14 ولكە، قالا جوعارى مەكتەپ ەمتيحانى رەفورماسىن باستادى، بولاشاقتاعى جوعارى مەكتەپ ەمتيحانىندا قانداي جاڭا بەتالىس بولادى؟
2019.05.08 16:00 كەلۋ قاينارى : حالىق تورابى
جالپىلىق بەتالىس: قوعامدىق، جاراتىلىستىق ساباقتار دەپ ايىرۋ كۇشىنەن قالدىرىلادى
وسى رەت 8 ولكەنىڭ رەفورما جوباسىندا بىلاي دەپ ايقىن بەلگىلەندى: 2021 – جىلدان باستاپ ادەتتەگى جوعارى مەكتەپ ەمتيحانىنا ەمتيحان بەرگەن وقۋشىلاردىڭ مادەنيەت ساباعىنىڭ جالپى ناتيجەسى «2+1+3» دەن قۇرالادى. «3» دەگەنىمىز: مەملەكەت بويىنشا ءبىر تۇتاس ەمتيحان الىناتىن ءتىل - ادەبيەت، ماتەماتيكا، شەتەل ءتىلى ساباقتارى، بۇعان بارلىق وقۋشى قاتىناسادى؛ «1» دەگەنىمىز: الدىمەن تاڭدالاتىن ساباق ءتۇرى، ەمتيحان بەرۋشىلەر ورتا مەكتەپ وقۋ ورەسى ەمتيحانىنىڭ فيزيكا، تاريح ساباقتارىنان ءبىر ساباقتى تاڭداۋى كەرەك؛ «2» دەگەنىمىز: ەكىنشى رەت تاڭدالاتىن ساباق ءتۇرى، ەمتيحان بەرۋشىلەر حيميا، بيولوگيا، يدەيا - ساياسي، جاعراپيا سىندى 4 ساباقتىڭ ىشىنەن ەكى ساباقتى تاڭدايدى.
گۋاڭدۇڭ ولكەلىك وقۋ – اعارتۋ، ەمتيحان مەكەمەسىنىڭ قاتىستى جاۋاپتىسى بىلاي دەدى: «تاڭداپ ەمتيحان بەرۋ ساباق ءتۇرى رەفورمادان بۇرىن 2 تۇردەن قۇرام تاپقان، سىناق ءتۇيىنى ەتىلگەن ولكەلەردە 20 تۇردەن قۇرام تاپقان، قازىر 12 تۇردەن قۇرام تاۋىپ وتىر، مۇنداعى ەڭ ۇلكەن وزگەرىس قوعامدىق، جاراتىلىستىق ساباقتار دەپ ايىرۋدىڭ كۇشىنەن قالدىرىلۋىندا».
قابىلداۋ ءتاسىلى: «ەكى نەگىز ەتىلىپ، بىردەن پايدالانىلادى»، تولىق كۋرسقا ءبىرىنشى توپتا، ەكىنشى توپتا قابىلداۋ كۇشىنەن قالدىرىلادى
جوعارى مەكتەپ ەمتيحانىنا رەفورما جۇرگىزگەن 14 ولكە تۇتاسىمەن وقۋشى قابىلداۋ بارىسىندا «ەكىنى نەگىز ەتۋ، بىردەن پايدالانۋ » ءادىسىن ورتاعا قويدى، اتاپ ايتقاندا، مۇندا جوعارى مەكتەپ ءبىر تۇتاس ەمتيحانى مەن ورتا مەكتەپتەگى وقۋ ورەسى ەمتيحانىنىڭ ناتيجەسى نەگىز ەتىلەدى، جالپىلىق ساپا باعالاۋى پايدالانىلادى.
سونىمەن بىرگە، جوعارى مەكتەپ ەمتيحانى رەفورماسىنىڭ ىلگەرىلەتىلۋىنە بايلانىستى، جوعارى مەكتەپتەردىڭ وقۋشى قابىلداۋ فورماسىندا توپقا ءبولىپ قابىلداۋ ءجايتى وزگەرتىلەدى، تولىق كۋرسقا ءبىرىنشى توپتا، ەكىنشى توپتا قابىلداۋ كۇشىنەن قالدىرىلادى. وقۋ - اعارتۋ ماماندارى بىلاي دەپ قاراۋدا، مۇنداي قابىلداۋ ءتاسىلى وقۋشىلاردىڭ تىلەك كەستەسىن تولتىرعان كەزىندە الدىمەن كاسىپتى ويلاستىرۋىنا مۇمكىندىك جاراتادى، بۇرىنعىداي «جاقسى مەكتەپكە قابىلدانعانىمەن، قىزىعاتىن كاسىبىن تاڭداي الماۋ» جايتىنەن ساقتانۋعا بولادى.
كاسىپتىڭ ورنالاستىرىلۋى: جاساندى زەردە سياقتى كاسىپتەر كوبەيتىلىپ، كيىم - كەشەك جانە كيىم - كەشەك جوبالاۋ سياقتى كاسىپتەر كۇشىنەن قالدىرىلادى
وقۋ – اعارتۋ مينيسترلىگى بىرنەشە كۇننىڭ الدىندا 2018 – جىلعى ادەتتەگى جوعارى مەكتەپتەردىڭ تولىق كۋرس كاسىبىن ەستەلىككە الۋ جانە تەكسەرىپ بەكىتۋ ناتيجەسىن جاريالاپ، جيىنى 2 مىڭ 72 كاسىپ ءتۇيىنىن قۇردى، مۇنىڭ ىشىندە ارحيۆكە الىنعان كاسىپ ءتۇيىنى ءبىر مىڭ 831، تەكسەرىپ بەكىتىلگەن كاسىپ ءتۇيىنى 241، كۇشىنەن قالدىرىلعان كاسىپ ءتۇيىنى 416 بولدى.
ۇعىسۋعا قاراعاندا، جاڭادان ارحيۆكە الىپ قوسىلعان تولىق كۋرس كاسىبى ەڭ كوپ بولعاندارى ساندى مالىمەت عىلىمى مەن ءىرى ساندى مالىمەت تەحنيكاسى، قۇلتەمىر ينجەنەرياسى، زەردەلى عىلىم جانە تەحنيكا، زەردەلى جاساۋ ينجەنەرياسى ەكەن. جاڭادان بەكىتىپ قوسىلعان تولىق كۋرس كاسىبى ەڭ كوپ بولعاندارى جاساندى زەردە، توراپ كەڭىستىگى حاۋىپسىزدىگى سياقتىلار ەكەن. كۇشىنەن قالدىرىلۋى ەڭ كوپ كاسىپتەر: كيىم - كەشەك، كيىم - كەشەك جوبالاۋ، وقۋ - اعارتۋ تەحنيكاسى، ينفورماتسيا جانە ەسەپتەۋ عىلىمى، ءونىم جوبالاۋ، ينفورماتسيا باسقارۋ جانە ينفورماتسيا جۇيەسى سياقتىلار ەكەن.
دەربەس وقۋشى قابىلداۋ: كولەمى تارايىپ، شارتى جوعارىلادى
وقۋ - اعارتۋ مينيسترلىگى جاريالاعان «2019 - جىلى جوعارى مەكتەپتەردىڭ دەربەس وقۋشى قابىلداۋ قىزمەتىن ويداعىداي ىستەۋ جونىندەگى ۇقتىرۋدا» مىناۋ ورتاعا قويىلدى: دەربەس وقۋشى قابىلداۋداعى «وندا قاتاڭ بولۋ» تالابىن ارناعا ءتۇسىرۋ كەرەك، مۇندا جوعارى مەكتەپتەر وتكەن جىلعى وقۋشى قابىلداۋ سانى نەگىزىندە وقۋشى قابىلداۋ سانىن لايىقتى قىسقارتىپ، تىزىمدەلۋ تولىمدىلىق شارتىن قاتايتۋى كەرەك، قاراپايىم جولمەن ماقالا، پاتەنت، دانەكەر قۇرىلىمدار وتكىزگەن جارىس (قيمىل) سياقتىلاردى ەمتيحان بەرۋ شارتى جانە العاشقى تەكسەرۋدەن وتكىزۋدىڭ نەگىزى ەتۋگە بولمايدى، دارىندىلاردى تاڭداۋ ساپاسىن جوعارىلاتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
