شينجياڭ ۇيعۇر اۆتونوميالى رايونىنىڭ 2019 - جىلعى ادەتتەگى جوعارى مەكتەپ ەمتيحانى ورنىقتى اياقتادى
2019.06.11 15:43 كەلۋ قاينارى : شينجياڭ گازەتى
ءتىلشى جاۋ شييا 6 - ايدىڭ 9 - كۇنى ۇرىمجىدەن حابارلايدى. 6 - ايدىڭ 9 - كۇنى تۇستەن بۇرىن رايونىمىزدىڭ 2019 - جىلعى ادەتتەگى جوعارى مەكتەپ ەمتيحانى ورنىقتى اياقتادى. بىرنەشە كۇننەن بەرى، تۇتاس رايونداعى ءار دارەجەلى ەمتيحانعا قاتىستى قىزمەتكەرلەر مىندەتىن مۇقيات اتقارىپ، جۇمىستى ولشەمدى ىستەدى، ەمتيحان مايدان ءتارتىبى جۇيەلى، ۇيىمداستىرىلۋى ءتارتىپتى بولىپ، قۇپيالىق اشىلۋ وقيعاسى جانە ءىرى كولەمدى ۇيىمدى قارالىق ىستەۋ ارەكەتى تۋىلمادى.
ۇعىسۋعا قاراعاندا، ادەتتەگى جوعارى مەكتەپ ەمتيحانى كەزىندە اۆتونوميالى رايوننىڭ قاتىستى باسشىلارى اۆتونوميالى رايوننىڭ مەملەكەتتىك وقۋ - اعارتۋ ەمتيحانى ەمتيحان ىستەرىنە قولباسشىلىق ەتۋ ورتالىعىندا بۇكىل شينجياڭداعى 76 ەمتيحان رايونىنىڭ ەمتيحان الدىنداعى دايىندىعى، قۇپيالىقتى ساقتاۋ كەڭسەسىنىڭ كەزەكشىلىگى، ەمتيحان تۇيىندەرىنىڭ ەمتيحان باستاۋى، ەمتيحاندى ۇيىمداستىرىپ اتقارۋى سياقتى جاعدايلارىن قاداعالاپ تەكسەردى ءارى جوعارى مەكتەپ ەمتيحانى قىزمەتىن اناعۇرلىم ويداعىداي ىستەۋ جونىندە ايقىن تالاپتار قويدى، تۇتاس رايونىمىزداعى ءار دارەجەلى پارتيا، ۇكىمەت باسشىلارى ىرىقتى تۇردە قولباسشىلىق ىستەپ، ەمتيحان رايونىندا، ەمتيحان تۇيىنىندە شارلاۋ جۇرگىزىپ، ەمتيحاندى باقىلاپ، ەمتيحان بارىسىنداعى كورنەكتى قيىنشىلىقتاردى دەر كەزىندە شەشتى؛ اۆتونوميالى رايوننىڭ مەملەكەتتىك وقۋ - اعارتۋ ەمتيحان ورتاسىن جان - جاقتىلى جونگە سالۋ بىرلەسكەن ماجىلىسىنە جانە توسىن جاعدايلارعا شۇعىل توتەپ بەرۋگە باسشىلىق ەتۋ گرۋپپاسىنا مۇشە ورىندار بىرلەسىپ ساقتانىپ، بىرگە ارەكەتتەنىپ، كۇش قوسا سەلبەسىپ، ەمتيحان قاعازىنىڭ، جاۋاپ قاعازىنىڭ حاۋىپسىزدىگىن، قۇپيالىعىن قامتاماسىز ەتىپ، جوعارى مەكتەپ ەمتيحانىنىڭ حاۋىپسىزدىگى مەن تارتىبىنە كەپىلدىك ەتتى؛ اۆتونوميالى رايوندىق پارتكومنىڭ ۇگىت ءبولىمى، ينتەرنەت ينفورماتسيا كەڭسەسى، اۆتونوميالى رايوندىق قوعام حاۋىپسىزدىگى مەڭگەرمەسى، قۇپيالىقتى ساقتاۋ مەكەمەسى سياقتى مۇشە ورىنداردىڭ قاتىستى تاراۋلارىنداعى قىزمەتكەرلەر بىرلەسىپ قىزمەت ىستەپ، تۇتاس رايوننىڭ جوعارى مەكتەپ ەمتيحانى جاعدايىنا جۇمىس باسىندا جەتەكشىلىك ەتىپ جانە ارالاپ تەكسەرىپ، ەمتيحان كەزىندە تۋىلعان شۇعىل، كەزدەيسوق جاعدايلاردى دەر كەزىندە تىڭعىلىقتى ءبىر جايلى ەتىپ، ەمتيحان بەرەتىن وقۋشىلارعا تەپە - تەڭ، ءادىل ەمتيحان ورتاسىن قۇلشىنا جاراتتى.
سونىمەن بىرگە، جەر - جەر ەمتيحان بەرەتىن وقۋشىلاردى نەگىز ەتۋگە تاباندى بولىپ، قاتىناس، ءجۇرىس - تۇرىس، شۋىلدى جونگە سالۋ، دەنساۋلىق ساقتاۋ، جۇقپالى اۋرۋلاردان ساقتانۋ، ۇگىت، قىزمەت وتەۋ قاتارلى جاقتاردا جان - جاقتىلى قامتاماسىز ەتۋدى ونان ارى كۇشەيتىپ، ەمتيحان بەرەتىن وقۋشىلارعا ىجداعاتپەن ويداعىداي قىزمەت ەتتى. جوعارى مەكتەپ ەمتيحانى كەزىندە رايونىمىز 97 مۇگەدەك وقۋشىعا جازۋى ۇلكەن ەمتيحان قاعازىن دايىنداپ بەرۋ، جەكە ەمتيحان الاڭىن ورنالاستىرۋ، ەمتيحان ۋاقىتىن ۇزارتىپ بەرۋ، تىڭداۋ قابىلەتى ەمتيحانىن كۇشىنەن قالدىرۋ، ەمتيحان الاڭىنا الدىمەن كىرگىزۋ، تىڭداۋعا جاردەم بەرۋ جابدىعىن تاعۋعا رۇقسات بەرۋ سياقتى ۇيلەسىمدى قولايلىلىقتاردى جاراتىپ بەردى؛ كوزى كورمەيتىن ءبىر وقۋشىعا سوقىرلار جازۋىنداعى ەمتيحان قاعازىن دايىنداپ بەردى؛ ەمتيحاننان ىلگەرى توسىننان جارالانىپ قالعان نەمەسە جۇقپالى اۋرۋلارعا شالدىعىپ قالعان 86 وقۋشىعا جەكە ەمتيحان مايدانىن دايىنداۋ، قاسىنا ەمدەۋشى قىزمەتكەر ورنالاستىرۋ سياقتى مەيىرگە تولى قىزمەت وتەدى. جەر - جەردەگى مەيىر باعىشتاۋشى كاسىپورىندار، مەيىر باعىشتاۋشى ادامدار جابال ارەكەتتەنىپ، وقۋشىلاردى ەمتيحان مايدانىنا جەتكىزىپ قويۋ، سۋ جەتكىزىپ بەرۋ، قالام - قارىنداش جەتكىزىپ بەرۋ سياقتى فورمالارمەن ەمتيحانعا كومەكتەسۋ قيمىلدارىن ورىستەتىپ، ىقىلاستى دا جاراسىمدى گۋمانيتارلىق مەيىرىمدى ايگىلەدى. (تيانشان تورابى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
