وقۋ – اعارتۋ مينيسترلىگى بەلگىلەمە باسىپ تاراتتى
مىندەتتى وقۋ – اعارتۋدىڭ اتقارىلۋىنا كەدەرگىلىك جاساۋعا تيىم سالىنادى
2019.04.15 16:29 كەلۋ قاينارى : حالىق تورابى
«حالىق گازەتى»، 4 – ايدىڭ 14 – كۇنى، بەيجيڭ (ءتىلشى جاڭ شو). تاياۋدا وقۋ – اعارتۋ مينيسترلىگى كەڭسەسى «مىندەتتى وقۋ – اعارتۋدىڭ اتقارىلۋىنا كەدەرگىلىك جاساۋعا تيىم سالاتىن ءبىرقانشا بەلگىلەمەنى» (تومەندە قىسقاشا «بەلگىلەمە») باسىپ تاراتىپ، مەملەكەتتىڭ مىندەتتى وقۋ – اعارتۋ ءتۇزىمىنىڭ اتقارىلۋىن شىنايى كەپىلدەندىرىپ، وقۋ جاسىنداعى بالالار مەن ورەندەردىڭ ءوسىپ – جەتىلۋىنە كەسىرىن تيگىزەتىن زاڭعا، بەلگىلەمە قايشى نىسايلاردى قاتاڭ تۇزەتەتىن بولدى.
وقۋ – اعارتۋ مينيسترلىگى كەڭسەسى باسىپ تاراتقان «بەلگىلەمەدە» مىنالار اتاپ كورسەتىلدى: سوڭعى جىلداردان بەرى، كەيبىر قوعامدىق تاربيەلەۋ قۇرىلىمدارى وقۋ جاسىنداعى بالالار مەن ورەندەردى «وتاندىق ءىلىم»، «ايەلدەر ءمورال تاربيەسى» وقۋ – اعارتۋى سىندى جەلەۋمەن ءوز بەتىنشە قابىلداپ، تولىق كۇندىك وقۋ – وقىتۋ، تاربيەلەۋدى ورىستەتىپ، ونى مىندەتتى وقۋ – اعارتۋدىڭ ورنىنا قويدى، ءىشىنارا اتا – انالار نەمەسە زاڭدىق قامقورشىلار بالالارىن وسى تاربيەلەۋ قۇرىلىمدارىنا بەرىپ نەمەسە ۇيدە ۇيرەنۋگە جىبەرىپ، ورىندى سەبەبى بولماي تۇرىپ، بالانىڭ وقۋعا ءتۇسىپ ءبىلىم الۋىن زاڭدىق بەلگىلەمە بويىنشا قامتاماسىزداندىرماي، قاتىستى وقۋ جاسىنداعى بالالار مەن ورەندەردىڭ مىندەتتى وقۋ – اعارتۋدى قابىلداۋ ۇقىعى مەن مىندەتىن زاڭ بويىنشا جۇزەگە اسىرماۋىنا مۇرىندىق بولىپ، مەملەكەتتىڭ مىندەتتى وقۋ – اعارتۋ ءتۇزىمىنىڭ اتقارىلۋىنا كەدەرگى بولدى، وقۋ جاسىنداعى بالالار مەن ورەندەردىڭ اقاۋسىز ءوسىپ – جەتىلۋىنە اۋىر دارەجەدە ىقپال كورسەتىپ، مەملەكەت پەن ۇلتتىڭ بولاشاق مۇددەسىن زياندادى.
«بەلگىلەمەدە» مىنالار تالاپ ەتىلدى: مەكتەپتەن سىرت تاربيەلەۋ قۇرىلىمدارى، ءسوزسىز، وقۋ – اعارتۋ اكىمشىلىك تاراۋلارى تەكسەرىپ بەكىتكەن، بازار باقىلاپ – باسقارۋ تاراۋلارى تىزىمدەگەن كاسىپ كولەمى ىشىندە عانا تاربيەلەۋ جۇمىستارىمەن شۇعىلدانۋى كەرەك، مىندەتتى وقۋ – اعارتۋ ساتىسىنداعى وقۋ جاسىنداعى بالالار مەن ورەندەردى زاڭسىز قابىلداۋىنا، تولىق كۇندىك تاربيەلەۋگە، مىندەتتى وقۋ – اعارتۋدىڭ ورنىنا قويۋىنا بولمايدى؛ جالعان وقۋشى قابىلداۋ ەرەجەسىن نەمەسە قۇلاقتاندىرۋلارىن جاريالاۋىنا بولمايدى، وتاعالارىن وقۋ جاسىنداعى بالالار مەن ورەندەردى تاربيەلەۋ قۇرىلىمدارىنا وقۋعا كىرگىزۋگە، مىندەتتى وقۋ – اعارتۋدىڭ ورنىنا قويۋعا شىرعالاۋىنا بولمايدى؛ ساباق مازمۇنىنا پارتيانىڭ وقۋ – اعارتۋ باعىتى مەن سوتسياليستىك وزەكتى قۇن كوزقاراسىنا قايشى كەلەتىن مازمۇنداردى ەنگىزۋىنە بولمايدى، «وتاندىق ءىلىم» اتىن جامىلۋعا، «ۇشكە بويسىنۋ، ءتورت احىلاق»، ساۋەگەيلىك، تىلسىمدىك، بال اشۋ سىندى فەودالدىق سارقىنشاقتارمەن تاربيەلەۋىنە بولمايدى، ءدىندى جەلەۋ ەتىپ مەملەكەتتىڭ وقۋ – اعارتۋ ءتۇزىمى قيمىلدارىنا كەدەرگى بولۋعا بولمايدى.
«بەلگىلەمەدە» مىنالار ايقىن بەلگىلەندى: وقۋ جاسىنداعى بالالار مەن ورەندەردىڭ اتا – انالارى نەمەسە زاڭدىق قامقورشىلارى باقىلاۋ، باسى – كوز بولۋ جاۋاپكەرلىگىن شىنايى ورىنداپ، بالالارىن مىندەتتى وقۋ – اعارتۋدى زاڭ بويىنشا اتقاراتىن مەكتەپتەرگە نەمەسە اۋدان دارەجەلى وقۋ – اعارتۋ اكىمشىلىك تاراۋلارىنىڭ بەكىتۋىنەن وتكەن مىندەتتى وقۋ – اعارتۋدى جۇرگىزەتىن قاتىستى قوعامدىق ۇيىمدارعا بەرۋدەن سىرت، باسقا فورمالارمەن ۇيىمداستىرىلعان مىندەتتى وقۋ – اعارتۋ قۇرىلىمدارىنا وقۋعا بەرۋىنە بولمايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
