مىنالار:
1. نانجيڭ ۋنيۆەرسيتەتىنىڭ وقىتۋشىسى لياڭ يىڭنىڭ عىلىم جالعانشىلىعى ماسەلەسى. نانجيڭ ۋنيۆەرسيتەتىنىڭ وقىتۋشىسى لياڭ يىڭ وقىتۋ تارتىبىنە قايشىلىق جاساپ، وقىتۋدا جاۋاپكەرسىزدىك ىستەگەن؛ عىلىم قاعيداسىنا قايشىلىق جاساپ، اسپيرانتۋرادا وقىعان كەزىندە كوپتەگەن عىلمي ماقالانى كوشىرىپ پايدالانعان، قايتالاپ جاريالاعان، ۇرلىق ماقالانى ءوز ناتيجەسى ەتىپ، اتاق باعالاۋىندا جالعانشىلىق ىستەگەن. مەكتەپ پارتكومى (اكىمشىلىگى) لياڭ يىڭگە پارتيا ىشىندە قاتاڭ ەسكەرتۋ بەرۋ، اكىمشىلىك كۇنا جازۋ، ماگيسترانت تولىمدىلىعىن كۇشىنەن قالدىرۋ، وقىتۋ، عىلمي زەرتتەۋ ورنىنان اۋىستىرۋ، قاتىستى دارىندىلار نىسانىنان توقتاتۋ نەمەسە شەگەرۋ جازالارىن بەردى، ءتارتىپ بويىنشا ونىڭ وقىتۋشىلىق تولىمدىلىعىن كۇشىنەن قالدىردى، سونىمەن بىرگە، مەكتەپتىڭ قاتىستى ينستيتۋت، فاكۋلتەتتەرىنىڭ، تاراۋلارىنىڭ جانە قاتىستى قىزمەتكەرلەردىڭ جاۋاپكەرلىگىن قۋزادى.
2. جىڭجوۋ عىلىم – تەحنيكا ينستيتۋتىنىڭ كەڭەسشىسى يە چىڭنىڭ وقۋشىلارمەن قالىپسىز بايلانىستا بولۋ ماسەلەسى. جىڭجوۋ عىلىم – تەحنيكا ينستيتۋتىنىڭ كەڭەسشىسى يە چىڭ نەكەلەنگەن سوڭ ءمالىم وقۋشىمەن 2 جىل قالىپسىز جىنىستىق بايلانىس وتكىزگەن. مەكتەپ پارتكومى (اكىمشىلىگى) يە چىڭعا پارتيادان ايداۋ، ەڭبەك توقتامىن كۇشىنەن قالدىرۋ جازاسىن بەرۋدى ۇيعاردى، ءتارتىپ بويىنشا ونىڭ وقىتۋشىلىق تولىمدىلىعىن كۇشىنەن قالدىردى. حىنان ولكەلىك پارتكومنىڭ جوعارى مەكتەپتەر قىزمەتى كوميتەتى، ولكەلىك وقۋ – اعارتۋ مەڭگەرمەسى جىڭجوۋ عىلىم – تەحنيكا ينستيتۋتىنىڭ تۇتاس جىلداعى ۇزدىك بولىپ سيلانۋ تولىمدىلىعىن كۇشىنەن قالدىردى ءارى وقۋ – اعارتۋ جۇيەسىندە اتىن اتاپ حابارلاندىرۋ شىعارىپ سىندادى.
3. انحۇي ولكەسى تۇڭليڭ قالاسىنداعى 3 وقىتۋشىنىڭ وقۋشىلاردى ۇيىمداستىرىپ اقىلى ساباق پىسىقتاۋ ماسەلەسى. تۇڭليڭ قالالىق وقۋ – اعارتۋ مەكەمەسى تارتىپكە قيعاشتىق جاساپ اقىلى ساباق پىسىقتاعان 3 وقىتۋشىنى اشىق حابارلاندىرۋ شىعارىپ سىندادى. مۇنىڭ ىشىندە قالالىق 1 - ورتا مەكتەپتىڭ ماتەماتيكا وقىتۋشىسى گۇڭ فۋدى ءوزىنىڭ تۇرعىن ءۇيىنىڭ جەر استى بولمەسىندە وقۋشىلارعا اقىلى ساباق پىسىقتاعان؛ قالالىق 15 - ورتا مەكتەپتىڭ ادەبيەت وقىتۋشىسى پان تاۋ ۇيىندە وقۋشىلارعا اقىلى ساباق پىسىقتاعان؛ قالالىق 10 – ورتا مەكتەپتىڭ اعىلشىن ءتىلى وقىتۋشىسى ۋاڭ جىبيڭ وقۋشىنىڭ اكە – شەشەسى قامداعان ورىننان پايدالانىپ وقۋشىلارعا اقىلى ساباق پىسىقتاعان. قالالىق وقۋ – اعارتۋ مەكەمەسى جوعارىداعى وقىتۋشىلارعا ەسكەرتۋ بەرۋ، بەلگىلەمەگە قايشى مال – مۇلكىن قايتارتۋ، جىلدىق باعالاۋدا تولىمسىز دەپ باعالاۋ، جىلدىق سيلىق، ونىمدىلىك ەڭبەكاقىسىن جانە ءبىر رەتتىك قىزمەت سيلىق اقشاسىن تارتىپ قالۋ جازاسىن بەردى.
4. حەيلۇڭجياڭ ولكەسى حاربين قالاسىنىڭ وقىتۋشىسى نا جۇڭحۋانىڭ بەلگىلەمەگە قايشى كەلىپ وقۋشىلاردىڭ اتا – انالارىنىڭ ساۋعاسىن، سيلىق اقشاسىن قابىلداۋ ماسەلەسى. حەيلۇڭجياڭ ولكەسى باستاۋىش، ورتا مەكتەپ وقىتۋشىلارىنىڭ بەلگىلەمەگە قايشى كەلىپ ساۋعا، سيلىق اقشا قابىلداۋ جانە اقىلى ساباق پىسىقتاۋداعى تيپتىك ماسەلەلەرىن حابارلاندىرۋ شىعارىپ سىندادى. مۇنىڭ ىشىندە حاربين قالاسى اچىڭ رايونى تاجىريبە باستاۋىش مەكتەبىنىڭ وقىتۋشىسى نا جۇڭحۋا بەلگىلەمەگە قايشى كەلىپ ءمالىم وقۋشىنىڭ اكە – شەشەسىنەن 6 رەتتە ۋيچات ارقىلى اقشا اۋدارتىپ جالپى 2 مىڭ 200 يۋان اقشاسىن العان. نا جۇڭحۋاعا كۇنا جازۋ جازاسى بەرىلدى، سول جىلعى ونىمدىلىك ەڭبەكاقىسى مەن سيلىق اقشاسى تارتىپ قالىناتىن بولدى، سول جىلعى ۇزدىك بولىپ باعالانۋ، دارەجەسى جوعارىلاۋ تولىمدىلىعى كۇشىنەن قالدىرىلدى، تارتىپكە قايشى تابىسى تولىق قايتارتىلدى؛ تاجىريبە باستاۋىش مەكتەبىنىڭ وقىتۋ جاۋاپتىسىنا سىن – تاربيە بەرىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
