وقۋ – اعارتۋ مينيسترلىگى، ينتەرنەت ينفورماتسياسى كەڭسەسى، قوعام حاۋىپسىزدىگى مينيىسترلىگى قاتارلى ءۇش تاراۋ قايتالاي ەسكەرتۋ جاريالادى
جوعارى مەكتەپكە ەمتيحان بەرگەن وقۋشىلار، جالعان ۋنيۆەرسيتەتتەرگە الدانىپ قالماڭىزدار
2019.06.27 13:24 كەلۋ قاينارى : حالىق تورابى
اسىلگى تاقىرىبى:
وقۋ – اعارتۋ، ينتەرنەت ينفورماتسياسى، قوعام حاۋىپسىزدىگى تاراۋلارى قايتالاي ەسكەرتۋ جاريالادى: جوعارى مەكتەپكە ەمتيحان بەرگەن وقۋشىلار، «ارنايى جولدارمەن قابىلداۋ» دەگەن الدامكوستىككە الدانىپ قالماڭىزدار
حالىق تورابى، 6 – ايدىڭ 26 – كۇنى، بەيجيڭ (ءتىلشى: حى مياۋ) ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، جوعارى مەكتەپ ەمتيحانىنىڭ الدىندا وقۋ – اعارتۋ، ينتەرنەت ينفورماتسياسى، قوعام حاۋىپسىزدىگى سىندى ءۇش تاراۋ وتكەن جىلدارداعى جوعارى مەكتەپ ەمتيحانىنا قاتىستى «وتىرىكتى شىنداي، اقساقتى تىڭداي» سوققان وسەك – اياڭداردى جيناقتاعان. جوعارى مەكتەپ ەمتيحانى ناتيجەسىنىڭ جاريالانۋىنا بايلانىستى اتالعان ءۇش تاراۋ جوعارى مەكتەپكە قابىلداۋعا قاتىستى وسەك – اياڭدار مەن ولاردان ساقتانۋ جولدارىن تاعى ءبىر رەت جاريالاپ: وسەك – اياڭعا سەنبەڭىز، وسەك – اياڭ تاراتپاڭىزدار، تەك ولكە دارەجەلى وقۋشى قابىلداۋ كەڭسەسى مەن وقۋشى قابىلدايتىن جوعارى مەكتەپتەر بەلگىلەگەن تەكسەرۋ جولدارى ارقىلى تەكسەرسەڭىز، الاياقتاردىڭ الدامكوستىگى ايپاراداي اشىلادى دەپ ەسكەرتتى.
وقۋ – اعارتۋ مينيسترلىگى جوعارى مەكتەپكە وقۋشى قابىلداۋدىڭ «شۇعىلا ينجەنەرياسىن» اتقارعانىنا كوپ جىل بولدى، وقۋشى قابىلداۋ ساياساتى، وقۋشى قابىلداۋ ناتيجەسى تۇگەلدەي جاريا تۇردە قاداعالانادى، اتالمىش «ارتقى ەسىك» سىندى قولايلى جول بار دەگەنگە سەنىپ قالماڭىز، وقۋشى قابىلداۋعا قاتىستى ءارقانداي ينفورماتسيالاردى تەكسەرۋ مەن وقۋشىنى قابىلداۋ بارىسىندا وقۋشىلار مەن اتا – اناسىنان ەشقانداي اقى الىنبايدى.
ءبىرىنشى، «كەزدەيسوق تالەيگە» سەنبەڭىز
ەمتيحان اياقتاعان سوڭ، زاڭسىز ەلەمەنتتەر وقۋشىلار مەن ولاردىڭ اتا – اناسىنىڭ ابىرجۋ، سالىمىن سىناۋ سىندى كۇردەلى كوڭىل – كۇيلەرىنەن پايدالانىپ، قولفون، ينتەرنەت ارقىلى جوعارى مەكتەپتەرگە قاتىستى ءتۇرلى ينفورماتسيالاردى تاراتىپ ەلىكتىرەدى، مىسالى: وقۋعا كومەكتەسۋ سيلىق قاراجاتىن تاراتۋ، وقۋشىلارعا كومەك قاراجاتىن بەرۋ، وقۋعا قابىلداۋ ۇقتىرۋىن جىبەرۋ ت. ب. ىزدەگەنگە سۇراعان دەگەندەي «اياق – استىنان كەلگەن تالەيگە» ءىشىنارا وقۋشىلار مەن ولاردىڭ اتا – اناسى بايىپتىلىقپەن ويلانباي، زاڭسىز ەلەمەنتتەردىڭ ەرتە باستان قۇرعان تۇزاعىنا تۇسكەنىن بىلمەي قالادى.
دۇرىس ءادىس: وقۋشىلار وزدەرى تۇرعان ولكەنىڭ وقۋشى قابىلداۋ قۇرىلىمدارىنىڭ رەسمي تورابىنا (نەمەسە ۋيچات تەكشەسى قاتارلى ينفورماتسيا جولدارىنا) نازار سالىپ وتىرۋى، جاريالانعان قىزمەت ءتارتىبى مەن تەكسەرۋ ادىستەرى بويىنشا، وقۋشى قابىلداۋعا قاتىستى وزدەرىنىڭ ينفورماتسيالارىن تەكسەرۋى كەرەك، بەيرەسمي ينفورماتسيالارعا سەنۋگە بولمايدى.
ەكىنشى، «جوعارى اقىمەن تالاپ كەستەسىن تولتىرۋعا جەتەكشىلىك ەتەتىن ماماندارعا» سەنۋگە بولمايدى
اتا – انالاردىڭ «ۇل – قىزىمنىڭ جولى اشىق بولسا ەكەن» دەگەن اتا – انالىق كوڭىل – كۇيىنەن، وتە – موتە، ۇل – قىزىنىڭ وزدەرى جەتپەگەن بيىكتەرگە جەتۋىن تىلەگەن كوڭىل – كۇيىنەن پايدالانىپ، ءىشىنارا ساۋدالىق قۇرىلىمدار تالاپ كەستەسىن تولتىرۋعا جەتەكشىلىك ەتۋدى نارىققا اينالدىردى. الاياقتاردىڭ ءتۇرلى جارنامالارى ادامدى الجاستىرادى، مىسالى: «سىزگە ۇيلەسەتىن مەكتەپتى ءدال تاۋىپ بەرەمىز»، « C9، 985، 211 ينجەنەريالارىنداعى مەكتەپتەرگە ءساتتى قابىلداناسىز»، «جوعارى مەكتەپتەردەگى تالاپ كەستەسىن تولتىرۋ ماماندارىنان ۇيىمداسقان بەدەلدى توپ»، «تالاپ كەستەسىن تولتىرۋداعى ساتتىلىك مولشەرى %99تەن جوعارى» ت.ب. ونىڭ ۇستىنە، مامانداردى «ارنايى ۇسىنىس ەتىلگەن مامان»، «باس مامان»، «جۇلدىز مامان»، «التىن مەدالدى مامان» دەپ اسپەتتەپ كورسەتەدى. الاتىن اقىسى دا ادامدى شوشىتادى، كەيبىرەۋى 39800 يۋاننان باستاپ، 50 مىڭ يۋانعا دەيىن اقى الادى. مۇنداي جوعارى اقىمەن تالاپ كەستەسىن تولتىرۋعا جەتەكشىلىك ەتەتىن مامانداردىڭ ارەكەتى بۇكىلدەي جۇيەسىز نارىقتىق ارەكەت، بۇلاردىڭ ىشىندە الدامشىلار دا تولىپ ءجۇر.
ءۇشىنشى، «مەكتەپتىڭ شاقىرتۋىن اقشامەن ساتىپ الۋ» جانە «مەكتەپتىڭ شاقىرتۋىن ارناۋلى جولدارمەن الۋ» دەگەنگە سەنۋگە بولمايدى
جىل سايىن اتالمىش «ىسكەر ادام»، «مىقتى ادام» تونىن جامىلعان الاياق الدامكوستەر جىلپوستىقپەن ارەكەتكە كىرىسەدى، ولار وزدەرىن جوعارى مەكتەپتىڭ نەمەسە ولكەلىك وقۋشى قابىلداۋ كەڭسەسىندەگى بەلگىلى باستىقتىڭ تانىس – ءبىلىسى ەتىپ كورسەتىپ، جوعارى مەكتەپ ەمتيحانىندا ناتيجەسى ويداعىداي بولماعان نەمەسە قاتاردان قالىپ قويعان، وتباسىنىڭ ەكونوميكالىق شارت – جاعدايى ءبىرشاما جاقسى وقۋشىلار مەن ولاردىڭ اتا – انالارىنا وزدەرىنىڭ اقشا تولەۋ ارقىلى «مەكتەپ باستىعى ارنايى بولگەن ساندى»، «مەكتەپتىڭ ىشكى بولەگىندەگى ارنايى بولىنگەن ساندى»، «جوسپاردان سىرت بولىنگەن ساندى»، «ارنايى قابىلدايتىن ساندى» الىپ بەرە الامىن، ياكي، وقۋشىنى دەربەس قابىلداۋ سىندى جولدار ارقىلى وقۋشىلاردىڭ «تومەن نومىرمەن جوعارى مەكتەپكە ءوتۋ» تالابىن قاناعاتتاندىرىپ، وقۋشىلاردى ۇناتقان مەكتەبىنە، ۇناتقان كاسىبىنە قابىلداتا الامىن دەپ سوعادى، وسى ارقىلى زاڭسىز پايداعا كەنەلەدى.
مىنانى ەستە بەرىك ساقتاڭىز، جوعارى مەكتەپكە وقۋشى قابىلداۋدا قاتاڭ دا جۇيەلى قابىلداۋ ءتارتىبى جانە قاداعالاۋ - باقىلاۋ مەحانيزمى بولادى، «اقشا تولەۋ ارقىلى ۋنيۆەرسيتەتكە ءوتۋ» رەالدىققا مۇلدە جاناسپايتىن، ىسكە اسپايتىن جۇمىس. جوعارى مەكتەپكە وقۋشى قابىلداۋ جاعىندا اتالمىش ىشكى جاقتاعى ارنايى بولىنگەن سان بولمايدى، جوعارى مەكتەپكە وقۋشى قابىلداۋ قىزمەتى مەكتەپتىڭ ارنايى قاداعالاۋىندا بولۋدان سىرت، ولكە دارەجەلى وقۋشى قابىلداۋ قۇرىلىمدارى وقۋشى قابىلداۋ بارىسىن قاداعالاپ - باقىلاپ وتىرادى.
ءتورتىنشى، جالعان ۋنيۆەرسيتەتتەرگە سەنۋگە بولمايدى
جۋىرداعى جىلداردان بەرى، زاڭسىز ەلەمەنتتەر رەسمي جوعارى مەكتەپتەردىڭ اتىنا ۇقساتىلعان اتتاعى مەكتەپ نەمەسە جوعارى مەكتەپتەردىڭ تورابىنا ەلىكتەپ جۇرتتىڭ كوزىن كولەگەيلەيتىندى شىعاردى، ونىڭ ۇستىنە، جۇڭگو، بەيجيڭ، استانا، سولتۇستىك جۇڭگو، شىعىس جۇڭگو، قازىنا، باسقارۋ، ەكونوميكا قاتارلى نازاردى اۋداراتىن سوزدەر ارقىلى مەكتەپ اتىن جالعاننان جاساپ، ينتەرنەتتە جانە ينتەرنەتتەن تىس الدامكوستىك ىستەيدى. وقۋ – اعارتۋ مينيسترلىگى جىل سايىن رەسمي توراپتا سول جىلعى بۇكىل ەلىمىزدەگى وقۋشى قابىلدايتىن جوعارى مەكتەپتەردىڭ تىزىمدىگىن جاريالاپ وتىرادى، وسى تىزىمدىكتەن تابىلماعانداردىڭ ءبارى رەسمي وقۋ ماعلۇماتىن بەرە الاتىن وقۋ – اعارتۋ، تاربيەلەۋ قۇرىلمدارى ەمەس نەمەسە جالعان مەكتەپ، وقۋشىلار مەن ولاردىڭ اتا – انالارى مۇقيات تەكسەرىپ، كۇماندى جاعداي بولسا جەرگىلىكتى ولكە دارەجەلى وقۋ – اعارتۋ سالاسىنىڭ اكىمشىلىك قۇرىلىمدارمەن حابارلاسىپ، تەكسەرىپ كورۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
