اقشا تولەسە بولدى ۋنيۆەرسيتەتكە قابىلدايدى؟ اڭقاۋلىق قىلماڭىز!
جوعارى مەكتەپكە وقۋشى قابىلداۋدى جەلەۋ ەتكەن مىناداي جەتى ءتۇرلى الدامكوستىكتى پارىقتاي ءبىلىڭىز
2019.06.26 15:08 كەلۋ قاينارى : حالىق تورابى
2019 – جىلعى مەملەكەتتىك جوعارى مەكتەپكە قابىلداۋ ەمتيحانىنىڭ جەر - جەردەگى وقۋشى قابىلداۋ ءنومىر شەگى جاريالاندى، جوعارى مەكتەپتەردىڭ جەر – جەردەگى وقۋشى قابىلداۋ گرۋپپالارىنىڭ ينفورماتسيالارى دا جاريالاندى. جوعارى مەكتەپكە وقۋشى قابىلداۋ كەزىندە، وسىنى جەلەۋ ەتكەن الدامكوستەر دە ورايدان پايدالانادى، تومەندەگىدەي جەتى ءتۇرلى تيپتىك الدامكوستىك تاسىلدەرىنەن اباي بولىڭىزدار!
الدامكوستىكتىڭ ءبىرىنشى ءتۇرى: وقۋشى قابىلداۋدا ىشكى جاقتاعى ساندى الىپ بەرەمىن دەپ الدايدى
جوعارى مەكتەپكە وقۋشى قابىلداۋدى جەلەۋ ەتكەن الدامكوستىكتىڭ ىشىندە ەڭ كوپ ۇشىرايتىنى — زاڭسىز ەلەمەنتتەر وقۋشى قابىلداۋ قۇرىلىمدارىنىڭ «ىشكى جاعىندا تانىسىم بار»، «دوسىم بار»، «مەكتەپتەسىم بار» دەگەندى العا تارتىپ، اقشا تولەۋ ارقىلى «ىشكى جاقتاعى ساندى»، «ارناۋلى ساندى» جانە «جوسپاردان سىرتقى ساندى» الۋعا بولادى دەپ، وقۋشىلار مەن اتا – انالارعا «اقشا تولەسە بولدى تومەن نومىرمەن جوعارى مەكتەپكە وتۋگە بولادى» دەگەن جالعان ۋادە بەرەدى.
ەسكەرتۋ: رەسمي وقۋشى قابىلداۋ بارىسىندا ەشقانداي اقى تولەۋدىڭ قاجەتى جوق، ىشكى جاقتاعى بايلانىس، اقشا تولەۋ ارقىلى مەكتەپكە قابىلدانۋ سىندى «وڭاي ءىس» جوق، كەپىلدىك قاراجات الۋ، قابىلداۋ قاراجاتىن الۋ سىندى كەلتە حاتتار مەن تەلەفوندارعا مۇلدە سەنبەڭىزدەر.
الدامكوستىكتىڭ ەكىنشى ءتۇرى: جوعارى مەكتەپ ەمتيحانىنداعى ءنومىردى وزگەرتۋگە بولادى دەپ الدايدى
ءنومىر جاريالانعاننان كەيىن، كەيبىر وقۋشىلار تومەن ءنومىر الىپ قالعانىن كورىپ ابىرجيدى، وسى ساتتە الدامشىلار ەمتيحان ءنومىرىن وزگەرتۋگە بولادى دەپ، اتا – انالارىنان بەلگىلى مولشەردە اقى تولەۋدى سۇرايدى.
ەسكەرتۋ: ناتيجە جاريالانعاننان كەيىن وزگەرمەيدى، ناتيجەسىنە كۇماندى وقۋشىلاردىڭ رەسمي جولدار ارقىلى ەمتيحان قاعازىن قايتا تەكسەرۋگە ءوتىنىش بەرۋىنە بولادى، الايدا، ەمتيحان ناتيجەسىن توتە وزگەرتۋ اقىلعا سيمايتىن ءىس، مۇلدە، الدامكوستىك ءتاسىل.
الدامكوستىكتىڭ ءۇشىنشى ءتۇرى: اقشا تاپسىرساڭ بولعانى، ۋنيۆەرسيتەتكە قابىلداناسىڭ دەپ الدايدى
جوعارى مەكتەپ ەمتيحانىن جاقسى بەرە الماي قالعان كەيبىر وقۋشىلاردىڭ اتا – اناسى ينتەرنەتتەن اقشا تولەۋ ارقىلى ۋنيۆەرسيتەتكە ءوتۋ جونىندەگى ينفورماتسيالاردى كورىپ قالسا، ينفورماتسيا تاراتۋشىلارمەن حابارلاسىپ، جوعارى مولشەردەگى قابىلدانۋ اقىسىن تاپسىرادى، وقۋعا قابىلداۋ ۇقتىرۋىن تاپسىرىپ العان سوڭ عانا، بۇل مەكتەپ جاي جوعارى مەكتەپتىڭ تولىق كۋرسى ەمەس، ەرەسەكتەر وقۋ – اعارتۋى جاعىنداعى مەكتەپ ەكەنىن بايقايدى.
ەسكەرتۋ: جوعارى دارەجەلى وقۋ - اعارتۋدىڭ فورماسى الۋان ءتۇرلى، ينتەرنەتتە وقىتۋ، ەرەسەكتەر وقۋ - اعارتۋى، وزدىگىنەن وقىپ ەمتيحان بەرۋ سياقتىلار دا جوعارى دارەجەلى وقۋ – اعارتۋدىڭ ءبىر ءتۇرى، الايدا، جاي جوعارى مەكتەپتەرمەن ۇقسامايتىن جەرى، وقۋشى قابىلداۋ شارتى تومەن بولادى. الدامكوستەر وسى ەرەكشەلىگىنەن پايدالانىپ جۇرتتى الدايدى. وسىدان ساق بولىڭىزدار!
الدامكوستىكتىڭ ءتورتىنشى ءتۇرى: الدىن الا قابىلدانۋعا كومەكتەسەمىز دەپ الدايدى
الدامكوستەر بەلگىلى ۋنيۆەرسيتەتتىڭ وقۋشى قابىلداۋ كەڭسەسىنىڭ قىزمەتكەرى بولىپ وقۋشىلارعا تەلەفون سوعىپ، مەكتەپ الدىن الا وقۋشى قابىلداۋدا، ەگەر مەكتەپكە قابىلدانعىڭ كەلسە، الدىن الا وقۋ قاراجاتىن تاپسىرۋىڭ كەرەك، بولماسا ارحيۆتەرىڭدى قايتارىپ جىبەرىپ، وقۋعا قابىلدانباي قالۋىڭ مۇمكىن دەپ الدايدى.
ەسكەرتۋ: الدىن الا وقۋشى قابىلداۋ دەگەنىمىز اسكەري سالا، قورعانىس، كوركەمونەر قاتارلى جاقتارداعى جوعارى مەكتەپتەرگە وقۋشى قابىلداۋدى كورسەتەدى، وقۋشى قابىلداۋ بارىسىندا تۇگەلدەي سىرت جەردە ينتەرنەت ارقىلى وقۋشى قابىلداۋ ءتاسىلى قولدانىلادى، ارناۋلى كومپيۋتەر جۇيەسى تالاپ كەستەسى مەن ارحيۆ تاپسىرۋ بەلگىلەمەلەرى بويىنشا قىزمەت ىستەيدى، ەشقانداي ادامدار تىكەلەي بايلانىس جاساۋدىڭ ىقپالىنا ۇشىرامايدى.
الدامكوستىكتىڭ بەسىنشى ءتۇرى: جوعارى مەكتەپتىڭ وقۋعا كومەكتەسۋ قاراجاتىن ءوتىنىش ەتۋىڭە كومەكتەسەمىز دەپ الدايدى
الدامكوستەر كەيبىر وقۋشىلارعا جوعارى مەكتەپتىڭ وقۋشىلار باسقارماسىنىڭ جاۋاپتىسى بولىپ تەلەفون سوعىپ، وقۋشىنىڭ وتباسىلىق شارت – جاعدايىن ۇعىسقان بولىپ، ونىڭ وقۋعا كومەكتەسۋ قاراجاتىن ءوتىنىش ەتۋىنە كومەك كورسەتەتەتىنىن، الايدا، الدىمەن تىزىمدەلۋ اقىسىن تاپسىرۋى قاجەت ەكەنىن ايتۋى مۇمكىن. كەيبىر وقۋشىلار بۇعان سەنىپ قالادى، مەكتەپكە بارعاننان كەيىن عانا مۇنداي ءىستىڭ مۇلدە جوق ەكەنىن بايقايدى.
ەسكەرتۋ: وسىنداي تەلەفون كەلگەن كەزدە، وقۋشىلار مەن اتا – اناسى جەرگىلىكتى ورىنداعى وقۋ – اعارتۋ تاراۋلارىمەن نەمەسە مەكتەپپەن بايلانىس جاساپ انىقتاۋى، وتباسىنداعىلاردىڭ اتى – ءجونى، تەلەفونى، كاسىبى قاتارلى ينفورماتسيالاردى الباتى ايتپاۋى، ولارعا سەنبەۋى، ەلەمەۋى كەرەك.
الدامكوستىكتىڭ التىنشى ءتۇرى: ۋاقىت پارقىنان پايدالانىپ وزگەنىڭ ەڭبەگىن يەمدەنىپ، وقۋعا قابىلداۋ ۇقتىرۋىن جالعاننان جاسايدى
الدامكوستەر وقۋشىلار بەرگەن تىزىمدەلۋ ءنومىرى مەن ەمتيحانعا قاتىناسۋ ءنومىرى ارقىلى تەكسەرىپ كورىپ، قالىپتى ارحيۆ تاپسىرۋ مەن وقۋعا قابىلداۋدى وزدەرىنىڭ ەڭبەگى ەتىپ كورسەتىپ، ءوزىنىڭ بايلانىسى ارقىلى وقۋشىنى مەكتەپكە قابىلداتقان بولىپ الادى، وسى ورايدان پايدالانىپ وقۋشى مەن ونىڭ اتا – اناسىنان اقشا تالاپ ەتەدى. كەيبىرەۋى پوچتا ارقىلى جالعاننان جاساعان وقۋعا قابىلداۋ ۇقتىرۋىن جولداپ، وقۋشى مەن ونىڭ اتا – اناسىن سەندىرەدى، وسى ارقىلى وقۋشىنىڭ قوسىمشا وقۋ قاراجاتتارىن بەلگىلەنگەن بانكە كارتۋچكاسىنا سالدىرادى.
ەسكەرتۋ: جوعارى مەكتەپكە وقۋشى قابىلداۋدىڭ بارىنشا جۇيەلى تارتىپتەرى بار، جۇمىستى تەزىرەك ءبىتىرۋدى ويلاپ، بارلىق ينفورماتسيالاردى ءارقانداي ادامعا بەرۋگە بولمايدى، وقۋشىنىڭ ارحيۆىن تاپسىرۋ، وقۋشىنى قابىلداۋ سىندى تۇيىندەردى رەسمي توراپتان تەكسەرگەن ءجون.
الدامكوستىكتىڭ جەتىنشى ءتۇرى: «دەربەس وقۋشى قابىلداۋ» دەگەن جەلەۋمەن، اقشا تاپسىرسا بولعانى اسكەري مەكتەپكە قابىلدانادى دەپ الدايدى
الدامكوستەر جاي جوعارى مەكتەپتەردىڭ «دەربەس وقۋشى قابىلداۋى» مەن اسكەري مەكتەپتەر «جەرگىلىكتى ورىنعا تاربيەلەپ بەرەتىن وقۋشى»، «قورعانىس كاسىبىنە قابىلدايتىن وقۋشى» دەگەندەردى جەلەۋ ەتىپ، بىتىرگەن سوڭ ءبىرتۇتاس قوسىنعا بارىپ قىزمەت ىستەۋگە ورنالاستىرامىز دەپ ۋادە بەرەدى، وسى ارقىلى اتالمىش «دەربەس وقۋشى قابىلداۋ قاراجاتى»، «باعىتتامالى وقۋشى تاربيەلەۋ قاراجاتى»، «تاربيەلەپ بەرۋ قاراجاتى» قاتارلى قاراجاتتاردى الىپ، زاڭسىز تۇردە وقۋشى قابىلداۋ الدامكوستىگىن ىستەيدى.
ەسكەرتۋ: اسكەري مەكتەپكە وقۋشى قابىلداۋ مەن باسقا جەرگىلىكتى جوعارى مەكتەپتەرگە وقۋشى قابىلداۋ ۇقساس، ءبارى دە قاتاڭ ءتارتىپ جانە بەلگىلەمە بويىنشا ىستەلەدى. اسكەري مەكتەپكە وقۋشى قابىلداۋدا «ىشكى جاقتاعى وقۋشى قابىلداۋ سانى» دەگەن ايتىلىم جوق، ارميا مەن قارۋلى ساقشى قوسىنى ءارقانداي ادامنىڭ وقۋشى قابىلداۋ قۇجاتتارىن جەكە الىپ جۇرۋىنە رۇقسات ەتپەيدى، وقۋشى قابىلداۋ بارىسىندا دا وقۋشى مەن ونىڭ اتا – اناسىنا ۇكىمەت قۇجاتىن كورسەتۋ دەگەن ءتارتىپ بولمايدى.
مەيلى قانداي الدامكوستىك ءتاسىل بولسىن، اقى الۋ — الدامكوستەردىڭ ەڭ سوڭعى ماقساتى، وقۋشى مەن اتا – اناسى بۇدان ءسوزسىز ساق بولۋى كەرەك!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
