جوعارى دارەجەلى كاسىپتىك مەكتەپتەرگە وقۋشىنى كەڭەيتىپ قابىلداۋ الۋان تۇرلىلەنگەن دارىندى تاربيەلەۋ جولىن ازىرلەيدى
2019.05.10 14:21 كەلۋ قاينارى : حالىق تورابى
«حالىق گازەتى»، 5 - ايدىڭ 9 – كۇنى، بەيجيڭ (ءتىلشى جاڭ شو). ءتىلشىنىڭ وقۋ – اعارتۋ مينيسترلىگىنىڭ اقپار جاريالاۋ ماجىلىسىنەن ۇعىسۋىنشا، بيىل جوعارى دارەجەلى كاسىپتىك مەكتەپتەرگە وقۋشىنى كەڭەيتىپ قابىلداۋ بويىنشا ءبىر ميلليون ادام قابىلداۋ مىندەتىن ۋاعىندا ورىنداۋعا بولادى ەكەن. «جوعارى دارەجەلى كاسىپتىك مەكتەپتەرگە وقۋشىنى كەڭەيتىپ قابىلداۋ ارناۋلى قىزمەتىن اتقارۋ جوباسىنا» ساي، وقۋشى قابىلداۋ جوسپارى ۇيلەسىمدى ورنالاستىرىلىپ، جەر – جەردىڭ وقۋشى قاينارى جاعدايى، وقىتۋ شارت – جاعدايى، ەكونوميكالىق تىرەك سياقتى فاكتورلارى جان – جاقتى ويلاستىرىلادى؛ قىزمەت وتەۋ بەتالىسى كەڭەيتىلىپ، ورتا مەكتەپ بىتىرگەن وقۋشىلار، شارۋا جۇمىسكەرلەر جانە جاڭاشا كاسىپتىك ەگىنشىلەر سياقتى قاۋىم بەتكە الىنىپ، جوعارى دارەجەلى كاسىپتىك مەكتەپتەرگە وقۋشىنى كەڭەيتىپ قابىلداۋ بويىنشا تولىقتاپ تىزىمدەۋ قىزمەتى ورىستەتىلەدى. سونىمەن بىرگە، كاسىپتىك مەكتەپ بىتىرگەن وقۋشىلار مەن ادەتتەگى جوعارى مەكتەپ بىتىرگەن وقۋشىلاردىڭ ۇقساس مامىلەدەن يگىلىكتەنۋى جەبەلەدى.
وقۋ – اعارتۋ مينيسترلىگى كاسىپتىك اعارتۋ جانە ەرەسەكتەر اعارتۋى مەڭگەرمەسىنىڭ باستىعى ۋاڭ جيپيڭ مىنانى ءبىلدىردى: جوعارى دارەجەلى كاسىپتىك مەكتەپتەرگە وقۋشىنى كەڭەيتىپ قابىلداۋ − مەملەكەتكە دە، حالىققا دا پايدالى كەلەلى شارا، بۇل الۋان ءتۇرلى ءبىلىم بەرۋ جولىمەن قامداپ، وقۋ – اعارتۋعا قىزمەت وتەۋ قۋاتىن جوعارىلاتىپ، جوعارى دارەجەلى وقۋ – اعارتۋدىڭ جالپىلاسۋ ساتىسىنا ءوتۋىن ىلگەرىلەتىپ، كاسىپتىك وقۋ – اعارتۋداعى قاۋىرت رەفورمانى، زور دامۋدى جەبەيدى، ونىڭ ساياساتتىق ونىمدىلىگى ەكونوميكا، قوعام جانە وقۋ – اعارتۋ جونىنەن كەلەلى ىقپال جاسايدى.
وقۋ – اعارتۋ مينيسترلىگى دامىتۋ – جوسپارلاۋ مەكەمەسىنىڭ تەتە شارلاۋشىسى لوۋ شۇيچيڭ بىلاي دەپ تانىستىردى: بۇرىنعى جىلدارداعى جوعارى دارەجەلى كاسىپتىك مەكتەپتەرگە وقۋشى قابىلداۋ مولشەرى بويىنشا ەسەپتەگەندە، 2019 – جىلى جوعارى دارەجەلى كاسىپتىك مەكتەپتەرگە ءبىر ميلليون ادام قابىلداۋ نىساناسىن جۇزەگە اسىرۋ ءۇشىن، كەمىندە جوعارى دارەجەلى كاسىپتىك مەكتەپتەرگە وقۋشى قابىلداۋ جوسپارىنىڭ ارتۋ مولشەرى ءبىر ميلليون 140 مىڭ ادام بولۋى كەرەك. قازىر 2019 – جىلى بۇكىل ەل بويىنشا جوعارى دارەجەلى كاسىپتىك مەكتەپتەرگە وقۋشى قابىلداۋ جوسپارىنىڭ ارتۋ مولشەرى ءبىر ميلليون 150 مىڭ ادام بولدى، بۇرىنعى جىلدارداعى تىزىمدەلۋ جاعدايىنا قاراعاندا، جەر – جەر وقۋشى قابىلداۋ جوسپارىن ويداعىداي تياناقتاندىرسا بولعانى، بيىل جوعارى دارەجەلى كاسىپتىك مەكتەپتەرگە ءبىر ميلليون ادام قابىلداۋ مىندەتىن ۋاعىندا ورىنداۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
