مەملەكەتتىك دەنساۋلىق ساقتاۋ كوميتەتى: وقۋ جاسىنا تولماعان بالالاردىڭ قولفون جانە كومپيۋتەردەن پايدالانۋىنان ساقتانۋ كەرەك
2019.05.05 16:40 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 4 – كۇنى، بەيجيڭ (تىلشىلەر ۋىن جيڭحۋا، ۋاڭ بيڭياڭ). مەملەكەتتىك دەنساۋلىق ساقتاۋ كوميتەتى بىرنەشە كۇننىڭ الدىدنا قاتىستى تەكسەرۋ ناتيجەسىن جاريالاپ بىلاي دەدى: قازىر ەلىمىزدە بالالاردىڭ الىستى كورە الماۋ ماسەلەسى ءبىرشاما كورنەكتى. سونىمەن بىرگە، ەلەكتروندىق ونىمدەردى عىلمي پايدالانباۋ الىستى كورمەۋدىڭ باستى سەبەپتەرىنىڭ ءبىرى بولىپ وتىر، 6 جاستان تومەنگى بالالاردىڭ قولفون جانە كومپيۋتەردەن پايدالانۋىنان بارىنشا ساقتانۋ كەرەك، اتا - انالار بالالاردىڭ الدىندا ەلەكتروندىق ونىمدەردى مۇمكىندىكتىڭ بارىنشا از پايدالانعانى ءجون.
تەكسەرۋ ساندى مالىمەتىندە كورسەتىلۋىنشە، 2018 – جىلى بۇكىل ەلدەگى بالالاردىڭ، جاستار مەن ورەندەردىڭ الىستى كورە الماۋ جالپى شاماسى %53.6 بولعان، مۇنىڭ ىشىندە 6 جاستاعى بالالاردىكى %14.5، باستاۋىش مەكتەپ وقۋشىلارىنىكى %36، ورتالاۋ مەكتەپ وقۋشىلارىنىكى %71.6، ورتا مەكتەپ وقۋشىلارىنىكى %81، الىستى كورە الماۋدان ساقتانۋ مىندەتى اۋىر.
مەملەكەتتىك دەنساۋلىق ساقتاۋ كوميتەتى وسىدان بۇرىن جاريالاعان «2019 - جىلى بالالاردىڭ، جاستار مەن ورەندەردىڭ الىستى كورە الماۋىنان ساقتانۋ دەنساۋلىق تاربيەسىن وزەكتى ينفورماتسياسىندا» كورسەتىلۋىنشە، 0 جاستان 6 جاسقا دەيىنگى ارالىق بالالاردىڭ كورۋ تۇيسىگىنىڭ جەتىلۋىندەگى شەشۋشى كەزەڭ سانالادى ەكەن، سوندىقتان بالالاردىڭ كىشكەنە كەزىندەگى كورۋ قۋاتىن قورعاۋعا جانە اقاۋسىز جەتىلۋىنە ەرەكشە ءمان بەرۋ كەرەك.
وزەكتى ينفورماتسيادا مىنالار اتاپ كورسەتىلدى: ۇزاق ۋاقىت نەمەسە جاقىن ارالىقتان قولفون، كومپيۋتەر جانە تەلەۆيزور سياقتى ەلەكتروندىق ەكراندارعا قادالۋ ــ الىستى كورمەۋدىڭ سەبەپتەرىنىڭ ءبىرى. 6 جاستان تومەنگى بالالاردىڭ قولفون جانە كومپيۋتەردەن پايدالانۋىنان بارىنشا ساقتانۋ كەرەك. اتا - انالار بالالاردىڭ الدىندا ەلەكتروندىق ونىمدەردى مۇمكىندىكتىڭ بارىنشا از پايدالانعانى ءجون.
وقۋعا تۇسكەننەن كەيىن مەكتەپتىڭ ەلەكتروندىق ونىمدەردى وقىتۋ ۋاقىتى پرينسيپتىك جاقتان جالپى وقىتۋ ۋاقىتىنىڭ % 30 ىنەن اسپاۋى كەرەك. ساباقتان سىرتقى ۋاقىتتا ەلەكتروندىق ونىمدەرمەن 30 - 40 مينۋت ۇيرەنگەننەن كەيىن، دەمالىپ، الىسقا كوز تاستاپ، 10 مينۋت ءۇزىلىس جاساۋ كەرەك. ۇيرەنۋ ماقساتىنا جاتپايتىن ەلەكتروندىق ونىمدەردى كورۋ ۋاقىتىن ءار رەتتە 15 مينۋتتان، كۇنىنە ءبىر ساعاتتان اسىرماۋ كەرەك.
بۇدان سىرت بالالاردىڭ، جاستار مەن ورەندەردىڭ ءۇزىلىسسىز وقۋ - جازۋ ۋاقىتىن 40 مينۋتتان اسىرماۋ، سونداي - اق كۇندىزگى قيمىل ۋاقىتىن جەتكىلىكتى قالدىرۋ كەرەك. وقىتۋشىلار مەن اتا - انالار بالالاردى دەنە شىنىقتىرۋعا بەلسەنە قاتىناسۋعا جەتەكتەپ، ءار كۇنى بالاعا 2 ساعاتتان استام ۋاقىت كۇندىز سىرتتا قيمىل جاساتۋ كەرەك، جاتاقتى بالالار باقشاسىنىڭ سىرتتا قيمىل جاساۋ ۋاقىتى 3 ساعاتتان كەم بولماۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
